ما شيڭرۇي، ەركىن تۇنياز، نۇرلان ءابىلماجىن، جاڭ ۋيشيڭ، حى جۇڭيوۋ قاتىستى قيمىلدارعا قاتىناستى
انار بۇلت \ شينجياڭ گازەتىنىڭ تىلشىلەرى لياڭ ليحۋا، يان شياۋتيان 6 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق مۇگەدەكتەر بىرلەستىگىنىڭ 8 - قۇرىلتايى 6 - ايدىڭ 17 - كۇنى ۇرىمجىدە وتكىزىلدى.
قۇرىلتاي اشىلاردان بۇرىن، اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن قاتارلىلار قۇرىلتايعا قاتىناساتىن ۋاكىلدەرمەن كەزدەستى ءارى كوپشىلىكپەن بىرگە ەستەلىك سۋرەتكە ءتۇستى. جۇڭگو مۇگەدەكتەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى جاڭ ۋيشيڭ كەزدەسۋگە قاتىناستى ءارى ارناۋ ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ كەزدەسۋگە قاتىناستى ءارى قۇرىلتايدا ءسوز سويلەدى.
جاڭ ۋيشيڭ ارناۋ سوزىندە بىلاي دەپ اتاپ كورسەتتى: اۆتونوميالى رايوندىق پارتكوم مەن ۇكىمەت مۇگەدەكتەرگە ايرىقشا كوڭىل ءبولدى، مۇگەدەكتەر ىستەرىنىڭ دامۋىنا وسكەلەڭ ءمان بەردى، سونىمەن شينجياڭنىڭ مۇگەدەكتەر ىستەرىنىڭ دامۋى تىڭ ساتىعا قادام تاستادى. نازاريامەن قارۋلانۋدى تەرەڭدەتىپ، ساياسي قۇرىلىستى شىنايى كۇشەيتىپ، باس شۋجي شي جينپيڭنىڭ مۇگەدەكتەر ىستەرى جونىندەگى ماڭىزدى بايىمداۋلارى مەن نۇسقاۋلارىنىڭ رۋحىن شينجياڭنىڭ مۇگەدەكتەر ىستەرىن دامىتۋدىڭ جاندى امالياتىندا تياناقتاندىرۋ، ناقتىلاندىرۋ كەرەك. قىزمەت كەلەلى جاعدايىمەن توعىسىپ، مۇگەدەكتەرگە ارنالعان قوعامدىق قامتاماسىزداندىرۋ ءتۇزىمى مەن قامقورلىق جاساۋ، قىزمەت وتەۋ جۇيەسىن ۇزدىكسىز كەمەلدەندىرىپ، ءار جاقتىڭ كۇشىن جۇمىلدىرىپ، ۇيىستىرىپ، مۇگەدەكتەر ىستەرىنىڭ جاپپاي دامۋىن ىلگەرىلەتۋ كەرەك. حالىقتى بارىنەن جوعارى قويۋعا تاباندى بولىپ، مۇگەدەكتەرگە قاتىستى حالىق تۇرمىسى ىستەرىن كۇش سالا قامتاماسىزداندىرۋ جانە جاقسارتۋ كەرەك. ۇزدىكسىز رەفورما جاساپ، جاڭالىق اشىپ، مۇگەدەكتەر بىرلەستىگىنىڭ كوپىرلىك، دانەكەرلىك رولىن شىنايى ويداعىداي ساۋلەلەندىرىپ، زەيىن - زەردە مەن كۇش - قۋاتتى اياماي مۇگەدەكتەردىڭ باقىتىن كوزدەپ، مۇگەدەكتەردىڭ جان اشىرى بولۋ كەرەك.
حى جۇڭيوۋ اۆتونوميالى رايوندىق پارتكوم مەن ۇكىمەت اتىنان قۇرىلتايدىڭ اشىلعاندىعىن قىزۋ قۇتتىقتادى. ول بىلاي دەپ باسا دارىپتەدى: پارتيانىڭ باسشىلىعىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، نەگىزگى تاقىرىپتىق تاربيەنى ىشكەرىلەي ورىستەتىپ، ”ەكىنى تۇراقتاندىرۋدى“ قورعاۋدى، ”ەكىنى قورعاۋدى“ ورىنداۋدى جۇرت تىلەگىن ۇيىستىرۋدا تياناقتاندىرۋ كەرەك. السىزدەردى دەمەۋگە تاباندى بولىپ، مۇگەدەكتەردىڭ ۇقىق - مۇددەسىن زاڭ بويىنشا قامتاماسىزداندىرىپ، مۇگەدەكتەرگە پارتيا مەن ۇكىمەتتىڭ جانە بۇكىل قوعامنىڭ مەيىرىن جەتكىزۋ كەرەك. نيەتتەس، باعىتتاس بولۋعا تاباندى بولىپ، نەگىزگى تۇلعالىق رولدى ساۋلەلەندىرىپ، مۇگەدەكتەردى كاسىپتىك شەبەرلىككە باۋلۋدى كۇشەيتىپ، مۇگەدەكتەردىڭ ەڭبەك ىستەۋ، جۇمىسقا ورنالاسۋ ۇقىق - مۇددەسىن زاڭ بويىنشا قورعاپ، مۇگەدەكتەردىڭ جوعارى ساپالى دامۋدى ىلگەرىلەتۋگە ات سالىسۋشى، ۇلەس قوسۋشى جانە ونان بىرگە يگىلىكتەنۋشى بولۋىنا مۇمكىندىك جاساۋ كەرەك. بىردەي يگەرۋگە، بىرگە ىلگەرىلەتۋگە تاباندى بولىپ، كەڭ كولەمدە كۇش ۇيىستىرىپ، كۇش بىرىكتىرۋ ارقىلى مۇگەدەكتەر ىستەرىن جاپپاي دامىتۋدا جاڭا جاعداي اشۋ كەرەك.
اۆتونوميالى رايوندىق ايەلدەر بىرلەستىگى بۇقارالىق توپ ۇيىمدارى اتىنان قۇتتىقتاۋ ءسوزىن سويلەدى. باۋىرلاس ولكە، قالالاردىڭ مۇگەدەكتەر بىرلەستىكتەرى قۇرىلتايدىڭ اشىلۋى بايلانىسىمەن قۇتتىقتاۋ تەلەگرامماسىن جولدادى.
قۇرىلتاي «اۆتونوميالى رايوندىق مۇگەدەكتەر بىرلەستىگى 7 - كەزەكتى ءتوراعالار القاسىنىڭ قىزمەت بايانداماسىن» تالقىلاپ ماقۇلدادى؛ اۆتونوميالى رايوندىق مۇگەدەكتەر بىرلەستىگى 8 - كەزەكتى باسشىلىق قۇرىلىمىنىڭ مۇشەلەرىن سايلاپ شىقتى، ەركىن تۇنياز اۆتونوميالى رايوندىق مۇگەدەكتەر بىرلەستىگى 8 - كەزەكتى ءتوراعالار القاسىنىڭ قۇرمەتتى ءتوراعاسى، ليۋ سۋشى اۆتونوميالى رايوندىق مۇگەدەكتەر بىرلەستىگى 8 - كەزەكتى ءتوراعالار القاسىنىڭ ءتوراعاسى بولدى، شيا جيانشين اۆتونوميالى رايوندىق مۇگەدەكتەر بىرلەستىگى 8 - كەزەكتى اتقارۋ القالار كەڭەسىنىڭ القا باستىعى بولدى. قۇرىلتايدا جۇڭگو مۇگەدەكتەر بىرلەستىگىنىڭ مەملەكەتتىك 8 - قۇرىلتايىنا اۆتونوميالى رايونىمىزدان قاتىناساتىن ۋاكىلدەر دە سايلاندى.
لي نيڭپيڭ، ليۋ سۋشى، لي شۇي قاتارلىلار قاتىستى قيمىلدارعا قاتىناستى.
