□ انار بۇلت \ شينجياڭ گازەتىنىڭ ءتىلشىسى ليۋ دۇڭلاي
تيانشان الابىندا قازىر سۋ جاعدايى جاقسارىپ كەلەدى.
شينجياڭنىڭ ەكونوميكالىق، قوعامدىق دامۋىنىڭ جان تامىرى رەتىندە، سۋ نەگىزدىك سيپاتتى جاراتىلىستىق بايلىق جانە ستراتەگيالىق سيپاتتى ەكونوميكالىق بايلىق بولىپ تابىلادى. اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ماجىلىسىندە: سۋ ۇنەمدەۋ، سۋ ساقتاۋ، سۋ جەتكىزۋ قىزمەتىن ءبىر تۇتاس جوسپارلاپ، ويداعىداي ىستەپ، شينجياڭنىڭ باياندى دامۋىنداعى سۋ بايلىعىنىڭ شەكتەۋ، بوگەت بولۋ ماسەلەسىن كۇش سالا شەشىپ، جوعارى ساپالى دامۋعا سۋ تىرەگىن، سۋ قامتاماسىزدىعىن ازىرلەۋ كەرەك، - دەپ باسا دارىپتەلدى.
شينجياڭ قانداي شارت - جاعداي ازىرلەپ، شەكتەۋدى، بوگەتتەردى تالقانداۋى كەرەك؟ تاعى قالاي جۇيەلى كۇش سالىپ، جوعارى ساپالى دامۋ ءۇشىن بەرىك تىرەك جانە قامتاماسىزدىق ازىرلەۋى كەرەك؟ ناقتى ىستەرمەن شۇعىلدانۋ جولى ۇزدىكسىز كەڭەيىپ كەلەدى.
شىندىقتى ءىس جۇزىنەن ىزدەي وتىرىپ سۋ جاعدايىن انىقتادى
كروران بايىرعى قالاسى قۇمدى شولدە ءۇنسىز عانا بوي سوزىپ تۇر، ”قۋاڭ سارى ءتۇس“ بۇكىلدەي نەگىزگى ءتۇس. ەسكى جۇرتتىڭ ماڭىندا بايىرعى وزەن ارناسىنىڭ ءىزى ءالى دە ايقىن كورىنەدى. ايتسەدە، جاسىل ءتۇس تە تىم الىس ەمەس، كروران بايىرعى مەكەنىنىڭ ماڭىندا لوپنۇر، چارقىلىق سياقتى جاسىل القاپتار گۇلدەنىپ - كوركەيىپ، وڭتۇستىك شينجياڭنىڭ قوعامدىق دامۋىنىڭ جالىندى ومىرشەڭدىك كۇشىن ايگىلەۋدە. تارىم وزەنى، كونچى وزەنى، چەرشەن وزەنى سياقتى وزەندەر يرەلەڭدەي اعىپ، وسى جاسىل القاپتاردىڭ گۇلدەنۋىن ءتۇبىرلى ەكولوگيالىق تىرەكپەن قامداۋدا.
شينجياڭدا قۇمدى شولدەرگە، قۇبا تۇزدەرگە ءسان بەرىپ تۇرعان جاسىل القاپ وركەنيەتى ەجەلدەن وزەندەردى سۇيەنىش ەتكەن. سان مىڭ جىلدان بەرى وزەندەردىڭ ارناسىن جاڭالاۋى جاسىل القاپ وركەنيەتىنىڭ گۇلدەنىپ - كوركەيۋىندەگى، قۇرىپ - جوعالۋىنداعى شەشۋشى فاكتور بولىپ كەلگەن. الايدا قازىر تۋىلىپ وتىرعان ءتۇبىرلى سيپاتتى وزگەرىس: ادامزاتتىڭ تابيعاتتى جاقسارتۋ تەحنيكالىق قابىلەتىنىڭ جوعارىلاعاندىعى بولدى.
”ءبىزدىڭ تابيعات دۇنيەسىمەن اناعۇرلىم تەرەڭ قاتپارلى ىقپالداستىق جاساساتىن قابىلەتىمىز جانە شارت - جاعدايىمىز بار“، - دەدى شينجياڭ تارىم وزەنى الابىن باسقارۋ مەكەمەسىنىڭ ورىنباسار باستىعى ۋاڭ فۋيۇڭ. تەحنيكا قولدانىلعاندىقتان، ارناسىنىڭ جاڭالانعانىنا تالاي جىل بولعان چەرشەن وزەنى 2022 - جىلى تارىم وزەنى سۋ جۇيەسىنە قايتا قوسىلعاندىعى سەبەپتى تۇتاس تارىم وزەنى الابىنىڭ سۋ بايلىعىن ۇلەستىرۋ كەڭىستىگىن بارىنشا كەڭەيتتى. اۆتونوميالى رايوندىق پارتكومنىڭ باسشىلىعىنىڭ، تەحنيكالىق قابىلەتتىڭ ءونىمدى تىرەك بولۋىنىڭ ارقاسىندا وڭتۇستىك شينجياڭنىڭ جەر - جەرى 2022 - جىلى تارىم وزەنى الابىندا تۋىلعان تاريحتاعى كۇشتى تاسقىننان اسىپ تۇسكەن سۋ اپاتىنا ءساتتى توتەپ بەردى ءارى زياندى پايداعا اينالدىرىپ، تاسقىندى بايلىققا اينالدىرىپ پايدالانۋدى ءونىمدى تۇردە جۇزەگە اسىردى.
ال، شينجياڭ جاڭا ءبىر تاريحي ورايعا دا يە بولدى: جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنى سياقتى كوپتەگەن عىلمي زەرتتەۋ قۇرىلىمدارىنىڭ باقىلاۋ - ولشەۋىنە قاراعاندا، شينجياڭداعى باسىم كوپ ساندى وزەن الاپتارى الداعى ءبىر مەزگىلدە سۋ قاينارى مول بولۋ سىندى ءتيىمدى ورايعا يە بولادى ەكەن. سونىمەن بىرگە شينجياڭ جاعراپيالىق جاقتا سالىستىرمالى تۇردە تۇيىق بولعاندىقتان، تارىم وزەنى سۋ جۇيەسىن ۋاكىل ەتكەن وزەندەر، نەگىزىنەن، شينجياڭ وڭىرىندە اعىپ، سۋ بايلىعىن ءبىر تۇتاس باسقارۋ ءۇشىن ءتيىمدى شارت - جاعداي ازىرلەگەن.
ايتسەدە، شينجياڭنىڭ سۋ بايلىعىنىڭ ”ولقىلىقتارى“ دا بەسەنەدەن بەلگىلى بولىپ تۇر. قۋاڭ ىشكى قۇرلىققا ورنالاسقان شينجياڭدا ىلە اڭعارى سياقتى از ساندى وڭىرلەردەن سىرت، باسىم كوپ ساندى وڭىرلەردە جاراتىلىستىق جاۋىن - شاشىن مولشەرى ەرەكشە از بولادى، باستىسى، وزەندەردەن كەلگەن سۋعا سۇيەنەدى، اۋىل شارۋاشىلىعىنا پايدالانىلاتىن سۋ سۋارمالى اۋىل شارۋاشىلىعىن نەگىز ەتەدى. سونىمەن بىرگە سۋ بايلىعىنىڭ ۋاقىت، كەڭىستىك ورنالاسۋى بىركەلكى ەمەس، جالپى جاقتان العاندا باتىسىندا كوپ، شىعىسىندا از، سولتۇستىگىندە كوپ، وڭتۇستىگىندە از، تاۋلى وڭىرىندە كوپ، جازىعىندا از بولۋ جاعدايى كورنەكتى، ونىڭ ۇستىنە سۋ بايلىعىنىڭ تارالۋى ەكونوميكالىق دامۋدىڭ ورنالاستىرىمىمەن ساي كەلمەيدى، وزەن ارناسىنىڭ تابيعي اعىنىنىڭ جىل ىشىندەگى ءبولىسى وتە بىركەلكىسىز.
ەگەر سۋ بايلىعىن باسقارۋ، پايدالانۋ تاراۋلار اراسىندا، وڭىرلەر اراسىندا، وزەن الابى اراسىندا بىتىراندى باسقارىلۋ، اركىم ءوز بەتىمەن كەتۋ كۇيىندە قالسا، وندا سۋ بايلىعىنىڭ قۇرىلىمدىق تاپشىلىعىن شەشۋ ەرەكشە قيىنعا سوعادى. بىتىراندى، ءبولىپ تاستالعان باسقارۋ ءتۇزىلىسى شينجياڭنىڭ سۋ بايلىعىنان جوعارى ءونىمدى پايدالانۋعا تۇساۋ بولاتىن ەڭ ۇلكەن بوگەتكە اينالادى. جاڭبىر وتە از شينجياڭدا سۋ ۇنەمدەۋ، سۋ ساقتاۋ، سۋ جەتكىزۋ قىزمەتىنىڭ ونىمدىلىگىنىڭ قالاي بولۋى ەكونوميكالىق، قوعامدىق دامۋدىڭ ”سۋ قوزعاۋشى كۇشىنىڭ“ جەتكىلىكتى بولۋ - بولماۋىنا تىكەلەي قاتىستى.
ءبىر تۇتاس باسقارىپ، بوگەتتەردى تالقاندادى
بوگەتتەردى تالقانداۋ ءۇشىن الدىمەن نەگىزگى جاعدايدى انىقتاۋ كەرەك. ءبىر جىلدان استام ۋاقىتتان بەرى اۆتونوميالى رايوندىق پارتكومنان تارتىپ نەگىزگى ساتىداعى سۋ يگىلىگى تاراۋلارىنا دەيىن تىڭعىلىقتى، ەگجەي - تەگجەيلى تەكسەرۋ - زەرتتەۋ ءارقايسى ساتىلاردا ورىستەتىلدى. تەكسەرۋشىلەر شينجياڭداعى نەگىزگى وزەن - كولدەردى، كەلەلى سۋ يگىلىگى ينجەنەريالارىن تەگىس ارالاپ، قاينارىن بارلاپ، نەگىزگى جاعدايدى انىقتاپ، ماسەلەلەردى زەرتتەپ، جوعارىدان تومەنگە دەيىن ىزدەنىس جاساپ، تاماشا شارا قاراستىردى.
سۋ جاعدايىن تولىق يگەرۋ نەگىزىندە قامال الۋ شاراسىندا، ەڭ اۋەلى، كوپ جاقتى باسقارۋدى، بىتىراندى باسقارۋدى شەشۋدەن كىرىسىپ، شينجياڭ ”ءبىر تۇتاس جۇيە“ يدەياسىن بەرىك ورناتىپ، جۇيەلى وي جۇگىرتۋگە تاباندى بولىپ، بۇكىل شينجياڭنىڭ سۋ بايلىعىن تۇتاس تۇلعا رەتىندە جوسپارلاپ، ءبىر تۇتاس باسقارىلاتىن، جۇيەلى ىلگەرىلەتىلەتىن، شوعىرلى، جوعارى ءونىمدى سۋ بايلىعىن باسقارۋ جۇيەسىنىڭ قالىپتاسۋىن ىلگەرىلەتتى.
2022 - جىلى 9 - ايدىڭ 23 - كۇنى شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى، بۇل شينجياڭنىڭ سۋ يگىلىگىن دامىتۋ رەفورما تاريحىنداعى بەلگى سيپاتتى مانگە يە ءىرى ءىس. شينجياڭدا وسىدان باستاپ سۋ يگىلىگىنە قارجى قوسۋ - قارجى قۇراۋ، جوبالاۋ - كەڭەس سۇراۋ، ينجەنەريا قۇرىلىسى، اينالىمدى باسقارۋ، كوپ نەگىزدى تيجارات جۇرگىزۋ سياقتىلاردى ءبىر تۇلعالاندىرعان سۋعا ساياتىن باستاماشى كاسىپورىن بار بولدى.
شينجياڭ سۋ يگىلىگىن دامىتۋعا قارجى قوسۋ توبى شينجياڭنىڭ سۋ يگىلىگى قۇرىلىسىنىڭ زور دامۋىنا قارجى قوسۋ - قارجى قۇراۋ تۇعىرى، شينجياڭنىڭ سۋ بايلىعىنان عىلمي، جوعارى ءونىمدى پايدالانۋ، ۇلەستىرۋ تۇعىرى، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن سۋ حاۋىپسىزدىگىمەن قامتاماسىز ەتۋ تۇعىرى سىندى سۋعا ساياتىن 3 ءىرى تۇعىردىڭ يقۋاتىن ارقالاپ وتىر. ”سۋعا ساياتىن باستاماشى كاسىپورىن قۇرۋ ارقىلى مەملەكەت مەنشىگىندەگى مال - مۇلىكتى ىسكە قوسىپ، سۋ يگىلىگىنە قارجى قوسۋعا، قارجى قۇراۋعا تاماشا نەگىز قالادىق“، - دەدى سۋ يگىلىگىن دامىتۋعا قارجى قوسۋ توبىنىڭ باس ديرەكتورى مەي يۇي.
بيىل 4 - ايدىڭ 25 - كۇنى اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ 1 - ءماجىلىسى اشىلدى، بۇل شينجياڭنىڭ الاپ بويىنشا باسقارۋ، ءوڭىر بويىنشا باسقارۋ، ءبولىپ باسقارۋ سىندى كونە ءتۇزىلىستى تالقانداپ، بۇكىل رايون بويىنشا بىرلىككە كەلگەن سۋ بايلىعىن ورنالاستىرۋ، باسقارۋ جۇيەسىن بىرتىندەپ قۇرعاندىعىن بەينەلەيدى.
”ءبىر تۇتاستىقتىڭ“ تەبىنىن كۇشەيتۋ ارقىلى شينجياڭ وزەن الاپتارىن عىلمي ءبىر تۇتاس جوسپارلاۋدى، سۋ قاينارىن اشۋعا، سۋ قاينارىن ۇنەمدەۋگە تەڭ ءمان بەرۋدى، قىسقا مەرزىمگە، ۇزاق ۋاقىتقا تەڭ ءمان بەرۋدى كۇشەيتتى؛ بيڭتۋان مەن جەرگىلىكتى ورىندى ءبىر تۇلعالاندىرۋعا تاباندى بولىپ، الاپتىڭ كەشەندى جوباسى، تاسقىننان ساقتانۋ بويىنشا ورنالاستىرۋ، سۋ بايلىعىن ۇلەستىرۋ سياقتى سالالارداعى سايكەسۋدى، سەلبەسۋدى كۇشەيتىپ، سۋ بايلىعىن عىلمي، ۇيلەسىمدى ۇلەستىرۋدىڭ قىزمەت بىرىككەن كۇشىن قالىپتاستىردى. سۋ ۇنەمدەۋدى الدىمەن ويلاستىرۋ سىندى ءتۇبىرلى باعىتتى، كەڭىستىكتە بىركەلكى بولۋ كەلەلى پرينسيبىن، جۇيەلى تىزگىندەۋدىڭ يدەيالىق ءادىسىن، ەكى جاقتان كۇش جۇمساۋدىڭ نەگىزگى تالابىن سۋدى تىزگىندەۋدىڭ، سۋ يگىلىگىن گۇلدەندىرۋدىڭ ءارقايسى بۋىندارىمەن، تۇتاس بارىسىمەن شىن مانىندە ساباقتاستىردى، ايگىلەدى.
كوپ ءتۇرلى شارانى قاتار قولدانىپ بولاشاققا جول الدى
شينجياڭنىڭ جەر ءۇستى سۋ بايلىعى مولشەرى تالاي جىلدان بەرى ورتا ەسەپپەن شامامەن 83 ميلليارد 400 ميلليون تەكشەمەتر بولىپ كەلەدى، ونىڭ ۇستىنە وزەن - كولدەردىڭ باسىم كوبى دەربەس جابىق سۋ جۇيەسىنە جاتادى، قايتكەندە بۇكىل شينجياڭ كولەمىندە ساپالى ۇلەستىرىپ، تولىق پايدالانىپ، سۋ بايلىعىنىڭ ونىمدىلىگىن ەڭ جوعارى شەكتە ساۋلەلەندىرۋىنە مۇمكىندىك جاساۋعا بولادى؟ ءبىر تۇتاس باسقارۋ نەگىزىندە سۋ بايلىعىن باسقارۋدىڭ ۇتىمسىز ۇلگىدەن قۇنتتى، عىلمي بولۋعا قاراي بۇرىلىس جاساۋىن ىلگەرىلەتۋ، ءسوز جوق، باسىپ وتەتىن جول.
2022 - جىل اۆتونوميالى رايون ”جالپى مولشەرىن تىزگىندەۋ + يكەمدى ۇلەستىرۋ“ سىندى سۋ بايلىعىن اشۋ، پايدالانۋ ۇلگىسىن جاڭالىق اشا زەرتتەپ، ىزدەنىس جاساپ اتقارىپ، كورسەتكىش كولەمىندەگى سۋدان تولىق، ويداعىداي پايدالانۋمەن قاتار، سۋ مول مەزگىلدەگى ارتىق سۋدى يكەمدى سۋ مولشەرى رەتىندە ۇيلەسىمدى ۇلەستىردى.
اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ءماجىلىسى اشىلعاننان كەيىن، اۆتونوميالى رايوندىق سۋ يگىلىگى مەڭگەرمەسى يدەيانى ونان ارى ازات ەتىپ، كوزقاراستا بۇرىلىس جاساپ، سۋ بايلىعىن باسقارۋدى، جونگە سالۋدى جاڭا دامۋ ارناسىنا قويىپ تىڭنان تانىپ جانە بارلاي قاراپ، ىشكەرىلەي تەكسەرۋ - زەرتتەۋ جۇرگىزدى. وتكەن ءبىر جىلدىق قىزمەت نەگىزىندە باعداردى ونان ارى ايقىندادى.
”ءبىز شينجياڭنىڭ وڭىرلىك جاعدايىنا باعىتتاپ، سۋ ۇنەمدەۋ، سۋ ساقتاۋ، سۋ جەتكىزۋ قىزمەتىن تىڭعىلىقتى ىستەپ، تاسقىن اپاتى مەن قۋاڭشىلىق اپاتىنان ساقتانۋ قابىلەتىن، سۋ بايلىعىن شوعىرلى، ۇنەمدى پايدالانۋ قابىلەتىن، سۋ بايلىعىن ساپالى ورنالاستىرۋ قابىلەتىن، ۇلكەن داريالاردىڭ، ۇلكەن وزەندەردىڭ، ۇلكەن كولدەردىڭ ەكولوگيالىق ورتاسىن قورعاۋ، جونگە سالۋ قابىلەتىن شىن مانىندە جوعارىلاتىپ، جاڭا كەزەڭدەگى شينجياڭنىڭ سۋ يگىلىگىنىڭ جوعارى ساپالى دامۋىن كۇش سالا ىلگەرىلەتىپ، اۆتونوميالى رايوندىق پارتكومنىڭ سۋ يگىلىگى قىزمەتى جونىندەگى جاڭا ورنالاستىرۋلارىن، جاڭا تالاپتارىن قاز - قالپىندا تياناقتاندىرىپ، ناقتىلاندىرىپ، ناتيجە شىعارامىز“، - دەدى اۆتونوميالى رايوندىق سۋ يگىلىگى مەڭگەرمەسىنىڭ ورىنباسار باستىعى جياۋ چۋانشي.
”جالپى ءماجىلىس رۋحىنا تۋرالانىپ، سۋ يگىلىگىندە عىلىم - تەحنيكادا جاڭالىق اشۋ سەرپىنىن ونان ارى ارتتىرىپ، سۋ بايلىعىن ساپالى ۇلەستىرۋ مەن كەلەلى سۋ يگىلىگى ينجەنەريالىق قۇرىلىستارىن ارقاۋ ەتىپ، ءتۇيىندى سالالاردا عىلمي - زەرتتەۋدەن، عىلىم - تەحنيكادا جاڭالىق اشۋدان قامال الۋدى ىلگەرىلەتىپ، سۋ يگىلىگىنىڭ جوعارى ساپالى دامۋىنا عىلىم - تەحنيكالىق تىرەك ازىرلەيمىز“، - دەدى 2023 - جىلعى مەملەكەتتىك 1 - مامىر ەڭبەك مەدالىنىڭ يەگەرى، شينجياڭ سۋ يگىلىگى، سۋ ەلەكتر عىلمي زەرتتەۋ مەكەمەسىنىڭ ورىنباسار باستىعى باي يۇنگاڭ.
بەلسەندى وزگەرىستەر قاشاندا تۋىلىپ تۇرادى. تاياۋدا اقتاۋ اۋدانىنىڭ قاتپارلى تاۋ قويناۋىندا، قورعان سۋ يگىلىگى تورابى سۋدى ءساتتى ىركىدى، كۇسان وزەنىندەگى وسى بىردەن - ءبىر تاۋلى وڭىردەگى مەڭگەرمەلى سۋ يگىلىگى تورابى ينجەنەرياسى سالىنىپ بىتكەننەن كەيىن تومەنگى اعارداعى سۋارىلمالى ءوڭىردىڭ ەگىن شارۋاشىلىعىن سۋلاندىرۋعا كەپىلدىك ەتۋ مولشەرى ％40تەن ％75كە جوعارىلايدى ءارى تومەنگى اعاردىڭ تاسقىننان ساقتانۋ يقۋاتىن بارىنشا جوعارىلاتادى. مىنە، بۇل شينجياڭنىڭ سۋ يگىلىگى نەگىزدىك قۇرىلعىلارىنىڭ جەدەل سالىنۋىنىڭ ىقشام كورىنىسى. بيىل شينجياڭ سۋ تورى تىرەكتى ينجەنەريالارىنان ءبىر توبىن جەدەل سالىپ، سالىنعان ينجەنەريالاردىڭ ءونىم مولشەرىنە، ونىمدىلىككە جەتۋىن ىلگەرىلەتەدى. تۇتاس جىلدا سۋ يگىلىگىنە 28 ميلليارد 500 ميلليون يۋان قارجى قوسۋ نىسانا - مىندەتىن كوزدەپ، وڭتۇستىك شينجياڭنىڭ سۋ بايلىعىن زاپاس ساقتاۋ قابىلەتى مەن سۋ ساقتاۋ ارقىلى رەتتەۋ قابىلەتىن اناعۇرلىم كۇشەيتەدى.
شينجياڭ اۋىل شارۋاشىلىعىنا پايدالانىلاتىن سۋمەن قامداۋعا كەپىلدىك ەتۋ، سۋارۋعا كەپىلدىك ەتۋ بويىنشا رەتتەۋدى اناعۇرلىم كۇشەيتىپ، قامداۋ مەن قاجەتسىنۋدى ءتۇيىلىستىرۋدى كۇشەيتىپ، سۋ مولشەرىن دالمە - ءدال ۇلەستىرىپ، قازىرگى سۋ مول تەرەزەلىك مەزگىلدەن تولىق پايدالانىپ، سۋ ۇنەمدەۋ، سۋ ساقتاۋ، سۋ جەتكىزۋ قىزمەتتەرىن ءبىر تۇتاس ويداعىداي جوسپارلاپ، جاڭادان كوبەيگەن 4 ميلليون 800 مىڭ مۋ استىق ەگىلەتىن اۋماقتى سۋارۋعا پايدالانىلاتىن سۋدى باتىلدىقپەن ويداعىداي قامتاماسىز ەتىپ، سۋارۋعا تيىستىلەرىن مۇمكىندىگىنشە سۋارىپ، قامداۋعا تيىستىلەرىن مۇمكىندىگىنشە قامداپ، كەپىلدىك ەتۋگە تيىستىلەرىنە مۇمكىندىگىنشە كەپىلدىك ەتەدى. جەر استى سۋىن ۇيلەسىمدى اشىپ، جەر استى سۋى دەڭگەيىنىڭ وزگەرىس جاعدايىن باقىلاۋ - ولشەۋدى كۇشەيتىپ، ارتىق اشقان وڭىرلەردى جالپىلىق جونگە سالۋدى كۇشەيتىپ، جەر استى سۋىن اشۋ - پايدالانۋ جالپى مولشەرىن تىزگىندەۋ قىزىل سىزىعىن قاتاڭ ساقتايدى.
وسى ۇلى رەفورما ونىمدىلىكتەرى سوڭىندا بۇقارانىڭ داعدىلى تۇرمىسىندا ايگىلەندى. لوپنۇر اۋدانىنىڭ تارىم اۋىلىنداعى ماقتا ەگۋشى لي حۇڭياننىڭ 700 مۋ ماقتا اتىزىندا تامشىلاتىپ سۋارۋ قىرىنىڭ اينالاسىنداعى ماقتا مايسالارى قاۋلاپ وسۋدە. ونىڭ اتىزى تارىم وزەنىنىڭ بويىندا، ايتسەدە، بۇرىن وزەندە قانشالىق سۋ بولسا دا، وعان ۇلەستىرىلەتىن سۋ مولشەرى تۇراقتى بولىپ، سۋدان پايدالانۋ نەگىزگى قاجەتىن عانا قامتاماسىز ەتە الاتىن. ”تالاي جىلدان بەرى سۋدى ۋايىمداپ كەلگەن ەدىم، ءبىراق بيىل سۋ كوپ كەلدى، ماقتاعا پايدالانىلاتىن سۋ جەتكىلىكتى بولعاندىقتان، بار زەيىنىمدى قايتكەندە اناعۇرلىم جاقسى تەحنيكادان پايدالانىپ، مۇنان دا ساپالى ماقتا ەگۋگە بولادى دەگەنگە جۇمسايتىن بولدىم“، - دەدى لي حۇڭيان.
