ورتالىق تەلەۆيزياسى تورىنىڭ حابارى: وقۋ – اعارتۋ مينيسترلىگى سايتىنىڭ حابارىنا قاراعاندا، وقۋ – اعارتۋ مينيسترلىگىنىڭ ”2023 - جىلعى جوعارى مەكتەپ ەمتيحانىن قورعاۋ ارەكەتىنىڭ“ ورنالاستىرۋىنا ساي، بۇكىل ەلدەگى ٴارقايسى ولكەلەردىڭ (اۆتونوميالى رايون، توتە قاراستى قالا) جوعارى مەكتەپ ەمتيحان تالاپ تولتىرۋ ۋاقىت ورنالاستىرۋىمەن ۇشتاستىرىلىپ، ”2023 – جىلعى جوعارى مەكتەپ ەمتيحانىنا ينتەرنەتتە اقىل - كەڭەس بەرۋ اپتالىعى“ قيمىلى 6 - ايدىڭ 22 - كۇنىنەن 6 - ايدىڭ 28 - كۇنىنە دەيىن وقۋ – اعارتۋ مينيسترلىگىنىڭ ”ياڭگۋاڭ جوعارى مەكتەپ ەمتيحان ينفورماتسياسى تەكشەسىندە“ وتكىزىلەدى ەكەن. قيمىل كەزىندە، تەكشە جازباشا سۇراۋ - جاۋاپ جانە بەينەجازبا سىندى ەكى ٴتۇرلى ءتاسىلدى قولدانادى، جازباشا سۇراۋ - جاۋاپ بەرۋ ۋاقىتى ساعات 9دان 17 گە دەيىن ورنالاستىرىلىپ، جوعارى مەكتەپتەردى بەينەجازبا ارقىلى وقۋشى قابىلداۋ ۇگىتى جانە اقىل - كەڭەس بەرۋدى بەلسەنە ورىستەتۋگە شابىتتاندىرادى. جوعارى مەكتەپتەر جەلىدە وقۋشى قابىلداۋ ۇگىتىن كۇشەيتىپ، ەمتيحان بەرۋشىلەرگە، اتا ـ انالارعا دۇرىس، قۇزىرلى، جان ـ جاقتىلى، ەگجەي ـ تەگجەيلى تالاپ تولتىرۋعا اقىل ـ كەڭەس بەرۋ نۇسقاۋىن جانە قىزمەت وتەۋىن ازىرلەيدى.
ەمتيحان بەرۋشىلەر وقۋ – اعارتۋ مينيسترلىگىنىڭ ”ياڭگۋاڭ جوعارى مەكتەپ ەمتيحان ينفورماتسياسى تەكشەسى“ تور بەتى، ”ياڭگۋاڭ جوعارى مەكتەپ ەمتيحان ينفورماتسياسى تەكشەسى“ ۋيشين الەۋمەتتىك ٴنومىرى، ”ياڭگۋاڭ جوعارى مەكتەپ ەمتيحانى“ بايدۋ شاعىن باعدارلاماسى سياقتىلار ارقىلى اقىل – كەڭەس بەرۋ اپتالىعى قيمىلىنا قاتىناسىپ، قاتىستى جوعارى مەكتەپتەردىڭ بەينە جازبا ارقىلى تىكە تاراتۋ ورنالاستىرۋىن ۇعىسۋىنا بولادى. سونىمەن بىرگە، اقىل - كەڭەس بەرۋ ونىمدىلىگىن جوعارىلاتۋ ٴۇشىن، ەمتيحان بەرۋشىلەر الدىمەن جوعارى مەكتەپتەر جاريالاعان قاتىستى ينفورماتسيالاردى كورىپ، قاتىستى جاعدايلاردى ۇعىسقانى ءجون.
