شينحۋا اگەنتتىگى شولۋ جاريالادى
«”ورگانيكالى ۇشتاستىرۋدىڭ“ لوگيكالىق قاجەتتىلىگى − ”ەكىنى ۇشتاستىرۋدىڭ“ كەلەلى ءمانىن جەتە ءتۇسىنۋ جونىندە جەلىلەس شولۋ (2)»
شينحۋا اگەنتتىگىنىڭ 6 - ايدىڭ 19 - كۇنى بەيجيڭنەن بەرگەن حابارى. شينحۋا اگەنتتىگى 6 - ايدىڭ 19 - كۇنى «”ورگانيكالى ۇشتاستىرۋدىڭ“ لوگيكالىق قاجەتتىلىگى − ”ەكىنى ۇشتاستىرۋدىڭ“ كەلەلى ءمانىن جەتە ءتۇسىنۋ جونىندە جەلىلەس شولۋ(2)» اتتى شولۋ جاريالادى.
ماقالادا بىلاي دەلىندى: ماركسيزم مەن جۇڭحۋانىڭ تاڭداۋلى ءداستۇرلى مادەنيەتىنىڭ كەلۋ قاينارى ۇقسامايدى، الايدا ءوزارا وسكەلەڭ سايكەسىمدىلىككە يە. ءوزارا سايكەسكەندە عانا ورگانيكالى ۇشتاستىرۋعا بولادى.
ماقالادا مىنالار اتاپ كورسەتىلدى: باس شۋجي شي جينپيڭنىڭ مادەنيەتتى جالعاستىرۋ، دامىتۋ اڭگىمە ماجىلىسىندەگى ماڭىزدى ءسوزى ماركسيزمنىڭ نەگىزگى قاعيدالارىن جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدىڭ لوگيكالىق قاجەتتىلىگىن ءتۇسىندىردى.
”ءوزارا سايكەسۋدىڭ“ تەرەڭ ءمانىن جەتە ءتۇسىنىپ، ”ورگانيكالى ۇشتاستىرۋدىڭ“ لوگيكالىق قاجەتتىلىگىن دالمە - ءدال يگەرىپ، ”ەكىنى ۇشتاستىرۋعا“ تاباندى بولعاندا عانا، ءسوزسىز، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن ۇزدىكسىز اشىپ، جۇڭگوشا سوتسياليزم ۇلى ءىسىنىڭ ارشىندى قاداممەن العا باسۋىن ىلگەرىلەتۋگە بولادى.
ماقالا 3 بولىكتەن قۇرالدى: اقيقاتتىڭ كىلتى − ماركسيزمگە تاباندى بولۋدىڭ جانە ونى دامىتۋدىڭ نازاريالىق لوگيكاسى؛ دامۋ جولى − جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ امالياتتىق لوگيكاسى؛ وركەنيەت شۇعىلاسى − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ داۋىرلىك لوگيكاسى.
ماقالادا بىلاي دەلىندى: ءداۋىردىڭ الدىڭعى لەگىندە ءجۇرىپ، تاماشا سالتقا باستاماشى بولىپ، گۇلدەنۋ ۇلى ىسىنە جول اشۋىمىز كەرەك.
”ەكىنى ۇشتاستىرۋعا“ تاباندى بولىپ، مادەنيەت سەنىمىن بەكەمدەپ، جاڭا داۋىردەگى جۇڭگو كوممۋنيستەرى، ءسوز جوق، حالىقتى ىنتىماقتاستىرىپ جانە باستاپ، اناعۇرلىم زور رۋحاني قوزعاۋشى كۇش ۇيىستىرىپ، جۇڭگوشا سوتسياليزمنىڭ اناعۇرلىم كۇشتى، اناعۇرلىم يلاندىرۋ قۋاتىنا يە اقيقات كۇشىن ايگىلەۋىنە مۇمكىندىك جاساپ، ۇلتتىڭ گۇلدەنۋ جورىعىندا جاڭا، اناعۇرلىم كەسەك كەرەمەتتەر جاراتادى.
