انار بۇلت \ شينجياڭ گازەتىنىڭ ءتىلشىسى يىن لۋ 6 - ايدىڭ 19 - كۇنى ۇرىمجىدەن حابارلايدى. گۋاڭدۇڭ حۋاحاۋ مادەنيەت، عىلىم - تەحنيكا توبى شەكتى سەرىكتەستىگىنەن ۇعىسۋىمىزشا، تۇڭعىش رەت اشىلاتىن جۇڭگو (شىنجىن) حالىقارالىق مادەنيەت شارۋاشىلىعى كورمەسى جارمەڭكەسىنىڭ (تومەندە قىسقارتىلىپ ”مادەنيەت كورمەسى“ دەلىنەدى) تۇڭعىش كەزەكتى شينجياڭ كورمەسى قاشقارعا ىرگە تەۋىپ، 6 - ايدىڭ 21 - كۇنىنەن 25 - كۇنىنە دەيىن وتكىزىلەتىن 13 - كەزەكتى جۇڭگو شينجياڭ قاشقار · ورتا ازيا، وڭتۇستىك ازيا تاۋارلارى جارمەڭكەسىمەن (تومەندە قىسقارتىلىپ ”قاشقار جارمەڭكەسى“ دەلىنەدى) بىرلەسپە كورمە وتكىزەدى، مۇنىمەن تەڭ قادامدا جۇرگىزىلگەن ينتەرنەت جەلىسىندەگى كورمە 2024 - جىلى 6 - ايدىڭ 20 - كۇنىنە دەيىن جالعاسادى ەكەن.
مادەنيەت كورمەسىنىڭ تۇڭعىش كەزەكتى شينجياڭ كورمەسىن اشۋ − شينجياڭدى مادەنيەتپەن نارلەندىرۋ قىزمەتىن ىشكەرىلەي ىلگەرىلەتۋ، شينجياڭنىڭ مادەنيەت جانە ساياحات شارۋاشىلىعىنىڭ توعىسا ىشكەرىلەي دامۋىن ىلگەرىلەتۋ شاراسى. مۇنى اۆتونوميالى رايوندىق مادەنيەت - ساياحات مەڭگەرمەسى، جۇڭگو (شىنجىن) حالىقارالىق مادەنيەت شارۋاشىلىعى كورمەسى جارمەڭكەسىن ۇيىمداستىرۋ كوميسسياسى كەڭسەسى، شىنجىننىڭ شينجياڭعا كومەكتەسۋ الدىڭعى شەپ باس قولباسشىلىق شتابى، قاشقار ايماقتىق پارتكوم جانە اكىمشىلىك مەكەمەسى باس بولىپ وتكىزەدى، قاشقار ايماقتىق مادەنيەت، راديو - تەلەۆيزيا جانە ساياحات مەكەمەسى، شىنجىن حالىقارالىق مادەنيەت شارۋاشىلىعى كورمەسى جارمەڭكەسى شەكتى سەرىكتەستىگى، گۋاڭدۇڭ حۋاحاۋ مادەنيەت، عىلىم - تەحنيكا توبى شەكتى سەرىكتەستىگى قاتارلىلار مىندەتىنە الىپ وتكىزەدى.
مادەنيەت كورمەسىنىڭ تۇڭعىش كەزەكتى شينجياڭ كورمەسى قاشقار حالىقارالىق ءماجىلىس - كورمە ورتالىعىنىڭ A سارايىنا جانە E سارايىنا ورنالاستىرىلدى، شينجياڭعا باعىتتامالى كومەكتەسەتىن 19 ولكە، قالا قۇراما كورمە رايونىن، شينجياڭداعى 14 ايماق، وبلىس، قالا قۇراما كورمە رايونىن، شەتەل كورمە رايونىن قامتيدى، جالپى كورمە اۋماعى 8361 شارشى مەتر. شينجياڭعا باعىتتامالى كومەكتەسەتىن 19 ولكە، قالا كورمە ورنىندا سيفرلى مادەنيەت ساياحات جاڭا ونىمدەرى جانە جاڭا قولدانىلىمدار، بەيزاتتىق مادەنيەت مۇرالارى جانە تەحنولوگيا، اسەمونەر تۋىندىلارى كورمەسى نەگىز ەتىلدى؛ شينجياڭداعى 14 ايماق، وبلىس، قالا كورمە رايونىندا ءتۇرلى بەيزاتتىق مادەنيەت مۇرالارى، تەحنولوگيا تۋىندىلارى، ەرەكشە اۋىل شارۋاشىلىق ونىمدەرى، مادەنيەت جاسامپازدىعى ونىمدەرى، سيفرلى قولدانىلىم سياقتىلار كورمەگە قويىلدى، سونداي - اق ىقپالداستىق ساحناسى قۇرىلىپ، بەيزاتتىق مادەنيەت مۇرالارىنىڭ جاندى كورسەتىلۋىنە مۇمكىندىك جاسالدى؛ شەتەل كورمە رايونىندا ءۇندىستان، برازيليا، مالي، پاكيستان، مالايزيا سياقتى مەملەكەتتەردەن جانە رايونداردان اكەلىنگەن مادەنيەت، سونداي - اق قاتىستى كاسىپ سالاسى ونىمدەرى بار.
مادەنيەت كورمەسىندە داڭقى شىققان ”كۇسان بوبەگى“ مادەنيەت جاسامپازدىعى IPى جانە ول وبراز جارشىسى بولعان اۋىل شارۋاشىلىق ونىمدەرى دە مادەنيەت كورمەسىنىڭ تۇڭعىش كەزەكتى شينجياڭ كورمەسىندە بوي كورسەتەتىن بولادى. بۇل تۇردەگى جەلىلەس قۋىرشاقتاردى شينجياڭ جىبەك جولى گۋاڭدۇڭ ساۋدا كاسىبى سيفرلى ەكونوميكا زەرتتەۋ ورنى مەن گۋاڭدۇڭ حۋاحاۋ مادەنيەت، عىلىم - تەحنيكا توبى شەكتى سەرىكتەستىگى بىرگە جاساعان، قازىر − ”جياڭ تيان - تيان“، ”جياڭ دۇن - دۇن“، ”جياڭ ۋ - ۋ“، ”جياڭ تاڭ - تاڭ“ سىندى 4 وبرازدى جاراتتى، ولار ارقىلى اقسۋدىڭ بيڭتاڭشين الماسى، كورلا المۇرتى سياقتى ەرەكشە اۋىل شارۋاشىلىق ونىمدەرىنە ءتىپتى دە باسا نازار اۋدارىلاتىن بولادى.
”كۇسان بوبەگى تاياۋدا كوپتەگەن كورمەلەردە ىركەس - تىركەس بوي كورسەتىپ، بازارداعى اڭىسى وتە جاقسى بولدى، بۇل ءبىزدىڭ ۇزدىكسىز وبراز جاراتىپ، ونىڭ اۋىل شارۋاشىلىق ونىمدەرى، ساياحات، مادەنيەت جاسامپازدىعى، دەنە تاربيە سياقتى سالالاردا مادەنيەت ماركاسى رولىن ساۋلەلەندىرۋىنە جول اشۋىمىزعا تاماشا نەگىز قالادى“. شينجياڭ جىبەك جولى گۋاڭدۇڭ ساۋدا كاسىبى سيفرلى ەكونوميكا زەرتتەۋ ورنىنىڭ باسالقاسى لۋ شياۋحۇڭ بىلاي دەدى: بولاشاقتا ءبىز سيفرلاندىرۋ، بازارلاندىرۋ ءتاسىلى ارقىلى مادەني مۇرالاردىڭ بۇقارالىق تۇرمىسقا ەنۋىن ىلگەرىلەتىپ، مادەني مۇرالاردى قورعاۋ، جالعاستىرۋ، پايدالانۋ جولىن كەڭەيتەتىن بولامىز.
شينجياڭعا باعىتتامالى كومەكتەسەتىن 19 ولكە، قالانىڭ كورمە رايونىنداعى جەر - جەردەن كەلگەن بەيزاتتىق مادەنيەت مۇرالار تەحنولوگيا كورمەسى مەن تۋىندىلار سۇڭناچايچي، كەستە، اق شاي، قاس تاسى بۇيىمدارى سياقتىلاردى قامتيدى، تاعى كوپتەگەن سيفرلى مادەنيەت ساياحاتى جانە جاڭا قولدانىلمالى ماركا كاسىپورىندارى بار، ول تۇڭداۋداشۋ، شيڭجيشيۇڭ، شياۋحايياڭ، باندۋ عىلىم - تەحنيكاسى، حۋاڭنياۋ مادەنيەت جاسامپازدىعى سياقتىلاردى قامتيدى.
”وسى ماركالار شىت جاڭا جاسامپازدىق جوبا تۋىندىلارىن الا كەلىپ، الدىڭعى لەكتەگى عىلىم - تەحنيكالىق سەزىنۋدى كورنەكتىلەندىرىپ، سيفرلى قولدانىلىم شارت - جاعدايىنداعى مادەنيەت ونىمدەرى مەن كاسىپ سالاسىنىڭ بەلسەندى جەتىستىكتەرىن ايگىلەدى“، - دەدى گۋاڭدۇڭ حۋاحاۋ مادەنيەت، عىلىم - تەحنيكا توبى شەكتى سەرىكتەستىگىنىڭ نىسان جاۋاپتىسى لي ليتيڭ.
قاشقار جارمەڭكەسى مەن مادەنيەت كورمەسىنىڭ بىرلەسپە كورمەسى قاشقار، شىنجىن سىندى ەكى جەردىڭ وڭىرلىك ورىن باسىمدىعىن، بايلىق باسىمدىعىن، ساياسات باسىمدىعىن، گۋمانيتارلىق باسىمدىعىن، كاسىپ سالاسىن دامىتۋ باسىمدىعىن تولىق اشىپ جانە پايدالانىپ، قوس تۇعىردىڭ كورمە اسەرىن جانە ايگىلى ماركا ىقپالىن جوعارىلاتىپ، كەڭەيتىپ، بىرلەسپە كورمەنى شينجياڭنىڭ، ءتىپتى، بۇكىل مەملەكەتتىڭ سىرتقا ەسىك اشۋىنداعى ماڭىزدى تۇعىرى ەتىپ تۇلعالايدى.
وسى رەتكى بىرلەسپە كورمەدە قاشقار جارمەڭكەسى مەن ”بۇلتتىق مادەنيەت كورمەسى“ عالامتور بەكەتىنە سۇيەنىپ ينتەرنەت جەلىسىندە تۇعىر ورناتىپ، ءماجىلىس - كورمە ىستەرىندە جاڭالىق اشۋدى، دارەجەسىن جوعارىلاتۋدى جەدەل ىلگەرىلەتىپ، ينتەرنەت جەلىسىندەگى كورمە جينالىسى جاڭا تۇعىرىن بەلسەنە قۇرىپ، AI، 5G، 3D، AR/VR، ۇلكەن ساندى مالىمەت سياقتى وزىق تەحنيكا جەتىستىكتەرىنەن تولىق پايدالانىپ، كورمە سالتاناتى، كورمەگە قاتىناسقان كاسىپورىنداردىڭ وبرازى، كورمەگە قاتىناسقان تاۋارلار سياقتى كورمە مازمۇندارىن ايگىلەيدى.
مادەنيەت كورمەسى وتكىزىلگەننەن بەرى جەر - جەردەگى ۇكىمەتتەر مەن مادەنيەت كاسىپورىندارىنىڭ مادەنيەت كاسىپ سالاسى نىساندارىن ايگىلەۋ، ساۋدالاۋ جانە ينفورماتسيا اۋىس - كۇيىسى تۇعىرىن ورناتۋ جۇڭحۋا مادەنيەتىن سىرتقا شىعارۋدى ىلگەرىلەتۋدەگى ماڭىزدى تۇعىرىنا جانە مادەنيەتتى سىرتقا اشىق ۇستاۋدى كەڭەيتۋدەگى ماڭىزدى تەرەزەسىنە اينالدى. قاشقار جارمەڭكەسى شىعىس، باتىس بولىكتەردىڭ سەلبەستىگىن كۇشەيتۋدى، حالىقارالىق ساۋدا اۋىس - كۇيىسى مەن سەلبەستىگىن جەبەۋدى نەگىزگى تاقىرىپ ەتكەن وڭىرلىك حالىقارالىق ەكونوميكا - ساۋدا سالتاناتتى جينالىسى، ول جۇڭگو شينجياڭىنىڭ قاشقارىن وزەك ەتە وتىرىپ، كوپ جاقتى ساۋدا ورىستەتىپ، توڭىرەكتەگى ەلدەر مەن وڭىرلەرگە تەڭ يگىلىككە كەنەلۋ تۇعىرىن ازىرلەدى.
