مەملەكەتتىڭ اۆتونوميالى رايوننىڭ كەن ءوندىرىس حاۋىپسىزدىگىنە كومەكتەسۋ - سۇيەمەلدەۋ، جەتەكشىلىك ەتۋ قىزمەتىن قورىتىندىلاۋ ءماجىلىسى اشىلدى
باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، نەگىزگى تۇلعالىق جاۋاپكەرشىلىكتى جاپپاي نىعايتىپ، كەن حاۋىپسىزدىگى تومەنگى شەگىن باتىل ساقتاۋ كەرەك
ما شيڭرۇي، حۋاڭ جينشىڭ ءسوز سويلەدى، ەركىن تۇنياز باسقاردى، لي يفي، جاڭ چۇنلين قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 6 - ايدىڭ 19 - كۇنى ۇرىمجىدەن حابارلايدى. مەملەكەتتىڭ اۆتونوميالى رايوننىڭ كەن ءوندىرىس حاۋىپسىزدىگىنە كومەكتەسۋ - سۇيەمەلدەۋ، جەتەكشىلىك ەتۋ قىزمەتىن قورىتىندىلاۋ ءماجىلىسى 6 - ايدىڭ 19 - كۇنى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي، شۇعىل جاعدايعا توتەپ بەرۋدى باسقارۋ مينيسترلىگى پارتكومىنىڭ مۇشەسى، مەملەكەتتىك كەن حاۋىپسىزدىگىن باقىلاۋ - تەكسەرۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى حۋاڭ جينشىڭ ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين، مەملەكەتتىك كومەكتەسۋ - سۇيەمەلدەۋ، جەتەكشىلىك ەتۋ قىزمەت گرۋپپاسىنداعى جولداستار ماجىلىسكە قاتىناستى.
بيىل 2 - ايدىڭ سوڭىندا شۇعىل جاعدايعا توتەپ بەرۋدى باسقارۋ مينيسترلىگى، مەملەكەتتىك كەن حاۋىپسىزدىگىن باقىلاۋ - تەكسەرۋ مەكەمەسى قاتىستى تاراۋلاردى، قۇرىلىمداردى، عىلمي زەرتتەۋ مەكەمە - ورىندارىن، كەن كاسىپورىندارىنداعى ءوندىرىس حاۋىپسىزدىگى ماماندارىن ۇيىمداستىرىپ، اۆتونوميالى رايوننىڭ كەن ءوندىرىس حاۋىپسىزدىگى قىزمەتىنە كومەكتەسۋ - سۇيەمەلدەۋ، جەتەكشىلىك ەتۋ جۇمىسىن ورىستەتكەن بولاتىن. 4 ايدان بەرى قىزمەت گرۋپپاسىنداعىلار تيانشان الابىنا بارىپ، كەن ءبىرىنشى شەبىن ىشكەرىلەي ارالاپ، جەرگىلىكتى جاعدايعا قاراي وڭىرگە، تۇرگە ءبولىپ، ايماق، وبلىس، قالالارعا ءتۇيىندى تۇردە كومەكتەسىپ - سۇيەمەلدەپ، جەتەكشىلىك ەتىپ جانە ۇلگى كورسەتۋ سيپاتتى جەتەكشىلىك ەتىپ، ءتۇرلى مىندەتتەردى تابىسپەن ورىنداپ، اۆتونوميالى رايوننىڭ كەندەردى حاۋىپسىز دامىتۋىنا پارمەندى قولداۋ كورسەتتى.
ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس جانە بيڭتۋان اتىنان، شۇعىل جاعدايعا توتەپ بەرۋدى باسقارۋ مينيسترلىگىندەگى، مەملەكەتتىك كەن حاۋىپسىزدىگىن باقىلاۋ - باسقارۋ مەكەمەسىندەگى جانە قىزمەت گرۋپپاسىنداعى بارلىق جولداستاردىڭ شينجياڭنىڭ كەن ءوندىرىس حاۋىپسىزدىگى قىزمەتىنە كۇش سالا قولداۋ كورسەتكەندىكتەرىنە، كومەكتەسكەندىكتەرىنە شىن جۇرەكتەن العىس ايتاتىندىعىن ءبىلدىردى. ول بىلاي دەپ اتاپ كورسەتتى: نەگىزگى تاقىرىپتىق تاربيەنى مۇقيات ورىستەتىپ، پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ساياسي دەڭگەيدى شىنايى جوعارىلاتىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ”ءار دايىم قام جەپ تۇراتىن“ جاۋاپكەرشىلىك سەزىممەن ءوندىرىس حاۋىپسىزدىگى قىزمەتىن بار كۇشپەن ويداعىداي يگەرۋ كەرەك. كومەكتەسۋ - سۇيەمەلدەۋ، جەتەكشىلىك ەتۋ تابىستارىن بەكەمدەپ، كەڭەيتىپ، قىزمەت گرۋپپاسىنىڭ كومەگىندە ءبىر - بىرلەپ تەكسەرىلىپ انىقتالعان ماسەلەلەردى، كومەسكى كىناراتتاردى تىزىمدىك بويىنشا تۇگەلدەي قابىلداپ، ءبىر - بىرلەپ سالىستىرىپ، بىرەۋى ارقىلى وزگەسىن تۇسپالداپ، رەتتەۋ - تۇزەتۋدى تياناقتاندىرۋدى قاتاڭ، ويداعىداي يگەرىپ، ماسەلە شەشىلمەيىنشە جىبەرمەۋدى، كومەسكى كىناراتتار رەتتەلىپ - تۇزەتىلمەيىنشە تىزىمدىكتەن وشىرمەۋدى ورىنداپ، شينجياڭنىڭ كەندەردى باسقارۋ قابىلەتى مەن دەڭگەيىن شىنايى جوعارىلاتۋ كەرەك. جەر - جەر، تاراۋلار دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، وسى رەتكى كومەكتەسۋ - سۇيەمەلدەۋدى، جەتەكشىلىك ەتۋدى وراي ەتىپ، شىرعالاڭ كومەسكى كىناراتتارىن تۇبىرىنەن جويۋ جاۋاپكەرشىلىك تىزبەگىن، باسقارۋ ءادىسىن جانە قىزمەت مەحانيزمىن كۇش سالا اقاۋسىزداندىرىپ، كومەكتەسۋ - سۇيەمەلدەۋدىڭ، جەتەكشىلىك ەتۋدىڭ ”سوڭعى جۇمىستارىن“ ويداعىداي ىستەپ، جوعارى ساپالى دامۋ مەن جوعارى دەڭگەيلى حاۋىپسىزدىكتى جۇزەگە اسىرۋدىڭ ۇتىمدى ىقپالداستىعىن ىلگەرىلەتۋ كەرەك. ءوندىرىس حاۋىپسىزدىگى جاۋاپكەرشىلىگىن كۇشەيتىپ، ”پارتيا مەن ۇكىمەت تەڭ جاۋاپكەرشىلىك ارقالاۋ، ءبىر قىزمەت ورنىندا قوس جاۋاپكەرشىلىك ارقالاۋ، جۇمىلا يگەرىپ، بىرگە باسقارۋ، قىزمەت مىندەتىن اتقارماعانداردىڭ جاۋاپكەرشىلىگىن قۋزاستىرۋ“ تالابىن قاتاڭ تياناقتاندىرىپ، باسشىلىق جاۋاپكەرشىلىك پەن قاراستى جەر باسقارۋ جاۋاپكەرشىلىگىن، كاسىپتىك تاراۋلاردىڭ باقىلاۋ - باسقارۋ جاۋاپكەرشىلىگىن، ءوندىرىس، تيجارات ورىندارىنىڭ نەگىزگى تۇلعالىق جاۋاپكەرشىلىگىن اناعۇرلىم قاتايتىپ، ناقتىلاندىرىپ، حاۋىپسىزدىك تومەنگى شەگىن باتىل، ويداعىداي ساقتاۋ كەرەك. كومەسكى كىناراتتاردى جاپپاي ءبىر - بىرلەپ تەكسەرىپ، رەتتەپ - جونگە سالىپ، كومىر كەنى جانە بەي كومىر كەنى سياقتى ءتۇيىندى سالالاردى ءجىتى قاداعالاپ، تور جايۋ ۇلگىسىندە، جالپى بەتتىك قامتي وتىرىپ ءبىر - بىرلەپ تەكسەرىپ، رەتتەپ - جونگە سالىپ، دالمە - ءدال باسقارۋدى، قاينارىنان باسقارۋدى، زاڭ بويىنشا باسقارۋدى كۇشەيتىپ، ءوندىرىس حاۋىپسىزدىگى حاۋىپ - قاتەرىن ەڭ جوعارى شەكتە جويۋ كەرەك. كەندەردى جوعارى ساپالى دامىتۋدى ىلگەرىلەتىپ، ”باسى ارتىق، شاعىن، بىتىراندى، ناشار“ كەندەردى جونگە سالىپ، دارەجەسىن ءوسىرۋدى كۇشەيتىپ، زەردەلىلەندىرۋ قۇرىلىسىن جەدەل ىلگەرىلەتىپ، كەن بايلىعىن اشۋدىڭ كولەمدەنۋ، شوعىرلانۋ، جوعارى ولشەمدەنۋ دەڭگەيىن جوعارىلاتىپ، ءوندىرىستى ورنىقتىرىپ، قامداۋدى قامتاماسىز ەتۋگە جانە حاۋىپسىزدىك پەن ءوندىرىس ەكەۋىن بىردەي اقساتپاۋعا، ەكەۋىن بىردەي جەبەۋگە شىنايى كەپىلدىك ەتۋ كەرەك.
حۋاڭ جينشىڭ بىلاي دەدى: قىزمەت گرۋپپاسىنداعىلاردىڭ جانە وڭىرلەردىڭ، تاراۋلاردىڭ بىرگە قۇلشىنۋىندا كومەكتەسۋ - سۇيەمەلدەۋ، جەتەكشىلىك ەتۋ قىزمەتى كورنەكتى ونىمدىلىككە قول جەتكىزدى، شينجياڭنىڭ كەن ءوندىرىس حاۋىپسىزدىگى قىزمەتى جان - جاقتى كۇشەيتىلدى جانە دارەجەسى جوعارىلاتىلدى، سونىمەن بىرگە ءبىرسىپىرا تەرەڭ قاتپارلى قايشىلىقتار مەن ماسەلەلەر ءالى دە تىنباي كۇش سالىپ شەشۋدى ىلگەرىلەتۋدى قاجەت ەتىپ وتىر، كومەكتەسۋ - سۇيەمەلدەۋدىڭ، جەتەكشىلىك ەتۋدىڭ ”سوڭعى جۇمىسىن“ ويداعىداي ىستەۋ مىندەتى ءالى دە جاپالى. پارتيا 20 - قۇرىلتايىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەنى ورىستەتۋمەن ۇشتاستىرىپ، باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، ساياسي دەڭگەيدى شىنايى جوعارىلاتىپ، حاۋىپسىز دامۋ ۇستانىمىن بەرىك ورناتىپ، كەن حاۋىپسىزدىگىنە قاتىستى شىرعالاڭداردان تەرەڭ ساباق قابىلداپ، ءوندىرىس حاۋىپسىزدىگى شارالارىنىڭ تياناقتانىپ، ونىمدىلىك كورسەتۋىن تاباندىلىقپەن ىلگەرىلەتۋ كەرەك. تيپ جاڭالاپ، دارەجەسىن ءوسىرۋدى تەزدەتىپ، جوبا جەتەكشىلىگىن كۇشەيتىپ، كەن باسقارۋ ساپاسىن جوعارىلاتىپ، عىلىم - تەحنيكا ارقىلى حاۋىپسىزدىكتى كۇشەيتۋدى جەدەل ىلگەرىلەتىپ، كەندەردى جوعارى ساپالى دامىتۋدى ىلگەرىلەتۋ كەرەك. اپاتتى جونگە سالۋدى مىقتاپ يگەرىپ، اپات تۋدىراتىن كومەسكى فاكتورلاردى جاپپاي تەكسەرىپ جونگە سالۋدى ۇدايىلاندىرا ورىستەتىپ، ۋلى گاز، سوقپا جەر قىسىمى، كەن سۋ اپاتىنان ساقتانۋ - جونگە سالۋ جانە ورتتەن ساقتانۋدى، ءورت ءوشىرۋدى باسقارۋ، قاتاڭ باسقارۋ، اشىق كەندەردىڭ كولبەۋلىكتى باسقارۋ جانە قالدىق كەن قويماسى حاۋىپسىزدىگىن جونگە سالۋ سياقتى قىزمەتتەردى كۇشەيتىپ، اۋىر، ەرەكشە اۋىر شىرعالاڭداردى باتىل اۋىزدىقتاۋ كەرەك. ءتۇزىم - مەحانيزمدى كەمەلدەندىرىپ، ”پارتيا مەن ۇكىمەت تەڭ جاۋاپكەرشىلىك ارقالاۋ، ءبىر قىزمەت ورنىندا قوس جاۋاپكەرشىلىك ارقالاۋ“ جانە ”ءۇشتى باسقارۋدا ءۇش ءسوزسىز بولۋ“ تالابىن تياناقتاندىرىپ، كاسىپورىنداردىڭ نەگىزگى تۇلعالىق جاۋاپكەرشىلىكتى تياناقتاندىرۋىن كۇشەيتىپ، قۋاتتى قىزمەت بىرىككەن كۇشىن قالىپتاستىرۋ كەرەك. حاۋىپسىزدىك نەگىزىن بەكەمدەپ، جۇمساق، قاتتى بولشەك قۇرىلىسىن ءبىر تۇلعادا ىلگەرىلەتىپ، كاسىپپەن اينالىساتىن قىزمەتكەرلەردىڭ ساپاسى مەن جۇمىس باسىن باسقارۋ دەڭگەيىن جوعارىلاتىپ، سىرتقا كوتەرتكەن قوسىندى باسقارۋدى جانە دەلدالدىق قۇرىلىمدار ارەكەتىن ارناعا ءتۇسىرىپ، شۇعىل جاعدايعا توتەپ بەرۋدى باسقارۋ قوسىنى قۇرىلىسىن كۇشەيتىپ، حاۋىپسىزدىكتى قامتاماسىز ەتۋ قابىلەتىن جاپپاي جوعارىلاتۋ كەرەك. قابىلەت قۇرىلىسىن كۇشەيتىپ، باقىلاۋ - باسقارۋ بويىنشا زاڭ اتقارۋ قوسىنىن قۇرىپ، كۇشەيتىپ، كاسىپتىك قابىلەتتى جوعارىلاتىپ، زاڭ اتقارۋ ساپاسىن جوعارىلاتىپ، حاۋىپ - قاتەرلەردى قاداعالاۋ - ساقتاندىرۋ جۇيەسىن اقاۋسىزداندىرىپ، كەمەلدەندىرىپ، شينجياڭنىڭ كەن ءوندىرىس حاۋىپسىزدىگى جاعدايىنىڭ ءۇرتىس ورنىقتى جاقسارۋىنا پارمەندى تىرەك بولۋ كەرەك.
ماجىلىستە ىلە قازاق اۆتونوميالى وبلىسىنداعى، سانجى حۇيزۋ اۆتونوميالى وبلىسىنداعى، قۇمىل قالاسىنداعى، تۇرپان قالاسىنداعى نەگىزگى جاۋاپتى جولداستار ءسوز سويلەدى.
چىن ۋيجۇن، ءيۇسۇپجان مامەت، شۋە بين، ءماردان مۇحيت، ليۋ شينجيان، اۆتونوميالى رايونداعى جانە بيڭتۋانداعى قاتىستى ورىندارداعى جانە تاراۋلارداعى، ورتالىقتىڭ شينجياڭدا تۇراتىن جانە شينجياڭنىڭ ءتۇيىندى كەن كاسىپورىندارىنداعى نەگىزگى جاۋاپتى جولداستار، ت. ب ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ايماق، وبلىس، قالالاردا، اۋدان، قالا، رايونداردا، بيڭتۋان ورگاندارىندا جانە شى - قالالارىندا بولىمشە ءماجىلىس الاڭى ورنالاستىرىلدى.
