جاڭ چۇنلين ءۇرىمجى قالاسىندا، سانجى قالاسىندا وقۋ - اعارتۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ونەگە كورسەتىپ ادام تاربيەلەۋگە تاباندى بولىپ، جوعارى ساپالى كاسىپتىك وقۋ - اعارتۋدى دامىتۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 6 - ايدىڭ 20 - كۇنى ۇرىمجىدەن حابارلايدى. 6 - ايدىڭ 17 - كۇنىنەن 18 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ءۇرىمجى قالاسىندا، سانجى قالاسىندا شينجياڭ اۋىل شارۋاشىلىق كاسىپتىك تەحنيكا شۋەيۋانى، شينجياڭ ونەركاسىپ - ەكونوميكا مەكتەبى، شينجياڭ جەڭىل ونەركاسىپ كاسىپتىك تەحنيكا شۋەيۋانى سياقتى 6 مەكتەپكە بارىپ، ناقتى ورىندا تەكسەرۋ - زەرتتەۋ جۇرگىزىپ، ساباقحانا، وقۋشىلار جاتاعى، ناقتى جاتتىعۋ بازاسى سياقتىلاردى ارالاپ، ءبىر ءبولىم وقىتۋشى - وقۋشىلارمەن ىشكەرىلەي پىكىر اۋىستىرىپ، مەكتەپتىڭ وقىتۋ شارت - جاعدايى، وقۋشىلاردىڭ جۇمىستانۋى، وقۋ - اعارتۋ، وقىتۋ سياقتى جاعدايلاردى ەگجەي - تەگجەيلى ۇعىستى.
جاڭ چۇنلين بىلاي دەپ باسا دارىپتەدى: باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋمەن ۇشتاستىرىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا رەفورما جاساۋعا، جاڭالىق اشۋعا تاباندى بولىپ، بايلىقتى ورنالاستىرۋدى ساپالىلاندىرىپ، كاسىپتىك مەكتەپتەردىڭ وقىتۋ شارت - جاعدايىن ولشەمگە جەتكىزۋ قىزمەتىن ىلگەرىلەتىپ، كاسىپتىك مەكتەپتەردىڭ وقىتۋ ساپاسىن جوعارىلاتۋ كەرەك. ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، وقىتۋشى - وقۋشىلاردىڭ يدەيا - ساياسي قىزمەتىن كۇشەيتىپ، مەملەكەتتە ءبىر تۇتاس قولدانىلاتىن ءتىل - جازۋ وقۋ - وقىتۋىن كۇشەيتىپ، سوتسياليستىك وزەكتى قۇن كوزقاراسى تاربيەسىن كۇشەيتىپ، ەڭبەك رۋحىن، ەڭبەك ەرلەرى رۋحىن، ۇستا رۋحىن اسقاقتاتىپ، ءتىل - ادەبيەت ساباعى، حاتكەرلىك ساباعى، يدەيا - ساياسي ساباعى سياقتىلاردىڭ ادام تاربيەلەۋ فۋنكتسياسىن كۇشەيتۋ كەرەك. تاڭداۋلى كينو - تەلەۆيزيا تۋىندىلارىن كورۋگە ۇيىمداستىرۋ، العان اسەرى جونىندە پىكىر اۋىستىرۋ سياقتىلار ارقىلى ءار ۇلت وقىتۋشى - وقۋشىلارىن جۇڭحۋا ۇلتى ورتاق تۇلعا تانىمىن بەرىك ورناتۋعا، ”بەستى شىنايى مويىنداۋدى“ كۇشەيتۋگە، پارتيانىڭ سوزىنە قۇلاق اسۋعا، پارتيانىڭ مەيىرىنە العىس ايتۋعا، پارتياعا ىلەسۋگە تاربيەلەۋ - جەتەكتەۋ كەرەك. وقۋشىلارعا قىزمەت وتەۋدى، باسقارۋدى جانە پسيحيكالىق اقاۋسىزدىق تاربيەسىن كۇشەيتىپ، ادام تاربيەلەۋدىڭ جاراسىمدى، ورنىقتى ورتاسىن قالىپتاستىرۋ كەرەك. اۆتونوميالى رايوننىڭ ”8 ءىرى كاسىپ سالاسى شوعىرى“ قۇرىلىسىن ارقاۋ ەتىپ، جۇمىستاندىرۋ بەتالىسىن كورنەكتىلەندىرىپ، پاندەر مەن ماماندىقتاردىڭ ورنالاسۋىن ساپالىلاندىرىپ، مەكتەپ پەن كاسىپورىننىڭ سەلبەستىگىن، ءوندىرىس پەن وقىتۋدىڭ توعىسۋىن تەرەڭدەتىپ، وقىتۋ دەڭگەيى مەن ادام تاربيەلەۋ ساپاسىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا دارىندىلار تىرەگىن ازىرلەۋ كەرەك.
