□ انار بۇلت \ شينجياڭ گازەتىنىڭ ءتىلشىسى ياۋ گاڭ
قياق كۇرىش ءتۇيۋ، ايداعارشا قايىق جارىسى، مۋزيكا مەرەكەسى، تورسىلداق ويىنى... دۋان - ۋ مەرەكەسى كەزىندە شينجياڭنىڭ جەر - جەرىندە باي مازمۇندى، جاڭاشا فورماداعى قيمىلدار وتكىزىلىپ، ادامداردىڭ جۇڭحۋانىڭ تاڭداۋلى ءداستۇرلى مادەنيەتىنىڭ باۋرامدىلىعىن سەزىنىپ، وتباسى - وتان سۇيىسپەنشىلىگىن ساۋلەلەندىرۋىنە مۇمكىندىك جاسايدى.
6 - ايدىڭ 21 - كۇنى ءۇشتۇرپان اۋدانى يانچۋانحى كورىنىس ءوڭىرى قايىق جارىسىن وتكىزىپ، جۇرتتى ونەرلەرىن كورسەتۋگە باۋرادى. ”بۇلاق قالاسى ءۇشتۇرپان · قياق كۇرىش شاتتىعىنا بىرگە شومۋ“ 2023 - جىلعى ءۇشتۇرپان اۋدانى دۋان - ۋ مەرەكەسى جەلىلەس قيمىلى وسى ارادا وتكىزىلدى. قايىق جارىسىنان سىرت، كورىنىس ءوڭىرى تاعى ساياحاتشىلاردى قياق كۇرىش ءتۇيۋ جارىسىنا قاتىناسۋعا ۇسىنىس ەتىپ، ”بۇلاق قالاسى ءۇشتۇرپان. قياق كۇرىش شاتتىعىنا بىرگە شومۋ“ فوتوسۋرەت كورمەسىن وتكىزىپ، تاماشا سۋرەتتەرمەن ءۇشتۇرپان اۋدانىنىڭ جەرگىلىكتى سالت - ساناسىن، تابيعي كورىنىسىن ايگىلەدى.
مەرەكە كەزىندە اۋات اۋدانى دولان تايپاسى كورىنىس ءوڭىرى ”استاۋشا“ (ناۋا قايقتىڭ ءبىر ءتۇرى) ەسۋ جارىسىن وتكىزبەكشى، وسى كورىنىس ءوڭىرىنىڭ جاۋاپتىسى ۋاڭ شياۋپيڭ بىلاي دەپ تانىستىردى: جارىسقا قاتىناساتىن ساڭلاقتار وسى اۋداننىڭ ءارقايسى اۋىل - قالاشىعىنان تاڭدالعان. جارىس كورىنىس ءوڭىرىنىڭ سۋ ايدىنىندا وتكىزىلەدى، جارىس جولىنىڭ ۇزىندىعى 500 مەتر، ”استاۋشا“ ەسىپ كومبەگە ەڭ تەز جەتكەندەر جەڭەدى. مۇنان سىرت، كورىنىس ءوڭىرى ”سۇيىسپەنشىلىككە تولى دۋان - ۋ · الۋان رەڭدى ءجىپ ءورىپ تىلەك تىلەۋ“ قيمىلىن وتكىزەدى، ساياحاتشىلاردىڭ الۋان رەڭدى ءجىپ ءورىپ، توراڭعىعا بايلاپ تىلەك تىلەۋىنە بولادى. ”قيمىلدىڭ ماقساتى كوپشىلىككە دۋان - ۋ مەرەكەسىنىڭ قويۋ مادەنيەت رايىن سەزىندىرۋ“، - دەدى ۋاڭ شياۋپيڭ.
حوتان ايماعىنىڭ ءارقايسى اۋدان - قالالارى الۋان ءتۇرلى مادەنيەت جانە ساياحات قيمىلىن وتكىزەدى. حوتان قالاسى كۇنلۇن كولى باقشاسىندا ”ەجەلگى سالتپەن كەزدەسۋ“ حانفۋ كيىپ كولدە سەيىلدەۋ، ”اسەرلى سەزىمگە تولعان دۋان - ۋدا ارىستان بيگە باسىپ، ايداعار كوككە ۇشتى“ ايداعار - ارىستان ءبيى جانە اشەكەيلى دوپقا تالاسۋ ويىنى، ”دۋان - ۋ حوش ءيىستى دورباشاسى، مول سۇيىسپەنشىلىك“ حوش ءيىستى دورباشا جاساۋ، حوش ءيىستى دورباشا تارتۋ ەتۋ سياقتى 15 ءتۇرلى قيمىل وتكىزەدى. حوتان اۋدانى ”سالت - سانادان ءلاززاتتانىپ، ەڭ كورىكتى ءدامدى قياق كۇرىش قىستاعىمەن قاۋىشۋ“ − 2023 - جىلعى حوتان اۋدانى اۋىل - قىستاق ساياحاتى مادەنيەت مەرەكەسى، اۆتوكولىك الاڭدىق جارىسى، سالت - سانا قيمىلى كورمەلىك قويىلىمى سياقتى قيمىلداردى وتكىزەدى. شەريا اۋدانى 2023 - جىلعى كۇنلۇن تاۋى مادەنيەت - ساياحات مەرەكەسى جانە ساحارا مۋزيكا مەرەكەسى قيمىلىن ۇسىنىپ، ساياحات قيمىلى مەن كۇنلۇن تاۋى مادەنيەتىن ءوزارا بىرلەستىرىپ، ءجۇز كولىكپەن اسپان جولىن ساياحاتتاۋ، الاۋ كەشى، دالادا تۇنەۋ سياقتى جەلىلەس قيمىلداردى وتكىزبەك. ”دۋان - ۋ مەرەكەسى دەمالىسىندا تاياۋ ماڭدى ساياحاتتايتىن ساياحاتشىلاردى نەگىز ەتكەن جاعدايعا مەڭزەس، ءبىز اۋىل - قىستاق ساياحاتىن، سەيىل - سەرۋەن ساياحاتىن توڭىرەكتەي وتىرىپ، ءتۇرلى مادەنيەت - ساياحات قيمىلىن ۇسىنىپ، قالا مەن اۋىلدىڭ بىرلەسىپ قيمىلداۋى ارقىلى بۇقارانىڭ دەمالىستاعى تۇرمىسىن بايىتامىز“، - دەدى حوتان ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى جالپىلاستىرۋ، اۋىس - كۇيىس، ۇگىت ءبولىمىنىڭ باستىعى ليۋ جين.
6 - ايدىڭ 22 -، 23 - كۇندەرى شينجياڭ اۋىل شارۋاشىلىعى كورمە باقشاسى ىركەس - تىركەس 2 كۇن وزگەشە شىراق سالتاناتى ويىنىن قويادى. ۇيىمداستىرۋشى جاق ليۋ ياڭ كاسىپتىك ۇجىمىن ۇسىنىس ەتىپ، ءداستۇرلى تورسىلداق نەگىزىندە وعان ”دىبىس، مۋزيكا، جارىق، ساۋلە، كورىنىس، سۇيىسپەنشىلىك“ سياقتى ەلەمەنتتەردى قوسىپ، 100 مەتردەن اساتىن ۇلكەن تورسىلداق شەبىن تۇلعالادى، بۇل ۇلكەن جارىس دەڭگەيىندەگى كاسىپتىك تورسىلداق باعدارلاماسىنان قالىسپايدى.
تيانشان بوعدا كولى كورىنىس ءوڭىرى ”كوڭىلدى دۋان - ۋ · قياق كۇرىشتىڭ حوش ءيىسى اڭقىعان ياۋچى“ قيمىلىن وتكىزبەك، ساياحاتشىلاردىڭ كورىنىس وڭىرىندە حانفۋ سانگەرلىگىن تاماشالاۋىنا، ارىستان ءبيى ويىنىن كورۋىنە، ءسوز جۇمباعىن شەشۋگە قاتىناسۋىنا بولادى، حوش ءيىستى دورباشا سياقتى شاعىن تارتۋلارعا دا يە بولۋ ورايى بار. كورىنىس وڭىرىندە تاعى 8 - كەزەكتى ازيا - تىنىق مۇحيت ءوڭىرى ساۋدا شۋەيۋانى شينجياڭ سايىس جاريالاۋ جارىسى ”تيانشان 50“ جارىسى وتكىزىلەدى، سول كەزدە 700دەن استام دالالىق جۇگىرۋ ساڭلاقتارى جارىسقا قاتىناسادى.
شونجى اۋدانى تۇڭعىش كەزەكتى شينجياڭ ولەڭ تەاتر اۋىس - كۇيىس كورمەلىك قويىلىم قيمىلىن وتكىزەدى، اۆتونوميالى رايوندىق ادەبيەت - كوركومونەرشىلەر بىرلەستىگى التىن توراڭعى ولەڭ كوركەمونەر ۇيىرمەسى، شونجى باس ەگىس الاڭى 23 - ليان ولەڭ ءبانشىسى جانە سانجى حۇيزۋ اۆتونوميالى وبلىسىنىڭ ءارقايسى اۋدان، قالاسى بولىپ جيىنى 9 ويىن قويۋ اترەتى تارتىمدى ويىنداردى ۇسىنادى.
مافىڭ - و ساياحات سايتىنىڭ ساناعىندا كورسەتىلۋىنشە، دۋان - ۋ مەرەكەسى دەمالىسىندا شينجياڭنىڭ ساياحات ورلەۋى بىلتىرعىدان ％126 جوعارى بولعان. سايرام كولى كورىنىس ءوڭىرى، نارات كورىنىس ءوڭىرى، قاناس كورىنىس ءوڭىرى سىندى 3 جەر دۋان - ۋ مەرەكەسىندە مەملەكەت بويىنشا الدىڭعى 10 قاتارداعى جۇرت قىزىعاتىن ۇزىن لەنيالى كورىنىس ءوڭىرى تىزىمىنەن ورىن الدى.
