اۆتونوميالى رايوندىق پارتكومنىڭ تۇراقتى كوميتەتى ءماجىلىس اشتى
باس شۋجي شي جينپيڭنىڭ ماڭىزدى قۇتتىقتاۋ حاتىنىڭ، جاۋاپ حاتىنىڭ رۋحىن جانە پارتيا ورتالىق كوميتەتىنىڭ فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋ، كەڭەيتۋ جونىندەگى ورنالاستىرۋلارىن، تالاپتارىن جەتكىزدى، ۇيرەندى، دايەكتىلەندىردى
بۇكىل رايوننىڭ كەن بايلىعىن بارلاۋ، اشۋ جانە ”14 - بەسجىلدىقتا“ مادەنيەتتى دامىتۋ سياقتى قىزمەتتەردى اقىلداستى، ورنالاستىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 6 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 6 - ايدىڭ 21 - كۇنى ءماجىلىس اشىپ، باس شۋجي شي جينپيڭنىڭ تاياۋداعى ماڭىزدى قۇتتىقتاۋ حاتىنىڭ، جاۋاپ حاتىنىڭ رۋحىن جانە پارتيا ورتالىق كوميتەتىنىڭ فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋ، كەڭەيتۋ جونىندەگى ورنالاستىرۋلارىن، تالاپتارىن جەتكىزدى، ۇيرەندى، دايەكتىلەندىردى، اۆتونوميالى رايوننىڭ كەن بايلىعىن بارلاۋ، اشۋ، قاتىستى كومىر كەندەرىن تۇرگە ايىرىپ ءبىر جايلى ەتۋ، ”14 - بەسجىلدىقتا“ مادەنيەتتى دامىتۋ سياقتى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ الەمدىك ادامدىق ۇقىق ىستەرىن باسقارۋ جوعارى دارەجەلىلەر تالقى مىنبەرىنە، 15 - كەزەكتى بۇعاز تالقى مىنبەرىنە جولداعان ماڭىزدى قۇتتىقتاۋ حاتتارىنىڭ رۋحىن جانە بەلگياداعى ايگىلى دوس قايراتكەر دۇڭ بوعا قايتارعان ماڭىزدى جاۋاپ حاتىنىڭ رۋحىن مۇقيات ۇيرەنىپ، دايەكتىلەندىرىپ، الەمدىك حاۋىپسىزدىك باستاماسىن، الەمدىك دامۋ باستاماسىن، الەمدىك وركەنيەت باستاماسىن دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، ”حالىقتىڭ باقىتتى تۇرمىسى − ەڭ ۇلكەن ادامدىق ۇقىق“ ەكەندىگىن ەستە بەرىك ساقتاپ، دامۋدىڭ ساپاسىن، ونىمدىلىگىن قۇلشىنا جوعارىلاتىپ، ادامدىق ۇقىقتىڭ زاڭمەن باسقارۋ قامتاماسىزدىعىن كۇشەيتىپ، حالىق تۇرمىسىنىڭ قۇت - ىرىسىن ناقتى نىعايتىپ، ءار ۇلت بۇقاراسىنىڭ جۇمىستانۋ، وقۋ - اعارتۋ، ەمدەۋ، قارتتاردى كۇتىمدەۋ سياقتى كەلەلى حالىق تۇرمىسى ماسەلەلەرىن كۇش سالا شەشىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ اياق الىسى بارىسىندا شينجياڭنىڭ ادامدىق ۇقىقتى قامتاماسىز ەتۋ دەڭگەيىن ۇزدىكسىز جوعارىلاتۋ كەرەك. ورتالىق كوميتەتتىڭ تايۋان جونىندەگى كەلەلى باعىتىن جاپپاي دايەكتىلەندىرىپ، تايۋاندىق باۋىرلاستاردىڭ، تايۋاندىق ساۋداگەرلەردىڭ، تايۋان كاسىپورىندارىنىڭ شينجياڭدا قىزمەت ىستەۋىنە، تۇرمىس كەشىرۋىنە، قارجى قوسىپ دامۋىنا بەلسەنە تاماشا شارت - جاعداي جاراتىپ، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتۋگە، وتاننىڭ بىرلىككە كەلۋ اياق الىسىن تاباندىلىقپەن ىلگەرىلەتۋگە شينجياڭ ۇلەسىن قوسۋ كەرەك. ”ءبىر بەلدەۋ، ءبىر جولدىڭ“ بويىنداعى ەلدەرمەن دوستىق اۋىس - كۇيىستى جانە ناقتى ىستەر سەلبەستىگىن كۇشەيتىپ، جۇڭگونىڭ شينجياڭىنىڭ حيكايالارىن ۇزدىكسىز ويداعىداي اڭگىمەلەپ، شينجياڭنىڭ جوعارى دەڭگەيدە ەسىك اشۋىنىڭ ۇزدىكسىز تىڭ بەلەسكە قادام تاستاۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋدى نەگىزگى تاقىرىپتىق تاربيەنىڭ ماڭىزدى مازمۇنى ەتىپ، فورماشىلدىق، تورەشىلدىك قيىن ماسەلەلەرىن شەشۋدى اناعۇرلىم كورنەكتى ورىنعا قويىپ، عىلمي، دالمە - ءدال تۇردە نىسانالى وڭاپ، حۇجاتتاردى ىقشامداپ، ءماجىلىستى ازايتۋ سەرپىنىن ۇزدىكسىز ارتتىرىپ، باقىلاۋ - تەكسەرۋدى، تەكسەرۋدى، باعالاۋدى جۇيەگە ءتۇسىرىپ، سيفرلى قولدانىلىمدى باسقارۋدى كۇشەيتىپ، نەگىزگى ساتىنى باسقارۋ جۇيەسى مەن باسقارۋ قابىلەتى قۇرىلىسىن ىلگەرىلەتىپ، نەگىزگى ساتىنىڭ اۋىرتپالىعىن جەڭىلدەتۋدىڭ ۇدايىلانعان مەحانيزمىن ۇزدىكسىز ورناتىپ، كەمەلدەندىرىپ، نەگىزگى ساتى پارتيا مۇشەلەرىن، كادرلارىن دۇرىس ناتيجە كوزقاراسىن ورناتۋعا جەتەكتەپ، ءىس تىندىرىپ، ناتيجە شىعارۋ بەلسەندىلىگىن قوزعاپ، شىندىققا جۇگىنىپ، ناقتى ءىس ىستەۋ، شىنايى يگەرىپ ناقتى ىستەۋ ستيلىن زور كۇشپەن ساۋلەلەندىرىپ، نەگىز قالايتىن، ۇزاق بولاشاققا ءتيىمدى، ناقتى ونىمدىلىككە جەتەتىن، ناقتى ناتيجە جاراتاتىن قىزمەتتەردى كوبىرەك ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ ءۇشىن پارمەندى قامتاماسىزدىق ازىرلەۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، شينجياڭنىڭ كەن بايلىعى مەن كاسىپ سالاسىنىڭ مەملەكەتتىڭ ەكونوميكالىق كەلەلى جاعدايىنداعى ماڭىزدى رولىن اناعۇرلىم ويداعىداي ساۋلەلەندىرۋدى ارقاۋ ەتىپ، مەملەكەتتىڭ جاڭا كەزەكتى كەن بارلاۋدان قامال الۋ ستراتەگيالىق ارەكەتىنىڭ تالابىن مۇقيات تياناقتاندىرىپ، كەن بايلىعىن بارلاۋ، اشۋ سەرپىنىن ارتتىرىپ، باسشىلىق ەتۋ جانە باسقارۋ مەحانيزمىن ورناتىپ، كەمەلدەندىرىپ، ادام كۇشى، قارجى سياقتى ماڭىزدى فاكتورلار قامتاماسىزدىعىن كۇشەيتىپ، شينجياڭنىڭ ەنەرگيا بايلىعىنىڭ باسىمدىعىن ساۋلەلەندىرۋدى، كومەسكى كۇشىن جارىققا شىعارۋدى ۇزدىكسىز ىلگەرىلەتىپ، ستراتەگيالىق سيپاتتى بايلىقپەن قامداۋدى قامتاماسىز ەتۋ قابىلەتىن جانە كادەگە جاراتۋ، پايدالانۋ دەڭگەيىن ۇزدىكسىز جوعارىلاتىپ، مەملەكەتتىڭ ەنەرگيا جانە شەشۋشى كەن بايلىعى حاۋىپسىزدىگىن قامتاماسىز ەتۋگە اناعۇرلىم كوپ شينجياڭ ۇلەسىن قوسۋ كەرەك.
ءماجىلىس اۆتونوميالى رايوننىڭ كومىر كەندەرىن تۇرگە ايىرىپ ءبىر جاقتى ەتۋ قىزمەتىن اقىلداسىپ، تالقىلاپ، ۇيىمدىق باسشىلىقتى كۇشەيتىپ، جاعدايدى جاپپاي انىقتاپ، جەر جاعدايىنا قاراي، ءبىر كەنگە ءبىر شارا شىعارىپ، دالمە - ءدال شارا قولدانىپ، وزگەرتىپ، دارەجەسىن جوعارىلاتۋ، قۇرىپ وندىرىسكە قوسۋ، جاۋىپ قاتاردان شىعارۋ سياقتى ءتۇرلى قىزمەتتەردى زاڭ، ەرەجە بويىنشا ورنىقتى دا ءتارتىپتى تۇردە ويداعىداي ىستەپ، بۇكىل رايوننىڭ كومىر ءوندىرىسى قۇرىلىمىن اناعۇرلىم ساپالىلاندىرىپ، كومىردىڭ وزىق، ساپالى ءوندىرىس قۋاتىن ۇزدىكسىز جارىققا شىعارىپ، زەردەلىلەندىرۋ قۇرىلىسى مەن ءوندىرىس حاۋىپسىزدىگى دەڭگەيىن جوعارىلاتىپ، رايونىمىزدىڭ كومىرمەن قامداۋ ساپاسى مەن ونىمدىلىگىن ۇزدىكسىز ارتتىرىپ، ەكونوميكانىڭ، قوعامنىڭ جوعارى ساپالى دامۋىنا اناعۇرلىم ويداعىداي قىزمەت وتەپ، مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋ كەرەكتىگىن باسا دارىپتەدى.
ءماجىلىس اۆتونوميالى رايوننىڭ ”14 - بەسجىلدىقتا“ مادەنيەتتى دامىتۋعا قاتىستى جوباسىن اقىلداسىپ، قاراپ، باس شۋجي شي جينپيڭنىڭ سوتسياليستىك مادەنيەت قۇرىلىسى جونىندەگى ماڭىزدى بايىمداۋلارىنىڭ، اسىرەسە، مادەنيەتتى جالعاستىرۋ، دامىتۋ اڭگىمە ماجىلىسىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، پارتيانىڭ جاسامپاز نازارياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاباندى بولىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، نەگىزگى يدەيالىق، قوعامدىق پىكىردى بەكەمدەپ، زورايتىپ، جۇڭحۋانىڭ تاڭداۋلى ءداستۇرلى مادەنيەتىن زور كۇشپەن اسقاقتاتىپ، مادەنيەت، كوركەمونەر ىستەرىنىڭ گۇلدەنۋىن، دامۋىن جەبەپ، مادەنيەت كاسىپ سالاسىنىڭ جوعارى ساپالى دامۋىن ىلگەرىلەتىپ، ءار ۇلت حالقىنىڭ ىنتىماقتاسا كۇرەس جۇرگىزۋ ورتاق يدەيالىق نەگىزىن ۇزدىكسىز بەكەمدەپ، جاڭا داۋىردەگى جاڭا جورىقتا كورىكتى شينجياڭدى قۇلشىنا قۇرۋعا مىعىم رۋحاني كۇش ازىرلەۋدى باسا دارىپتەدى.
