شي جينپيڭ نيڭشيانىڭ يىنچۋان قالاسى شيڭچيڭ رايونى فۋياڭ قاقتاما دۇكەنىندە تۋىلعان وتىندىق گاز قوپارىلىس شىرعالاڭى جونىندە ماڭىزدى نۇسقاۋ بەردى
جارالانعانداردى بار كۇشپەن ويداعىداي قۇتقارىپ - ەمدەپ، ءتۇيىندى كاسىپتەردىڭ، ءتۇيىندى سالالاردىڭ حاۋىپسىزدىگىن باقىلاۋ - باسقارۋدى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋدى تالاپ ەتتى
شينحۋا اگەنتتىگىنىڭ 6 - ايدىڭ 22 - كۇنى بەيجيڭنەن بەرگەن حابارى. 6 - ايدىڭ 21 - كۇنى ساعات 20دان 40 مينۋت مولشەرىندە نيڭشيانىڭ يىنچۋان قالاسى شيڭچيڭ رايونى فۋياڭ قاقتاما دۇكەنىندە وتىندىق گاز قوپارىلىس شىرعالاڭى تۋىلىپ، قازىرگە دەيىن شىرعالاڭدا 31 ادام قازا بولىپ، 7 ادام جارالاندى.
شىرعالاڭ تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا نازار اۋداردى ءارى بىلاي دەپ ماڭىزدى نۇسقاۋ بەردى: نيڭشيانىڭ يىنچۋان قالاسى شيڭچيڭ رايونى فۋياڭ قاقتاما دۇكەنىندە وتىندىق گاز قوپارىلىس شىرعالاڭى تۋىلىپ، كوپ ادام جارالاندى، قازا بولدى، بۇل ادامدى اشىندىرادى، اشتى ساباق بولدى. جارالانعانداردى قۇتقارۋ - ەمدەۋ جانە جارالانعانداردىڭ، قازا بولعانداردىڭ وتباسىنداعىلاردى جۇباتۋ قىزمەتىن بار كۇشپەن ويداعىداي ىستەپ، شىرعالاڭنىڭ سەبەبىن تەز ارادا انىقتاپ، جاۋاپكەرشىلىگىن زاڭ بويىنشا قاتاڭ قۋزاستىرۋ كەرەك. قازىر ءدال دۋان - ۋ دەمالىسى كەزى، جەر - جەر جانە قاتىستى تاراۋلار حاۋىپسىز دامۋ ۇستانىمىن بەرىك ورناتىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ”ءاردايىم قام جەپ تۇراتىن“ جاۋاپكەرشىلىك سەزىممەن قىزمەتتى تياناقتاندىرۋدى ناقتى، ەگجەي - تەگجەيلى يگەرىپ، قىلپى بىلىنگەن كومەسكى قاتەرلەردى قاداعالاپ، حاۋىپ - قاتەردى جاپپاي ءبىر - بىرلەپ تەكسەرۋ كەرەك. تاياۋدا قاتىستى تاراۋلار ءوندىرىس حاۋىپسىزدىگى حاۋىپ - قاتەرىن ارناۋلى وڭاۋدى ورىستەتىپ، ءتۇيىندى كاسىپتەردىڭ، ءتۇيىندى سالالاردىڭ حاۋىپسىزدىگىن باقىلاۋ - باسقارۋدى كۇشەيتىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىنان ءونىمدى ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك.
شي جينپيڭنىڭ نۇسقاۋىنا ساي، شۇعىل جاعدايعا توتەپ بەرۋدى باسقارۋ مينيسترلىگى، تۇرعىن ءۇي جانە قالا، اۋىل قۇرىلىسى مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى، بازار باقىلاۋ - باسقارۋ باس مەكەمەسى سياقتى تاراۋلار قىزمەت گرۋپپاسىن سول جەرگە دەرەۋ جىبەرىپ، جارالانعانداردى قۇتقارۋ - ەمدەۋ جانە شۇعىل جاعدايعا توتەپ بەرۋ بويىنشا ءبىر جاقتى ەتۋ قىزمەتىنە جەتەكشىلىك ەتتى. نيڭشيا حۇيزۋ اۆتونوميالى رايونى، يىنچۋان قالاسى كۇش ۇيىمداستىرىپ، سوڭعى جۇمىستاردى ىڭعايلاستىرۋ قىزمەتىن كۇش سالا جاقسى ىستەدى. قازىر مەديتسينالىق قۇتقارىپ ەمدەۋ، شىرعالاڭ سەبەبىن تەكسەرۋ سياقتى قىزمەتتەر ىستەلۋدە.
