6 - ايدىڭ 22 - كۇنى باعراش كولى داحىكوۋ كورىنىس وڭىرىندەگى ايداعار قايىق جارىس مايدانىندا شەبەرلەر ەسكەكتى مىقتاپ ۇستاپ، قايراتتانا العا جۇيتكۋدە.
□ سۋرەتتى نيان لەي تۇسىرگەن
□ انار بۇلت \ شينجياڭ گازەتىنىڭ ءتىلشىسى ياۋ گاڭ
”ەسكەكتەر سۋ بەتىن سىزعىلاپ، بارابان داۋىسى جەر - كوكتى جاڭعىرتتى“. دۋان - ۋ مەرەكەسى دەمالىسى كەزىندە بۇكىل شينجياڭنىڭ كوپ جەرىندە ايداعار قايىق جارىسى وتكىزىلدى. ايداعار قايىق قۇراماسىنداعىلار بار كۇشىمەن ەسكەك ەسىپ، تولقىن جارا العا ۇمتىلىپ، جىگەرلەنە ءتۇستى، سول جەردەگى كورەرمەندەردىڭ شاتتىق ءۇنى مەن الاقايلاعان داۋىسى ۇزىلمەدى. وسى سالت - سانا قيمىلىندا جۇرت ءداستۇرلى مادەنيەتتەن ءلاززات الىپ، ونەر باسەكەسىنىڭ كەرەمەتىن كورىپ، مەرەيلى دۋان - ۋ مەرەكەسىن بىرگە وتكىزدى.
6 - ايدىڭ 22 - كۇنى تۇنىعىندا ساعىم ويناعان چارقىلىق وزەنىنىڭ باتىس تارماق ارناسىندا ءجيى - ءجيى سوعىلعان بارابان ۇنىنە ىلەسە ايداعار قايىق قۇراماسىنىڭ مۇشەلەرى قولدارىنداعى ەسكەكتى بىركەلكى ەسىپ، ايداعار قايىقتى بار كۇشپەن ايداپ العا جۇيتكىدى. 2023 - جىلعى چارقىلىق اۋدانىنىڭ تۇڭعىش كەزەكتى ايداعار قايىق جارىسىندا 6 ايداعار قايىق قۇراماسى وزەن ارناسىندا بارىن سالا باسەكەلەسىپ، كوپشىلىكتى ايالداي تاماشالاۋعا باۋرادى. چارقىلىق قالاشىعى چيحاڭ ايداعار قايىق قۇراماسىنداعى امەرجان كەرىم قايىق باسىندا باراباندى بار كۇشىمەن ريتىمدى سوعۋدا، قۇراما مۇشەلەرى بارابان داۋىسىنىڭ ريتىمىنە ىلەسە ەسكەك ەسۋدە، ەسكەك ءتۇسىرۋ، ەسكەك ەسۋ، ەسكەك كوتەرۋ ارەكەتتەرى وسىلايشا قايتالانۋدا، كيىمدەرى شىلقىعان تەر مەن شاشىراعان سۋعا مالشىنعان ەسكەك ەسۋشىلەر ايبىندى ايداعار قايىقتاردى جىلدامداتا ايداپ، جارىسا زۋلاپ بارادى.
سول كۇنى باعراش اۋدانىنىڭ باعراش كولى داحىكوۋ كورىنىس وڭىرىندە دۋان - ۋ مەرەكەسى بايلانىسىمەن ايداعار قايىق ۇسىنىس جارىسى وتكىزىلدى، ءارقايسى اۋىل - قالاشىقتاردان كەلگەن 8 قۇراماداعى 100 نەشە شەبەر باعراش كولى ايدىنىندا جارىسقا ءتۇسىپ، بۇكىل ەلدىڭ جەر - جەرىنەن كەلگەن ساياحاتشىلار مەرەكە مەرەيىنە شومدى. كورىنىس ءوڭىرى تاعى ساياحاتشىلارعا قياق كۇرىش ۇسىندى، كوپشىلىك بىرگە قياق كۇرىشتەن ءدام تاتىپ، جارىس تاماشالاپ، كوركەم كورىنىسكە كوز مەيىرىن قاندىرىپ، مارە - سارە بولدى.
حوشۇت اۋدانىنىڭ ”شيحايدا باسەكە · الۋان بوياۋلى حوشۇت“ ايداعار قايىق جارىسى 6 - ايدىڭ 22 - كۇنى التىن قايراڭ كورىنىس وڭىرىندە وتكىزىلدى، 10 قۇراما باعراش كولىندە باسەكەگە ءتۇستى. ايداعار قايىق جارىسىنان تىس، حوشۇت اۋدانى سۋدا ارقان تارتۋ، قياق كۇرىش ءتۇيۋ جارىسى، سارى قۇم مەن كوگىلدىر كولدەگى الاۋ كەشى، ەرەكشە ءجۇزىم شارابىنان اۋىز ءتيۋ، قولونەر بۇيىمدارى كورمەسى سياقتى قيمىلداردى دا ۇيىمداستىرىپ، دەمالىس كۇندەرىندەگى تۇرمىستى بايىتتى.
شايار اۋدانىنىڭ ”ايداعار قايىقتى زۋلاتىپ، قياق كۇرىشتىڭ ءيىسىن اڭقىتۋ“ اتىنداعى 2 - كەزەكتى ايداعار قايىق جارىسى تاياۋدا شايار اۋدانى وگەن وزەنى ەكولوگيالىق مادەنيەت - ساياحات كورىنىس وڭىرىندە وتكىزىلدى. ”ايداعار قايىق جارىسى ارقىلى جۇڭحۋانىڭ تاڭداۋلى ءداستۇرلى مادەنيەتىنىڭ باۋرامدىلىعىن سەزىندىك. كوپشىلىك تىزە قوسا قۇلشىنعاندا عانا، ايداعار قايىقتى كومبەگە قاراي كۇشتى تەبىنمەن زۋلاتا الادى، ءبىزدىڭ تۇرمىسىمىز دا وسى سياقتى“، - دەدى شايار اۋدانى گەزقۇم اۋىلى تۇيان قىستاعىنىڭ تۇرعىنى حاي لۇڭ.
ماناس اۋدانىنىڭ ”ماناس وزەنىندەگى ەرجۇرەكتەر“ اتىنداعى 5 - كەزەكتى ايداعار قايىق جارىسى 6 - ايدىڭ 22 -، 23 - كۇندەرى وتكىزىلدى. اۋداننىڭ جەر - جەرىنەن كەلگەن 36 قۇراما جارىسقا قاتىناستى. جارىستان بۇرىن قىزىل تورعىن بايلاپ، ايداعاردىڭ قاراشىعىن سىزۋ، دۋان - ۋدا ازالى جىر جولدارىن ارناۋ، بارابان سوعىپ ايداعار قايىقتى سۋعا ءتۇسىرۋ، كولدى شارلاۋ جوسىندارى وتكىزىلدى، جۇرگىزۋشى دۋان - ۋ مەرەكەسىندەگى ادەت - عۇرىپتاردى سول جەردىڭ وزىندە ءتۇسىندىرىپ، ماناس اۋدانىنىڭ مادەنيەت تاريحىن تانىستىردى. ”جەلبىرەگەن ايداعار تۋ، زۋلاعان ايداعار قايىق، مەرەيگە شومعان قيمىل ورنىندا ايداعار قايىق جارىسى سىندى سالت - سانا، ادەت - عۇرىپ كەسكىندەلدى“، - دەدى ماناس اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى جاڭ شينيۇي.
