انار بۇلت \ شينجياڭ گازەتىنىڭ ءتىلشىسى چىن چياڭۋي 6 - ايدىڭ 24 - كۇنى ۇرىمجىدەن حابارلايدى. قورعاس كەدەنىنەن ۇعىسۋىمىزشا، الدىڭعى 5 ايدا قورعاس تاس جول، تەمىر جول شەكارا وتكەلىنەن يمپورت - ەكسپورت ەتىلگەن زات تاسىمال مولشەرى بارىنشا ارتىپ، سايكەس مەزگىلدەگىدەن ％8. 48 ارتىپ، بۇرىنعى جىلدارداعى سول تۇستاعىنىڭ ەڭ جوعارى دەڭگەيىن جاراتقان.
الدىڭعى 5 ايدا قورعاس كەدەنى باقىلاپ - باسقاراتىن تاس جول تاسىمالىنىڭ يمپورت - ەكسپورت زات تاسىمال مولشەرى 543 مىڭ تونناعا جەتىپ، سايكەس مەزگىلدەگىدەن ％7. 103 ارتقان. مۇنىڭ ىشىندە يمپورت ەتىلگەن زات تاسىمال مولشەرى 19 مىڭ توننا، ەكسپورت ەتىلگەن زات تاسىمال مولشەرى 524 مىڭ توننا بولعان. باقىلاپ - باسقاراتىن تەمىر جول تاسىمالىنىڭ يمپورت - ەكسپورت زات تاسىمال مولشەرى 4 ميلليون 132 مىڭ تونناعا جەتىپ، سايكەس مەزگىلدەگىدەن ％7. 43 ارتقان. مۇنىڭ ىشىندە يمپورت ەتىلگەن زات تاسىمال مولشەرى 2 ميلليون 100 مىڭ توننا بولىپ، سايكەس مەزگىلدەگىدەن ％9. 91 ارتقان؛ ەكسپورت ەتىلگەن زات تاسىمال مولشەرى 2 ميلليون 32 مىڭ توننا بولىپ، سايكەس مەزگىلدەگىدەن ％1. 14 ارتقان.
بيىل جىل باسىنان بەرى قورعاس شەكارا وتكەلىنەن ەكسپورت ەتىلگەن تاۋارلار، نەگىزىنەن، ماشينا - ەلەكتر ونىمدەرى، جوعارى، جاڭا تەحنيكالىق ونىمدەر سياقتىلار بولدى، وسى ەكى تۇردەگى تاۋارلاردىڭ ەكسپورت ساۋدا سوماسى سايكەس مەزگىلدەگىدەن جەكە - جەكە ％8. 52، ％2. 8 ارتقان.
”كوكتەمگى ەگىس كەزىندە شەكارا وتكەلىنەن يمپورت ەتىلگەن تىڭايتقىش مولشەرى ەسەلەپ ارتتى“. قورعاس كەدەنى جالپىلىق كاسىپ ءبولىمىنىڭ ورىنباسار باستىعى لي شۇيياڭ بىلاي دەدى: الدىڭعى 5 ايدا قورعاس شەكارا وتكەلىنىڭ تىڭايتقىش يمپورت ساۋدا سوماسى سايكەس مەزگىلدەگىدەن 4. 18 ەسە ارتقان، بۇل ەل ءىشى بازارىنىڭ قۋاتتى اۋىل شارۋاشىلىق ءوندىرىس تۇتىنۋ قابىلەتىن ايگىلەيدى.
بيىل − ”ءبىر بەلدەۋ، ءبىر جول“ باستاماسى العا قويىلعاندىعىنىڭ 10 جىلدىعى، 10 جىلدان بەرى قورعاس شەكارا وتكەلى ەلىمىزدىڭ باتىسقا ەسىك اشۋداعى ماڭىزدى شەكارا وتكەلى رەتىندە، يمپورت - ەكسپورت ەتىلەتىن زاتتاردىڭ سانىنان تارتىپ تۇرىنە دەيىن بارلىعىندا زور وزگەرىستەر تۋىلىپ، شينجياڭنىڭ، اۋەلى، جۇڭگونىڭ باتىسقا قاراي باعىتتاعان ەكونوميكا - ساۋدا وزگەرىسىن ايگىلەدى.
لي شۇيياڭ مىنالاردى ءبىلدىردى: قورعاس شەكارا وتكەلىنەن ەكسپورت ەتىلەتىن تاۋارلاردا 10 جىلدىڭ الدىندا ءتۇرلى بۇيىمدار نەگىز ەتىلەتىن، ال قازىر جوعارى قوسىمشا قۇندى ”جۇڭگودا جاسالعان“ ونىمدەر، مىسالى، اۆتوكولىك، ماشينا - ەلەكتر ونىمدەرى سياقتىلار مولشەرى جەدەل ارتىپ، ەكسپورت ساۋداسى ۇلەسىندە يەلەيتىن سالىستىرماسى ۇزدىكسىز جوعارىلادى.
بۇگىنگى تاڭدا جۇڭگو مەن ورتا ازيا ەلدەرىنىڭ ەكونوميكا - ساۋدا بارىس - كەلىسىنىڭ ۇزدىكسىز تەرەڭدەۋىنە بايلانىستى، قورعاس شەكارا وتكەلىنىڭ ەسىك اشۋ دەڭگەيى ۇزدىكسىز جوعارىلادى. شەكارا وتكەلىنىڭ كەدەننەن ءوتۋ ونىمدىلىگىن جوعارىلاتۋ ءۇشىن، قورعاس كەدەنى شەكارا وتكەلىنىڭ ”تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتىپ، جۇمىس ءتارتىبىن ساپالىلاندىرىپ، تالون - كۋالىكتەردى ازايتىپ، ونىمدىلىكتى جوعارىلاتىپ، شەكارا وتكەلدەرىنىڭ شارۋاشىلىق - ساۋدا ورتاسىن ۇزدىكسىز جاقسارتىپ، شەكارا وتكەلدەرىنىڭ كەدەننەن ءوتۋدى باقىلاۋ - باسقارۋ ونىمدىلىگىن ۇزدىكسىز جوعارىلاتىپ، مەملەكەتتىڭ باتىسقا ەسىك اشۋ ارناسىنىڭ ىركىلىسسىزدىگىنە كەپىلدىك ەتتى.
