ەركىن تۇنياز اقسۋ ايماعىندا، قىزىلسۋ قىرعىز اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
سىرتقا ەسىك اشۋ قابىلەتى مەن دەڭگەيىن جاپپاي جوعارىلاتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 6 - ايدىڭ 24 - كۇنى ۇلۇقشاتتان حابارلايدى. 6 - ايدىڭ 23 - كۇنىنەن 24 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اقسۋ ايماعىنا جانە قىزىلسۋ قىرعىز اۆتونوميالى وبلىسىنا بارىپ، شەكارانىڭ ءبىرىنشى شەبىن، شەكارا وتكەلى باقشا رايونىن، كاسىپورىن سەحىن ارالاپ، سىرتقا ەسىك اشۋ، كاسىپ سالاسىنىڭ دامۋى، حالىق تۇرمىسى قىزمەتى سياقتىلار جونىندە ىشكەرىلەي تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، نەگىزگى تاقىرىپتىق تاربيەنى وراي ەتىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا اۆتونوميالى رايوننىڭ وڭتۇستىك شينجياڭدى قولداۋ ساياسات - شارالارىنان شىن مانىندە ويداعىداي، تولىق پايدالانىپ، سىرتقا ەسىك اشۋ قابىلەتى مەن دەڭگەيىن جاپپاي جوعارىلاتىپ، حالىق تۇرمىسىمەن تىعىز جاناسىپ جوعارى ساپالى دامۋدى ىلگەرىلەتۋ كەرەك.
ءۇشتۇرپان اۋدانىنىڭ بەدەل ورتەڭىندە، بەدەل ورتەڭى ۇلى قورعان مەملەكەتتىك مادەنيەت باقشاسىندا ەركىن تۇنياز تاريحي مادەنيەت مۇرالارىن قورعاۋ جاعدايىن ەگجەي - تەگجەيلى ۇعىسىپ، تاريحي مادەنيەت بايلىعىن قورعاۋدى جانە جالعاستىرۋدى كۇشەيتۋ كەرەكتىگىن باسا دارىپتەدى. اقشي سۋ يگىلىگى تورابى ينجەنەرياسىندا، شينجياڭ زىجين ءتۇستى مەتال شەكتى سەرىكتەستىگىندە ەركىن تۇنياز باسقارۋ، تەحنيكا، دارىندى سياقتى باسىمدىقتاردى تولىق ساۋلەلەندىرىپ، جەرگىلىكتى ورىنداعى اناعۇرلىم كوپ ەڭبەككۇشتى جۇمىسقا قابىلداپ، جەرگىلىكتى ورىننىڭ حالىق تۇرمىسىن جاقسارتۋىنا دەم بەرۋ كەرەكتىگىن باسا دارىپتەدى.
ەركىن تۇنياز جۇمىس باسىندا بەدەل شەكارا وتكەلىنىڭ ورنىن تاڭداۋ جاعدايىنا تەكسەرۋ - زەرتتەۋ جۇرگىزىپ، قاتىستى جاعدايدان بەرىلگەن مالىمەتتى تىڭدادى ءارى تەڭىز دەڭگەيىنەن 4269 مەتر بيىكتەگى بەدەل جۇڭگو − قىرعىزستان شەكاراسىنداعى 3 - ءنومىرلى شەكارا بەلگىسىنە بارىپ، وتاننىڭ شەكارا بەلگىسىن قىزىل بوياۋمەن باستىرا سىزدى. ول بىلاي دەپ باسا دارىپتەدى: نەگىزگى تۇلعالىق رولدى تولىق ساۋلەلەندىرىپ، شەكارا وتكەلىن جوعارى دەڭگەيدە جوبالاپ، جوعارى ولشەممەن ويداعىداي قۇرىپ، شەكارا وتكەلى قۇرىلىسىن ىلگەرىلەتۋدىڭ جاڭا شارالارىن باتىلدىقپەن قاراستىرىپ، ونى رايونىمىزدىڭ سىرتقا ەسىك اشۋىنداعى ”جاڭا تانىسقىسى“ ەتىپ تۇلعالاۋ كەرەك. ەركىن تۇنياز شەكارا قورعانىسى مىندەت وتەۋ ءتۇيىنى، شەكارا ساقشى ىستەر پۋنكتى، شەكارا قورعانىس ليانى سياقتى جەرلەرگە بارىپ، ءبىرىنشى شەپتەن تاپجىلماعان شەكارا كۇزەتۋشىلەرگە، مىندەت وتەپ جاتقان حالىق ساقشىلارىنا، اسكەري بولىمدەگى وفيتسەر - اسكەرلەرگە، ت . ب امانداسىپ، ولاردان حال سۇراپ، كوپشىلىكتىڭ قىزمەت ورنىن تياناق ەتىپ، كۇش ۇستىنە كۇش قوسىپ، تاعى دا تىڭ ۇلەس قوسىپ، وتانىمىزدىڭ شەكارا لەنياسىن باستان - اياق تىڭعىلىقتى ويداعىداي قورعاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇش - قۋات ارناۋىن ءۇمىت ەتتى.
تورعات شەكارا وتكەلىندە ەركىن تۇنياز شەكارا وتكەلىنىڭ جۇمىس جاعدايىن جانە شەكارا وتكەلىنىڭ تاس جول قۇرىلىسى اياق الىسىن ەگجەي - تەگجەيلى ۇعىستى. ەركەشتام شەكارا وتكەلىنىڭ مەملەكەت قاقپاسىندا جانە كەدەننەن ءوتۋ اۋماعىندا ەركىن تۇنياز جۇمىس باسىندا شەكارا وتكەلىندە كەدەننەن ءوتۋ، جۇڭگو − قىرعىزستان دوستىق كوپىرى قۇرىلىسى، شەكارالىق تۇرعىندار بازارى، ت . ب جاعدايلارعا تەكسەرۋ - زەرتتەۋ جۇرگىزىپ، نەگىزدىك قۇرىلعىلار قۇرىلىسى سەرپىنىن ارتتىرىپ، كەدەننەن ءوتۋ ونىمدىلىگى مەن قىزمەت وتەۋ دەڭگەيىن ۇزدىكسىز جوعارىلاتىپ، شەكارالىق تۇرعىندار بازارىنىڭ ساۋدا ساياساتىن تياناقتاندىرۋ كەرەكتىگىن باسا دارىپتەدى.
تەكسەرۋ - زەرتتەۋ بارىسىندا ەركىن تۇنياز تاعى ”حالىق ونەگەسى“ بۇرماحان مولدوعا، ”ەڭ ارداقتى كۇرەسكەر“ ۋ دىڭيۇنعا امانداسا بارىپ، حال سۇرادى.
ەركىن تۇنياز تەكسەرۋ - زەرتتەۋدە بىلاي دەپ باسا دارىپتەدى: دامۋ مەن حاۋىپسىزدىكتى شىن مانىندە ءبىر تۇتاس جوسپارلاپ، ورنىقتىلىقتى قورعاۋ قىزمەتىن تيتتەي دە بوساڭسىتپاي مىقتى يگەرىپ، جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەرىك ورناتىپ، بۇقارانى مۇمكىندىگىنشە ىنتىماقتاستىرىپ، جۇرت تىلەگىن ۇيىستىرۋ كەرەك. ”8 ءىرى كاسىپ سالاسى شوعىرى“ قۇرىلىسىن تىڭعىلىقتى ىلگەرىلەتىپ، تىزبەكتى ۇزارتۋ، تىزبەكتى تولىقتاۋ، تىزبەكتى كۇشەيتۋ جاعىنا كۇش سالىپ، جاسىل كەن، جاڭا ەنەرگيا، جاڭا ماتەريال سياقتى ەرەكشەلىككە، باسىمدىققا يە كاسىپ سالالارىن ۇزدىكسىز زورايتۋ، كۇشەيتۋ كەرەك. ساياسي دەڭگەيدى شىن مانىندە جوعارىلاتىپ، سىرتقا ەسىك اشۋ كەلەلى جاعدايىن شىعار ءتۇيىن ەتىپ، شەكارا وتكەلى قۇرىلىسىن كۇشەيتىپ، يمپورت - ەكسپورت ونىمدەرىن مانەرلەۋ كاسىبىن كۇش سالا دامىتىپ، شەكارا وتكەلى قۇرىلىسى مەن مادەنيەت - ساياحاتتىڭ توعىسپالى دامۋىن جەبەپ، شەكارا وتكەلى ەكونوميكاسىنىڭ كاسىپ سالاسى ەكونوميكاسىنا بۇرىلىس جاساۋىن ىلگەرىلەتۋ كەرەك.
