ما شيڭرۇي اۆتونوميالى رايوننىڭ ورمان باستىعى ءتۇزىمىن جاپپاي اتقارۋ باسشىلىق گرۋپپاسىنىڭ ماجىلىسىندە بىلاي دەپ باسا دارىپتەدى
شي جينپيڭنىڭ ەكولوگيالىق وركەنيەت يدەياسىن جاپپاي دايەكتىلەندىرىپ، تياناقتاندىرىپ، ورماندى، جايلىمدى قورعاۋ، باسقارۋ دەڭگەيىن جوعارىلاتىپ، ەكولوگيالىق حاۋىپسىزدىك قالتقىسىن بەكەمدەۋ كەرەك
ءزۇمىرات وبۇل قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 6 - ايدىڭ 25 - كۇنى ۇرىمجىدەن حابارلايدى. اۆتونوميالى رايوننىڭ ورمان باستىعى ءتۇزىمىن جاپپاي اتقارۋ باسشىلىق گرۋپپاسى 6 - ايدىڭ 25 - كۇنى ءماجىلىس اشىپ، نەگىزگى تاقىرىپتىق تاربيەنى مۇقيات ورىستەتۋمەن ۇشتاستىرىپ، پارتيا 20 - قۇرىلتايىنىڭ رۋحىن جانە شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەندى، دايەكتىلەندىردى، باس شۋجي شي جينپيڭنىڭ ىشكى موڭعۇلدا قىزمەت تەكسەرگەندە ءارى شولەيتتەنۋدەن جالپىلىق ساقتانۋ - تىزگىندەۋدى كۇشەيتۋ جانە ”ءۇش تەرىستىك“ سياقتى ءتۇيىندى ەكولوگيالىق ينجەنەريا قۇرىلىستارىن ىلگەرىلەتۋ اڭگىمە ءماجىلىسىن باسقارىپ اشقانداعى ماڭىزدى ءسوزىنىڭ رۋحىن دايەكتىلەندىردى، تياناقتاندىردى، پارتيا ورتالىق كوميتەتىنىڭ ورمان باستىعى ءتۇزىمى قىزمەتى جونىندەگى شەشىمدەرىن، ورنالاستىرۋلارىن جاپپاي تياناقتاندىرىپ، قىزمەت مالىمەتىن تىڭدادى، قاتىستى حۇجاتتاردى قارادى، اۆتونوميالى رايوننىڭ ورمان باستىعى ءتۇزىمىن جاپپاي اتقارۋداعى ءتۇيىندى قىزمەتتەردى ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ ورمان باستىعى ءتۇزىمىن جاپپاي اتقارۋ باسشىلىق گرۋپپاسىنىڭ باستىعى ما شيڭرۇي ءماجىلىستى باسقاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ماجىلىسكە قاتىناستى.
ءماجىلىس 2022 - جىلعى اۆتونوميالى رايوننىڭ ورمان باستىعى ءتۇزىمىن جاپپاي اتقارۋ قىزمەتى جاعدايىنان مالىمەت تىڭدادى، «2023 - جىلعى ورمان، جايلىم بايلىعىن قورعاۋ بۇيرىعىن»، «2023 - جىلعى اۆتونوميالى رايوننىڭ ورمان باستىعى ءتۇزىمىن جاپپاي اتقارۋ قىزمەتىنىڭ ماڭىزدى تۇيىندەرىن» اقىلداستى، قارادى.
ما شيڭرۇي بىلاي دەپ اتاپ كورسەتتى: نەگىزگى تاقىرىپتىق تاربيە ورىستەتۋدى وراي ەتىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، ءتۇسىنىپ، ساياسي دەڭگەيدى اناعۇرلىم جوعارىلاتىپ، جۇڭگو ۇلگىسىندەگى وسىزامانداندىرۋ − ”ادام مەن تابيعات جاراسىمدى قاتار ءومىر سۇرەتىن وسىزامانداندىرۋ“ دەيتىن وسكەلەڭ تۇرعىدا ورمان، جايلىم قىزمەتىن تانىپ جانە يگەرىپ، ەكولوگيالىق وركەنيەت قۇرىلىسىنىڭ ساياسي جاۋاپكەرشىلىگىن شىن مانىندە مىقتاپ ارقالاپ، ورمان باستىعى ءتۇزىمىن جاپپاي اتقارۋدى تۇتقا ەتىپ، نازاردى ءتۇيىندى مىندەتكە شوعىرلاندىرىپ، شينجياڭنىڭ ورمان، جايلىم ىستەرىنىڭ جوعارى ساپالى دامۋىن ءبىر تۇتاس جوسپارلاپ ىلگەرىلەتىپ، ەلىمىزدىڭ سولتۇستىگىندەگى ەكولوگيالىق حاۋىپسىزدىك قالتقىسىن بەكەمدەۋگە شينجياڭ ۇلەسىن قوسۋ كەرەك. قورعاۋدى ماڭداي الدى ورىنعا قويۋعا تاباندى بولىپ، ”جاسىل القاپتى قورعاۋ“ جاعىندا قىزىل سىزىقتى بەرىك ساقتاۋ كەرەك. تاۋ، سۋ، ورمان، اتىز، كول، جايلىم، قۇمدى ءشول ءبىر تۇلعالانعان قورعاۋ مەن جۇيەلى باسقارۋدى ءبىر تۇتاس جوسپارلاپ ىلگەرىلەتىپ، قۇمايتتانۋدان جالپىلىق ساقتانۋ، جونگە سالۋ جانە ”ءۇش تەرىستىك“ سياقتى ءتۇيىندى ەكولوگيالىق ينجەنەريا قۇرىلىستارىن جاپپاي، جۇيەلى، ويداعىداي يگەرىپ، ورمان، جايلىم، سازدىقتاردى تىنىقتىرۋدى جاپپاي ىلگەرىلەتىپ، ورمان، جايلىم ءورت اپاتىنىڭ كومەسكى حاۋىپ - قاتەرىن ءبىر - بىرلەپ تەكسەرۋدى، جونگە سالۋدى تەرەڭدەتىپ، ورمان، جايلىم حاۋىپسىزدىگى قورعانىس شەبىن شىن مانىندە مىقتاپ ورناتۋ كەرەك. جاسىل دامۋعا تاباندى بولىپ، ”جاسىل جامىلعىنى ارتتىرۋ“ جاعىندا ۇزاق ۋاقىت ۇلەس قوسۋ كەرەك. مەملەكەتتىك باقشا قۇرىلىسىن جوعارى ساپامەن ىلگەرىلەتىپ، مەملەكەت جەرىن جاسىلداندىرۋدى عىلمي ورىستەتىپ، ەكولوگياعا پايدالانىلاتىن سۋدى قامتاماسىز ەتۋدى كۇشەيتىپ، ورمان كولەمىن، قور مولشەرىن ارتتىرۋدى جانە ساپاسىن جوعارىلاتۋدى جەدەل ىلگەرىلەتىپ، جايلىمنىڭ جالپىلىق جامىلعى وسىمدىكتەرمەن كومكەرىلۋ مولشەرى مەن ءوندىرىس قۋاتىن جوعارىلاتىپ، قالا مەن اۋىلدى جاسىلداندىرۋدى ۇزدىكسىز ىلگەرىلەتىپ، قونىستانۋعا جايلى بولۋ دەڭگەيىن جاپپاي جوعارىلاتۋ كەرەك. كاسىپ سالاسى ارقىلى حالىقتى بايىتۋعا تاباندى بولىپ، ”جاسىلداندىرۋدى كادەگە جاراتۋ“ جاعىندا ناقتى ونىمدىلىككە قول جەتكىزۋ كەرەك. جاسىل، ورگانيكالى جەمىس - جيدەك، كوكونىس كاسىپ سالاسى شوعىرىن جەدەل قالىپتاستىرىپ، ەرەكشە، باسىمدىققا يە ورمان جەمىس - جيدەك كاسىپ سالاسىنىڭ وڭدەۋ كاسىپ سالاسى تىزبەگىن كەڭەيتىپ، ورمان، جايلىم ەگىمشىلىگىن گۇلدەندىرۋدىڭ 3 جىلدىق ارەكەتىن ويداعىداي اتقارىپ، قۇمدى تىزگىندەۋ كاسىپ سالاسىن، ورمان ەكونوميكاسىن بەلسەنە جەتىلدىرىپ، ورمان، جايلىم جانە ساياحات، وقۋ - اعارتۋ، مادەنيەت، كۇتىنۋ سياقتىلاردىڭ ىشكەرىلەي توعىسۋىن ىلگەرىلەتىپ، اناعۇرلىم كوپ بۇقارانى كىرىستەرىن ارتتىرىپ، بايۋعا جەتەكتەۋ كەرەك. رەفورما جاساۋعا، جاڭالىق اشۋعا تاباندى بولىپ، ”جاسىلداندىرۋدى جانداندىرۋ“ جاعىندا ەسكىنى جاڭالاۋ كەرەك. كوللەكتيۆ ورمان ۇقىعى ءتۇزىمى رەفورماسىن جانە ورمان، جايلىم سالاسىنداعى ءتۇزىلىس - مەحانيزم رەفورماسىن تەرەڭدەتىپ، ورماندى، جايلىمدى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتىپ، عىلىم - تەحنيكاعا سۇيەنىپ ورمان - جايلىم ىستەرىن كۇشەيتۋدى كۇش سالا اتقارىپ، زەردەلى ورمان، جايلىم، سيفرلى ورمان، جايلىم قۇرۋدى جەدەلدەتىپ، شينجياڭنىڭ ورمان، جايلىم بايلىعىن عىلمي باسقارۋ، قورعاۋ قابىلەتى مەن دەڭگەيىن ۇزدىكسىز جوعارىلاتۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر، اسىرەسە، نەگىزگى باسشىلار تۇلعالىق جاۋاپكەرشىلىكتى شىنايى ارقالاپ، پارتيا مەن ۇكىمەت بىردەي جاۋاپتى بولۋعا، قاراستى جەر جاۋاپتى بولۋعا، تاراۋلار سايكەسۋگە، تۋ باستان باسقارۋعا، تۇتاس ءوڭىردى قامتۋعا تاباندى بولىپ، قىزمەتتى تياناقتاندىرۋدى مىقتى يگەرىپ، قىزمەت بىرىككەن كۇشىن قالىپتاستىرىپ، ونىمدىلىكتى وكشەلەي قۋزاستىرۋدى كۇشەيتىپ، ورمان باستىعى ءتۇزىمىن جاپپاي جالپىلاستىرۋ قىزمەتىندە تىڭ ناتيجەگە قول جەتكىزۋگە كەپىلدىك ەتۋى كەرەك. نەگىزگى تاقىرىپتىق تاربيەنى ورىستەتۋمەن ۇشتاستىرىپ تەكسەرۋ - زەرتتەۋدى بارىنشا ورىستەتىپ، نەگىزگى ساتىنىڭ ءبىرىنشى شەبىنە ىشكەرىلەي ارالاسىپ، تامىر ۇستاپ دياگنوز قويىپ، كورنەكتى ماسەلەلەردى شىنايى شەشىپ، تۋ باستان باسقارۋ مەحانيزمىن جەدەل اقاۋسىزداندىرىپ، ورماندى، جايلىمدى زاڭمەن باسقارۋ قۇرىلىسىنىڭ دەڭگەيىن ۇزدىكسىز جوعارىلاتىپ، اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق كورىكتى شينجياڭ قۇرۋعا پارمەندى كەپىلدىك ازىرلەۋ كەرەك.
جاڭ جۋ، تيان شياڭلي، ۋاڭ ميڭشان، ۋاڭ جيانشين، ەلزات احىمەتجان، قادەن كابەن، ءماردان مۇحيت، اۆتونوميالى رايوننىڭ ورمان باستىعى ءتۇزىمىن جاپپاي اتقارۋعا باسشىلىق ەتۋ گرۋپپاسىنىڭ مۇشەلەرى ماجىلىسكە قاتىناستى.
