6 - ايدىڭ 25 - كۇنى تۇستەن بۇرىن اۆتونوميالى رايوندىق وقۋشى قابىلداۋ كوميتەتى جالپى ٴماجىلىس اشىپ، اۆتونوميالى رايوننىڭ 2023 - جىلعى ادەتتەگى جوعارى مەكتەپتەرگە وقۋشى قابىلداۋ بويىنشا ٴار كەزەكتەگى ەڭ تومەنگى ارحيۆ بەرۋ مەڭگەرىلمەلى ٴنومىر شەگىن قاراپ بەلگىلەدى، قازىردەن باستاپ رەسمي جاريالاندى.
اۆتونوميالى رايوندىق وقۋ - اعارتۋ ەمتيحان مەكەمەسى بارشا ەمتيحان بەرۋشىلەر مەن اتا - انالارعا مىنانى ەسكەرتتى: 6 - ايدىڭ 25 - كۇنى تۇستەن بۇرىن ساعات 12دە اۆتونوميالى رايوننىڭ 2023 - جىلعى ادەتتەگى جوعارى مەكتەپ ەمتيحانىنىڭ تالاپ تولتىرۋ جۇيەسى ىسكە قوسىلادى. تولىق كۋرس بويىنشا الدىن الا قابىلداۋ كەزەگىنىڭ ينتەرنەتتە تالاپ تولتىرۋ ۋاقىتى 7 - ايدىڭ 2 - كۇنى ساعات 18 گە دەيىن جالعاسادى، قالعان كەزەكتەردەگى تالاپ تولتىرۋ ۋاقىتى 7 - ايدىڭ 4 - كۇنى ساعات 18 گە دەيىن جالعاسادى، ەمتيحان بەرۋشىلەر مەن اتا - انالاردىڭ تالاپ كەستەسىن تولتىرۋ ۋاقىتىن ءبىر تۇتاس ويداعىداي جوسپارلاپ، تالاپ كەستەسىن وبيەكتيۆ تۇردە اقىلعا سالىپ تولتىرۋى كەرەك.
اۆتونوميالى رايوندىق وقۋ - اعارتۋ ەمتيحان مەكەمەسى تاياۋدا وقۋشى قابىلداۋ قىزمەتىنىڭ ەگجەي - تەگجەيلى ورنالاستىرۋ ۋاقىتىن سونداي - اق ٴار كەزەكتەگى ورىندالماعان جوسپارعا تالاپ جيۋ ۋاقىتىن جاريالايدى، ەمتيحان بەرگەن وقۋشىلار مەن ولاردىڭ اتا - انالارى ”شينجياڭ وقۋشى قابىلداۋ سايتى“ （توردىڭ ادرەسى : www.xjzk.gov.cn)، ”شينجياڭ وقۋشى قابىلداۋ “ ءۇنحات تەكشەسى جاريالاعان قابىلداۋ بارىسىنىڭ ورنالاستىرىلۋى مەن قىزمەت جاعدايى سياقتى قاتىستى ينفورماتسيالارعا قاداعالاي نازار اۋدارىپ وتىرۋى كەرەك.
