□ انار بۇلت \ شينجياڭ گازەتىنىڭ ءتىلشىسى سۇڭ ۋيگو
كەيىپكەر ارحيۆى: اسقار عوپۇر، اتۇش قالالىق ورمان - جايلىم قىزمەت پۋنكتى جالپىلىق كاسىپ كەڭسەسىنىڭ جاۋاپتىسى، جەمىس ورمانى ەگىمشىلىگىمەن 20 نەشە جىل شۇعىلدانعان، جەمىس ورمانى ەگىمشىلىك تەحنيكاسىنا توتەنشە قانىق.
جاز كىرىسىمەن جەمىس اعاشتارىنىڭ ءوسۋى شەشۋشى كەزەڭگە وتەدى، اۋلادا ەككەن جەمىس اعاشتارىنىڭ مول جەمىس بەرۋىنە مۇمكىندىك جاساۋ ءۇشىن، تومەندەگى بىرنەشە جاقتاعى قىزمەت كەم بولسا بولمايدى. تاياۋدا قىزىلسۋ قىرعىز اۆتونوميالى وبلىسى اتۇش قالاسى ورمان - جايلىم قىزمەت پۋنكتى جالپىلىق كاسىپ كەڭسەسىنىڭ جاۋاپتىسى اسقار عوپۇر جەمىس اعاشتارىن ەگۋ تەحنيكاسى باۋلۋىن ورىستەتىپ، جازدا جەمىس اعاشىن باپتاۋعا جۇمىس باسىندا جەتەكشىلىك ەتتى.
سۇراۋ: 5 - ايدا جەمىس اعاشتارىن قورەكتىك زاتتارمەن تولىقتاۋ كەرەك پە؟
اسقار: 5 - اي كىرىسىمەن كوپتەگەن جەمىس اعاشتارى گۇل اشىپ، جەمىس شىعارادى، وسى مەزگىلدە، نەگىزىنەن، كالتسي جەتىسپەۋدەن، مىرىش جەتىسپەۋدەن، تەمىر جەتىسپەۋدەن بولاتىن سارى جاپىراق دەرتى سياقتىلار پايدا بولادى، ءسوز جوق، العاشقى مەزگىلدەن باستاپ ارالاسقاندا عانا، جەمىس اعاشتارىنىڭ، جەمىس - جيدەكتەردىڭ قالىپتى ءوسىپ - جەتىلۋىنە شىنايى كەپىلدىك ەتۋگە بولادى. ەگىمشىلىك وتباسىلارى ناقتى جاعدايعا قاراي وتىرىپ، جەمىس اعاشتارىنا سايكەستى قورەكتىك زاتتاردى تولىقتاۋى كەرەك.
سۇراۋ: جازدا جەمىس اعاشتارىن بۇتاعاندا نەلەرگە كوڭىل ءبولۋ كەرەك؟
اسقار: جازدا بۇتاۋ جەمىس اعاشتارى جونىنەن ماڭىزدى رول اتقارادى. كۇن نۇرىن تولىق ءتۇسىرىپ قانا قويماي، جەمىس اعاشتارىنىڭ ءوسۋىن تەزدەتەدى، ونىڭ ۇستىنە جەمىس اعاشتارىنىڭ گۇل قاۋاشاعىنىڭ قالىپتاسۋىن جەبەپ، قورەكتىكتىڭ توپتالۋىن مولايتىپ، كەلەر جىلعى جوعارى ءتۇسىم ءۇشىن تاماشا نەگىز قالاۋعا بولادى. جاز ماۋسىمىندا قالىپتان تىس تىك وسكەن اعاش بۇتاقتارىن بۇتاۋ، ۇزىنشاق كەلگەن ىشكى جاقتاعى بۇتاقتار مەن سىرتقى جاقتاعى اعاشتارعا جاعالاسا وسكەن بۇتاقتاردى بۇتاۋ، بالاپان اعاشتار مەن بىتىك وسكەن جەمىس اعاشتارىنا قاراتا باعىتتاۋ تەحنيكاسىن قولدانۋ كەرەك. جالپىلاي ايتقاندا، اعاشقا قاراي بۇتاۋ، بۇتاققا قاراي بۇتاۋ، ءبىر تۇتاس جوسپارلاپ، تەڭ ءمان بەرۋ، ۇزىن - قىسقالىعىن ۇشتاستىرۋ، جەڭىل بولۋدى نەگىز ەتۋ، اۋىر - جەڭىلىن ۇشتاستىرۋ پرينسيبىنە بويسۇنۋ كەرەك.
سۇراۋ: جەمىسىن قالاي سيرەتۋ، قالتانى قالاي قاپتاۋ كەرەك؟
اسقار: ارالىعىنا قاراي جەمىستى قالدىرۋعا بولادى، ۇساق جەمىس 15 − 20 سانتيمەتر ارالىعىندا بىردەن قالدىرىلادى، ءىرى جەمىس 20 − 30 سانتيمەتر ارالىعىندا بىردەن قالدىرىلادى. اعاش بۇتاقتارىنىڭ ەكى جاعى مەن استىڭعى جاعىنا جەمىس قالدىرىلادى، جەمىستىڭ تەرىس بەتى مەن تەرىس جاعىنا بولىنگەن جەمىستەر الىنىپ تاستالادى؛ جاڭا شىققان جەمىستەر قالدىرىلىپ، قايتا وسپەگەن جەمىستەر الىنىپ تاستالادى؛ دارا جەمىستەردىڭ ورتاسىنداعى جەمىستەر قالدىرىلىپ، قوس جەمىستەن سيممەتريالى جەمىس قالدىرىلادى، تۇتاس جەمىس اعاشىندا جەمىس بىركەلكى تارالۋى كەرەك.
جەمىسكە قالتانى 5 - ايدىڭ سوڭعى شەنىنەن باستاپ قاپتايمىز، قالتا قاپتاۋدان بۇرىن الدىمەن تىڭايتقىش بەرۋ كەرەك. قالتا قاپتاعاننان كەيىن، جەمىستىڭ ءوسۋى سىرتقى ورتانىڭ ىقپالىنا ۇشىرامايدى، سوندىقتان ساپاسى ءتىپتى دە جاقسى بولادى.
