شي جينپيڭ پارتيا قۇرىلىسى جانە ۇيىمداستىرۋ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
پارتيا ورتالىق كوميتەتىنىڭ پارتيا قۇرىلىسى جونىندەگى ماڭىزدى يدەياسىن تەرەڭ ۇعىنىپ، ۇيىمداستىرۋ قىزمەتىنىڭ ساپاسىن ۇزدىكسىز جوعارىلاتۋ كەرەك
پارتيا ورتالىق كوميتەتى اتىنان بۇكىل ەلدەگى قالىڭ كوممۋنيستىك پارتيا مۇشەلەرىنە مەرەكەلىك سالەم جولدادى
ساي چي مەملەكەتتىك ۇيىمداستىرۋ قىزمەتى ماجىلىسىنە قاتىناستى ءارى ءسوز سويلەدى، لي شي ماجىلىسكە قاتىناستى
شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا پارتيا قۇرىلىسى جانە ۇيىمداستىرۋ قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا، تەتىگى ادامدا. پارتيا 18 - قۇرىلتايىنان بەرى پارتيا ورتالىق كوميتەتى پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا پارتيانى باسقارۋعا، پارتيانى جاپپاي قاتاڭ باسقارۋعا تاباندى بولىپ، ءبىرسىپىرا جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ ءارى اتقارىپ، ءجۇز جىلدىق ءىرى پارتيانىڭ وزىنە - ءوزى توڭكەرىس جاساۋىنىڭ جاڭا ءورىسىن اشتى. ءار دارەجەلى پارتكومدار جانە ونىڭ ۇيىمداستىرۋ تاراۋلارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، پارتيانى جاپپاي قاتاڭ باسقارۋ نەگىزگى تاقىرىبىن، نەگىزگى جەلىسىن مىقتاپ ارقاۋ ەتىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، نازاريامەن قارۋلانۋ، جارامدىلارىن تاڭداپ، قابىلەتتىلەرىن تاعايىنداۋ، نەگىزدى كۇشەيتىپ، تاعاندى بەكەمدەۋ، دارىندىلاردى باۋلۋ، دارىندىلاردى توپتاۋ قىزمەتتەرىن تىڭعىلىقتى ويداعىداي ىستەپ، جاپپاي دوڭگەلەك داۋلەتتى قوعام قۇرۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋعا بەلسەندى ۇلەس قوستى.
شي جينپيڭ بىلاي دەپ باسا دارىپتەدى: پارتيانىڭ جاڭا داۋىردەگى جاڭا جورىقتاعى بورىشىن، مىندەتىن جۇزەگە اسىرۋدا پارتيا قۇرىلىسى مەن ۇيىمداستىرۋ قىزمەتىندە جاڭا جاۋاپكەرشىلىك ارقالاۋ، جاڭا ىسكەرلىك كورسەتۋ كەرەك. جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ پارتيا قۇرىلىسى جونىندەگى ماڭىزدى يدەياسىن تەرەڭ ۇعىنىپ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن ىشكەرىلەي تياناقتاندىرىپ، جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىشكەرىلەي ىلگەرىلەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋدى جانە ونى كۇشەيتۋدى ەڭ جوعارى پرينسيپ ەتىپ، ادالدىقپەن پارتيا ءۇشىن قىزمەت وتەۋدى، پارتيانى قورعاۋدى، بار كۇشپەن پارتيانى كوركەيتۋدى، پارتيانى كۇشەيتۋدى ءتۇبىرلى بورىش ەتىپ، ءىرى پارتياعا عانا ءتان قيىن ماسەلەلەردى شەشۋدى، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى كەلەلى مىندەت ەتىپ، پارتيانىڭ جاسامپاز نازارياسىمەن قاجىماي - تالماي بۇكىل پارتيانىڭ يدەياسىن، ەرىك - جىگەرىن، ارەكەتىن بىرلىككە كەلتىرىپ، جوعارى مەن تومەن توعىسقان، اتقارۋى پارمەندى ۇيىمدىق جۇيەنى ۇزدىكسىز قاتايتىپ، ۇلتتى گۇلدەندىرۋ اۋىر مىندەتىن ارقالاي الاتىن جوعارى ساپالى بيلىك جۇرگىزۋ تىرەكتى قوسىنىن كۇش سالا قۇرىپ، كۇشەيتىپ، دۇنيە جۇزىلىك ماڭىزدى دارىندىلار ورتالىعىن جانە جاڭالىق اشۋ بيىگىن جەدەل قۇرىپ، ۇلگىلى تاراۋلار جانە ىسىلعان قوسىن قۇرىلىسىن ۇزدىكسىز تەرەڭدەتىپ، ۇيىمداستىرۋ قىزمەتىنىڭ ساپاسىن ۇزدىكسىز جوعارىلاتىپ، پارتيانىڭ وزىنە - ءوزى ۇلى توڭكەرىس جاساۋى ارقىلى ۇلى قوعامدىق توڭكەرىسكە اناعۇرلىم ويداعىداي جەتەكشىلىك ەتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋگە پارمەندى ۇيىمدىق كەپىلدىك ازىرلەۋ كەرەك.
جۇڭگو كوممۋنيستىك پارتياسى قۇرىلعاندىعىنىڭ 102 جىلدىعىن قارسى الۋ قارساڭىندا، شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ كوممۋنيستىك پارتيا مۇشەلەرىنە مەرەكەلىك سالەم جولدادى.
مەملەكەتتىك ۇيىمداستىرۋ قىزمەتى ءماجىلىسى 6 - ايدىڭ 28 - كۇنىنەن 29 - كۇنىنە دەيىن بەيجيڭدە اشىلدى. ءماجىلىس شي جينپيڭنىڭ ماڭىزدى نۇسقاۋىن جەتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي ماجىلىسكە قاتىناستى.
ساي چي سوزىندە مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى بيىكتە تۇرىپ الىستى بولجاعان، ءمانى تەرەڭ، كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە بولىپ، پارتيا قۇرىلىسى جانە ۇيىمداستىرۋ قىزمەتىن ويداعىداي ىستەۋگە العا باسۋ بەتالىسىن ايقىن كورسەتىپ بەردى. ءبىز ىشكەرىلەي ۇيرەنىپ، ۇعىنىپ، مۇقيات دايەكتىلەندىرۋىمىز، تياناقتاندىرۋىمىز كەرەك.
ساي چي بىلاي دەپ باسا دارىپتەدى: جاڭا ءداۋىردىڭ 10 جىلىندا پارتيا قۇرىلىسى جانە ۇيىمداستىرۋ قىزمەتىندە جاڭا ىلگەرىلەۋشىلىككە قول جەتۋى، جۇيەلىك وزگەرىس تۋىلۋى، تۇپتەپ كەلگەندە، باس شۋجي شي جينپيڭنىڭ رول ۇستاپ، جول نۇسقاۋىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، بۇل ”ەكىنى تۇراقتاندىرۋدىڭ“ شەشۋشى ءمانىن تولىق ايگىلەدى.
ساي چي بىلاي دەپ اتاپ كورسەتتى: باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسى پارتيانى جاپپاي قاتاڭ باسقارۋ سىندى وسى نەگىزگى تاقىرىپتى، نەگىزگى جەلىنى كورنەكتىلەندىرىپ، ءبىرسىپىرا ءتول جاسامپازدىق جەتىستىكتەر ارقىلى ماركسيزمنىڭ پارتيا قۇرۋ ءىلىمىن ايرىقشا بايىتتى جانە دامىتتى، بۇل پارتيامىزدىڭ ماركسيزمدىك بيلىك باسىنداعى پارتيا قۇرۋ زاڭدىلىعى جونىندەگى تانىمىنىڭ جاڭا بيىك دەڭگەيگە جەتكەندىگىن كورسەتتى، جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىشكەرىلەي ىلگەرىلەتىپ، جاڭا داۋىردەگى ۇيىمداستىرۋ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى، بۇعان، ءسوز جوق، ۇزاق ۋاقىت تاباندى بولۋىمىز، جاپپاي تياناقتاندىرۋىمىز كەرەك.
ساي چي بىلاي دەپ باسا دارىپتەدى: پارتيا 20 - قۇرىلتايىنىڭ ستراتەگيالىق ورنالاستىرۋلارىن دايەكتىلەندىرۋ، تياناقتاندىرۋ بارىسىندا ۇيىمداستىرۋ قىزمەتىنىڭ ورنىن دالمە - ءدال يگەرىپ، پارتيانىڭ باسشىلىعىن كۇشەيتۋ، پارتيانىڭ ىستەرىن ىلگەرىلەتۋ، پارتيانى جاپپاي قاتاڭ باسقارۋ بارىسىندا فۋنكتسيالىق رولدى تولىق ساۋلەلەندىرۋ كەرەك. پارتيا مۇشەلەرىن، كادرلاردى نازاريا بويىنشا تاربيەلەۋدىڭ، باۋلۋدىڭ باياندى مەحانيزمىن كەمەلدەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداۋ كەرەك. پارتيا مەن مەملەكەت ىستەرى دامۋىنىڭ قاجەتىنە ۇيلەسىپ، ۇلتتى گۇلدەندىرۋ اۋىر مىندەتىن ارقالاي الاتىن جوعارى ساپالى كادرلار قوسىنىن قۇرۋ كەرەك. جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى كوزدە ۇستاپ، وسىزامانداندىرۋ قۇرىلىسىنداعى دارىندىلار تىرەگىن كۇشەيتۋ كەرەك. جوعارى ساپالى دامۋدى ىلگەرىلەتۋدى، قوعامدىق باسقارۋدا جاڭالىق اشۋدى ارقاۋ ەتىپ، نەگىزگى ساتى پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ كەرەك. پارتيا مۇشەلەرىن قاتاڭ باسقارۋعا تاباندى بولىپ، پارتيا مۇشەلەرى قوسىنىنىڭ ساپاسىن جاپپاي جوعارىلاتۋ كەرەك. ءار دارەجەلى ۇيىمداستىرۋ تاراۋلارى ساياسيدى دارىپتەيتىن، ادىلدىككە ءمان بەرەتىن، كاسىپكە جەتىك، ستيلى جاقسى ۇلگىلى تاراۋلاردى قۇلشىنا قۇرۋ كەرەك. ءار دارەجەلى پارتكومدار (پارتيا باسشىلىق گرۋپپاسى) ۇيىمداستىرۋ قىزمەتىنە باسشىلىقتى كۇشەيتىپ، ۇيىمداستىرۋ تاراۋلارىنىڭ قىزمەت ورىستەتۋىنە شارت - جاعداي ازىرلەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى لي گانجيە قورىتىندى ءسوز سويلەپ، مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، پارتيا قۇرىلىسى جونىندەگى ماڭىزدى يدەيانى ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ماڭىزدى نۇسقاۋىن مۇقيات تياناقتاندىرىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، پارتيانىڭ جاسامپاز نازارياسىمەن قارۋلانۋدى ۇزدىكسىز كۇشەيتىپ، كادرلاردى تاڭداۋ، باۋلۋ، باسقارۋ، ىستەتۋ قىزمەتىن ساپالىلاندىرىپ، دارىندىلاردى جان - جاقتى باۋلىپ، ەنگىزىپ، ويداعىداي ىستەتىپ، پارتيا مۇشەلەرى قوسىنى قۇرىلىسىن قاتاڭ، شىنايى، ويداعىداي يگەرىپ، پارتيانىڭ ۇيىمدىق جۇيەسى قۇرىلىسىنىڭ تۇتاس تۇلعالىق ونىمدىلىگىن جوعارىلاتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە پارمەندى ۇيىمدىق كەپىلدىك ازىرلەۋ كەرەك.
بەيجيڭ قالاسىنىڭ، جىجياڭ ولكەسىنىڭ، سىچۋان ولكەسىنىڭ، ساۋدا ىستەرى مينيسترلىگىنىڭ، جۇڭگو مەملەكەت تەمىر جول توبى شەكتى سەرىكتەستىگىنىڭ، تيانجين داشۋەسىنىڭ جاۋاپتى جولداستارى اۋىس - كۇيىس جاساپ، لەبىز ءبىلدىردى.
لي شۋلەي، ليۋ جينگو، مۋ حۇڭ، جياڭ شينجى ماجىلىسكە قاتىناستى.
ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ مۇشەلەرى، ءارقايسى ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنداعى قاتىستى تاراۋلاردىڭ، قاتىستى حالىقتىق ۇيىمداردىڭ، ورتالىق باسقاراتىن فينانس قۇرىلىمدارىنىڭ، ءبىر ءبولىم كاسىپورىنداردىڭ، جوعارى مەكتەپتەردىڭ، ارميانىڭ قاتىستى ورىندارىنىڭ جاۋاپتى جولداستارى، ت.ب ماجىلىسكە قاتىناستى.
