− مەملەكەتتىك ۇيىمداستىرۋ قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
□حالىق گازەتىنىڭ شولۋشىسى
بۇل رەتكى مەملەكەتتىك ۇيىمداستىرۋ قىزمەتى ءماجىلىسى − جاپپاي سوتسياليستىك وسىزاماندانعان مەملەكەت قۇرۋ باستاماسى باستالعان شەشۋشى ساتتە اشىلعان ماڭىزدى ءماجىلىس. باس شۋجي شي جينپيڭ ارناۋلى ماڭىزدى نۇسقاۋ بەرىپ، ايقىن تالاپ قويدى. ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن جان - جاقتى، ىشكەرىلەي ۇيرەنىپ، دايەكتىلەندىرىپ، جاڭا داۋىردەگى 10 جىلداعى پارتيا قۇرىلىسى مەن ۇيىمداستىرۋ قىزمەتىنىڭ كەلەلى تابىستارىن قورىتىندىلاپ، كەزەكتەگى جانە مۇنان بىلايعى ءبىر مەزگىلدەگى قىزمەت مىندەتتەرىنە ورنالاستىرۋ جاسادى. ءار دارەجەلى پارتكومدار جانە ونىڭ ۇيىمداستىرۋ تاراۋلارى ءماجىلىس رۋحىن ىشكەرىلەي دايەكتىلەندىرىپ، ساياسي دەڭگەيدى جوعارىلاتىپ، ساياسي جاۋاپكەرشىلىك ارقالاۋدى كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرۋ كەرەك.
تۋ بەتالىس سىلتەيدى، يدەيا كۇش توپتايدى. باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن جۇيەلى بايىمداۋ وسى رەتكى ءماجىلىستىڭ جانى، جاۋھارى. پارتيا 18 - قۇرىلتايىنان بەرى باس شۋجي شي جينپيڭ ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى داۋىرلىك تاقىرىپتى ارقاۋ ەتىپ، پارتيانى جاپپاي قاتاڭ باسقارۋ سىندى وسى نەگىزگى تاقىرىپتى، نەگىزگى ارقاۋدى كورنەكتىلەندىرىپ، پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ جونىندە ءبىر قىدىرۋ جاڭا ۇستانىمدى، جاڭا يدەيانى، جاڭا ستراتەگيانى العا قويىپ، پارتيامىزدى باستاپ، 100 جىلدىق ءىرى پارتيانىڭ وزىنە - ءوزى توڭكەرىس جاساۋىنىڭ جاڭا ءورىسىن ءساتتى اشتى. پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋگە تاباندى بولۋ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس باسشىلىق ەتۋگە تاباندى بولۋ، مەملەكەت دەگەنىمىز حالىق، حالىق دەگەنىمىز مەملەكەت دەگەنگە تاباندى بولۋ، يدەيالىق جاقتان پارتيا قۇرۋعا، نازاريالىق جاقتان پارتيانى كۇشەيتۋگە تاباندى بولۋ، پارتيانىڭ ۇيىمدىق جۇيەسىن قاتايتۋعا تاباندى بولۋ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قالىپتاستىرۋعا تاباندى بولۋ، شار تاراپتىڭ دارىندىلارىن جيناپ، پايدالانۋعا تاباندى بولۋ، تاباندىلىقپەن ستيلدى دۇرىستاپ، ءتارتىپتى قاتايتۋعا تاباندى بولۋ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇتاس ىلگەرىلەتۋگە تاباندى بولۋ، پارتيا مەن مەملەكەتتىڭ باقىلاۋ جۇيەسىن كەمەلدەندىرۋگە تاباندى بولۋ، پارتيانى ءتۇزىم ارقىلى باسقارۋعا، پارتيانى قاعيدا بويىنشا باسقارۋعا تاباندى بولۋ، پارتيانى جاپپاي قاتاڭ باسقارۋدىڭ ساياسي جاۋاپكەرشىلىگىن تياناقتاندىرۋعا تاباندى بولۋ سىندى وسى ”13تە تاباندى بولۋدا“ باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسى شوعىرلى جيناقتالىپ، پارتيا قۇرىلىسىنىڭ ءتۇبىرلى پرينسيبىن، عىلمي ورنالاستىرۋىن، قۇن تالپىنىسىن، ءتۇيىندى مىندەتتەرىن ىشكەرىلەي بايىمدادى. باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنىڭ ويى كەڭ دە تەرەڭ، مازمۇنى باي، ءبىر قىدىرۋ جاسامپازدىق جەتىستىكتەر ارقىلى ماركسيزمدىك پارتيا قۇرۋ ءىلىمىن بارىنشا بايىتتى جانە دامىتتى، بۇل پارتيامىزدىڭ ماركسيزمدىك بيلىك باسىنداعى پارتيا قۇرىلىسىنىڭ زاڭدىلىعى جونىندەگى تانىمىنىڭ تىڭ دەڭگەيگە جەتكەندىگىن ايگىلەپ، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ىشكەرىلەي ىلگەرىلەتۋگە، جاڭا داۋىردەگى ۇيىمداستىرۋ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى. جاڭا جورىقتا پارتيا قۇرىلىسى مەن ۇيىمداستىرۋ قىزمەتىنىڭ جوعارى ساپالى دامۋىن ىلگەرىلەتۋدە، ەڭ ماڭىزدىسى، وسى ماڭىزدى يدەيانى تەرەڭ ءتۇسىنۋ، ءدال يگەرۋ، ويداعىداي تياناقتاندىرۋ كەرەك. وسى ماڭىزدى يدەيانىڭ كەلەلى ءمانىن جەتە تانىپ، ونىڭ ايقىن نازاريالىق ءتول جاسامپازدىعىن، قۇدىرەتتى ءىس جۇزىندىك جەتەكشىلىك قۋاتىن، جۇيەلى عىلمي ادىستەمەسىن تەرەڭ ءتۇسىنىپ، ۇيرەنۋ، ۇگىتتەۋ، زەرتتەۋ قىزمەتىن مۇقيات، ويداعىداي ىستەپ، پارتيالى كادرلاردى ىشكەرىلەي ۇيرەنۋگە، جەتە تۇسىنۋگە، ويداعىداي قولدانۋعا جەتەكتەپ، پارتيالى كادرلار مەن بۇقارانىڭ يدەيالىق جاقتان شىنايى مويىنداۋىن جانە نازاريالىق جاقتان شىنايى مويىنداۋىن ۇزدىكسىز كۇشەيتۋ كەرەك. ۇنەمى تالاپقا، ولشەمگە تۋرالانىپ، وسى ماڭىزدى يدەيانى ناقتى ساياساتقا، ناقتى مىندەتكە، ناقتى شاراعا اينالدىرىپ، ءبىر - بىرلەپ تياناقتاندىرىپ، تىڭعىلىقتى يگەرىپ، ناقتى ونىمدىلىككە قول جەتكىزىپ، دۇرىس بەتالىسپەن العا باسۋعا شىنايى كەپىلدىك ەتۋ كەرەك.
باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جاڭا ءداۋىردىڭ جاڭا جورىعىنداعى پارتيانىڭ ۇيىمداستىرۋ قىزمەتىن ويداعىداي ىستەۋدە، ءسوز جوق، پارتيا 20 - قۇرىلتايىنىڭ ستراتەگيالىق ورنالاستىرۋلارىن دايەكتىلەندىرۋدى، تياناقتاندىرۋدى مىقتاپ ارقاۋ ەتىپ، پارتيا مەن مەملەكەتتىڭ قىزمەت كەلەلى جاعدايىندا ورنىن دالمە - ءدال تۇراقتاندىرۋ، بەلسەنە ىسكەرلىك كورسەتۋ كەرەك. پارتيانىڭ باسشىلىعىن كۇشەيتۋ بارىسىندا فۋنكتسيالىق رولدى تولىق ساۋلەلەندىرىپ، پارتيانىڭ جالپى بەتتىك باسشىلىعىنا جانە پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋدى جانە ونى كۇشەيتۋدى ماڭداي الدى ساياسي مىندەت رەتىندە يگەرىپ، پارتيانىڭ ۇيىمداستىرۋ قۇرىلىسى امالياتىندا تياناقتاندىرىپ، قالىڭ پارتيا مۇشەلەرىن، كادرلاردى ”ەكىنى تۇراقتاندىرۋدىڭ“ شەشۋشى ءمانىن جەتە تۇسىنۋگە، ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا تاربيەلەپ، جەتەكتەپ، بۇكىل پارتيانىڭ ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا شىنايى كەپىلدىك ەتۋ كەرەك. پارتيا ىستەرىن ىلگەرىلەتۋ بارىسىندا فۋنكتسيالىق رولدى تولىق ساۋلەلەندىرىپ، نازاردى مەملەكەتتى قۇدىرەتتەندىرۋ، ۇلتتى گۇلدەندىرۋ ۇلى ىسىنە شوعىرلاندىرىپ، ۇيىمدى قۇدىرەتتى ەتىپ قۇرۋ، القانى كۇشتى سەپتەۋ، كادرلاردان ويداعىداي پايدالانۋ، دارىندىلاردى كادەگە جاراتۋ ارقىلى پارتيا مۇشەلەرىن، كادرلاردى جانە ءارقايسى جاقتاعى دارىندىلاردى ءونىمدى ۇيىمداستىرىپ، قالىڭ حالىق بۇقاراسىن كەڭ كولەمدى ۇيىستىرىپ، ۇيىمدىق كۇشتى، ۇيىمدىق باسىمدىقتى دامۋ قوزعاۋشى كۇشىنە، دامۋ باسىمدىعىنا ءونىمدى تۇردە اينالدىرۋ كەرەك. پارتيانى جاپپاي قاتاڭ باسقارۋ بارىسىندا فۋنكتسيالىق رولدى تولىق ساۋلەلەندىرىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى ارقاۋ ەتىپ، جوعارى مەن تومەن توعىسقان، اتقارۋى پارمەندى ۇيىمدىق جۇيەنى، ساپا جاعىنان باۋليتىن، ىستەردى ءبىلىپ، ادامداردى تانيتىن، تاڭداپ مىندەتكە قوياتىن، قاتاڭ باسقاراتىن، تۋرا باعىتتا شابىتتاندىراتىن كادرلار قىزمەت جۇيەسىن، وتكەل قاتاڭ يگەرىلەتىن، قۇرىلىم ساپالىلاندىرىلعان، ساپا جوعارىلاتىلعان، رولى ساۋلەلەندىرىلگەن پارتيا مۇشەلەرىن باسقارۋ جۇيەسىن، عىلمي دا ولشەمدى، اشىق تا سيىسىمدى، اينالىمى جوعارى ءونىمدى دارىندىلاردى دامىتۋ، باسقارۋ جۇيەسىن، پارتيانىڭ ۇيىمداستىرۋ قىزمەت ءتۇزىمىن ولشەمدەندىرۋ جۇيەسىن، پارتيانى جاپپاي قاتاڭ باسقارۋ جاۋاپكەرشىلىك جۇيەسىن كۇش سالا اقاۋسىزداندىرىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىنىڭ تەرەڭدەي دامۋىن ىلگەرىلەتۋ كەرەك.
ۇيىمداستىرۋ قىزمەتىنىڭ ءارقايسى ءتۇيىندى مىندەتتەرىن جوعارى ساپالى ويداعىداي ورىنداۋ كەرەك. پارتيا مۇشەلەرىن، كادرلاردى نازاريا بويىنشا تاربيەلەۋدىڭ، باۋلۋدىڭ باياندى مەحانيزمىن كەمەلدەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرۋ، رۋحتى سومداۋ كەرەك. پارتيا مەن مەملەكەت ىستەرى دامۋىنىڭ قاجەتىنە ۇيلەسىپ، ۇلتتى گۇلدەندىرۋ اۋىر مىندەتىن ارقالاي الاتىن جوعارى ساپالى كادرلار قوسىنىن قۇرۋ كەرەك. جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى كوزدە ۇستاپ، وسىزامانداندىرۋ قۇرىلىسىنداعى دارىندىلار تىرەگىن كۇشەيتۋ كەرەك. جوعارى ساپالى دامۋدى ىلگەرىلەتۋدى، قوعامدىق باسقارۋدا جاڭالىق اشۋدى ارقاۋ ەتىپ، نەگىزگى ساتى پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ كەرەك. پارتيا مۇشەلەرىن قاتاڭ باسقارۋعا تاباندى بولىپ، پارتيا مۇشەلەرى قوسىنىنىڭ ساپاسىن جاپپاي جوعارىلاتۋ كەرەك.
جاڭا يدەيا جاڭا داۋىرگە جەتەكشىلىك ەتەدى، جاڭا جورىق جاڭا جاۋاپكەرشىلىكتى قاجەت ەتەدى. ءار دارەجەلى ۇيىمداستىرۋ تاراۋلارى مەن قالىڭ ۇيىمداستىرۋ قىزمەتى كادرلارى باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن باستاماشىلدىقپەن ىشكەرىلەي ۇيرەنىپ، ءتۇسىنىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋدى جانە ونى كۇشەيتۋدى ەڭ جوعارى پرينسيپ ەتىپ، ادالدىقپەن پارتيا ءۇشىن قىزمەت وتەۋدى، پارتيانى قورعاۋدى، بار كۇشپەن پارتيانى كوركەيتۋدى، پارتيانى كۇشەيتۋدى ءتۇبىرلى بورىش ەتىپ، ءىرى پارتياعا عانا ءتان قيىن ماسەلەلەردى شەشۋدى، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى كەلەلى مىندەت ەتىپ، ءبىرىنشى شارشى توپتى قۇلشىنا جاقسى ءجۇرىپ، سانالى تۇردە ”ەكىنى تۇراقتاندىرۋدى“ باتىل قولدايتىن، ”ەكىنى قورعاۋدى“ باتىل ورىندايتىن اتويشى بولىپ، قايراتتانا العا ۇمتىلىپ، شىنايى يگەرىپ ناقتى ىستەپ، پارتيا قۇرىلىسى مەن ۇيىمداستىرۋ قىزمەتىنىڭ ساپاسىن ۇزدىكسىز جوعارىلاتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋگە جاڭا اناعۇرلىم زور ۇلەس قوسۋ كەرەك.
(شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى)
