− جۇڭگو كوممۋنيستىك پارتياسى قۇرىلعاندىعىنىڭ 102 جىلدىعىن قىزۋ قۇتتىقتايمىز
□ حالىق گازەتى باسماقالاسى
شىعىستا تولقىن جوڭكىلىپ، ۇلى جوبا كەسكىندەلدى، ءجۇز جىلدىق ءىرى پارتيا جاستىق جالىنىن قاۋلاتۋدا. بۇگىن ءبىز جۇڭگو كوممۋنيستىك پارتياسى قۇرىلعاندىعىنىڭ 102 جىلدىعىن قارسى الىپ وتىرمىز. قايراتتانا العا ۇمتىلعان، اۋەلگى ماقساتتان اينىماعان، مويىماس تاباندىلىقپەن بورىش ارقالاعان جاڭا داۋىردەگى جۇڭگو كوممۋنيستەرى قايراتتانا ەكپىندەي ىلگەرىلەيتىن رۋحاني كۇيمەن مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ارشىندى قاداممەن العا باسۋدا.
تاۋ - وزەن كۋا، اي - جىلدار ايعاق. ءجۇز نەشە جىلدان بەرى پارتيامىز حالىقتى ىنتىماقتاستىرىپ جانە باستاپ، قايسارلىقپەن كۇرەس جۇرگىزۋ ارقىلى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، ءداۋىر كوشىندە ارتتا قالۋدان داۋىرگە ىلەسۋگە، ونان ارى داۋىرگە جەتەكشىلىك ەتۋگە دەيىنگى ۇلى قارىشتاۋدى قارسى الىپ، جۇڭحۋا ۇلتىنىڭ دامۋ تاريحىندا، دۇنيە ءجۇزى سوتسياليزمىنىڭ دامۋ تاريحىندا، ادامزات قوعامىنىڭ دامۋ تاريحىندا ۇمىتىلماس كەرەمەتتەر جاراتتى. جۇڭگوشا سوتسياليزم جاڭا داۋىرگە ءوتتى، دۇنيە جۇزىندە سيرەك كەزدەسەتىن، تاريحتا سيرەك كەزدەسەتىن اۋىر حاۋىپ - قاتەرلەر مەن سىن - سايىستار الدىندا شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن ميلليارد حالىقتى ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، سالماقتىلىقپەن توتەپ بەرىپ، بۇرىستىققا يلانبادى، قىسىمنان جاسقانبادى، قيىنشىلىقتان تايساقتامادى، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىرىپ، پارتيا مەن مەملەكەت ىستەرىندە كۇللى دۇنيەنىڭ نازارىن اۋدارعان كەلەلى تابىستارعا قول جەتكىزۋدى ىلگەرىلەتتى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا بولمايتىن تاريحي ۇردىسكە ءوتتى. قاجىماي - تالماي قۇلشىنۋ ارقىلى پارتيا تىنىشتىق، بىلىقپالىق، كوركەيۋ، قۇلدىراۋ سىندى تاريح پەريودىنان قالاي اتتاپ ءوتۋدىڭ وزىنە - ءوزى توڭكەرىس جاساۋ سىندى ەكىنشى جاۋابىن تاۋىپ شىقتى، ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتىن كورنەكتى كۇشەيتىپ، پارتيا شىڭدالۋ بارىسىندا اناعۇرلىم پارمەندى، اناعۇرلىم ومىرشەڭ كۇشكە قول جەتكىزىپ، حالىق بۇقاراسىمەن ەتەنە بايلانىستى ساقتاۋدىڭ، حالىقتىڭ شىن جۇرەكتەن قولداۋىنىڭ تاريحي ىرىقتىلىعىنا يە بولدى، بۇكىل پارتيانىڭ ايرىقشا ىنتىماقتى، ءبىر اۋىزدى بولۋىنىڭ، ءداۋىردىڭ الدىڭعى لەگىندە ءجۇرۋىنىڭ، حالىقتى باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنىڭ تاريحي ىرىقتىلىعىنا قول جەتكىزدى.
تاريح مىنانى تولىق دالەلدەدى: جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭگو حالقىنىڭ باقىتتى تۇرمىسى بولماق ەمەس، جۇڭحۋا ۇلتىنىڭ ۇلى گۇلدەنۋى بولماق ەمەس؛ تاريح پەن حالىق جۇڭگو كوممۋنيستىك پارتياسىن تاڭدادى، جۇڭگو كوممۋنيستىك پارتياسى دا تاريح پەن حالىق تالعامىنىڭ ۇمىتىنەن شىقتى. جاڭا داۋىردەگى ۇلى وزگەرىس − بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىنان كەلگەن، ەڭبەكتەنۋىنەن كەلگەن، كۇرەس جۇرگىزۋىنەن كەلگەن، ءتۇپ نەگىزى باس شۋجي شي جينپيڭنىڭ رول ۇستاپ، جول باستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى. اماليات مىنانى تولىق دالەلدەدى: ”ەكىنى تۇراقتاندىرۋ“ − پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋدى ىلگەرىلەتەتىن شەشۋشى فاكتور، جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىلدىك، جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋىنىڭ تاريحي ءۇردىسىن ىلگەرىلەتۋدە شەشۋشى ءمان الادى.
جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا. باس شۋجي شي جينپيڭ بىلاي دەپ تەرەڭدەي اتاپ كورسەتتى: ”بەس مىڭ نەشە جىلدىق جۇڭحۋا وركەنيەتىنىڭ مىعىم نەگىزىندە جۇڭگوشا سوتسياليزمدى اشۋدا جانە دامىتۋدا ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋ، ءسوزسىز، باسىپ وتەتىن جول. بۇل ءبىزدىڭ جۇڭگوشا سوتسياليزم جولى جونىندە ىزدەنىس جاساۋ بارىسىندا قورىتىندىلاعان زاڭدىلىق سيپاتتى تانىمىمىز، ءبىزدىڭ تابىسقا قول جەتكىزۋىمىزدەگى ەڭ ۇلكەن اسىلىمىز“. شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولدى، ول زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى رەتىندە، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ شارىقتاۋىن جۇزەگە اسىردى، بۇكىل پارتيانىڭ، بۇكىل ەلدەگى ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جاساۋىنىڭ ارەكەت باعدارناماسى. اماليات مىنانى تولىق دالەلدەدى: ”ەكىنى ۇشتاستىرۋ“ ماركسيزمنىڭ جۇڭگوشالانۋىن، زامانالانۋىن ىلگەرىلەتۋدىڭ ءتۇبىرلى جولى، ءبىز تەك ”ەكىنى ۇشتاستىرۋدى“ ۇزدىكسىز ىلگەرىلەتىپ، جۇڭگونىڭ سۇراۋىنا، دۇنيە ءجۇزىنىڭ سۇراۋىنا، حالىقتىڭ سۇراۋىنا، ءداۋىردىڭ سۇراۋىنا ۇزدىكسىز جاۋاپ بەرسەك بولعانى، ءسوز جوق، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازا الامىز.
جاڭا نىسانانى بەتكە الىپ، قايراتتانا تاعى دا اتتاندى. باس شۋجي شي جينپيڭ بىلاي دەپ باسا دارىپتەدى: ”جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − بۇكىل پارتيانىڭ، بۇكىل ەلدەگى ءار ۇلت حالقىنىڭ جاڭا ءداۋىردىڭ جاڭا جورىعىنداعى وزەكتى مىندەتى“. قىم - قۋىت، كۇردەلى حالىقارالىق، ەل ءىشى جاعدايى، جاپالى دا اۋىر رەفورما، دامۋ، ورنىقتىلىق مىندەتتەرى، ءتۇرلى تۇراقسىز، بولجاۋسىز حاۋىپ - قاتەرلەر مەن سايىستار الدىندا، پارتيا 20 - قۇرىلتايىندا بەلگىلەنگەن ستراتەگيالىق نىسانالاردى جۇزەگە اسىرۋ قالىڭ پارتيا مۇشەلەرىنىڭ، كادرلاردىڭ، اسىرەسە، ءار دارەجەلى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ونان ارى ىشكەرىلەي ۇيرەنۋىن، دايەكتىلەندىرۋىن شۇعىل قاجەت ەتەدى، بۇل پارتيا ورتالىق كوميتەتىنىڭ بۇكىل پارتيادا وسى رەتكى نەگىزگى تاقىرىپتىق تاربيەنى ورىستەتۋدى تۇراقتاندىرۋداعى باستى تولعانىسى بولىپ تابىلادى. جاعداي قانشالىق كۇردەلى، مىندەت قانشالىق جاپالى بولعان سايىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، كۇرەس نىساناسىن كوزدەپ، ستراتەگيالىق تاباندىلىقتى ساقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتەردى ىلگەرىلەتۋدىڭ قۋاتتى كۇشىنە اينالدىرىپ، بىرلىككە كەلگەن يدەيانى، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى سولعۇرلىم باستان - اياق ساقتاپ، قۇدىرەتتى مەملەكەت قۇرۋدىڭ، ۇلتتى گۇلدەندىرۋدىڭ تاريحي ۇلى ءىسىن جەڭىسپەن ىلگەرىلەتۋ كەرەك.
ەكپىندەي ىلگەرىلەگەن قۇدىرەتتى مەملەكەت قۇرۋدىڭ، ۇلتتى گۇلدەندىرۋدىڭ جاڭا جورىعىندا ءبىزدىڭ سەنىمىمىز بەكەمدەلىپ، كۇش - قۋاتىمىز نىعايا ءتۇستى. جاڭا ەمتيحان تاپسىرۋ جولىندا ۇزدىكسىز ۇزدىك جاۋاپ بەرە الۋ - الماۋدىڭ تەتىگى بەرىك تاريحي سەنىمنىڭ بار - جوقتىعىندا ەكەنىن جەتە تانۋ كەرەك. بولاشاقتى بەتكە الساق، وراي مەن ءتيىمدى جاعداي ءبىز جاقتا تۇر، بۇل − ءبىزدىڭ تاباندىلىعىمىز بەن قايراتىمىزدىڭ تياناعى، سونداي - اق بەكىمىمىز بەن سەنىمىمىزدىڭ دە تياناعى. تاريحي سەنىمدى بەكەمدەپ، ستراتەگيالىق سەرگەكتىكتى ساقتاپ، قاي - قاشان دا سىنداردان وتۋگە ساقاداي ساي تۇرىپ، العان بەتتەن قايتپاي، بوگەتسىز العا باسقاندا، ءسوز جوق، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە ۇزدىكسىز قول جەتكىزە الامىز. وسىزاماندانۋدىڭ اسپاننان تۇسپەيتىندىگىن، قايتا تاريحي ىرىقتىلىق رۋحىن ساۋلەلەندىرۋ ارقىلى ىسكە اساتىندىعىن جەتە تانۋ كەرەك. تاريحي ىرىقتىلىقتى كۇشەيتىپ، كۇرەسكەرلىك رۋحتى ساۋلەلەندىرىپ، باتىلدىقپەن قامال الىپ، قيىندىقتاردى جەڭگەندە ەلىمىزدىڭ دامۋ، العا باسۋ تاعدىرىن، ءسوز جوق، ءوز قولىمىزدا مىقتاپ يگەرە الامىز. كۇش - قۋاتتىڭ ىنتىماقتىڭ قاينارى ەكەندىگىن، كۇرەس جۇرگىزۋ ارقىلى كەرەمەتتەر جاراتۋ كەرەكتىگىن جەتە تانۋىمىز كەرەك. حالىقتى وزەك ەتكەن دامۋ يدەياسىنا قاي - قاشان دا تاباندى بولىپ، باستان - اياق حالىقپەن تىنىستاس، تاعدىرلاس، جۇرەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرعاندا عانا، ءسوز جوق، قۇدىرەتتى مەملەكەت قۇرۋدىڭ، ۇلتتى گۇلدەندىرۋدىڭ تەلەگەي كۇشىن ۇيىستىرۋعا بولادى.
ەكپىندەي ىلگەرىلەگەن قۇدىرەتتى مەملەكەت قۇرۋدىڭ، ۇلتتى گۇلدەندىرۋدىڭ جاڭا جورىعىندا ءبىز ەمتيحان تاپسىرۋدىڭ سەرگەكتىگى مەن بايسالدىلىعىن ماڭگى ساقتاۋىمىز كەرەك. پارتيا 20 - قۇرىلتايىنىڭ بايانداماسىندا: ”جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا“ دەپ اتاپ كورسەتىلدى. سان - ساناقسىز وزگەرىستى باستان كەشسە دە، اۋەلگى ماقساتىنان اينىماعان پارتيا عانا نەگىزى مىعىم بولىپ، مىزعىماي تۇرا الادى؛ شۇعىلالى ناتيجە جاراتسا دا، وزىنە - ءوزى توڭكەرىس جاساعان پارتيا عانا المايتىن قامالى بولمايتىن جەڭىمپاز بولا الادى. پارتيامىز دۇنيە جۇزىندەگى ەڭ ءىرى ماركسيزمدىك بيلىك باسىنداعى پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك. بولاشاقتى بەتكە العاندا، ءبىز پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ساياتىن تۇرعىدان پارتيانى جاپپاي قاتاڭ باسقارۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتىپ، ماسەلەنى باعدار ەتۋدەن باستان - اياق جازباي، وزىنە تۇبەگەيلى توڭكەرىس جاساۋ رۋحىن ساۋلەلەندىرىپ، اتوي دابىلىن ماڭگى قاعىپ، قاتاڭدىق سىندى نەگىزگى اۋەندى، قاتاڭ شارالاردى، قاتاڭ رايدى ۇزاق ۋاقىت تاباندىلىقپەن جالعاستىرىپ، پارتيانىڭ ۇلى ءوز - وزىنە توڭكەرىسىن سوڭىنا دەيىن جۇرگىزۋىمىز كەرەك. پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتىپ، قۇدىرەتتى مەملەكەت قۇرۋعا، ۇلتتى گۇلدەندىرۋگە پارمەندى كەپىلدىك ازىرلەۋ كەرەك.
وتكەن جولىمىزعا قايىرىلا قاراساق، نوسەرلى داۋىلدار، شۇعىلالى تابىستار تولىپ جاتىر. العا باسۋ جولىنا كوز جىبەرسەك، داڭعىل جول وتە قاراپايىم، ناقتى ىستەۋ ماڭىزدى ورىندا تۇر. قازىر ءبىز جاپپاي سوتسياليستىك وسىزاماندانعان مەملەكەت قۇرۋ سىندى تاريحي ۇلى ارمان جولىندا كۇرەس جۇرگىزىپ جاتىرمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ ءىرى ءىسىن“ ەستە بەرىك ساقتاپ، پارتيا قۇرۋ ۇلى رۋحىن اسقاقتاتىپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، ىنتىماقتاسا كۇرەس جۇرگىزىپ، قايراتتانا العا ۇمتىلىپ، جاڭا ءداۋىردىڭ جاڭا جورىعىندا اناعۇرلىم ۇلى جەڭىس پەن داڭققا قول جەتكىزۋگە قۇلشىنايىق!
(شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى)
