انار بۇلت \ شينجياڭ گازەتىنىڭ ءتىلشىسى ليۋ شياڭ 7 - ايدىڭ 1 - كۇنى ۇرىمجىدەن حابارلايدى. 1 - ايدان 5 - ايعا دەيىن شينجياڭنىڭ تۇراقتى مۇلىككە قوسقان قارجىسى سايكەس مەزگىلدەگىدەن ％6. 13 ارتىپ، بۇكىل ەلدىكىنەن 6. 9 پايىز جوعارى بولدى. اۆتونوميالى رايوننىڭ 400 ءتۇيىندى نىسانىنا ناقتى زاتتىق قىزمەت مولشەرى بويىنشا جيىنى 97 ميلليارد 600 ميلليون يۋان قارجى قوسىلىپ، بۇكىل رايوننىڭ قوسقان قارجىسىنىڭ ارتۋىنا بەرىك تىرەك ازىرلەدى.
كەلەلى نىسان − دامۋدى جەدەلدەتۋدەگى نەگىزگى قوزعالتقىش، دەمەۋىش، ەكونوميكالىق، قوعامدىق دامۋ جونىنەن جەتەكشىلىك جانە نەگىزدىك رولعا يە.
بيىل جىل باسىنان بەرى اۆتونوميالى رايوندىق دامۋ جانە رەفورما كوميتەتى نەگىزگى تاقىرىپتىق تاربيەنى ءتۇيىندى قىزمەتتەردى ىلگەرىلەتۋمەن تولىق ۇشتاستىرىپ، اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، كەلەلى نىسانداردىڭ قۇرىلىسىن زەيىن - زەردەنى، كۇش - قۋاتتى شوعىرلاندىرا وتىرىپ جەدەلدەتىپ، قارجى قوسۋدىڭ ورنىقتى ارتۋىن بار كۇشپەن جەبەپ، جوعارى ساپالى دامۋعا دەم بەردى.
”جالپى جاقتان قاراعاندا، بۇكىل رايوننىڭ قارجى قوسۋىندا جالپى تۇلعالىق جاقتان ورنىقتى ارتۋ جاعدايى بايقالدى“. اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى ءانۋار يبىرايىم بىلاي دەدى: مۇنىڭ ىشىندە تارباعاتاي ايماعى، سانجى حۇيزۋ اۆتونوميالى وبلىسى، قاشقار ايماعى، ىلە قازاق اۆتونوميالى وبلىسى قاتارلى 7 ايماقتىڭ (وبلىس، قالا) قارجى قوسۋىنىڭ ارتۋ سەرپىنى كۇشتى بولىپ، ارتۋ جىلدامدىعى بۇكىل رايوننىڭ ورتاشا دەڭگەيىنەن جوعارى بولدى.
ءتۇيىندى نىساندار قۇرىلىسىنىڭ التىن مەزگىلىن مىقتى يگەرۋ ءۇشىن ىلە وبلىسى نىساندارعا (كاسىپورىن) قىزمەت وتەۋدى سايكەستىرۋ گرۋپپاسىن قۇرىپ، وبلىس باسشىلارى كەلەلى نىسانداردى باستاماشى بولىپ كوتەرمەگە الىپ، بوگەتتى كۇش سالا اشىپ، قيىن تۇيىندەردى شەشىپ، ءتۇيىندى نىسانداردىڭ اياق الىسىن جەدەلدەتۋىن بار كۇشپەن ىلگەرىلەتتى.
”سونىمەن بىرگە، قۇرىلىس جۇرگىزشىلەر، ماشينا جانە قارجى ۇسىنىلىم سەرپىنىن ارتتىرىپ، اناعۇرلىم كوپ ناقتى زاتتىق قۇرىلىس مولشەرىن قالىپتاستىرۋدى ىلگەرىلەتتى“. ىلە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي بىلاي دەدى: قازىر ىلە وبلىسىنداعى اۆتونوميالى رايوننىڭ ءتۇيىندى نىساندارىنىڭ جۇمىس باستاۋ، جۇمىستى قالپىنا كەلتىرۋ سالىستىرماسى %80تەن استى.
ەنەرگيا كاسىپ سالاسىنا قارجى قوسۋدى زورايتۋ، دەم بەرۋ اسەرىن كۇشەيتۋ ەكونوميكانىڭ ارتۋىن ورنىقتىرۋداعى، ەنەرگيامەن قامتاماسىز ەتۋ قابىلەتىن جوعارىلاتۋداعى ماڭىزدى شارا بولۋمەن بىرگە، ەنەرگيا قۇرىلىمىن رەتتەۋدەگى، دامۋ تاسىلىندە بۇرىلىس جاساۋداعى ءونىمدى تۇتقا.
”جەر - جەر شينجياڭنىڭ ەنەرگيا ءىس جۇزىندىك جاعدايىن تياناق ەتىپ، ارتۋدى ورنىقتىرۋدى اناعۇرلىم كورنەكتى ورىنعا قويدى“، - ءانۋار يبىرايىم بىلاي دەدى: ساياسات ءونىمىن تولىق ساۋلەلەندىرىپ، جاڭا ەنەرگيا كاسىپ سالاسىن، كومىر، كومىر ەلەكتر نىسانىن، جاسىل كەن قۇرىلىسىن بەلسەنە ىلگەرىلەتىپ، ىشكى قوزعاۋشى كۇشتى شىن مانىندە ارتتىرۋ كەرەك.
تارىم ويپاتىنىڭ شۇنبەي مۇناي الابىندا جالپى 20 ميلليارد يۋان قارجى قوسىلعان تارىم وزەنى مۇناي ايىرۋ شەكتى جاۋاپكەرشىلىك سەرىكتەستىگى ميلليون توننالىق دەڭگەيدەگى ەتيلەن نىسانى قۇرىلىسى قاۋىرت جۇرىلۋدە، كۇشار قالاسىنىڭ جەل، فوتوۆولت، جاسىل ەلەكترىن سايكەستىرىپ، جاسىل ەتيلەن، پروپيلەن سياقتى كوپ تۇردەگى مۇناي حيميا ونەركاسىبى ونىمدەرىن ءوندىرىپ، مۇناي - تابيعي گاز بايلىعىنىڭ ءوز جەرىندە وڭدەلىپ كادەگە جاراۋ سەرپىنىن ارتتىرادى.
”تارىم وزەنى مۇناي ايىرۋ شەكتى جاۋاپكەرشىلىك سەرىكتەستىگى ميلليون توننالىق ەتيلەن سياقتى نىساندار اۆتونوميالى رايون دەڭگەيىندە بار كۇشپەن قولداۋعا جانە جوعارى دەڭگەيدە ىلگەرىلەتۋگە يە بولىپ، ءتۇرلى قىزمەتتەر تارتىپپەن ورىستەتىلۋدە“. اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ءادىل ءالي بىلاي دەدى: حاۋىپسىزدىككە شىنايى كەپىلدىك ەتۋ العى شارتىندا كەلەلى نىساندار قۇرىلىسىنىڭ كۇشەمەلىلىگىن جاپپاي جوعارىلاتىپ، جۇڭتاي جينحۇي جىلىنا 300 مىڭ توننا BDO (بۋتاديول) ءوندىرۋ، كۇشار جاسىل سۋتەگى ۇلگى كورسەتۋ نىسانى سياقتى ءبىر توپ ءتۇيىندى ەنەرگيا نىساندارىن جەدەل ىلگەرىلەتىپ، ايماقتىڭ، ءتىپتى، بۇكىل شينجياڭنىڭ ەكونوميكالىق دامۋىنا اناعۇرلىم كوپ قوزعاۋشى قۋات توپتايمىز.
ەكىنشى، ءۇشىنشى ماۋسىم شينجياڭنىڭ نىسان قۇرىلىستارىنىڭ التىن مەزگىلى جانە شەشۋشى مەزگىلى ءارى تۇتاس جىلدىق ەكونوميكالىق اۋقىمنىڭ شەشۋشى مەزگىلى.
ءانۋار يبىرايىم مىنالاردى ءبىلدىردى: تۇتاس جىلدىق نىسانا - مىندەتتەردى كوزدەپ، حاۋىپسىزدىك تومەنگى شەگىن بەرىك ساقتاپ، ءونىمدى قارجى قوسۋدىڭ شەشۋشى رولىن اناعۇرلىم ويداعىداي ساۋلەلەندىرىپ، بۇكىل رايوننىڭ كەلەلى نىساندارىنىڭ شوعىرلى جۇمىس باستاۋ دايىندىق قىزمەتىن تىڭعىلىقتى ىستەپ، قۇرىلىس شارت - جاعدايىن تياناقتاندىرىپ، كەلەلى نىسانداردىڭ جۇمىس باستاۋعا تيىستىلەرىنىڭ مۇمكىندىگىنشە جۇمىس باستاۋىنا، جاڭادان سالىناتىن نىسانداردىڭ 6 - ايدىڭ سوڭىنان بۇرىن جۇمىس باستاۋ سالىستىرماسىنىڭ ％90تەن استامعا جەتۋىنە شىنايى كەپىلدىك ەتەمىز.
