شينحۋا اگەنتتىگىنىڭ 7 - ايدىڭ 3 - كۇنى بەيجيڭنەن بەرگەن حابارى. 7 - ايدىڭ 3 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 3 - كەزەكتى وركەنيەتتەر ارا اۋىس - كۇيىس جاساۋ، ءوزارا ۇلگى الۋ سۇحبات جينالىسىنا جانە تۇڭعىش كەزەكتى دۇنيە جۇزىلىك جۇڭگو تانۋشىلار جينالىسىنا قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: ادامزات تاريحىنىڭ ۇزاق بارىسىندا دۇنيە جۇزىندەگى ۇلتتار وزىندىك ەرەكشەلىككە جانە بەلگىگە يە وركەنيەت جاراتتى. تۇرلىشە وركەنيەتتەردىڭ تەرەزەسى تەڭ تۇرعىدا اۋىس - كۇيىس جاساۋى، ءوزارا ۇيرەنىپ، ءوزارا ۇلگى الۋى ادامزاتتىڭ داۋىرلىك قيىن تاقىرىپتى شەشۋىنە، ورتاق دامۋدى جۇزەگە اسىرۋىنا قۇدىرەتتى رۋحاني جەتەكشىلىك ازىرلەيدى.
شي جينپيڭ بىلاي دەپ باسا دارىپتەدى: جۇڭگو جاق ءارقايسى جاقتارمەن بىرگە، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتى اسقاقتاتىپ، الەمدىك وركەنيەت باستاماسىن تياناقتاندىرىپ، وركەنيەت اۋىس - كۇيىسى ارقىلى وركەنيەت كىربەڭدىگىن، وركەنيەتتىڭ ءبىر - بىرىنەن ۇلگى الۋى ارقىلى وركەنيەتتەر ارا قاقتىعىستان اتتاپ ءوتىپ، وركەنيەتتەردىڭ سيىسىمدىلىعى ارقىلى وركەنيەت مەنمەندىگىنەن اتتاپ ءوتىپ، ادامزات وركەنيەتىنىڭ العا باسۋىن قول ۇستاسا ىلگەرىلەتۋدى قالايدى. ءار ەلدەگى جۇڭگو تانۋشىلاردىڭ جۇڭگو − شەتەل وركەنيەتتەرى توعىسۋىنىڭ ەلشىسى رەتىندە، جۇڭگو − شەتەل مادەنيەتىن تۇتاستىرىپ، تۇسىنىستىكتى، دوستىقتى، سەلبەستىكتى ىلگەرىلەتۋگە اناعۇرلىم بەلسەندى ۇلەس قوسۋىن ءۇمىت ەتەمىن.
3 - كەزەكتى وركەنيەتتەر ارا اۋىس - كۇيىس جاساۋ، ءوزارا ۇلگى الۋ سۇحبات جينالىسىن جانە تۇڭعىش كەزەكتى دۇنيە جۇزىلىك جۇڭگو تانۋشىلار جينالىسىن جۇڭگو حالىقارالىق اۋىس - كۇيىس قوعامى ۇيىمداستىرعان، 7 - ايدىڭ 3 - كۇنى بەيجيڭدە اشىلدى، نەگىزگى تاقىرىبى ”الەمدىك وركەنيەت باستاماسىن تياناقتاندىرىپ، وسىزاماندانۋدىڭ جاڭا كارتيناسىن قول ۇستاسا كەسكىندەيىك“.
