جاڭ چۇنلين ءبىر ءبولىم جوعارى مەكتەپتەردە وقۋ - اعارتۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ءمورال ارقىلى تاربيەلەۋگە تاباندى بولىپ، كاسىپتىك وقۋ - اعارتۋدىڭ ساپاسىن، دەڭگەيىن جوعارىلاتۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 7 - ايدىڭ 4 - كۇنى ۇرىمجىدەن حابارلايدى. 7 - ايدىڭ 3 - كۇنى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ءۇرىمجى قالاسىندا شينجياڭ شىفان جوعارى دارەجەلى ارناۋلى كۋرس مەكتەبى، شينجياڭ كوركەمونەر شۋەيۋانى، شينجياڭ تەمىر جول كاسىپتىك تەحنيكالىق شۋەيۋانى، شينجياڭ كىشين كاسىپتىك تەحنيكالىق شۋەيۋانى سياقتى مەكتەپتەردە باسى - قاسىندا تەكسەرۋ - زەرتتەۋ جۇرگىزىپ، مەكتەپتىڭ وقىتۋ شارت - جاعدايى، ماماندىق ورنالاستىرۋى، كاسىپ سالاسى مەن وقىتۋدىڭ توعىسۋى سياقتى جاعدايلاردى ىشكەرىلەي ۇعىستى.
جاڭ چۇنلين بىلاي دەپ باسا دارىپتەدى: باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارى مەن ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋمەن ۇشتاستىرىپ، اۆتونوميالى رايوندىق پارتكومنىڭ ورنالاستىرۋى، تالابى بويىنشا، يدەيانى ازات ەتىپ، رەفورمادا جاڭالىق اشىپ، كاسىپتىك وقۋ - اعارتۋدىڭ ورنالاسۋ قۇرىلىمىن اناعۇرلىم ساپالىلاندىرىپ، كاسىپتىك مەكتەپتەردىڭ وقىتۋ شارت - جاعدايىن جاقسارتىپ، كاسىپتىك مەكتەپتەردىڭ وقىتۋ شارت - جاعدايىن ولشەمگە جەتكىزۋ قىزمەتىن شىن مانىندە ويداعىداي ىستەپ، كاسىپتىك وقۋ - اعارتۋدىڭ جوعارى ساپالى دامۋىن ۇزدىكسىز ىلگەرىلەتۋ كەرەك. ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداپ، يدەيالىق - ساياسي تاربيەنى دارىندىلاردى باۋلۋدىڭ تۇتاس بارىسىمەن ساباقتاستىرىپ، سوتسياليستىك وزەكتى قۇن كوزقاراسى تاربيەسىن كۇشەيتىپ، شينجياڭدى مادەنيەتپەن نارلەندىرۋدى ىشكەرىلەي اتقارىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسى وقىتۋىن ۇزدىكسىز كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىنىڭ مەكتەپتەرگە كىرۋىن ىشكەرىلەي ىلگەرىلەتىپ، ءار ۇلت وقىتۋشى - وقۋشىلارىن جۇڭحۋا ۇلتى ورتاق تۇلعا تانىمىن بەرىك ورناتىپ، ”بەستى شىنايى مويىنداۋدى“ كۇشەيتىپ، پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە تاربيەلەۋ، باستاۋ كەرەك. اۆتونوميالى رايوننىڭ ”8 ءىرى كاسىپ سالاسى شوعىرىن“ جانە وڭىرلىك ەرەكشە كاسىپ سالاسىن ورنالاستىرۋدى مىقتاپ ارقاۋ ەتىپ، ماماندىقتار ورنالاسىمىن كەمەلدەندىرىپ، كاسىپ سالاسى مەن وقۋ - اعارتۋدىڭ توعىسۋىن، مەكتەپ پەن كاسىپورىننىڭ سەلبەستىگىن تەرەڭدەتىپ، ناقتى جاتتىعۋ بازاسى قۇرىلىسىن كۇشەيتىپ، وقىتۋدىڭ ساپاسى مەن دەڭگەيىن جوعارىلاتىپ، جوعارى دەڭگەيدەگى كاسىپتىك وقۋ - اعارتۋ ارقىلى بۇكىل رايوننىڭ جوعارى ساپالى دامۋىنا قۋات ۇستەۋ كەرەك.
