ەركىن تۇنياز ۇكىمەت جۇيەسىندە ارناۋلى تاقىرىپتىق پارتيا ساباعىن ءوتتى
جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قايراتتانا ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 7 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ نەگىزگى تاقىرىپتىق تاربيە جونىندەگى قىزمەت ورنالاستىرۋىنا ساي، 7 - ايدىڭ 5 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ”شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قايراتتانا ىلگەرىلەتۋ“ دەگەن وسى نەگىزگى تاقىرىپتى ارقاۋ ەتىپ، ۇكىمەت جۇيەسىندەگى پارتيا مۇشەلەرىنە، كادرلارعا ارناۋلى تاقىرىپتىق پارتيا ساباعىن ءوتىپ، ۇكىمەت جۇيەسىندە نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن، ناقتى ونىمدىلىككە قول جەتكىزۋىن ىلگەرىلەتتى.
ەركىن تۇنياز بىلاي دەپ اتاپ كورسەتتى: ۇيرەنۋ ارقىلى رۋحتى سومداۋعا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىلەرى، ادالدىقپەن امالياتتا ايگىلەۋشىلەرى بولۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، جەتە ءتۇسىنۋدى ”ەكىنى تۇراقتاندىرۋدى“ باتىل قورعاۋدىڭ، ”ەكىنى قورعاۋدى“ باتىل ورىنداۋدىڭ ءىس جۇزىندىك ارەكەتى ەتۋ كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ قالىپتاسۋ بارىسىن، كەمەلدى جۇيەسىن جانە عىلمي ءادىس - امالىن تەرەڭ ءتۇسىنىپ، شينجياڭ قىزمەتىنىڭ باستان - اياق باس شۋجي شي جينپيڭ نۇسقاعان دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك. اۆتونوميالى رايوندىق پارتكومنىڭ ورنالاستىرۋلارىن، تالاپتارىن ىشكەرىلەي ۇيرەنىپ، ءتۇسىنىپ، پارتكوم ۇندەۋ شىعارسا، ۇكىمەت اتتانىسقا كەلۋدى، پارتكوم ورنالاستىرۋ جاساسا، ۇكىمەت تياناقتاندىرۋدى باتىل ورىنداۋ كەرەك.
ەركىن تۇنياز بىلاي دەپ اتاپ كورسەتتى: ۇيرەنۋ ارقىلى پاراساتتى ارتتىرۋعا تاباندى بولىپ، ساياسي قابىلەتتى، ويلاۋ قابىلەتىن، امالياتتىق قابىلەتتى جاپپاي جوعارىلاتۋ كەرەك. ساياسي دەڭگەيدى جوعارىلاتىپ، قىزمەتتى ساياسي جاقتان جوسپارلاۋعا شەبەر بولىپ، قىزمەتكە اناعۇرلىم كوپ ساياسي ءمان ۇستەپ، شينجياڭ قىزمەتىنىڭ باس نىساناسىن جۇزەگە اسىرۋعا زەيىن - زەردەنى، كۇش - قۋاتتى شوعىرلاندىرۋ كەرەك. ويلاۋ قابىلەتىن جوعارىلاتىپ، قىزمەت بارىسىندا جۇيەلى ويلاۋ ارقىلى جوسپار جاساپ، ستراتەگيالىق ويلاۋ ارقىلى تولعانىپ، تاريحي ويلاۋ ارقىلى باعامداپ، ديالەكتيكالىق ويلاۋ ارقىلى تالداۋ جاساپ، جاڭالىق اشا ويلاۋ ارقىلى ماسەلەنى شەشىپ، زاڭمەن باسقارۋ ويى ارقىلى ىلگەرىلەتىپ، تومەنگى شەكتە ويلاۋ ارقىلى قامتاماسىز ەتىپ، قىزمەتتەگى عىلميلىق، كورەگەندىك، ىرىقتىلىق، جاسامپازدىق سيپاتتى كۇشەيتۋ كەرەك. امالياتتىق قابىلەتتى جوعارىلاتىپ، يدەيانى ونان ارى ازات ەتىپ، تۋراشىلدىقتان اينىماي، جاڭالىق اشىپ، ىرىقتىلىقپەن ىسكەرلىك كورسەتىپ، قابىلەتتى ءوسىرىپ، قىزمەتتەگى ”مايتالمانعا“ اينالۋ كەرەك.
ەركىن تۇنياز بىلاي دەپ باسا دارىپتەدى: ۇيرەنۋ ارقىلى ىستەۋدى جەبەۋگە تاباندى بولىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدىڭ بورىشى مەن مىندەتىن شىنايى ارقالاپ، نەگىزگى تاقىرىپتىق تاربيەنىڭ جەتىستىكتەرىن قىزمەت ونىمدىلىگىندە ايگىلەۋ كەرەك. نازاردى ”8 ءىرى كاسىپ سالاسى شوعىرى“ قۇرىلىسىنا شوعىرلاندىرىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن كۇش سالا قۇرۋ كەرەك. اناعۇرلىم ىرىقتى ەسىك اشۋ ستراتەگياسىن تاباندىلىقپەن اتقارىپ، ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى قامالىن كۇش سالا قالىپتاستىرۋ كەرەك. نەگىزدىك قۇرىلعى قۇرىلىسى، عىلىم - تەحنيكا دارىندىلارى سياقتى قىزمەتتەردى كۇش سالا ويداعىداي ىستەپ، جوعارى ساپالى دامۋعا تىرەك بولۋ قۋاتىن ۇزدىكسىز جوعارىلاتۋ كەرەك. وڭتۇستىك شينجياڭ دامۋىنىڭ ماڭىزدى ءمانىن جىعا تانىپ، وڭتۇستىك شينجياڭنىڭ جوعارى ساپالى دامۋىن كۇش سالا ىلگەرىلەتۋ كەرەك. ماسەلەنى باعدار ەتۋگە، نىسانانى باعدار ەتۋگە تاباندى بولىپ، جاسىل دامۋ ۇستانىمىن امالياتتا ايگىلەپ، ەكولوگيالىق وركەنيەت قۇرىلىسىن كۇش سالا ىلگەرىلەتۋ كەرەك. حالىق تۇرمىسىن شىن مانىندە قامتاماسىز ەتىپ جانە جاقسارتىپ، حالىق تۇرمىسىنا قاتىستى 10 ناقتى ءىستى دەن قويا، سۇيىسپەنشىلىكپەن، كۇش سالا ويداعىداي ىستەۋ كەرەك. تاۋقىمەت تانىمىن، تومەنگى شەكتە ويلاۋدى كۇشەيتىپ، ءتۇرلى حاۋىپ - قاتەرلەردەن كۇش سالا ساقتانىپ جانە ونى جويىپ، حاۋىپسىزدىكتىڭ تومەنگى شەگىن بەرىك ساقتاۋ كەرەك.
ەركىن تۇنياز بىلاي دەپ اتاپ كورسەتتى: ۇيرەنۋ ارقىلى ستيلدى دۇرىستاۋعا تاباندى بولىپ، ۇكىمەت جۇيەسىنىڭ وزىندىك قۇرىلىسىن قاتاڭ، شىنايى ويداعىداي يگەرىپ، پارتيانىڭ جاپپاي باسشىلىعىن ۇكىمەت قىزمەتىنىڭ ءارقايسى جاعىمەن، تۇتاس بارىسىمەن شىنايى ساباقتاستىرۋ كەرەك. زاڭمەن باسقارىلاتىن ۇكىمەت، قىزمەت وتەۋ سيپاتتى ۇكىمەت، پاك ۇكىمەت قۇرىلىسىن تىڭعىلىقتى ىلگەرىلەتىپ، ناقتى ءىس ىستەۋ ستيلىن بارىنشا ساۋلەلەندىرىپ، پاكتىك ستيلىن اسقاقتاتىپ، قاراپايىمدىلىق ستيلىن قالىپتاستىرۋ كەرەك.
چىن ۋيجۇن باسقاردى، ءيۇسۇپجان مامەت، ليۋ سۋشى، شۋە بين، ءماردان مۇحيت قاتىناستى.
