【رەداكتوردان】
ساياحات ارقىلى شينجياڭدى گۇلدەندىرۋ ستراتەگياسىنىڭ ۇزدىكسىز ىلگەرىلەتىلۋىنە ساي، قاشقار بايىرعى قالاسى وزگەشە قاسيەتىمەن كوپتەگەن ساياحاتشىلاردى باۋراۋدا. ادامدار بايىرعى قالانىڭ دىر - دۋمانعا تولعان كوشەلەرىن قيماي، جىبەك جولى بايىرعى ارناسىنىڭ مىڭ جىلدىق مانىنە ءتانتى بولدى... بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ ءمانساپتىلارى ارالاپ كورگەننەن كەيىن، قاشقار بايىرعى قالا رايونىن جاڭالاۋدا بۇرىنعى قۇرىلىستاردىڭ ەرەكشەلىگى مەن تۇرعىنداردىڭ ءداستۇرلى تۇرمىس سالتى ساقتالىپتى، بۇل ادامدى نەگىز ەتۋ رۋحىنىڭ بەينەلەنۋى، جالپىلاستىرۋعا تاتيتىن كوپتەگەن تاجىريبەلەر بار دەپ قارادى.
بۇگىننەن باستاپ، انار بۇلت \ شينجياڭ گازەتى ”بايىرعى قالاداعى جاڭا تۇرمىس“ اتتى جەلىلەس حابار جاريالاپ، قاشقار بايىرعى قالاسى جاڭالانعاننان كەيىن، وسى ارادا تۇرمىس كەشىرىپ جاتقان ءار ۇلت بۇقاراسىنىڭ ءوندىرىس، تۇرمىسىندا تۋىلعان وراسان زور وزگەرىستەردى جاندى ايگىلەپ، ولاردىڭ قاراپايىم دا باقىتتى تۇرمىسىن اڭگىمەلەيدى.
□ انار بۇلت \ شينجياڭ گازەتىنىڭ ءتىلشىسى حان چين - يان
”الىستان كەلگەن وزىڭىزدەي دوسىمىزدى قارسى الامىز. بۇگىن قۇربان ايت مەرەكەسى، ءدامدى تاعامدارىمىزدى تاتىپ كورىڭىز“. 6 - ايدىڭ 29 - كۇنى ساعات 11 مولشەرىندە، قاشقار بايىرعى قالاسى اريا جولىنداعى ەڭ قارسى الىنعان كورىنىس تۇيىندەرىنىڭ ءبىرى رەتىندە، ”گۇليدىڭ ءۇيى“ ساياحاتتاپ وتباسى كورۋ ءتۇيىنى ويناقى شينجياڭ ءان - بيىمەن گۋاڭدۇڭدىق ءبىر توپ ساياحاتشىنى قارسى الدى.
ساياحاتشى جاۋ شياۋليدىڭ ەرىكسىز ىلەسە بيگە باسۋىمەن كوپتەگەن ساياحاتشىلار دا وعان قوسىلىپ، كوپشىلىك لەزدە شاتتىقتىڭ دىر - دۋمانىنا شومدى.
”گۇليدىڭ ءۇيىنىڭ“ اۋلاسىندا ءبىر ءتۇپ جۋان ءانجۇر اعاشى كوككە بوي سوزىپ تۇر، ساياحاتشىلار قۇرعاق جەمىس تولتىرا تىزىلگەن ۇستەلدى اينالا وتىرىپ شاي ءىشىپ، اڭگىمە دۇكەنىن قۇرىپ، ءان - بيدەن ءلاززاتتاندى. 2 - قاباتتان باسپالداقپەن تومەنگە تۇسكەن كەيبىر ساياحاتشىلار قول تەلەفوندارىمەن تاماشا ساتتەردى ەستەلىككە الدى.
”ساياحاتشىلار كەلگەن سايىن دۇكەندەگى ءان - ءبي ارتيستەرى تارتىمدى ويىن نومىرلەرىن ارنايدى“. ”گۇليدىڭ ءۇيىنىڭ“ جاۋاپتىسى سالاماتگۇل قاري بىلاي دەپ تانىستىردى: ”قۇربان ايت مەرەكەسى دەمالىسىندا ءبىز ءار كۇنى، از دەگەندە، 400 ساياحاتشى قابىلداپ، كۇندىك تيجارات كىرىسىمىز 10 مىڭ يۋاننان استى“. مۋزيكا ءۇنى شىعىسىمەن سالاماتگۇل بۇرالا بيگە باسىپ، ساياحاتشىلاردى بىرگە بيلەۋگە ۇسىنىس ەتتى.
2007 - جىلى قاشقار قازىنا - ساۋدا مەكتەبىنەن وقۋ تاۋىسقان سالاماتگۇل قاشقار بايىرعى قالاسىنا كەلىپ قىزمەت ىستەپ، كورىنىس اۋماعىنىڭ ءتۇسىندىرۋشىسى بولادى.
2010 - جىلى قاشقار بايىرعى قالا تۇرعىندار تۇراعىندا شوعىرلى جوندەۋ، جاڭالاۋ جۇرگىزىلىپ، مىڭ جىلدىق بايىرعى قالادا جاستىقتىڭ ومىرشەڭدىك كۇشى جالىندادى. 2015 - جىلى قاشقار بايىرعى قالا كورىنىس ءوڭىرى مەملەكەتتىك 5A دارەجەلى ساياحات كورىنىس ءوڭىرى بولىپ باعالانىپ، ساياحاتشى قابىلداۋ مولشەرى زور دارەجەدە ارتتى. كوپتەگەن ساياحاتشى بايىرعى قالانى ەكسكۋرسيالاپ بولعاننان كەيىن، تۇرعىنداردىڭ وتباسىنا كىرىپ جەرگىلىكتى سالت - سانانى سەزىندى.
ءار جولى ساياحاتشىلار وسىنداي تالاپ قويعان كەزدە سالاماتگۇل ىستىق ىقىلاسپەن ولاردى ءوزىنىڭ ۇيىنە باستاپ باراتىن. ىستىق شايىن، جەمىس - جيدەكتەرىن ازىرلەپ، ساياحاتشىلاردى ءدام تاتۋعا شاقىراتىن. ءانجۇر اعاشىنىڭ ساياسىندا وتىرىپ تىنىستاعان ساياحاتشىلار جول ازابىنان لەزدە ارىلعانداي بولاتىن.
ساۋدا ورايىن سەزگەن سالاماتگۇل قىزمەتىنەن بوساپ شارۋاشىلىق قۇرۋعا بەل بايلادى. 2017 - جىلى 3 - ايدا ”گۇليدىڭ ءۇيى“ ساياحاتتاپ وتباسى كورۋ ءتۇيىنى ساۋدا باستادى. ءار كۇنى قاشقار بايىرعى قالاسىنىڭ قالانى اشۋ سالتى اياقتاعاننان كەيىن، سالاماتگۇل ۇسىنىس ەتكەن ءان - ءبي ارتيستەرىمەن بىرگە قوناق كۇتۋ ءبيىن بيلەپ، جەر - جەردەن كەلگەن ساياحاتشىلاردى قارسى الادى.
”وتباسى كورۋ سىندى بۇل ساياحاتتاۋ فورماسىن ساياحاتشىلار قاتتى ۇناتادى، ولار كىلەم توسەلگەن اۋلادا قۇرعاق جەمىس - جيدەك، ىستىق شاي، ءدامدى تاعامداردان ءدام تاتا وتىرىپ، ءان - ءبي ويىندارىن تاماشالاپ، ۇلتتىق مۋزيكا اسپاپتارىمەن ورىندالعان مۋزيكالاردان ءلاززات الادى“، - دەدى سالاماتگۇل.
ساياحاتشىلار بارعان سايىن كوبەيدى، قايتكەندە ساياحاتشىلاردى ءتىپتى جاقسى ءتول اسەرگە بولەۋگە بولادى؟
2019 - جىلى وتباسىنداعىلاردىڭ قولداۋىندا ول سىرتقا شىعىپ، ليجياڭ بايىرعى قالاسىنان ”تاجىريبە الۋعا“ بەكيدى. ۇيرەنىپ قايتىپ كەلگەننەن كەيىن، سالاماتگۇل ءوز ءۇيىن حالىقتىق تۇسەلحانا ەتىپ وزگەرتۋدى جوسپارلايدى، سونىمەن بىرگە دوۋيىن، كۋايشۋ سياقتى تىكە تاراتۋ تۇعىرلارى ارقىلى ساياحاتشىلاردى باۋرايدى.
ۇيىندەگىلەر مەن كورشىلەر تۇسىنبەي: ەندى عانا جاڭالاعان ءۇيدى شاعىپ قايتادان جوبالاپ، اشەكەيلەسەڭ، الدىندا جۇمساعان قارجىڭ دالاعا كەتپەي مە، -دەيدى.
”ءبىر ىسكە بەكىگەن ەكەنمىن، بار كۇشىممەن سونى ويداعىداي ورىنداۋعا قۇلشىنامىن“. سالاماتگۇل ەسىنە الىپ بىلاي دەدى: ”سول كەزدەرى حالىقتىق تۇسەلحانانى اشەكەيلەۋگە قىرۋار قارجى قاجەت بولىپ، اقشا جەتپەيتىن ەدى. ءبىر ءتاۋىرى، ۇكىمەت بىزگە 80 مىڭ يۋان ءوسىمسىز قارىز بەردى“.
قايتادان اشەكەيلەگەننەن كەيىن، 1 - قابات سالت - سانا، مادەنيەت كورمە زالى بولدى، 2 - قابات تۇرلىشە ۇلگىدەگى حالىقتىق تۇسەلحانا قوناق بولمەسى ەتىپ جاڭالاندى، اۋلانىڭ ماڭى شايحانا، ساياحاتشىلاردىڭ شاي ىشە وتىرىپ ءان - ءبي ويىندارىنان ءلاززاتتانۋىنا بولادى.
”حالىقتىق تۇسەلحانا اشىلىسىمەن ساۋداسى كۇسەت بولدى“، - دەدى سالاماتگۇل. ونىڭ جەبەۋىمەن ماڭايدا تاعى دا بىرنەشە ءۇي ارالاپ كورۋ ساياحات ورنى اشىلىپ، كەزىندە جىم - جىرت جاتاتىن اريا كوشەسى بارعان سايىن دىر - دۋمانعا بولەندى.
بۇگىنگى كۇندە ”گۇليدىڭ ءۇيى“ 20 نەشە ادامدى جۇمىستانۋعا باستاپ، ينتەرنەتتەگى تانىمال حالىقتىق تۇسەلحاناعا اينالدى، دوۋيىن، كۋايشۋ، بەينەجازبا نومىرىندە 500 مىڭنان استام جان كۇيەرى بار.
سالاماتگۇل بىلاي دەدى: اۆتونوميالى رايوندىق پارتكوم مەن ۇكىمەتتىڭ باسا ءمان بەرۋى مەن جەبەۋىنىڭ ارقاسىندا شينجياڭنىڭ ساياحات كاسىبى قارىشتاپ دامىدى، كەزىندەگى توزىعى شىققان بايىرعى قالادان جاڭا ومىرشەڭدىك كۇش قاۋلادى، ”مەنىڭ شارۋاشىلىق قۇرۋىمنىڭ ءساتتى بولۋى جاقسى داۋىرگە كەز كەلگەندىگىمنىڭ ارقاسى. مەن تاعى ءبىر شاعىن اۋلانى جالعا الدىم، ونى دا حالىقتىق تۇسەلحانا ەتىپ وزگەرتپەكشىمىن. قازىر ءبىر ءۇيلى جان ساياحات كاسىبىمەن شۇعىلدانىپ وتىرمىز، بولاشاقتاعى باقىتتى تۇرمىسقا سەنىمىمىز كامىل“.
