انار بۇلت \ شينجياڭ گازەتىنىڭ ءتىلشىسى ما ينيڭ 7 - ايدىڭ 5 - كۇنى ۇرىمجىدەن حابارلايدى. 6 - ايدىڭ 26 - كۇنى ءۇرىمجى گانچۋانپۋ ەكونوميكالىق، تەحنيكالىق اشۋ رايونىنا (ونەركاسىپ رايونى) ورنالاسقان شينجياڭ چاڭچىڭ ايقاسپالى كابەل شەكتى سەرىكتەستىگىنىڭ ءوندىرىس سەحىندا تەحنيكتەر كاسىپورىن جاڭادان ساتىپ العان سىم سوزۋ جابدىعىن سىناقتان وتكىزىپ جاتتى. جاڭا جابدىقتا وندىرىلگەن جەكە كابەلدىڭ سالماعى 5000 كيلوگرامعا جەتتى، مىس سىمنىڭ سوزىلعىشتىعى #225تەن #305كە جوعارىلاپ، ءبىر جولدا قالىپتانعان كابەلدىڭ جۇمساقتىعى جاعىندا اناعۇرلىم باسىمدىققا يە بولدى.
”قازىر ەلەكتر قۋاتى كابەلىنەن 20 ميلليون تونناعا جۋىق تاپسىرىس قابىلدادىق، بۇل بىلتىرعى سول تۇستاعىدان ％50 ارتتى“. شينجياڭ چاڭچىڭ ايقاسپالى كابەل شەكتى سەرىكتەستىگىنىڭ زاۆود باستىعى دۋ جاۋ - ۋي بىلاي دەپ تانىستىردى: كاسىپورىن وندىرگەن ەلەكتر قۋاتى كابەلى ونىمدەرى باقشا رايونىنىڭ شۋاڭچۋاڭ شاعىن قالاشىعىنداعى جەتىلدىرۋ باقشاسى، ءۇرىمجى ديوپۋ حالىقارالىق اۋەجايىنىڭ جاڭا تەرمينال عيماراتى ينجەنەرياسى سياقتى نىسان قۇرىلىستارىندا كەڭىنەن قولدانىلۋدا.
گانچۋانپۋ ەكونوميكالىق، تەحنيكالىق اشۋ رايونى (ونەركاسىپ رايونى) مەملەكەت دەڭگەيىندەگى ەكونوميكالىق، تەحنيكالىق اشۋ رايونى ءارى ءۇرىمجىنىڭ ”ستراتەگيالىق جاڭادان گۇلدەنگەن كاسىپ سالاسى بازاسى“. ”10 ميلليارد يۋاندىق كاسىپورىن باۋراۋعا، 10 ميلليارد يۋاندىق شوعىر جەتىلدىرۋگە، 100 ميلليارد يۋاندىق باقشا رايونىن تۇلعالاۋعا“ كۇش سالعان وسى باقشا رايونى جاڭا ماتەريال، جاڭا ەنەرگيا، وزىق جابدىق جاساۋ، ەنەرگيا ۇنەمدەپ ورتانى قورعاۋ سياقتى باسىمدىققا يە كاسىپ سالالارىن ءتۇيىندى باۋلىپ، دامىتىپ، نىساننىڭ تياناقتانىپ، ونىمدىلىك كورسەتۋىن جەدەلدەتتى.
قازىر جالپى 22 ميلليارد 300 ميلليون يۋان قارجى قوسىلعان، سۋتەگى ەنەرگياسىنان پايدالانۋعا قاتىستى 9 كاسىپ سالاسى نىسانى گانچۋانپۋ ەكونوميكالىق، تەحنيكالىق اشۋ رايونىنا (ونەركاسىپ رايونى) ىرگە تەبەۋ الدىندا تۇر.
بيىل اۆتونوميالى رايون باقشا رايونىن دامىتۋ دەڭگەيىن ۇزدىكسىز جوعارىلاتىپ، بايلىق ارتىقشىلىعى مەن وڭىرلىك ورىن باسىمدىعىن تياناق ەتىپ، كاسىپ سالاسى باسىمدىعى مەن ءتۇزىم باسىمدىعىن تولىق ساۋلەلەندىرىپ، ”8 ءىرى كاسىپ سالاسى شوعىرىن“ ارقاۋ ەتىپ، ءتۇرلى باقشا رايوندارىن كاسىپ سالاسى قۇرىلىمىن ساپالىلاندىرۋعا بەلسەنە باستاپ، جەتەكشى كاسىپ سالالارىن جەتىلدىرىپ، ءبىر توپ كەلەلى كاسىپ سالاسى نىساندارىن قۇرۋدى ىلگەرىلەتتى، باقشا رايونى كاسىپ سالاسىنىڭ كوتەرىمدىلىك قۋاتى مەن شوعىرلانۋ دارەجەسى كورنەكتى كۇشەيدى.
بيىل 5 - ايدىڭ سوڭىندا، شينجياڭ حاۋيۋە اليۋمين كاسىبى شەكتى سەرىكتەستىگىنىڭ جىلىنا 300 مىڭ توننا اليۋمين قوسپالى تۇلعالى ماتەريال وندىرەتىن نىسانى شينجياڭ جۇندۇڭ ەكونوميكالىق، تەحنيكالىق اشۋ رايونى حوشاۋشان كاسىپ سالاسى باقشاسىندا قۇرىلىس باستادى. بۇل جۇندۇڭ اشۋ رايونىنىڭ اليۋمين نەگىزدى جاڭا ماتەريال كاسىپ سالاسى تىزبەگىن ۇزارتۋ، وزەكتى باسەكەلىك قۋاتىن ارتتىرۋ جاعىندا تاعى ءبىر ماڭىزدى قادام تاستاعاندىعىنىڭ بەلگىسى.
قازىر جۇندۇڭ اشۋ رايونىندا كومىر ەلەكترى، كومىر حيميا ونەركاسىبى، جاڭا ماتەريال جانە جاڭا ەنەرگيا سياقتى كاسىپ سالالارىمەن قاتىستى 1200دەن استام كاسىپورىن بار. بايلىقتى اشۋ، پايدالانۋ، ەنەرگيانىڭ دامۋىن ورنالاستىرۋ، كاسىپ سالاسىنىڭ دەڭگەيىن جوعارىلاتىپ، تىزبەگىن ۇزارتۋ، عىلىم - تەحنيكا ارقىلى كاسىپتى گۇلدەندىرۋدى ىلگەرىلەتۋ، ەنەرگيا جۇمسالىمىن باسقارۋ - تىزگىندەۋدى كۇشەيتۋ سياقتى جاقتاردى ارقاۋ ەتىپ، جۇندۇڭ اشۋ رايونى قاتىستى كەشەندى رەفورما سىناق تۇيىندەرىنىڭ شارالارىن زەرتتەپ، جاساپ، جوعارى ساپالى دامۋدى جۇزەگە اسىرۋعا تەلەگەي قوزعاۋشى كۇش ۇستەدى.
2022 - جىلدىڭ سوڭىنا دەيىن شينجياڭ اۆتونوميالى رايون دەڭگەيىنەن جوعارى 84 باقشا رايونىن (بيڭتۋاندى قامتىمايدى) جەتىلدىردى، مۇنىڭ ىشىندە مەملەكەت دەڭگەيىندەگى 20 باقشا رايونى، اۆتونوميالى رايون دەڭگەيىندەگى 64 ونەركاسىپ باقشا رايونى بار. بۇكىل رايونداعى ءتۇرلى باقشا رايونىنا جيىنى 27 مىڭ كاسىپورىن ىرگە تەۋىپ، كاسىپپەن اينالىسۋشىلار 600 مىڭنان استى.
”ءبىز نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، قارجى قوسۋ، قارجى قۇراۋ مەحانيزمىندە جاڭالىق اشۋ جونىندە ىزدەنىس جاساپ، باقشا رايونىنىڭ ىشكى قوزعاۋشى كۇشى مەن دامۋ ومىرشەڭدىك كۇشىن اناعۇرلىم تاسقىنداتامىز“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى باقشا رايوندارىن باسقارۋ باسقارماسىنىڭ باستىعى چىن يانبيڭ مىنالاردى ءبىلدىردى: ماسەلەنى باعدار ەتۋ مەن نىسانانى باعدار ەتۋگە تاباندى بولىپ، ”8 ءىرى كاسىپ سالاسى شوعىرى“ قۇرىلىسىن تۇتقا ەتىپ، باقشا رايونىن باسقارۋ تۇزىمىنە رەفورما جاساۋدى تەرەڭدەتۋ ارقىلى باقشا رايونىنىڭ جوعارى ساپالى دامۋىن ىلگەرىلەتۋدى نەگىزگى جەلى ەتىپ، باقشا رايونى مەن اكىمشىلىك رايونىنىڭ ۇقىق - جاۋاپكەرشىلىگى ايقىن بولماۋ سياقتى كورنەكتى ماسەلەلەردى كۇش سالا شەشەمىز.
سونىمەن بىرگە اۆتونوميالى رايون باقشا رايونىنداعى كاسىپ سالاسى شوعىرىن جەتىلدىرۋ جانە دەڭگەيىن جوعارىلاتۋ ينجەنەرياسىن بار كۇشپەن اتقارىپ، ءتۇيىندى كاسىپ سالاسى تىزبەگىنىڭ تىزبەكتى ۇزارتۋىن، تىزبەكتى تولىقتاۋىن، تىزبەكتى كۇشەيتۋىن ارقاۋ ەتىپ، تىزبەك پەن باقشا رايونىن بىرلەستىرۋدى، باقشا رايونى ارقىلى تىزبەكتى شوعىرلاندىرۋدى كۇشەيتىپ، ءبىر توپ ەرەكشە كاسىپ سالاسى باقشا رايونىن كاسىپ سالاسى شوعىرىنان ۇلگى كورسەتۋ قۇرىلىسىن جۇرگىزۋگە تاڭداپ، 100 ميلليارد يۋاندىق باقشا رايونىن، 10 ميلليارد يۋاندىق باقشا رايونىن بىرتىندەي قۇرۋدى ىلگەرىلەتىپ، باقشا رايونىنىڭ كاسىپ سالاسىن شوعىرلاندىرۋ تۇعىرى، ەكونوميكانىڭ دامۋىنداعى نەگىزگى كۇش جانە رەفورمانى تەرەڭدەتەتىن سىناق اتىزى رولىن تولىق ساۋلەلەندىرىپ، ونەركاسىپ ەكونوميكاسىنىڭ جوعارى ساپالى دامۋىن بار كۇشپەن ىلگەرىلەتتى.
