انار بۇلت \ شينجياڭ گازەتىنىڭ ءتىلشىسى لۋ فىڭباۋ 7 - ايدىڭ 5 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، الدىڭعى جارتى جىلدا شينجياڭ تەمىر جولى 18 ميلليون 948 مىڭ 500 جولاۋشى (رەت) جونەلتىپ، سايكەس مەزگىلدەگىدەن ％3. 81 ارتقان.
بيىل جىل باسىنان بەرى شينجياڭ تەمىر جولى جىلدامدىقتى تەزدەتىپ، قۋاتتى ارتتىرۋ ستراتەگياسىن بار كۇشپەن اتقارىپ، جولاۋشىلار پويەزىنىڭ تاسىمال قۋاتى زور مولشەردە ۇلعايدى. الدىڭعى جارتى جىلدا كۇندەلىكتى تۇراقتى پويەزدەردىڭ اينالىمىنا كەپىلدىك ەتكەن جاعدايدا شينجياڭ تەمىر جولى ماڭىزدى ۋاقىت كەزەڭدەرى مەن مەرەكە - دەمالىس كۇندەرى جولاۋشىلار پويەزىنەن جيىنى 1464ىن مولايتىپ، ماڭىزدى تاسىمال ۋاقىت كەزەڭىندە جولاۋشىلار كوپ قاتىنايتىن باعىت بويىنشا جولاۋشىلاردىڭ ءجۇرىس - تۇرىس قاجەتىن قامتاماسىز ەتتى.
شينجياڭ تەمىر جولى ورتالىق قالالاردىڭ توڭىرەكتەگى وڭىرلەردى شارپۋىن، جەتەكتەۋىن ۇزدىكسىز كۇشەيتىپ، قالا شەڭبەرىنىڭ قامتۋ كولەمىن كەڭەيتىپ، شىعىس شينجياڭدا قۇمىل، سولتۇستىك شينجياڭدا كۇيتۇن، قۇلجا، وڭتۇستىك شينجياڭدا كورلا، قاشقار، حوتان سياقتى وڭىرلىك ورتالىق قالالاردى سۇيەنىش ەتە وتىرىپ قولايلى تەمىر جول قاتىناس تورىن قۇرىپ، جولاۋشىلار پويەزىن وڭىرلەندىرە الەۋمەتتىك كولىكتەي جۇرگىزىپ، جولاۋشىلاردىڭ ساپارعا شىعۋىن اناعۇرلىم قولايلى ەتۋمەن بىرگە، ءبىر قالا اسەرىن ءتىپتى دە تۋىنداتتى.
ساياحات ارناۋلى پويەزى اناعۇرلىم كوپ ساياحاتشىنى پويەزگە وتىرىپ ساياحاتتاۋعا باۋرادى. بيىل شينجياڭنىڭ تەمىر جول تاراۋلارى 100 ساياحات پويەزىن قاتىناتۋ نىساناسىن بەلگىلەپ، قازىر ”شيندۇڭفاڭ جۇردەك پويەزى“، ”تيانشان ءنومىرلى“، ”تاكلاماكاندى اينالۋ ارناۋلى پويەزى“، ”ماي بوياۋلى سۋرەتتەي تارباعاتاي“، ”وڭتۇستىك - سولتۇستىك شينجياڭدى ارالاپ ساياحاتتاۋ“ سياقتى كوپ ءتۇرلى پويەزدەردى جۇرگىزىپ، كوپتەگەن لەنيالاردا ساياحات پويەزدەرى 58 رەت قاتىنادى.
شينجياڭ تەمىر جولى تاعى ۆوگزالعا كىرگەندە ناقتى اتى - ءجونىن تەكسەرۋ، بەلەت تەكسەرىپ وتكىزۋ، پويەزدە بەلەت تەكسەرۋ بەلگىلەمەسى سياقتىلاردى ساپالىلاندىرۋمەن بىرگە، جولاۋشى تاسىمال بەكەتى بولمەلەرىنىڭ قاتتى بولشەكتەرىنىڭ قىزمەت وتەۋىن قامتاماسىز ەتۋ قۋاتىن جوعارىلاتىپ، پويەزگە وتىرۋ ورتاسىن اناعۇرلىم جاقسارتىپ، جولاۋشىلاردىڭ ساپارىنىڭ اناعۇرلىم قولايلى، جايلى بولۋىنا مۇمكىندىك جاسادى.
ءۇرىمجى ۆوگزالى − شينجياڭ تەمىر جولىنداعى ەڭ ۇلكەن جولاۋشى تاسىمال بەكەتى، الدىڭعى جارتى جىلدا جيىنى 8 ميلليون 718 مىڭ 400 جولاۋشى (رەت) جونەلتتى، ”اسىرەسە، 4 - ايدان كەيىن كۇندىك جولاۋشى مولشەرى 42 مىڭ 400 ادامنان (رەت) جوعارى بولىپ، 6 - ايعا جەتكەندە كۇندىك جولاۋشى مولشەرى 54 مىڭ 900 ادامعا (رەت) جەتىپ، سايكەس مەزگىلدەگىدەن ％71 ارتتى“، - دەپ تانىستىردى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ءۇرىمجى ۆوگزالى جولاۋشى تاسىمال سەحى پارتيا باس ياچەيكاسىنىڭ شۋجيى لي شۋەسىن.
