لي يفي نەگىزگى تاقىرىپتىق تاربيە جونىندە ارناۋلى تاقىرىپتىق پارتيا ساباعىن سويلەدى
جاڭا داۋىردەگى بيڭتۋاننىڭ ۇلگىلى ورگان قۇرىلىسىن جاپپاي ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 7 - ايدىڭ 6 - كۇنى ۇرىمجىدەن حابارلايدى. 7 - ايدىڭ 3 - كۇنى اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي بيڭتۋان ورگانىنداعى، تاراۋلارىنداعى، توتە قاراستى قۇرىلىمدارىنداعى جانە مەملەكەت مەنشىگىندەگى قاتىستى كاسىپورىندارداعى پارتيا مۇشەلەرىنە، كادرلارعا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى جونىندە ارناۋلى تاقىرىپتىق پارتيا ساباعىن سويلەپ، باس شۋجي شي جينپيڭنىڭ ورگان پارتيا قۇرىلىسى جانە كادرلار قوسىنى قۇرىلىسى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتۋدى تالاپ ەتتى.
لي يفي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ورگان پارتيا قۇرىلىسىنا جانە كادرلار قوسىنى قۇرىلىسىنا ايرىقشا ءمان بەردى، باس شۋجي شي جينپيڭ تالاي رەت ماڭىزدى ءسوز سويلەپ، ماڭىزدى بايىمداۋ جاسادى؛ نەگىزگى تاقىرىپتىق تاربيەدە باس شۋجي شي جينپيڭ ورتالىق پەن مەملەكەت ورگاندارىنىڭ نەگىزگى تاقىرىپتىق تاربيە ورىستەتۋى جونىندە ارناۋلى ورنالاستىرۋ جاساپ، ايقىن تالاپ قويدى. بيڭتۋان ورگانىنداعى تاراۋلار، ورىندار ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ورگان پارتيا قۇرىلىسى جانە كادرلار قوسىنى قۇرىلىسى جونىندەگى ماڭىزدى بايىمداۋلارىن ۇزدىكسىز ىشكەرىلەي ۇيرەنىپ، جەتە ءتۇسىنىپ، بيڭتۋان ورگانىنىڭ پارتيا قۇرىلىسىن جانە ورگان قۇرىلىسىن، جوعارى ساپالى ماماندانعان كادرلار قوسىنى قۇرىلىسىن جاپپاي ىلگەرىلەتىپ، ساياسيدى دارىپتەيتىن، تارتىپكە بويسۇناتىن، جاۋاپكەرشىلىك ارقالايتىن، ءونىمدى جۇمىس جۇرگىزەتىن ۇلگىلى ورگان تۇلعالاۋعا قۇلشىنۋ كەرەك.
لي يفي بىلاي دەپ باسا دارىپتەدى: نەگىزگى تاقىرىپتىق تاربيەنى ىشكەرىلەي ورىستەتۋمەن ۇشتاستىرىپ، جاڭا داۋىردەگى بيڭتۋاننىڭ ۇلگىلى ورگان قۇرىلىسىن جانە جوعارى ساپالى ماماندانعان كادرلار قوسىنى قۇرىلىسىن جاپپاي ىلگەرىلەتىپ، نەگىزگى تاقىرىپتىق تاربيەنىڭ ونىمدىلىگىن جاڭا داۋىردەگى قىزمەت جاۋاپكەرشىلىگىن، بورىشىن ادالدىقپەن وتەۋدىڭ، وسىزامانداندىرۋ قۇرىلىسىن جوعارى ساپامەن ىلگەرىلەتۋدىڭ ءىس جۇزىندىك ارەكەتىنە شىنايى اينالدىرۋ كەرەك. ۇيرەنۋ ارقىلى رۋحتى سومداۋعا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋ، كوكەيگە ۇيالاتۋ، كادەگە جاراتۋ قىزمەتىن ۇزدىكسىز ويداعىداي ىستەپ، مۇرات - سەنىمدى ونان ارى بەكەمدەپ، پارتياعا ادالدىقتى بەكەمدەپ، حالىقشىلدىق تۇرعىدا بەرىك تۇرىپ، شارتسىز ادال ساياسي ورگان قۇرۋ كەرەك. ۇيرەنۋ ارقىلى اقىل - پاراساتتى ارتتىرۋعا تاباندى بولىپ، پارتيانىڭ عىلمي نازارياسىنان زاڭدىلىقتى ءتۇسىنىپ، بەتالىستى ايقىنداپ، ءادىس - امال ۇيرەنىپ، اقىل - پاراساتتى ارتتىرىپ، قابىلەتى ىسىلعان باسشىلىق ورگان قۇرۋ كەرەك. ۇيرەنۋ ارقىلى ستيلدى دۇرىستاۋعا تاباندى بولىپ، بيڭتۋانعا توتە قاراستى ورگانداردىڭ ستيل قۇرىلىسىن ۇزدىكسىز كۇشەيتىپ، ستيلى بىرەگەي ۇلگىلى ورگان قۇرۋ كەرەك. ۇيرەنۋ ارقىلى ىستەۋدى جەبەۋگە تاباندى بولىپ، قىزمەتتى جوبالاۋ، قىزمەتتى ىلگەرىلەتۋ، قىزمەتتىڭ ونىمدىلىگىن قۋزاستىرۋ جاعىنا ۇزدىكسىز كۇش سالىپ، شىنايى يگەرىپ، ناقتى ىستەيتىن تياناقتاندىرۋ ورگانىن قۇرۋ كەرەك.
لي يفي بىلاي دەپ باسا دارىپتەدى: يدەيالىق ماسەلەلەردى شەشۋدى ءىس جۇزىندىك ماسەلەلەردى شەشۋمەن تىعىز ۇشتاستىرىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنىپ، جەتە ءتۇسىنىپ، ويداعىداي قولدانىپ، شىن مانىندە ورگاننىڭ پارتيا قۇرىلىسى قىزمەتىنىڭ جوعارى ساپالى دامۋىن ىلگەرىلەتۋگە جەتەكشىلىك ەتۋدە قولدانۋ؛ تۇلعالىق جاۋاپكەرشىلىكتى قاتايتىپ، ناقتىلاندىرىپ، شىنايى باسقارۋدى، شىنايى قاتاڭ بولۋدى، ۇزاق ۋاقىت باسقارۋدى، ۇزاق ۋاقىت قاتاڭ بولۋدى، باتىل باسقارۋدى، باتىل قاتاڭ بولۋدى ورىنداۋ؛ ورگان ۇيىمىن كۇشەيتىپ قۇرىپ، پارتيا مۇشەلەرى قوسىنى قۇرىلىسىن قاتاڭ، شىنايى، ويداعىداي يگەرۋ؛ ادام تاڭداۋدىڭ، ادام ىستەتۋدىڭ دۇرىس بەتالىسىنا تاباندى بولىپ، ساياسيدا ىسىلعان، رەفورما جاساۋ تانىمى كۇشتى، قابىلەت دەڭگەيى جوعارى، باتىلدىقپەن اتويلاپ، باتىلدىقپەن ىستەيتىن، پاك، كىرشىكسىز، جوعارى ساپالى ماماندانعان كادرلار قوسىنىن قۇلشىنا قۇرۋ كەرەك.
