اۆتونوميالى رايوننىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن جۇيەسى جانە قاتىستى تاراۋلارى، ورىندارى دامۋ سەنىمىن بەكەمدەدى −
نەگىزگى كاسىپتى زورايتىپ، كۇشەيتىپ، مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ جوعارى ساپالى دامۋىن جۇزەگە اسىرامىز
انار بۇلت \ شينجياڭ گازەتىنىڭ تىلشىلەرى
7 - ايدىڭ 7 - كۇنى اۆتونوميالى رايوننىڭ اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ جوعارى ساپالى دامۋى جونىندەگى اڭگىمە ءماجىلىسى اشىلدى. رايونىمىزدىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن جۇيەسى جانە قاتىستى تاراۋلارى، ورىندارى ءماجىلىس رۋحىن دەن قويا ۇيرەندى، كوپشىلىك مىنالاردى ءبىلدىردى: يدەيا مەن ارەكەتتى باس شۋجيدىڭ، پارتيا ورتالىق كوميتەتىنىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار قىزمەتى جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ءماجىلىس تالابى بويىنشا دامۋ سەنىمىن بەكەمدەپ، بورىش، جاۋاپكەرشىلىك ارقالاپ، كۇرەس نىساناسىن كوزدەپ، نەگىزگى كاسىپتى دەن قويا زورايتىپ، كۇشەيتىپ، مەملەكەت مەنشىگىندەگى كاسىپورىنداردىڭ كۇشەيۋىن، ساپالىلانۋىن، زورايۋىن بۇلجىماي ىلگەرىلەتىپ، شينجياڭنىڭ جوعارى ساپالى دامۋىنداعى ستراتەگيالىق تىرەكتىك رولىن شىن مانىندە ساۋلەلەندىرەمىز.
سەنىمدى بەكەمدەپ، ىرىقتى تۇردە جاۋاپكەرشىلىك ارقالاپ، ىسكەرلىك كورسەتەمىز
”اۆتونوميالى رايوننىڭ اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ جوعارى ساپالى دامۋى جونىندەگى اڭگىمە ءماجىلىسى الداعى قىزمەتىمىزگە باعدار كورسەتتى، جولىمىزدى ايقىندادى، كۇش - قايراتىمىزدى تاسقىنداتتى“. شينجياڭ ساۋدا - زات اينالىمى (توبى) شەكتى سەرىكتەستىگى پارتكومىنىڭ شۋجيى، القا باستىعى شىن جينشىڭ بىلاي دەدى: بۇل اۆتونوميالى رايوندىق پارتكوم مەن ۇكىمەتتىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىنا، دامۋىنا بارىنشا ءمان بەرەتىندىگىن تولىق ايگىلەدى. ساۋدا - زات اينالىمى توبى شينجياڭنىڭ ”شىعىسپەن بىرلەسىپ باتىسقا شىعارۋداعى“، ”باتىستان ەنگىزىپ شىعىستان اكەلۋدەگى“ وڭىرلىك ورىن، جاعراپيالىق باسىمدىعىن تولىق ساۋلەلەندىرىپ، ساۋدا - زات اينالىمى كاسىپ سالاسىنىڭ ساپاسىن جوعارىلاتىپ، وزىندىك قۇنىن تومەندەتىپ، ونىمدىلىگىن ارتتىرۋ ارقىلى ءىرى زات اينالىمى، ءىرى ساۋدا، ءىرى ارنا قۇرىلىسىن جان - جاقتى ىلگەرىلەتىپ، ساۋدا - زات اينالىمى كاسىپ سالاسىنىڭ اۆتونوميالى رايوننىڭ ”8 ءىرى كاسىپ سالاسى شوعىرىنا“ قۋات ۇستەۋىن جۇزەگە اسىرادى.
شينجياڭ مادەنيەت - ساياحات قارجى قوسۋ توبى شەكتى سەرىكتەستىگى پارتكومىنىڭ ورىنباسار شۋجيى، باس ديرەكتور ليۋ راڭچۇن مىنالاردى ءبىلدىردى: بۇل رەتكى اڭگىمە ءماجىلىس نازاردى بۇكىل رايوننىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن جۇيەسىن زورايتۋ، كۇشەيتۋ ورنالاستىرۋىنا شوعىرلاندىرىپ، مەملەكەت مەنشىگىندەگى كاسىپورىنداردىڭ جوعارى ساپالى دامۋىنا ءتۇيىن بەلگىلەپ، ايقىن بەتالىس كورسەتتى. مادەنيەت - ساياحات قارجى قوسۋ توبى شەكتى سەرىكتەستىگى ”شينجياڭدى مادەنيەتپەن نارلەندىرۋ“ جانە ”ساياحات ارقىلى شينجياڭدى گۇلدەندىرۋ“ ستراتەگياسىن ىلگەرىلەتۋدەگى ساياسي جاۋاپكەرشىلىكتى باتىل ارقالاپ، ”شينجياڭنىڭ مادەنيەت - ساياحات كاسىپ سالاسىنىڭ جوعارى ساپالى دامۋىنا جەتەكشىلىك ەتۋ ارقىلى ’شينجياڭ − جاقسى جەردى‘ دۇنيە جۇزىنە ايگىلەۋدى“ دامۋ بولاشاعى ەتىپ، بىرەگەي كاسىپورىنداردىڭ قۇن جاسامپازدىعى ارەكەتىنە تۋرالانۋدى نەگىزگى تۇتقا ەتىپ، توپتىڭ جوعارى ساپالى دامۋىن بار كۇشپەن ىلگەرىلەتەدى.
”بۇكىل رايوننىڭ مەملەكەت مەنشىگىندەگى كاسىپورىندارى شىن مانىندە ەكونوميكانىڭ، قوعامنىڭ جوعارى ساپالى دامۋىنىڭ ويداعىداي كوشباسشىسى بولۋى كەرەك. بۇل اۆتونوميالى رايوندىق پارتكومنىڭ جالپى جاعداي بيىگىندە تۇرىپ جاساعان ماڭىزدى ورنالاستىرۋى“. شينجياڭ ەگىن، مال شارۋاشىلىق قارجى قوسۋ (توبى) شەكتى جاۋاپكەرشىلىك سەرىكتەستىگى پارتكومىنىڭ ورىنباسار شۋجيى، باس ديرەكتور چي شىجۇن مىنالاردى ءبىلدىردى: 1 -، 2 -، 3 - كاسىپ سالالارىنىڭ توعىسپالى دامۋىن جەبەۋدى، شارۋالاردىڭ كىرىسىن ۇزدىكسىز ارتتىرۋدى نىسانا ەتىپ، ەگىن شارۋاشىلىعىنىڭ، مال شارۋاشىلىعىنىڭ، ءسۇت شارۋاشىلىعىنىڭ، تۇقىم شارۋاشىلىعىنىڭ، ەگىن، مال شارۋاشىلىعى ونىمدەرىنىڭ نەگىزگى ارناسى مەن ايگىلى ماركا قۇرىلىسىن، حالىقارالىق ساۋدانىڭ 6 ءىرى جۇمىس بولىگىن كوزدەپ، قاباعات سەنىممەن جانە قايراتپەن مەملەكەت مەنشىگىندەگى كاسىپورىندار رەفورماسىن تەرەڭدەتۋگە، نەگىزگى كاسىپتى زورايتۋعا، كۇشەيتۋگە، جوعارى ساپالى دامۋدى جۇزەگە اسىرۋعا ات سالىسامىز.
ەكونوميكانىڭ، قوعامنىڭ جوعارى ساپالى دامۋىنىڭ ويداعىداي كوشباسشىسى بولامىز
پارتيا 20 - قۇرىلتايى بايانداماسىندا جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. شينجياڭنىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندارى ەكونوميكالىق، قوعامدىق دامۋدىڭ تىرەگى، ورنىقتىرعىشى رەتىندە، ”جوعارى ساپالى دامۋ“ ۇلى تۋىن كوتەرۋ باس تارتۋعا بولمايتىن بورىشى.
شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگى شينجياڭنىڭ باسىمدىققا يە كەن بايلىعىن سۇيەنىش ەتىپ، نازاردى باستان - اياق كەن اشۋ نەگىزگى كاسىبىنە شوعىرلاندىرىپ، 73 جىلدىق رەفورما، دامۋ ارقىلى زورايىپ، بۇكىل ەلدىڭ ءتۇستى مەتال سالاسىنداعى 1200دەن استام كاسىپورىن اراسىندا جالپىلىق قاتارى 42 - ورىندا تۇردى. وسى سەرىكتەستىك پارتكومىنىڭ شۋجيى، القا باستىعى جاڭ گوحۋا مىنالاردى ءبىلدىردى: بۇل جولعى اڭگىمە ءماجىلىستىڭ ورنالاستىرۋلارىن، تالاپتارىن باتىل ويداعىداي دايەكتىلەندىرىپ، تياناقتاندىرىپ، دامۋ ورايىن يگەرىپ، وڭتۇستىك شينجياڭنىڭ بايلىعىن اشۋ جانە ودان پايدالانۋ اياق الىسىن بار كۇشپەن جەدەلدەتىپ، شينجياڭنىڭ ءتۇستى مەتال ىستەرىنىڭ جوعارى ساپالى دامۋىن ءىس جۇزىندىك ارەكەتىمىزبەن ىلگەرىلەتەمىز.
”مەملەكەت مەنشىگىندەگى كاسىپورىندار شينجياڭنىڭ ەكونوميكالىق، قوعامدىق دامۋىندا ماڭىزدى رول ساۋلەلەندىرەدى“. اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي شۋەدۇڭ بىلاي دەدى: شينجياڭ قاتىناس قارجى قوسۋ (توبى) شەكتى جاۋاپكەرشىلىك سەرىكتەستىگى قاتىناس - تاسىمال سالاسىنداعى مەملەكەت مەنشىگىندەگى ءىرى كاسىپورىن، نىسان قۇرىلىسى، جوعارى جىلدامدىقتى تاس جول جۇمىسىن جۇرگىزۋ، قاتىناس + ساياحات سياقتى جاقتاردا كورنەكتى تابىستارعا قول جەتكىزدى. قاتىناس - تاسىمال مەڭگەرمەسى قاتىناس قارجى قوسۋ توبىنىڭ ساپالىلانۋىنا، زورايۋىنا ۇزدىكسىز بار كۇشپەن قولداۋ كورسەتىپ، قاتىناس قارجى قوسۋ توبىن شينجياڭنىڭ قاتىناس - تاسىمال سالاسىنىڭ تانىسقىسى ەتىپ تۇلعالاپ، شينجياڭنىڭ قاتىناس - تاسىمال سالاسىنىڭ جوعارى ساپالى دامۋىن ىلگەرىلەتەدى.
شينجياڭ ياشين كومىر قاباتى تابيعي گازى قارجى قوسۋ - اشۋ (توبى) شەكتى جاۋاپكەرشىلىك سەرىكتەستىگى جاڭادان تىركەۋگە الىنىپ قۇرىلعان مەملەكەت مەنشىگىندەگى كاسىپورىن، شينجياڭنىڭ كومىر قاباتى تابيعي گازى كاسىپ سالاسىن جەدەل ورنالاستىرىپ، ءبىر تۇتاس جوسپارلاپ ىلگەرىلەتۋدى ماقسات ەتەدى. وسى سەرىكتەستىك پارتكومىنىڭ شۋجيى، باس جوراسى سۇي يۇيمياۋ مىنالاردى ءبىلدىردى: بۇل جولعى ماجىلىستەگى ورنالاستىرۋلار بويىنشا بيىلعى 200 ميلليون تەكشەمەترلىك ءوندىرىس قۋاتى نىساناسىنا تۋرالانىپ، ءوندىرىس قۋاتى قۇرىلىسى قىزمەتىن جوعارى ونىممەن، جوعارى ساپامەن ىلگەرىلەتەمىز. سونىمەن بىرگە توپتىڭ بۇكىل شينجياڭنىڭ كومىر قاباتى گازىن بارلاۋ - اشۋداعى نەگىزگى تۇلعالىق رولىن تولىق ساۋلەلەندىرىپ، اقتاڭداق بولىكتى تەكسەرۋ - باعالاۋ مەن تەرەڭ قاباتىنداعى كومىر قاباتى تابيعي گازىن بارلاۋ قىزمەتىن جەدەل ورىستەتىپ، شينجياڭنىڭ كومىر قاباتى تابيعي گازى انىقتالعان قورىنىڭ جەدەل ارتۋىن جۇزەگە اسىرىپ، ورتا ۇزاق مەزگىلدىك كولەمدى اشۋعا مىعىم نەگىز قالايمىز.
جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ۇلەس قوسامىز
اڭگىمە ماجىلىستە: ”ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن تياناقتاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ كۇش - قۋاتىن شىن مانىندە ارناۋ كەرەك“، - دەپ العا قويىلدى.
اۆتونوميالى رايوندىق مادەنيەت جانە ساياحات مەڭگەرمەسى كاسىپ سالاسىن دامىتۋ باسقارماسىنىڭ باستىعى تاڭ ۋىن مىنالاردى ءبىلدىردى: ”شينجياڭنىڭ مادەنيەت جانە ساياحات كاسىپ سالاسىنا قارجى قوسۋ، قارجى قۇراۋ قىزمەت وتەۋ تۇعىرىن“ سۇيەنىش ەتىپ، اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ ايماق، وبلىس، قالالارمەن، سونداي - اق ساياحاتقا ساياتىن كاسىپورىندارمەن اۋىس - كۇيىس جاساۋ، ءتۇيىلىسۋ كوپىرىن ورناتىپ، مادەنيەت - ساياحات نەگىزدىك قىزمەت وتەۋ قۇرىلعىلارى مەن جاڭا كاسىپ كۇيىنە قارجى قوسۋدى بىرگە ىلگەرىلەتەمىز. مەملەكەت مەنشىگىندەگى كاسىپورىنداردىڭ قارجى، دارىندى، باسقارۋ باسىمدىعىنان پايدالانىپ، مول مادەنيەت - ساياحات بايلىعى باسىمدىعىن ءونىم باسىمدىعىنا جانە كاسىپ سالاسى باسىمدىعىنا اينالدىرىپ، شينجياڭنىڭ مادەنيەت جانە ساياحات كاسىپ سالاسىنىڭ جوعارى ساپالى دامۋىن ىلگەرىلەتۋگە پارمەندى تىرەك ازىرلەيمىز.
مەملەكەتتىك سالىق ىستەرى باس مەكەمەسى شينجياڭ ۇيعۇر اۆتونوميالى رايوندىق سالىق ىستەرى مەكەمەسى 1 - سالىق ىستەرى بولىمشە مەكەمەسىنىڭ باستىعى لي ۋي مىنالاردى ءبىلدىردى: تاماشا شارۋاشىلىق - ساۋدا ورتاسى شارۋاشىلىق تۇلعالارىنىڭ جوعارى ساپالى دامۋىنا تىرەك بولاتىن قۇنارلى جەر، سالىق ىستەرى تاراۋلارى نەگىزگى تاقىرىپتىق تاربيەمەن ۇشتاستىرىپ، نازاردى اۆتونوميالى رايوننىڭ ”8 ءىرى كاسىپ سالاسى شوعىرى“ قۇرىلىسىنا شوعىرلاندىرىپ، ساياساتتى تياناقتاندىرۋ مەحانيزمىن كەمەلدەندىرۋ ارقىلى سالىق - اقى تيىمدىلىك ساياساتتارىنان ويداعىداي پايدالانۋىنا، جاندى پايدالانۋىنا كومەكتەسىپ، مەملەكەت مەنشىگىندەگى كاسىپورىنداردىڭ دامۋىنا بار كۇشپەن قولداۋ كورسەتەدى.
شينجياڭنىڭ كومىر بايلىعى باسىمدىعىن سۇيەنىش ەتىپ، كومىر − ەلەكتر − مۇناي - تابيعي گاز − حيميا − ماتەريال سىندى كومىر بازاسى كوپ بىرلەسىپ ءوندىرۋ دامۋ وي جەلىسى بويىنشا شينجياڭ شين - يە مەملەكەت مەنشىگىندەگى مال - مۇلىك شارۋاشىلىق (توبى) شەكتى جاۋاپكەرشىلىك سەرىكتەستىگى اۆتونوميالى رايونداعى كومىر حيميا ونەركاسىپ كاسىپ سالاسى تىزبەگى ەڭ ۇزىن كاسىپورىنعا اينالدى. شينجياڭ شين - يە توبى پارتكومىنىڭ ورىنباسار شۋجيى، باس ديرەكتور گو حۇيرۇڭ مىنالاردى ءبىلدىردى: الدا توبىمىز اۆتونوميالى رايوننىڭ ”8 ءىرى كاسىپ سالاسى شوعىرى“ جانە ”ءۇش بازا، ءبىر ارنا“ قۇرىلىسىمەن تىعىز بايلانىستىرىپ، شينجياڭنىڭ كومىر حيميا ونەركاسىبى تىزبەگى ۇزىن كاسىپورىنداردى، بۇكىل ەلدىڭ كومىردەن تابيعي گاز ءوندىرۋ باستاماشى كاسىپورىندارىن نىسانا ەتىپ، جوعارى ساپالى پارتيا قۇرىلىسى ارقىلى جوعارى ساپالى دامۋعا جەتەكشىلىك ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە كۇش - قۋات ارنايدى.
(ءتىلشى شى شين، قاتىناسقان تىلشىلەر لۋ فىڭباۋ، ياۋ گاڭ، ران حۋ)
