وڭتۇستىك، سولتۇستىك شينجياڭدا تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەريا قۇرىلىسىن ىلگەرىلەتۋ ءماجىلىسى وتكىزىلدى
ما شيڭرۇي، حۋاڭ يۇڭجاڭ ءسوز سويلەدى، ەركىن تۇنياز باسقاردى، جاڭ چۇنلين قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 8 - كۇنى ۇرىمجىدەن حابارلايدى. وڭتۇستىك، سولتۇستىك شينجياڭدا تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەريا قۇرىلىسىن ىلگەرىلەتۋ ءماجىلىسى 7 - ايدىڭ 8 - كۇنى ۇرىمجىدە وتكىزىلىپ، ءماجىلىس باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋدى ارقاۋ ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، وڭتۇستىك، سولتۇستىك شينجياڭدا تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەريا قۇرىلىسىن ىلگەرىلەتۋ قىزمەتىن مۇقيات اقىلداستى، ورنالاستىردى، جوعارى ساپالى دامۋ جەتىستىكتەرى ارقىلى حالىق تۇرمىسىنا اناعۇرلىم ويداعىداي تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتۋدى العا قويدى. اۆتونوميالى رايوندىق پارتكومنىڭ شۋجيى ما شيڭرۇي، جۇڭگو مۇناي - تابيعي گاز توبى پارتيا باسشىلىق گرۋپپاسىنىڭ مۇشەسى، ورىنباسار باس ديرەكتور حۋاڭ يۇڭجاڭ ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ماجىلىسكە قاتىناستى.
ماجىلىستە اۆتونوميالى رايوندىق دامۋ جانە رەفورما كوميتەتىندەگى نەگىزگى جاۋاپتى جولداس وڭتۇستىك، سولتۇستىك شينجياڭدا تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەريا قۇرىلىسىنىڭ جالپى اياق الىسى جاعدايىنان مالىمەت بەردى. التاي ايماعىنداعى، اقسۋ ايماعىنداعى نەگىزگى جاۋاپتى جولداستار قاتىستى قىزمەتتەردىڭ ىلگەرىلەتىلۋ جاعدايىنان جانە باستى شارالارىنان مالىمەت بەردى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان جۇڭگو مۇناي - تابيعي گاز توبىنىڭ ۇزاق ۋاقىتتان بەرى شينجياڭعا بار كۇشپەن كومەكتەسىپ كەلگەندىگىنە، اسىرەسە، كەڭەيتۋ ينجەنەرياسىنا بار كۇشپەن قولداۋ كورسەتىپ كەلگەندىگىنە العىس ايتتى. ول بىلاي دەپ اتاپ كورسەتتى: وڭتۇستىك، سولتۇستىك شينجياڭدا تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەرياسىن اتقارۋ − باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، بۇكىل ەل بويىنشا ەنەرگيا بايلىعىمەن ستراتەگيالىق قامتاماسىز ەتۋ بازاسىن قۇرۋداعى ماڭىزدى شارا، حالىقتى وزەك ەتۋگە تاباندى بولىپ، ءار ۇلت بۇقاراسىنىڭ تۇرمىس ساپاسىن جوعارىلاتۋداعى حالىق تۇرمىسى ينجەنەرياسى. ساياسي دەڭگەيدى شىن مانىندە جوعارىلاتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋ ساياسي تۇرعىسىن شىعار ءتۇيىن ەتىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن حالىق تىلەگىنىڭ تىعىز بايلانىسىن جەتە تانىپ، كەڭەيتىپ سالۋ ينجەنەرياسىن نەگىز قالايتىن، ۇزاق بولاشاققا پايدالى ءتۇيىندى قىزمەت ەتىپ، جاۋاپكەرشىلىك ارقالاۋدى شىنايى كۇشەيتىپ، نىسانداردىڭ دەر كەزىندە جوعارى ساپامەن سالىنىپ، ىسكە قوسىلۋىنا شىنايى كەپىلدىك ەتۋ كەرەك. عىلمي، جۇيەلى جوبالاپ اتقارىپ، جۇيە كوزقاراسىن كۇشەيتىپ، قۇرىلىس نىساناسىمەن تىعىز بايلانىستىرىپ، جۇمىس ۋاقىتىن قاۋىرت ورنالاستىرىپ، قاتار ىلگەرىلەتىپ، ەرتەرەك سالىنىپ، ەرتەرەك ىسكە قوسىلىپ، ەرتەرەك ونىمدىلىك كورسەتۋىنە كۇش سالۋ؛ تۋ باستان ساپانى مەڭگەرۋدى كۇشەيتىپ، ساپا ينجەنەرياسىن، الاڭسىز ينجەنەريانى تۇلعالاۋعا قۇلشىنۋ؛ ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، حاۋىپسىزدىكتىڭ تومەنگى شەگىن مىقتاپ ساقتاپ، ينجەنەريانىڭ اياق الىسىنا، ينجەنەريانىڭ ساپاسىنا، ينجەنەريانىڭ حاۋىپسىزدىگىنە شىنايى كەپىلدىك ەتۋ كەرەك. قىزمەتتى ءبىر تۇتاس جوسپارلاۋدى، ۇشتاستىرۋدى كۇشەيتىپ، نىسانداردى سايكەستىرۋ مەحانيزمىن ورناتىپ، جەر - جەردىڭ، تاراۋلاردىڭ جاۋاپكەرشىلىگىن قاتايتىپ، ناقتىلاندىرىپ، قىزمەتتى ءبىر تۇتاس جوسپارلاۋدى كۇشەيتىپ، قىزمەت بىرىككەن كۇشىن قالىپتاستىرىپ، فاكتورلاردى قامتاماسىز ەتۋ تەبىنىن ارتتىرىپ، كورنەكتى ماسەلەلەردى دەر كەزىندە شەشىپ، سوڭىنا ءتۇسىپ ونىمدىلىگىن قۋزاستىرۋدى ۇزدىكسىز كۇشەيتىپ، نىسان قۇرىلىسىنىڭ ونىمدىلىگىن ۇزدىكسىز جوعارىلاتۋ كەرەك. كورەگەندىكپەن وي جۇگىرتۋدى كۇشەيتىپ، نىسانداردىڭ كەڭەيتىلگەن قالدىق مولشەرىن جەتكىلىكتى الىپ قالىپ، تابيعي گازبەن حاۋىپسىز، ورنىقتى قامداۋعا كەپىلدىك ەتىپ، نىسان قۇرىلىسى مەن اينالىمدى ءونىمدى ۇشتاستىرۋدى ەرتە جوسپارلاپ، ينجەنەريادان ويداعىداي پايدالانۋعا، ونى ويداعىداي باسقارۋعا شىنايى كەپىلدىك ەتىپ، ءار ۇلت حالقىن اناعۇرلىم ويداعىداي يگىلىككە كەنەلدىرۋ كەرەك.
حۋاڭ يۇڭجاڭ مىنالاردى ءبىلدىردى: وڭتۇستىك، سولتۇستىك شينجياڭدا تابيعي گاز قۇبىرى تورىن قۇرۋ − باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرۋدەگى، تياناقتاندىرۋداعى ناقتى ارەكەت، ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋدەگى، تياناقتاندىرۋداعى كەلەلى حالىق تۇرمىسى ينجەنەرياسى، تازا ەنەرگيا ارقىلى شينجياڭنىڭ جاسىل دامۋىنا دەم بەرۋدىڭ ماڭىزدى شاراسى. جۇڭگو مۇناي - تابيعي گاز توبى باس شۋجيدىڭ ىقىلاستى تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي دايەكتىلەندىرىپ، شينجياڭدا تۇراتىن كاسىپورىنداردىڭ باسىمدىعىن ساۋلەلەندىرىپ، بارلاۋ - اشۋ تەبىنىن ارتتىرىپ، تابيعي گاز ءوندىرىسىنىڭ ورنىقتى قاۋىرت ءوندىرۋىن بار كۇشپەن ىلگەرىلەتىپ، ءونىم مولشەرىنىڭ ورنىقتى ارتۋىنا شىنايى كەپىلدىك ەتەدى. تابيعي گاز بايلىعىن ورنالاستىرۋدى ءبىر تۇتاس جوسپارلاپ، حالىق تۇرمىسىنا قاجەتتى تابيعي گازدى بار كۇشپەن قامتاماسىز ەتىپ، شينجياڭ ەكونوميكاسىنىڭ جوعارى ساپالى دامۋىنا، ەكولوگيالىق ورتانى قورعاۋعا جانە حالىق تۇرمىسىن جاقسارتۋعا دەم بەرۋ كەرەك. كاسىپورىن مەن جەرگىلىكتى ورىننىڭ سەلبەستىگىن ۇزدىكسىز تەرەڭدەتىپ، اۋىس - كۇيىس، بايلانىس مەحانيزمىن اقاۋسىزداندىرىپ، ينجەنەريانىڭ ءارقايسى بۋىندارىنىڭ تىعىز ۇشتاسۋىنا، جوعارى ونىمدىلىكپەن اتقارىلۋىنا شىنايى كەپىلدىك ەتۋ كەرەك. قۇرىلىس جوباسىنىڭ تەحنيكالىق، ەكونوميكالىق سالىستىرماسىن تەرەڭدەتىپ، قۇبىردىڭ حاۋىپسىز، باياندى، ورنىقتى اينالىمىنا شىنايى كەپىلدىك ەتىپ، شينجياڭنىڭ گۇلدەنىپ - كوركەيۋىنە، ورنىقتىلىعىنا، دامۋىنا تىڭ ۇلەس قوسۋعا قۇلشىنۋ كەرەك. شينجياڭ − جۇڭگو مۇناي - تابيعي گاز توبىنىڭ قوردى مولايتىپ، ءونىمدى ارتتىرۋداعى، مەملەكەتتىڭ ەنەرگيا حاۋىپسىزدىگىن قامتاماسىز ەتۋدەگى نەگىزگى شايقاس مايدانى، اۆتونوميالى رايوننىڭ زور كۇشپەن قولداۋىندا ەكى جاقتىڭ سەلبەستىكتى تەرەڭدەتۋى جاڭا كەزەڭگە ءوتىپ، جاڭا ءورىس اشىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋدە، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدە اناعۇرلىم زور ناتيجەگە قول جەتكىزەتىندىگىنە سەنەمىن.
ءماجىلىستىڭ الدىندا، اۆتونوميالى رايوننىڭ قاتىستى ايماق، وبلىستارى جۇڭگو مۇنايى شينجياڭ مۇناي الابى بولىمشە سەرىكتەستىگى، جۇڭگو مۇناي - تابيعي گاز توبى سەرىكتەستىگى باتىس ساتۋ بولىمشە سەرىكتەستىگى، جۇڭگو مۇنايى تارىم مۇناي الابى بولىمشە سەرىكتەستىگى سياقتى 3 قارجى قوسىپ قۇرعان ورىندارمەن ستراتەگيالىق سەلبەستىك كەلىسىمىنە قول قويدى. ما شيڭرۇي، ەركىن تۇنياز، حۋاڭ يۇڭجاڭ، جاڭ چۇنلين قاتارلىلار كەلىسىمگە قول قويۋعا كۋا بولدى.
چىن ۋيجۇن، ءيۇسۇپجان مامەت، شۋە بين، ۋاڭ گاڭ، جين جىجىن، ليۋ شينجيان، جۇڭگو مۇناي - تابيعي گاز توبىنىڭ جانە وعان قاراستى كاسىپورىنداردىڭ قاتىستى جاۋاپتى جولداستارى، اۆتونوميالى رايون مەن بيڭتۋاننىڭ قاتىستى تاراۋلارىنىڭ جاۋاپتى جولداستارى، قاتىستى ايماقتىق، وبلىستىق ۇكىمەتتەردىڭ، اكىمشىلىك مەكەمەلەرىنىڭ جاۋاپتى جولداستارى قاتارلىلار ماجىلىسكە قاتىناستى. قاتىستى ايماق، وبلىستاردا بولىمشە ءماجىلىس الاڭى ورنالاستىرىلدى.
