شينحۋا اگەنتتىگىنىڭ 7 - ايدىڭ 10 - كۇنى بەيجيڭنەن بەرگەن حابارى. 7 - ايدىڭ 10 - كۇنى مەملەكەت ءتوراعاسى شي جينپيڭ الەمدىك بىرگە يگىلىكتەنەتىن دامۋ ارەكەتى تالقى مىنبەرىنىڭ تۇڭعىش كەزەكتى جوعارى دارەجەلىلەر ماجىلىسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: بۇگىنگى دۇنيە جۇزىندە 100 جىلدىق وزگەرىس جەدەل قۇبىلۋدا، دۇنيە ءجۇزى ەكونوميكاسىنىڭ جاندانۋى قيىنداسىپ، الەمدىك دامۋ كەڭەستىك ءتارتىبى سىن - سايىستارعا ءدوپ كەلدى. سەلبەستىك ورتاق تانىمىن ۇيىستىرىپ، بىرگە دامۋدى ىلگەرىلەتۋ ءۇشىن، مەن الەمدىك دامۋ باستاماسىن ورتاعا قويىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىنىڭ جەدەل تياناقتانۋىنا دەم بەردىم. مەن ءارقايسى جاقتىڭ بىرگە ات سالىسۋىندا الەمدىك دامۋ باستاماسى سەلبەستىگىندە ماڭىزدى العاشقى مەرزىمدىك ونىمگە قول جەتكىزىپ، كوپتەگەن وركەندەپ كەلە جاتقان ەلدەردىڭ بۇدان يگىلىكتەنىپ جاتقاندىعىن كورىپ قۋاندىم.
شي جينپيڭ بىلاي دەپ باسا دارىپتەدى: دامۋ − ادامزات قوعامىنىڭ ماڭگىلىك نەگىزگى تاقىرىبى. بىرگە يگىلكتەنەتىن دامۋ − كورىكتى دۇنيە ءجۇزىن قۇرۋدىڭ ماڭىزدى جولى. ەڭ ءىرى وركەندەپ كەلە جاتقان ەل رەتىندە، جۇڭگو باستان - اياق وزىندىك دامۋدى ادامزات دامۋىنىڭ كوورديناتاسىنا قويىپ، وزىندىك دامۋ ارقىلى دۇنيە ءجۇزىنىڭ دامۋىنا جاڭا وراي جاراتادى. جۇڭگو الەمدىك دامۋ سەلبەستىگىنە بايلىق ۇسىنىلىمىن ونان ارى ارتتىرىپ، حالىقارالىق قوعاممەن بىرگە الەمدىك دامۋ باستاماسىنىڭ تەرەڭدەۋىن، ناقتىلانۋىن ۇزدىكسىز ىلگەرىلەتىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ نىساناسىن ءدال ۋاعىندا جۇزەگە اسىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ ۇلەس قوسادى.
الەمدىك بىرگە يگىلىكتەنەتىن دامۋ ارەكەتى تالقى مىنبەرىنىڭ تۇڭعىش كەزەكتى جوعارى دارەجەلىلەر ءماجىلىسىن مەملەكەتتىك حالىقارالىق دامۋ سەلبەستىگى مەكەمەسى باس بولىپ وتكىزگەن، نەگىزگى تاقىرىبى − ”جۇڭگونىڭ باستاماسى، الەمنىڭ ارەكەتى“، 7 - ايدىڭ 10 - كۇنى بەيجيڭدە اشىلدى.
