7 - ايدىڭ 2 - كۇنى 2023 - جىلعى ەكىنشى رەتكى ”انحۇي − حوتان ءنومىرلى “ ساياحات ارقىلى شينجياڭعا كومەكتەسۋ ارناۋلى پويەزى ەلىمىزدىڭ جەر - جەرىنەن كەلگەن 287 ساياحاتشىنى الىپ حوتانعا جەتىپ، عالامات حوتان ساپارىن باستادى. حوتان ايماعىنىڭ شينيۇي ءان - ءبي ۇيىرمەسىنىڭ ارتيستەرى سالتاناتتى كيىمدەرىن كيىپ، ۆوگزالدان قارسى الدى، ولار بارابان سوعىپ ۇيعۇر ۇلتىنىڭ ويناقى ءبيىن قىزۋ ىقىلاسپەن ورىنداپ، الىستان ات ارىتىپ كەلگەن ساياحاتشىلاردى قارسى الدى. ”پويەزدەن تۇسە قالعاندا - اق وسىنشاما سالتاناتتى قارسى الۋعا بولەنىپ، قاتتى قۋاندىم“،- دەدى ساياحاتشى ۋاڭ لان.
ساياحاتشىلار سۋرەتكە ءتۇسىپ ەستەلىك قالدىرۋدا.
وسى رەتكى ساياحات ارناۋلى پويەزى 7 - ايدىڭ 3 - كۇنىنەن 4 - كۇنىنە دەيىن حوتاندا ەكى كۇن ايالدادى، وسى ارالىقتا ساياحاتشىلار جەكە - جەكە حوتان مۇراجايى، حوتان قالاسى تۋانچىڭ كوشەسى، حوتان اۋدانى ءانجۇر پاتشاسى باقشاسى، حوتان اۋدانى مىڭ شاقىرىمدىق ءجۇزىم سورەسى، حوتان اۋدانى جاڭعاق پاتشاسى باقشاسى، يوتقان بايىرعى قالاسى، ءشول دالا توراڭعى كورىنىس ءوڭىرى، كۇنلۇن تاۋى ۇلكەن اڭعارى، حوتان كەشكى بازارى سياقتى كورىنىس تۇيىندەرىن تاماشالاپ، ايبىندى تابيعي كورىنىس پەن قويۋ جەرگىلىكتى سالت - سانانى سەزىنىپ، كورىكتى حوتاننان مەيلىنشە ءلاززات الدى.
ساياحاتشىلار ءبي بيلەۋدە.
سونىمەن قاتار ساياحاتشىلار حوتان شينيۇي ءان - ءبي ۇيىرمەسى ارناۋلى دايىنداعان ادەبيەت - كوركەمونەر نومىرلەرىن تاماشالادى. ”حوتاندا ايالداعان ەكى كۇندە حوتان حالقىنىڭ ىستىق ىقىلاسىنا بولەنۋمەن قاتار، جەرگىلىكتى ورىننىڭ ەرەكشە ءدامدى - قۇجىرلارىنان اۋىز ءتيىپ، ءشول دالا كورىنىس تۇيىندەرىن سەزىندىك، ساياحاتىمىز ءماندى دە ءساندى بولدى“، - دەدى ساياحاتشى تاڭ نىڭفان.
ساياحاتشى سۋرەتكە ءتۇسىپ ەستەلىك قالدىرۋدا.
”ساياحات ارناۋلى پويەزىن ويداعىداي قارسى الۋ ءۇشىن ساياحات جەتەكشىلەرىن جان - جاقتى باۋلۋعا الدىق، رەتتى ءارى تازا ساياحات اۆتوبۋزدارىن دايىنداپ، قىزمەت وتەۋ ساپاسىن جاپپاي جوعارىلاتتىق، ءاربىر ساياحاتشىنىڭ كوڭىلدى ويناپ، الاڭسىز ءىشىپ - جەپ، جايلى جاتىپ - تۇرۋىنا مۇمكىندىك جاراتتىق“،- دەدى شينجياڭ شييۇي مەيگۇي حالىقارالىق ساياحات كووپەراتيۆى شەكتى سەرىكتەستىگىنىڭ باس ديرەكتورى پاتيگۇل مامەت.
ساياحاتشى سۋرەتكە ءتۇسىپ ەستەلىك قالدىرۋدا.
”انحۇي − حوتان ءنومىرلى“ ساياحات ارناۋلى پويەزى 2017 - جىلدان بەرى ىسكە قوسىلعالى، انحۇي مەن حوتان ەكى جەردەگى حالىقتىڭ ءوزارا تۇسىنىسۋىنە دانەكەر بولىپ، ارالاسۋ، ىشتەسۋ، توعىسۋدى تەرەڭدەتىپ، ۇلتتار ىنتىماعىن نىعايتۋمەن قاتار، حوتاننىڭ ساياحات ىستەرى ءۇشىن ىلگەرىلەتۋ رولىن وينادى. (حوتان ايماقتىق توعىسپالى مەديا ورتالىعىنىڭ ءتىلشىسى ەلمينۇر)
