شينحۋا اگەنتتىگىنىڭ 7 - ايدىڭ 11 - كۇنى بەيجيڭنەن بەرگەن حابارى. ورتالىق كوميتەت ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى ۇيىمداستىرىپ قۇراستىرعان «باس شۋجي شي جينپيڭنىڭ ينتەرنەتتە قۋاتتى ەل قۇرۋ ماڭىزدى يدەياسى جونىندە جالپى شولۋ» اتتى كىتاپ تاياۋدا حالىق باسپاسى جاعىنان باسپادان شىعارىلىپ، بۇكىل ەلدە تاراتىلدى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ينتەرنەت حاۋىپسىزدىگى جانە ينفورماتسيالاندىرۋ قىزمەتىنە بارىنشا ءمان بەرىپ، ينتەرنەتتە قۋاتتى ەل قۇرۋ ستراتەگيالىق نىساناسىن ايقىن العا قويىپ، ينتەرنەت، ينفورماتسيالاندىرۋ ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋىلۋىن ىلگەرىلەتتى. باس شۋجي شي جينپيڭنىڭ ينتەرنەتتە قۋاتتى ەل قۇرۋ ماڭىزدى يدەياسى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، پارتيامىزدىڭ ينتەرنەتتى باسقارۋ، ينتەرنەتتى جونگە سالۋ امالياتتىق تاجىريبەسىنىڭ نازاريالىق قورىتىندىسى جانە ينتەرنەت - ينفورماتسيا ىستەرىن دامىتۋداعى ارەكەت باعدارناماسى. «جالپى شولۋ» جيىنى 10 ارناۋلى تاقىرىپقا بولىنگەن، ينتەرنەتتە قۋاتتى ەل قۇرىلىسىن ىلگەرىلەتۋدەگى قۇدىرەتتى يدەيالىق قارۋ جانە عىلمي ارەكەت باعدارناماسى، ەلىمىزدى ينتەرنەتتە قۋاتتى ەل ەتىپ قۇرىپ شىعۋعا قۇلشىنۋ، پارتيانىڭ ينتەرنەت - ينفورماتسيا قىزمەتىنە جاپپاي باسشىلىعىن كۇشەيتۋ سياقتى جاقتاردا، باس شۋجي شي جينپيڭنىڭ ينتەرنەتتە قۋاتتى ەل قۇرۋ ماڭىزدى يدەياسىنىڭ وزەكتى ماڭىزىن، رۋحاني ءمانىن، باي مازمۇنىن، امالياتتىق تالابىن تۇسىندىرگەن.
بۇل كىتاپتىڭ باسپادان شىعۋى قالىڭ كادرلار مەن بۇقارانىڭ باس شۋجي شي جينپيڭنىڭ ينتەرنەتتە قۋاتتى ەل قۇرۋ ماڭىزدى يدەياسىن جان - جاقتى، ىشكەرىلەي، جۇيەلى ۇيرەنىپ، بۇكىل پارتيانىڭ، بۇكىل قوعامنىڭ كۇشىن ۇيىستىرىپ، ينتەرنەت - ينفورماتسيا ىستەرىنىڭ جوعارى ساپالى دامۋىن ىلگەرىلەتىپ، ينتەرنەتتە قۋاتتى ەل قۇرۋدى جەدەلدەتۋ ءۇشىن قۇلشىنا كۇرەس جۇرگىزۋىنە پايدالى.
