7 - ايدىڭ 9 - كۇنى شينجياڭنىڭ تۇڭعىش كەزەكتى ۇلتتار كيىم - كەشەگى مادەنيەت - كوركەمونەر مەرەكەسى ىلە قازاق اۆتونوميالى وبلىسى تەكەس اۋدانى ”شىڭشىحۋاجياڭ · سەگىز تاڭبالى قالانىڭ كەشىندە“ اشىلدى. تۇتاس اۋداننىڭ ءارقايسى اۋىل، قالاشىعىنان جينالعان 8 ۇلت ۋاكىلدەر اترەتى باس قوسىپ، ءان شىرقاپ، بيگە باسىپ، ۇلتتار مادەنيەتىنىڭ سالتاناتىنان بىرگە ءلاززاتتاندى.
كەشكى ساعات سەگىز جارىمدا، مەرەكەلىك كيىم كيىنگەن ءارقايسى اۋىل، قالاشىقتىڭ ۋاكىلدەر اترەتى الاڭعا جينالىپ، ۇلتتىق كيىم - كەشەك سالتاناتتى ءجۇرىس قويىلىمىن وتكىزدى. ادەمى كيىم - كەشەكتەر، اۋقىمدى قوسىن سان - ساناقسىز ساياحاتشىلاردى وزىنە باۋرادى، كوپتەگەن ساياحاتشىلار مەن جۇرگىنشىلەر ايالداپ تاماشالاپ، سۋرەتكە ءتۇسىردى.
كوپتەگەن ساياحاتشىلار مەن جۇرگىنشىلەر كونسەرتتى تاماشالاپ، سۋرەتكە ءتۇسىردى.
نانجيڭدىق ساياحاتشى جياڭ لي بىلاي دەدى: ”تەكەسكە بۇگىن جەتتىك، بۇل سەگىز تاڭبالى قالا راسىندا ەرەكشە ەكەن، سوندىقتان جول بويى سەگىز تاڭبالى قالانى سۋرەتكە ءتۇسىرىپ كەلە جاتقانمىن، ويدا جوقتا بۇگىن جانە سەگىز تاڭبالى قالا كەشى قيمىلىنا قاتىناستىم، مەنىڭشە بۇل ارا شات مەرەيگە تولى ءارى دۋماندى ەكەن“.
اشىلۋ سالتى بەتاشار بيمەن باستالدى، ونان سوڭ ءارقايسى اۋىل، قالاشىق ۋاكىلدەر اترەتىنىڭ ءان، ءبي نومىرلەرى الما - كەزەك ورىندالىپ، ءار قيلى ءان اۋەنىمەن ءار ۇلتتىڭ جاراسىمدى، بەرەكەلى باقىتتى تۇرمىسىن جىرلاپ، ناق مايدانداعى كورەرمەندەرگە جوعارى ساپالى، ەرەكشەلىككە يە، باي مازمۇندى ۇلتتار مادەنيەتتىڭ سالتاناتىن دايىندادى. ناق مايدان وتە دۋماندى بولىپ، شاپالاق ءۇنى تولاستامادى.
ءارقايسى اۋىل، قالاشىق ۋاكىلدەر اترەتىنىڭ ءان، ءبي نومىرلەرى الما - كەزەك ورىندالدى.
تەكەس اۋدانى تەكەس قالاشىعى گۇلباق الەۋمەتتىك اۋماعىنىڭ تۇرعىنى لو يىڭگۇي بىلاي دەدى: ”بۇگىن تۇڭعىش كەزەكتى ۇلتتار كيىم - كەشەگى مادەنيەت - كوركەمونەر فەستيۆالىنا كەلدىم، ناق مايداندا ادامدار ءيىن تىرەسەدى، وتە دۋماندى بولدى، وسى فەستيۆال ءبىزدىڭ تەكەسكە كوپتەگەن ساياحاتشىلاردى باستاپ كەلدى، بۇل ارانىڭ ۇلتتىق كيىم - كەشەكتەرى وتە ادەمى، ءبيى دە توتەنشە ويناقى ەكەن، وسىنداي قيمىلدارعا وتە قىزىعامىن“.
حۋناندىق ساياحاتشى پىڭ ليۋجى بىلاي دەدى: ”مەن بۇگىن ءبىرىنشى رەت شينجياڭعا كەلىپ تۇرمىن، بۇگىن چوڭقۇشتايعا باردىم، ول ارا ەرەكشە كوركەم ەكەن، كورىنىسى توتەنشە ايبىندى كورىندى، كەشتە ءتۇنسىز بازارعا كەلدىك، بۇل ارانىڭ جەڭىل تاعامدارى وتە ءدامدى ەكەن، ءان - ءبي نومىرلەرى دە ايتا قالسىن قىزىقتى بولدى، مەن بۇل ارانى قاتتى ۇناتتىم“.
شىڭشىحۋاجياڭ . سەگىز تاڭبالى قالانىڭ كەشى، ناق مايدانىندا ادامدار ءيىن تىرەسىپ، دىر - دۋمان بولىپ جاتتى.
ۇعىسۋعا قاراعاندا، شينجياڭنىڭ تۇڭعىش كەزەكتى ۇلتتار كيىم - كەشەگى مادەنيەت - كوركەمونەر فەستيۆالى 7 - ايدىڭ 8 - كۇنىنەن باستالىپ 7 - ايدىڭ 14 - كۇنىنە دەيىن جالعاسادى ەكەن. قيمىلدىڭ مازمۇنى مىنالاردى قامتيدى: قاتىناسۋشىلار كورسەتىلگەن مايدان كولەمىندە ۇلتتىق ءبي ورىندايدى، ناق مايدانداعى كورەرمەندەر بەلەت تاستاپ ەڭ اسەم ءبيدى تاڭداپ شىعادى؛ كوشە رايونىندا كوشە رايونىنداعى ارتيستەرمەن سۋرەتكە ءتۇسىپ، ەڭ كوركەم بىرگە تۇسكەن سۋرەتتى باعالاپ شىعادى؛ كوشە رايونىندا ەڭ ۇناتقان كوشە كورىنىسىن سۋرەتكە ءتۇسىرىپ، ەڭ اسەم كورىنىستى باعالاپ شىعادى؛ كوشە رايونىندا ءوزىن سۋرەتكە ءتۇسىرىپ، ەڭ تارتىمدىسىن باعالاپ شىعادى؛ كوشە رايونىندا بەيتانىس ساياحاتشىمەن سۋرەتكە ءتۇسىپ، ەڭ ەستەن كەتپەس ۇشىراسۋدى باعالاپ شىعادى دەگەندەي. سيلىققا ەڭ تاڭداۋلى ۇزدىك سيلىعىنان بەسەۋ، سونداي - اق جالپى باعالاۋداعى باس جۇلدەگەر، جۇلدەگەر، كىشى جۇلدەگەر جانە قاتىسۋ سيلىعى قاتارلى سيلىقتار ورنالاستىرىلعان.
تەكەس اۋدانى ”شىڭشىحۋاجياڭ · سەگىز تاڭبالى قالا كەشىنىڭ“ جۇمىس جۇرگىزۋ باس باقىلاۋشىسى چي چاۋ بىلاي دەدى: ”وسى رەتكى شينجياڭنىڭ تۇڭعىش كەزەكتى ۇلتتار كيىم - كەشەگى مادەنيەت - كوركەمونەر فەستيۆالىن وتكىزۋ ءار ۇلت بۇقاراسىنىڭ اراسىنداعى سۇيىسپەنشىلىكتى ونان ارى نىعايتۋ ءۇشىن، 56 ۇلت 56 شوق گۇل، ءار ۇلت اناردىڭ دانىندەي تىعىز ۇيىسقاندا عانا وتانىمىز ونان ارى گۇلدەنىپ - كوركەيىپ، باي دا قۇدىرەتتى بولادى، بۇل ءبىزدىڭ وسى رەتكى قيمىلدى وتكىزۋدەگى اۋەلگى ماقساتىمىز، شينجياڭدى مادەنيەتپەن نارلەندىرۋ، حالىقتى بايىتىپ، شينجياڭدى گۇلدەندىرۋ، وسىندا ءبىز ەلىمىزدىڭ جەر - جەرىندەگى دوستاردى بىرگە كەلىپ، كادىمگى ەل مەن جەردىڭ جاعدايىن سەزىنىپ، شينجياڭ حالقىنىڭ ىستىق ىقىلاسىن، مەيماندوستىعىن سەزىنىپ قايتۋعا شاقىرامىز، ءبىز ءان شىرقاپ، ءبي بيلەپ، دىر - دۋمانمەن سىزدەردى قارسى الاتىن بولامىز“. (تەكەس اۋداندىق توعىسپالى مەديا ورتالىعىنىڭ تىلشىلەرى لۋ حايشيا، حاي رى)
