شينحۋا اگەنتتىگى كولەمدى شولۋ تاراتتى
«ينتەرنەتتە قۋاتتى ەل قۇرىپ، ۇلتتىڭ گۇلدەنۋىنە كۇش ۇستەدى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ينتەرنەت جانە ينفورماتسيالاندىرۋ ىستەرىنىڭ دامۋىنا جەتەكشىلىك ەتكەندىگى جونىندە شولۋ»
شينحۋا اگەنتتىگىنىڭ 7 - ايدىڭ 13 - كۇنى بەرگەن حابارى نەگىزىندە. شينحۋا اگەنتتىگى 7 - ايدىڭ 13 - كۇنى «ينتەرنەتتە قۋاتتى ەل قۇرىپ، ۇلتتىڭ گۇلدەنۋىنە كۇش ۇستەدى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ينتەرنەت جانە ينفورماتسيالاندىرۋ ىستەرىنىڭ دامۋىنا جەتەكشىلىك ەتكەندىگى جونىندە شولۋ» اتتى كولەمدى شولۋ تاراتتى.
ماقالادا بىلاي دەلىندى: قازىرگى داۋىردە ينتەرنەتتىڭ دامۋى كۇن سايىن جاڭارىپ، اي سايىن تۇلەجىپ، ينفورماتسيالاندىرۋ تولقىنى بۇكىل الەمدى شارپىپ، جۇڭحۋا ۇلتى ىلۋدە ءبىر كەزدەسەتىن تاريحي ورايدى قارسى الدى.
ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى باس شۋجي شي جينپيڭ ادامزات تاريحى دامۋىنىڭ، پارتيا مەن مەملەكەت ىستەرى جالپى جاعدايىنىڭ بيىگىندە تۇرىپ، ينفورماتسيالاندىرا دامۋ كەلەلى اۋقىمىن جانە ەل ءىشى، حالىقارا سىندى كەلەلى جاعدايدى نەگىزگە الىپ، ينتەرنەتكە باسا ءمان بەرىپ، ينتەرنەتتى دامىتىپ، ينتەرنەتتى جونگە سالىپ، ينتەرنەت حاۋىپسىزدىگى مەن ينفورماتسيالاندىرۋ قىزمەتىن ءبىر تۇتاس جوسپارلاپ ىلگەرىلەتىپ، نەگىز سالۋ سيپاتتى ءمان الاتىن ءبىر قىدىرۋ جاڭا ۇستانىمدى، جاڭا يدەيانى، جاڭا ستراتەگيانى ورتاعا قويىپ، ينتەرنەت جانە ينفورماتسيالاندىرۋ ىستەرىنىڭ دامۋىنا قاتىستى ءبىر قىدىرۋ كەلەلى نازاريالىق جانە امالياتتىق ماسەلەلەرگە ىشكەرىلەي جاۋاپ بەرىپ، باس شۋجي شي جينپيڭنىڭ ينتەرنەتتە قۋاتتى ەل جونىندەگى ماڭىزدى يدەياسىن قالىپتاستىردى، ينتەرنەتتە قۋاتتى ەل قۇرۋدىڭ ايبىندى جوباسىن جاسادى.
شي جينپيڭ جاڭا ءداۋىر جۇڭگوشا سوتسياليزم يدەياسىنىڭ، اسىرەسە، باس شۋجي شي جينپيڭنىڭ ينتەرنەتتە قۋاتتى ەل قۇرۋ ماڭىزدى يدەياسىنىڭ جەتەكشىلىگىندە، ەلىمىزدىڭ ينتەرنەت جانە ينفورماتسيالاندىرۋ ىستەرىندە تاريحي تابىسقا قول جەتىپ، تاريحي وزگەرىس تۋىلدى، ينتەرنەتتى جونگە سالۋدىڭ جۇڭگوشا ەرەكشەلىككە يە جولى اشىلىپ، ينتەرنەتتە ءىرى ەلدەن ينتەرنەتتە قۋاتتى ەلگە قاراي ارشىندى قادام تاستالدى.
ماقالا ءۇش بولىككە ءبولىندى: بيىكتە تۇرىپ، الىسقا كوز جىبەرىپ، جاعدايدى، اۋقىمدى باعامداپ ينتەرنەتتە قۋاتتى ەل قۇرۋدىڭ ءداۋىر دابىلىن قاقتى؛ تەرەڭ تولعانىپ، الىستى ويلاپ، جوبا - جوسپار جاساپ، ينتەرنەت جانە ينفورماتسيالاندىرۋ ىستەرىنىڭ جوعارى ساپالى دامۋىنا جەتەكشىلىك ەتتى؛ حالىقتى بارىنەن جوعارى قويىپ، حالىقتى باقىتقا كەنەلتىپ، ميلليارد حالىقتى ينتەرنەتتىڭ دامۋ جەتىستىكتەرىنەن تەڭ يگىلىكتەندىردى.
ماقالادا بىلاي دەپ اتاپ كورسەتىلدى: ءداۋىر تولقىنى وركەشتەپ، بار الاپتان تىڭ لەپ ەستى.
جاڭا تاريحي باستامادا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، باس شۋجي شي جينپيڭنىڭ ينتەرنەتتە قۋاتتى ەل قۇرۋ ماڭىزدى يدەياسىنىڭ دۇرىس جەتەكشىلىگى تۇرعاندا، ينتەرنەت جانە ينفورماتسيالاندىرۋ ىستەرىنىڭ دامۋىندا جاڭا پاراق اشىلىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا اناعۇرلىم تارتىمدى تاراۋ جازىلاتىندىعى داۋسىز.
