زەيىن - زەردەنى، كۇش - قۋاتتى ۇيىستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازايىق

□ شين شىجيان

　　تولىقسىعان جاز كەزى، تاۋ - وزەندەر ماقپالداي تۇرلەنىپ، ۇشى - قيىرسىز قۇنارلى القاپ كوسىلە تۇسكەن. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا جاڭا داۋىردەگى پارتيانىڭ شينجياڭدى باسقارۋ جالپى جوباسى اسقاق جەلبىرەگەن تۋ ىسپەتتى 25 ميلليوننان استام تيانشان ۇلاندارىن ەرلىكپەن العا باسىپ، قيىندىقتاردان قامال الىپ، زەيىن - زەردەنى، كۇش - قۋاتتى ۇيىستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا جەتەكتەۋدە.

　　2022 - جىلى 7 - ايدا باس شۋجي شي جينپيڭ شينجياڭ قىزمەتىن كوزدەن كەشىرگەندە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋ جونىندە ”نازاردى شينجياڭ قىزمەتىنىڭ باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋ كەرەك“ دەپ ايقىن تالاپ قويدى. بۇل باس شۋجي شي جينپيڭ مەن پارتيا ورتالىق كوميتەتىنىڭ اسا ماڭىزدى تاپسىرماسى ءارى شينجياڭداعى ءار ۇلت كادرلارى مەن بۇقاراسىنىڭ ادال امالياتى.

　　ءبىر جىلدان بەرى اۆتونوميالى رايوندىق 10 - كەزەكتى پارتكومنىڭ بەسىنشى، التىنشى، جەتىنشى، سەگىزىنشى جالپى ماجىلىستەرى ىلگەرىندى - كەيىندى اشىلىپ، ءبارى ءبىر نەگىزگى جەلىمەن ساباقتاسىپ جاتتى: باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىنىڭ شينجياڭنىڭ بايتاق دالاسىندا تياناقتانىپ تامىر تارتىپ، گۇل اشىپ، جەمىس بەرۋىن باتىل ىلگەرىلەتۋدە، اسىرەسە، نازاردى باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋگە شوعىرلاندىرۋدا اۆتونوميالى رايوندىق پارتكوم ماسەلەنى شەشۋدىڭ وي جەلىسى مەن ءادىسىن ۇزدىكسىز قاراستىرىپ، قيىن ماسەلەلەردى شەشۋدىڭ قاتاڭ، ناقتى شارالارىن العا قويدى.

　　وسى ءبىر جىلعا قايىرىلا قاراساق، شينجياڭ قوعام ورنىقتىلىعى مەن باياندى تىنىشتىققا ىقپال جاسايتىن شەشۋشى ماسەلەلەر مەن تەرەڭ قاتپارلى قايشىلىقتاردى مىقتاپ يگەرۋگە كۇش سالىپ، شينجياڭدى زاڭمەن باسقارۋ قىزمەتىن جالپى بەتتىك جۇيەلى ورنالاستىرىپ، ىلگەرىلەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتتى؛ ناقتى، جاندى، ءونىمدى بولۋعا كۇش سالىپ، جۇڭحۋا ۇلتى ورتاق تۇلعا تانىمىن بەرىك ورناتتى؛ شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ورىستەتتى؛ 8 ءىرى كاسىپ سالاسى شوعىرىن قۇرىپ، ەرەكشە باسىمدىققا يە كاسىپ سالاسىنىڭ كومەسكى كۇشىن جارىققا شىعارۋدى بەلسەنە ىلگەرىلەتتى؛ جوعارى دەڭگەيدە سىرتقا ەسىك اشۋدى ىلگەرىلەتىپ، جىبەك جولى ەكونوميكالىق بەلدەۋى وزەكتى رايونىن قۇرۋدى جەدەلدەتتى؛ نازاردى سۋ بايلىعىنان ۇيلەسىمدى پايدالانۋعا شوعىرلاندىرىپ، سۋ ۇنەمدەۋ، سۋ ساقتاۋ، سۋ جەتكىزۋ جۇمىستارىن ءبىر تۇتاس جوسپارلاپ ويداعىداي ىستەدى... بىرەۋى ارقىلى ءبارىن تۇزەتەتىن وسىنداي ماسەلەلەردە يدەيانى ازات ەتۋ، قيىندىقتاردان قامال الۋ بارىسىندا تىڭ ناتيجەلەرگە ۇزدىكسىز قول جەتتى، شينجياڭ قىزمەتىندە ۇزدىكسىز جاڭا جاعداي اشىلدى، شينجياڭ قىزمەتى ۇزدىكسىز تىڭ ساتىعا كوتەرىلدى.

　　قازىر شينجياڭ جوعارى ساپالى دامۋدى ىلگەرىلەتۋدىڭ شەشۋشى كەزەڭىندە تۇر، تاياۋدا اشىلعان اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ماجىلىسىندە جوعارى ساپالى دامۋدىڭ داۋىرلىك ورايىن مىقتاپ يگەرىپ، باسىمدىقتى تولىق ىسكە قوسىپ، دامۋداعى ولقىلىقتاردى تولىقتاپ، جۇڭگو ۇلگىسىندەگى وسىزامانداندىرۋ جولىندا شينجياڭنىڭ قوسىننان قالماۋىنا، قاتاردان قالماۋىنا شىنايى كەپىلدىك ەتۋدى العا قويدى.

　　ۇتىمدى ورايدان پايدالانىپ، جەلكەن كوتەرەر ءسات تۋدى. باس شۋجي شي جينپيڭنىڭ شينجياڭدى كوزدەن كەشىرگەندىگىنىڭ ءبىر جىلدىعىن جاڭا كۇرەس باستاماسى ەتىپ، بۇكىل رايوندا جوعارىدان تومەنگە دەيىن تاپسىرمانى ەستە بەرىك ساقتاپ، العىس ايتىپ، ەكپىندەي ىلگەرىلەپ، اۆتونوميالى رايوندىق پارتكومنىڭ ىنتىماقتاستىرىپ، باستاۋىندا، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شينجياڭنىڭ ستراتەگيالىق ورنىن مىقتاپ كوزدەپ، يدەيانى ازات ەتىپ، تۋراشىلدىقتان اينىماي جاڭالىق اشىپ، شىنايى يگەرىپ ناقتى ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جەدەل ىلگەرىلەتۋ كەرەك.

　　ساياسي ادالدىقتى بەكەمدەۋ كەرەك. اناعۇرلىم سانالىلىقپەن، تاباندىلىقپەن ”ەكىنى تۇراقتاندىرۋدى“ قولداپ، ”ەكىنى قورعاۋدى“ ورىنداپ، باستان - اياق ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، باس شۋجيدىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرۋ كەرەك.

　　نازاريامەن قارۋلانۋدى كۇشەيتۋ كەرەك. باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇزدىكسىز ىشكەرىلەي ۇيرەنۋدى، دايەكتىلەندىرۋدى كەلەلى ساياسي مىندەت ەتىپ، نەگىزگى تاقىرىپتىق تاربيەنى تىڭعىلىقتى ورىستەتۋمەن ۇشتاستىرىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋمەن، تياناقتاندىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋمەن ۇشتاستىرىپ، ىشكەرىلەي ۇيرەنۋدى، جەتە ءتۇسىنۋدى، جەتىك يگەرۋدى شىن مانىندە ورىنداپ، تاباندىلىقپەن زەيىن - زەردەنى ۇيىستىرىپ، رۋح سومداۋ كەرەك.

　　ماسەلەنى باعدار ەتۋدەن جازباۋ كەرەك. رەال ماسەلەلەرگە بەتپە - بەت كەلىپ، تەكسەرۋ - زەرتتەۋدى بارىنشا ورىستەتىپ، ىشكەرىلەي، ەگجەي - تەگجەيلى زەرتتەۋ، قايتا - قايتا تەكسەرۋ - زەرتتەۋ، دالەلدەۋ نەگىزىندە، قيىن ماسەلەلەردى شەشۋدىڭ ناقتى شارالارىن، قاتاڭ شارالارىن العا قويىپ، جاڭا دامۋ جاعدايىنا قىزمەت وتەۋدىڭ جانە توعىسۋدىڭ، جوعارى ساپالى دامۋدى ىلگەرىلەتۋدىڭ رەال جولىن بەلسەنە قاراستىرۋ كەرەك.

　　باتىلدىقپەن جاۋاپكەرشىلىك ارقالاپ، ىسكەرلىك كورسەتۋ كەرەك. ءار دايىم قام جەپ تۇراتىن جاۋاپكەرشىلىك سەزىمدى شىنايى كۇشەيتىپ، ىرىقتىلىقپەن جاۋاپكەرشىلىك ارقالاپ، بەلسەندىلىكپەن ىسكەرلىك كورسەتىپ، ەكونوميكانىڭ، قوعامنىڭ جوعارى ساپالى دامۋىنداعى كەلەلى ساياساتتاردى، ماڭىزدى تۇزىمدەردى جانە ءتۇيىندى شارالاردى جۇيەلى، ىشكەرىلەي زەرتتەپ، جوبالاپ، ءتۇرلى ءتۇيىندى قىزمەتتەردى كۇش سالا ىلگەرىلەتۋ كەرەك.

　　ستيلدە ۇزدىكسىز بۇرىلىس جاساۋ كەرەك. دۇرىس ۇقىق كوزقاراسىن، ناتيجە كوزقاراسىن، كاسىپ كوزقاراسىن بەرىك ورناتىپ، شىندىققا جۇگىنىپ ناقتى ءىس ىستەۋ، شىنايى يگەرىپ ناقتى ىستەۋ ستيلىن بارىنشا ساۋلەلەندىرىپ، فورماشىلدىقتى، تورەشىلدىكتى باتىل الاستاپ، يدەيانى بەلسەنە ازات ەتىپ، كوز ايانى كەڭەيتۋ كەرەك.

　　شەتسىز - شەكسىز كورىنىس شىت جاڭا بەينەگە ەندى. جاڭا داۋىردەگى جاڭا جورىقتا كورىكتى شينجياڭ قۇرۋدىڭ ايبىندى كارتيناسى باياۋ اشىلۋدا. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قيىندىقتاردان قامال الىپ، ۇدەرە العا تارتىپ، جۇڭگو ۇلگىسىندەگى وسىزامانداندىرۋ قۇرىلىسىنا شينجياڭ ۇلەسىن قوسىپ، تيانشان الابىنداعى ءار ۇلت حالقىنا باقىت جاراتايىق.