جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى
【رەداكتوردان】
7 - ايدىڭ 16 - كۇنى باسپادان شىققان «ىزدەنۋ» جۋرنالىنىڭ 14 - سانىندا جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ «جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتەيىك» اتتى اۆتورلى ماقالاسى جاريالاندى. گازەتىمىز بۇگىن تولىق مازمۇنىن كوشىرىپ جاريالاپ وتىر.
پارتيا 18 - قۇرىلتايىنان بەرى باس شۋجي شي جينپيڭ باستان - اياق شينجياڭنىڭ رەفورما، دامۋ، ورنىقتىلىق ىستەرىن كوكەيىندە ساقتاپ، شينجياڭداعى ءار ۇلت حالقىنا ىقىلاسپەن قاراپ كەلەدى، شينجياڭعا ەكى رەت كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، ورتالىقتىڭ شينجياڭ قىزمەتى جونىندەگى 2 - رەتكى، 3 - رەتكى اڭگىمە ءماجىلىسىن باسقارىپ اشىپ، شينجياڭ قىزمەتى جونىندە كوپ رەت ماڭىزدى ءسوز سويلەپ، ماڭىزدى نۇسقاۋ بەرىپ، بەكىتۋ جاساپ، پارتيا مەن مەملەكەت ىستەرىنىڭ جالپى جاعدايى بيىگىندە تۇرىپ شينجياڭ ءۇشىن جوسپار جاسادى، باعدار كورسەتتى، شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋ ءۇشىن ستراتەگيالىق ورنالاستىرۋ جاساپ، شينجياڭ قىزمەتىندە كەلەلى جەتىستىككە قول جەتكىزۋدى، ەكونوميكالىق، قوعامدىق دامۋ مەن حالىق تۇرمىسىن جاقسارتۋدا بۇرىن بولىپ كورمەگەن تابىسقا قول جەتكىزۋدى ىلگەرىلەتتى. شينجياڭداعى ءار دارەجەلى پارتيا ۇيىمدارى، قالىڭ پارتيا مۇشەلەرى مەن كادرلار جانە ءار ۇلت بۇقاراسى باس شۋجيدىڭ شينجياڭ قىزمەتىنە ايرىقشا ءمان بەرۋىن جانە كوڭىل ءبولىپ، قامقورلىق جاساۋىن شىنايى سەزىنىپ، كوسەمنىڭ تاپسىرماسىن ەستە بەرىك ساقتاپ، العىس ايتا ەكپىندەي ىلگەرىلەۋ بارىسىندا ساياسي ادالدىقتى بەكەمدەپ، جاۋاپكەرشىلىكتى باتىلدىقپەن ارقالاپ، باتىلدىقپەن ىنتىماقتاسا كۇرەس جۇرگىزىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، رەفورما، دامۋ، ورنىقتىلىق قىزمەتتەرىن تىڭعىلىقتى ويداعىداي ىستەپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازدى.
ءبىرىنشى، جاڭا داۋىردەگى پارتيانىڭ شينجياڭدى باسقارۋ جالپى جوباسى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، شينجياڭ قىزمەتىن ويداعىداي ىستەۋدىڭ ارقاۋى جانە جانى
وزىق يدەيا قاشاندا كەرەمەت ىستەرمەن بىرگە ءبىرىن - ءبىرى نۇرعا بولەپ تۇرادى، عىلمي نازاريا قاشاندا ۇلى امالياتپەن ىقپالداسىپ جاتادى. پارتيا ورتالىق كوميتەتى ەجەلدەن شينجياڭ قىزمەتىنە وسكەلەڭ ءمان بەرىپ، ءبىرسىپىرا كەلەلى شەشىمدەر، ورنالاستىرۋلار جاسادى، شينجياڭنىڭ رەفورماسىن، دامۋىن، ۇلتتار ىنتىماعىن، قوعامىنىڭ العا باسۋىن، حالىق تۇرمىسىنىڭ جاقسارۋىن، شەكارا قورعانىسىن بەكەمدەۋدى ىلگەرىلەتۋدە تاريحي سيپاتتى تابىسقا قول جەتكىزدى. جاڭا داۋىردەگى شينجياڭ قىزمەتىندە قول جەتكەن ءاربىر ناتيجە، جۇزەگە اسقان ءاربىر قارىشتاۋ، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جانە جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ عىلمي جەتەكشىلىگىنىڭ ارقاسى. شينجياڭ قىزمەتىنىڭ امالياتى مىنانى تولىق دالەلدەدى: جاڭا داۋىردەگى پارتيانىڭ شينجياڭدى باسقارۋ جالپى جوباسى − شينجياڭ قىزمەتىنە جەتەكشىلىك ەتىپ تۋراشىلدىقتان اينىماي جاڭالىق اشۋدىڭ، جەڭىسپەن العا باسۋىنىڭ قۇدىرەتتى يدەيالىق قارۋى.
جاڭا داۋىردەگى پارتيانىڭ شينجياڭدى باسقارۋ جالپى جوباسى تاريحي زاڭدىلىقتى يگەرۋ، ءداۋىردىڭ اۋقىمىن تەرەڭ باعامداۋ بارىسىندا دامىپ قالىپتاسقان، شينجياڭ قىزمەتىنىڭ ورنىقتى قاداممەن الىسقا جەتۋىندەگى ”تارازى نۇكتەسى“. باس شۋجي شي جينپيڭ بىلاي دەپ اتاپ كورسەتتى: شينجياڭ قىزمەتىن ويداعىداي ىستەۋ كەلەلى جاعدايعا ساياتىن، بۇكىل پارتيانىڭ، بۇكىل مەملەكەتتىڭ ءىرى ءىسى؛ شينجياڭ قىزمەتىن ستراتەگيالىق تۇرعىدان باعامداۋدا جانە جوسپارلاۋدا، اۋەلى، شينجياڭنىڭ دامۋ اۋقىمىن جەتە تانىپ، شينجياڭ قىزمەتىن ويداعىداي ىستەۋدىڭ بۇكىل پارتيانىڭ، بۇكىل مەملەكەتتىڭ كەلەلى جاعدايىنداعى ىقپالىن جەتە تانىپ، شينجياڭ قىزمەتىنىڭ ەل ءىشى، حالىقارا سىندى ەكى ۇلكەن كەلەلى جاعدايدى ءبىر تۇتاس جوسپارلاۋداعى ورنىن جەتە تانۋ كەرەك. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنىڭ تۇرعان تاريحي ورنىنا، ءدوپ كەلگەن حالىقارا مەن ەل ءىشى شارت - جاعدايىنا، كۇرەس جاعىندا تۋىلعان تەرەڭ دە كۇردەلى وزگەرىستەرگە مەڭزەس، شينجياڭدى باسقارۋ زاڭدىلىعى جونىندەگى تانىمدى ۇزدىكسىز تەرەڭدەتىپ، قايشىلىقتى كوزدەپ، باتىلدىقپەن كۇرەس جاساپ، امالياتقا ىشكەرىلەي ارالاسىپ، ىزدەنىس جاساپ، جاڭالىق اشىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن قالىپتاستىردى. جاڭا داۋىردەگى پارتيانىڭ شينجياڭدى باسقارۋ جالپى جوباسى باس شۋجيدىڭ شينجياڭدى باسقارۋ، شينجياڭدى ورنىقتىرۋ، شينجياڭدى گۇلدەندىرۋدىڭ زاڭدىلىعىن تەرەڭ بايىمداعاندىعىن، عىلمي يگەرگەندىگىن بەينەلەدى، وعان باس شۋجيدىڭ شينجياڭ قىزمەتى جونىندەگى تەرەڭ تولعانىسى، ستراتەگيالىق ورنالاستىرۋى شوعىرلانعان، وندا باس شۋجيدىڭ شينجياڭداعى ءار ۇلت حالىقىنا دەگەن اسقار تاۋداي مەيىرىمى، تەلەگەي تەڭىزدەي سۇيىسپەنشىلىگى قامتىلعان، ول شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، شينجياڭ قىزمەتىن ويداعىداي ىستەۋدىڭ ارقاۋى جانە جانى.
جاڭا داۋىردەگى پارتيانىڭ شينجياڭدى باسقارۋ جالپى جوباسى جاڭا داۋىردەگى شينجياڭ قىزمەتىنىڭ ”قالاي قاراۋ، قالاي ىستەۋ“ سياقتى ءبىر قىدىرۋ كەلەلى ماسەلەلەرىنە عىلمي جاۋاپ بەردى، بۇل شينجياڭنىڭ سوتسياليستىك وسىزامانداندىرۋ قۇرىلىسىنداعى ”كومپاس“ سانالادى. جاڭا داۋىردەگى پارتيانىڭ شينجياڭدى باسقارۋ جالپى جوباسى جاڭا داۋىردەگى جۇڭگوشا سوتسياليستىك شينجياڭ قۇرۋ تاريحي بورىشىن كوزدەپ، شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ، شينجياڭدى گۇلدەندىرۋ، شينجياڭدى باياندى كوركەيتۋ ستراتەگيالىق ورنالاستىرۋىن ءبىر تۇتاس جوسپارلاپ العا قويدى، شينجياڭ قىزمەتىن ستراتەگيالىق تۇرعىدان باعامداۋعا جانە جوسپارلاۋعا تاباندى بولۋ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولۋ، جۇرت تىلەگىن توعىستىرۋدى نەگىز ەتۋگە تاباندى بولۋ، جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولۋ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ، سوتسياليستىك وزەكتى قۇن كوزقاراسىن اسقاقتاتۋعا جانە جەتىلدىرۋگە تاباندى بولۋ، جوعارى ساپالى دامۋدى حالىق تۇرمىسىنا تىعىز جاناستىرا ىلگەرىلەتۋگە تاباندى بولۋ، پارتيانىڭ شينجياڭ قىزمەتىنە باسشىلىعىنا تاباندى بولۋ سياقتى جاقتارداعى قىزمەت تالابى بويىنشا شينجياڭ قىزمەتىنە داۋىرلىك ورىن بەلگىلەپ، جالپى تالاپتى ورتاعا قويىپ، بەتالىس جانە جول كورسەتىپ، كوركەم جوبا جاسادى.
جاڭا داۋىردەگى پارتيانىڭ شينجياڭدى باسقارۋ جالپى جوباسى − نازاريالىق سيپات پەن امالياتتىق سيپاتتىڭ بىرلىگى، شينجياڭ قىزمەتىندە تۋراشىلدىقتان اينىماي جاڭالىق اشۋدىڭ، جەڭىسپەن العا باسۋدىڭ ”التىن كىلتى“. جاڭا داۋىردەگى پارتيانىڭ شينجياڭدى باسقارۋ جالپى جوباسى پارتيانىڭ جاسامپاز نازارياسىنىڭ شينجياڭداعى جاندى امالياتىندا تامىر تارتىپ، شينجياڭ قىزمەتىنە جاپپاي، جۇيەلى، تۇتاس تۇلعالى ورنالاستىرۋ جاسادى. ول جالپى تۇلعالىق نىساناسى دا، قىزمەت مىندەتى دە بار، ستراتەگيالىق ورنالاستىرۋى دا، تاكتيكالىق جوباسى دا بار، تانىم نازارياسى دا، ءادىسناماسى دا بار، قازىرگىنى دە، ۇزاق بولاشاقتى دا مەڭگەرگەن، ايقىن نىسانا، باعدارعا يە، كۇشتى ماسەلە تانىمىن بەينەلەپ، عىلمي يدەيا ءادىسىن ايگىلەگەن، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنىڭ، كوزقاراستىڭ، ءادىستىڭ شينجياڭ قىزمەتى امالياتىنا جەتەكشىلىك ەتۋىنىڭ ناقتى بەينەسى. جاڭا داۋىردەگى پارتيانىڭ شينجياڭدى باسقارۋ جالپى جوباسى شينجياڭ ماسەلەسىنىڭ نەگىزىن يگەرىپ، شينجياڭ قىزمەتىنىڭ زاڭدىلىعىن ايگىلەپ، شينجياڭنىڭ دامۋ بەتالىسىن ايقىن كورسەتتى، ول ءارى قىزمەت جەتەكشىسى، ونان دا ماڭىزدىسى، امالياتتىق تالاپ، ايقىن قىزمەت كورسەتكىشىندىك سيپاتقا جانە رەال باعىتتامالىلىق سيپاتقا يە. ءسوز جوق، جاڭا داۋىردەگى پارتيانىڭ شينجياڭدى باسقارۋ جالپى جوباسىن باستان - اياق ساياسي بويسۇنۋ ولشەمى جانە ساياسي پرينسيپ ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى شينجياڭ قىزمەتىن تارازىلايتىن ماڭىزدى ولشەم ەتىپ، سانالىلىقپەن يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن جاپپاي دايەكتىلەندىرۋدىڭ ءونىمدى ءادىسىن بەلسەندىلىكپەن قاراستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جاندى امالياتىن قالىپتاستىرۋدى اناعۇرلىم ويداعىداي ىلگەرىلەتىپ، شينجياڭنىڭ رەفورما، دامۋ، ورنىقتىلىق ىستەرىندە جاڭا جاعداي اشۋعا جەتەكشىلىك ەتۋ كەرەك.
ەكىنشى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايتىپ، شينجياڭدى گۇلدەندىرۋدى، شينجياڭدى باياندى كوركەيتۋدى ءبىر تۇتاس جوسپارلاپ ىلگەرىلەتتىك
جاڭا داۋىردەگى پارتيانىڭ شينجياڭدى باسقارۋ جالپى جوباسى جاڭا داۋىردەگى شينجياڭ قىزمەتىن ويداعىداي ىستەۋگە العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋگە تاباندى بولىپ، پارتيا ورتالىق كوميتەتىنىڭ تالاپتارىن ءىس جۇزىندىك ارەكەتتە جانە قىزمەت ونىمدىلىگىندە تياناقتاندىرىپ، شينجياڭ قىزمەتىنىڭ باستان - اياق دۇرىس بەتالىستى بويلاپ العا باسۋىنا شىنايى كەپىلدىك ەتىپ، تيانشان الابىنىڭ ورنىقتى دا بەرەكەلى، ءار ۇلت بۇقاراسى تىنىش ءومىر، شات - شادىمان تىرشىلىك كەشىرگەن تاماشا جاعدايىن بەكەمدەدى.
شينجياڭدى زاڭمەن باسقارۋعا تاباندى بولىپ، مەملەكەتتى جاپپاي زاڭمەن باسقارۋدىڭ تالاپتارىن شينجياڭ قىزمەتىنىڭ ءارقايسى سالاسىندا تياناقتاندىرىپ، مەملەكەتتىڭ حاۋىپسىزدىگى مەن شينجياڭنىڭ قوعامدىق كەلەلى جاعدايىنىڭ ورنىقتىلىعىن باتىل قورعادىق. شينجياڭدى زاڭمەن باسقارۋ − شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ ماڭىزدى ىرگە تاسى. باس شۋجي شي جينپيڭ بىلاي دەپ اتاپ كورسەتتى: پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جۇرت ات سالىساتىن، زاڭمەن باسقارۋمەن قامتاماسىز ەتەتىن قوعامدىق باسقارۋ ءتۇزىلىسىن جالپى بەتتىك قالىپتاستىرىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ارناسىن تۇلعالاۋ كەرەك. ءبىز شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرا قۇرۋعا تاباندى بولىپ، زاڭدى عىلمي شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىق زاڭعا بويسۇنۋدى ءبىر تۇتاس جوسپارلاپ ىلگەرىلەتىپ زاڭمەن باسقارۋ جولىندا باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن ۇزدىكسىز جوعارىلاتىپ، ءتۇرلى قىزمەتتەردىڭ باستان - اياق زاڭمەن باسقارۋ ارناسىندا جۇرىلۋىنە شىنايى كەپىلدىك ەتتىك. لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، لاڭكەستىككە قارسى تۇرىپ، ورنىقتىلىقتى قورعاۋ زاڭ - ەرەجە، ءتۇزىم جۇيەسىن اقاۋسىزداندىرىپ، كەمەلدەندىرىپ، حاۋىپ - قاتەردى باسقارۋ - تىزگىندەۋ قىزمەت مەحانيزمىن ساپالىلاندىرىپ، كەمەلدەندىرىپ، ءارقايسى سالاداعى حاۋىپ - قاتەر، كومەسكى حاۋىپتەردەن ساقتانۋدى جانە ونى جويۋدى ءبىر تۇتاس جوسپارلاپ، قوعامدىق كەلەلى جاعدايدىڭ ءۇرتىس ورنىقتىلىعىن ساقتادىق. شينجياڭعا ساياتىن سىرتقا باعىتتالعان كۇرەستى بەلسەنە ىرىقتىلىقپەن ورىستەتىپ، ”شاقىرىپ اكەلۋ“، ”سىرتقا شىعارۋ“ تەبىنىن ۇزدىكسىز كۇشەيتىپ، جۇڭگو شينجياڭىنىڭ حيكاياسىن جان - جاقتى، ستەرەولدى ويداعىداي بايانداپ، سىرتقا ساياتىن زاڭمەن باسقارۋ قۇرىلىسىن كۇشەيتىپ، زاڭ بويىنشا كۇرەس جۇرگىزۋ، زاڭدى ۇقىق - مۇددەنى قورعاۋ قابىلەتىن جوعارىلاتىپ، امەريكاداعى، باتىستاعى جۇڭگوعا قارسى كۇشتەردىڭ ”شينجياڭ ارقىلى جۇڭگونى شاۋجايلاۋ“ نيەتىن باتىل ساتسىزدىككە ۇشىراتتىق.
شينجياڭدى ىنتىماقتاسا ورنىقتىرۋعا تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، ءدىندى سوتسياليستىك قوعامعا ۇيلەسۋگە بەلسەنە جەتەكتەدىك. باس شۋجي شي جينپيڭ بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەۋ كەرەك؛ ءدىن ىستەرىن باسقارۋ قابىلەتىن جوعارىلاتىپ، ءدىننىڭ اقاۋسىز دامۋىن جۇزەگە اسىرۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ − شينجياڭ قىزمەتىن ويداعىداي ىستەۋدەگى ەڭ نەگىزدىك، ەڭ ۇزاق بولاشاقتىق ماسەلە. ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ شينجياڭ قىزمەتىنىڭ كەلەلى جاعدايىنا سايادى. ءبىز پارتيانىڭ ۇلت ساياساتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى ارناسىن زەرتتەۋدى كۇشەيتىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى جالپىلاستىرۋدى، قولدانۋدى جاپپاي ىلگەرىلەتىپ، جاستار مەن ورەندەردىڭ ”نەگىز قالاۋ“ ينجەنارياسىن جان - جاقتى، ىشكەرىلەي ىلگەرىلەتىپ، ”ۇلتتار ىنتىماعىنىڭ بەرەكەلى شاڭىراعى“ قيمىلىن ساپالىلاندىردىق، كەمەلدەندىردىك، ءار ۇلت بۇقاراسىنىڭ بىرگە تۇرىپ بىرگە ۇيرەنۋ، بىرگە قۇرىپ بىرگە يگىلىكتەنۋ، بىرگە ىستەپ بىرگە شاتتانۋ بارىسىندا كەڭ كولەمدى ارالاسىپ، جان - جاقتى ىشتەسىپ، تەرەڭ توعىسۋى، كەڭىستىك، مادەنيەت، ەكونوميكا، قوعام، پسيحولوگيا سياقتى جاقتاردان جان - جاقتى كىرىگۋىن بىرتىندەپ جۇزەگە اسىردىق. ءىسلام ءدىنىن جۇڭگوشالاندىرۋ بەتالىسىنا تاباندى بولىپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، پارتيا، ۇكىمەت كادرلار قوسىنى، ءدىن سالاسىنداعى ۋاكىل قايراتكەرلەر قوسىنى، ماركسيزمدىك ءدىن ءىلىمىن زەرتتەۋ قوسىنى قۇرىلىسىن كۇشەيتىپ، ءدىن ىستەرىن باسقارۋدى زاڭ بويىنشا كۇشەيتىپ، دىنگە سەنەتىن بۇقارانىڭ قالىپتى ءدىني قاجەتى مەن زاڭدى ءدىني قيمىلىن قامتاماسىز ەتىپ، دىنگە سەنەتىن بۇقارانى مەملەكەت تانىمىن، ازاماتتىق تانىمىن، زاڭمەن باسقارۋ تانىمىن ورناتۋعا جەتەكتەپ، ءدىننىڭ اقاۋسىز دامۋىن قۇلشىنا جۇزەگە اسىردىق.
شينجياڭدى مادەنيەتپەن نارلەندىرۋگە تاباندى بولىپ، پارتيانىڭ يدەولوگيا قىزمەتىنە باسشىلىعىن جاپپاي كۇشەيتىپ، ءار ۇلت كادر - بۇقاراسىنىڭ ىنتىماقتاسا كۇرەس جۇرگىزۋ ورتاق يدەيالىق نەگىزىن ۇزدىكسىز بەكەمدەدىك. باس شۋجي شي جينپيڭ بىلاي دەپ اتاپ كورسەتتى: مادەنيەتتى شىنايى مويىنداۋ − ەڭ تەرەڭ قاتپارداعى شىنايى مويىنداۋ. شينجياڭدى مادەنيەتپەن نارلەندىرۋدى ورىستەتۋدە، ساياسي شىنايى مويىنداۋ، حالىقتىڭ قولداۋ - قولداماۋى ماسەلەسىن تۇبىرىنەن شىن مانىندە شەشۋ ماقسات ەتىلدى. ءبىز يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، تاريح، مادەنيەت تانىمىن دۇرىستاپ، ءار ۇلت بۇقاراسىن جۇڭگو پەيىلىن، جۇڭحۋا رۋحىن بەرىك ورناتۋعا تاربيەلەدىك، جەتەكتەدىك. نەگىزگى اعىمدىق يدەيا، قوعامدىق پىكىردى بەكەمدەپ، زورايتىپ، سوتسياليستىك وزەكتى قۇن كوزقاراسىن ىشكەرىلەي امالياتتا ايگىلەپ، ۇگىت - يدەيا، مادەنيەت، وقۋ - اعارتۋ شەبىن باسقارۋدى كۇشەيتىپ، ينتەرنەت كەڭىستىگىن باسقارۋدى كۇشەيتىپ، تۋىمىز ايقىن تۇردە ”پانيسلاميزم، پانتۇركيزم“ قاتە يدەيالىق اعىمىن سىندادىق. جۇڭحۋا مادەنيەتىنىڭ ورتاقتىق سيپاتىن، ۇلتتاردىڭ ارالاسۋ، ىشتەسۋ، توعىسۋ تاريحىن بەينەلەيتىن ءسوز جۇيەسى مەن ءونىمدى دانەكەردى كوپ تۇرعىدان جان - جاقتى قۇرىپ، ءار ۇلتتىڭ تاڭداۋلى، ءداستۇرلى مادەنيەتىن قورعاۋدى جانە جالعاستىرۋدى كۇشەيتىپ، مادەنيەت ىستەرى مەن مادەنيەت كاسىپ سالاسىن كوركەيتىپ، دامىتىپ، ادەبيەت - كوركەمونەر سارا تۋىندىلارى ستراتەگياسىن اتقارىپ، ارناۋلى تاقىرىپتىق فيلم «جۇڭگو شينجياڭ تاريح ىزدەرى»، كينو فيلم «قاراپايىم قاھارمان»، كولەمدى مۋزيكا، ءبي، ولەڭ، سۋرەت قويىلىمى «جەلەگىڭدى اش − شينجياڭ جاقسى جەر»، ءان «كوكتوعايداعى شوپان» سياقتى ءار ۇلت بۇقاراسىنىڭ قىزۋ قارسى الۋىنا بولەنگەن تاڭداۋلى ادەبيەت - كوركەمونەر تۋىندىلارىن جاسامپازدىقپەن شىعارىپ، مۇقام، ماناس سياقتى بەيزاتتىق مادەنيەت مۇرالارىنىڭ دۇنيەگە بەت الۋىن بەلسەنە ىلگەرىلەتتىك.
حالىقتى بايىتىپ، شينجياڭدى گۇلدەندىرۋگە تاباندى بولىپ، شينجياڭنىڭ بايلىق ارتىقشىلىقتارى مەن وڭىرلىك ورىن باسىمدىعىن تياناق ەتىپ، حالىق تۇرمىسىنا تىعىز جاناستىرا وتىرىپ جوعارى ساپالى دامۋدى ىلگەرىلەتتىك. دامۋ − شينجياڭنىڭ باياندى تىنىشتىعىنىڭ ماڭىزدى نەگىزى، ءار ۇلت بۇقاراسىنىڭ تاماشا تۇرمىس تالپىنىسى − ءبىزدىڭ كۇرەس نىسانامىز. ءبىز حالىقتى وزەك ەتكەن دامۋ يدەياسىن بەرىك ورناتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت قالاۋىنىڭ تىعىز بايلانىسىن جەتە تانىپ، ءار ۇلت بۇقاراسىنىڭ تىنىش ءومىر، شات - شادىمان تىرشىلىگىن مىقتاپ ارقاۋ ەتە وتىرىپ ەكونوميكانىڭ، قوعامنىڭ جوعارى ساپالى دامۋىن ىلگەرىلەتتىك. مۇناي - تابيعي گاز، كومىر، كەن، استىق، ماقتا، جەمىس - جيدەك، كوكونىس سياقتى بايلىق پەن كاسىپ سالاسىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن كۇش سالا قۇرىپ، كاسىپ سالاسى تىزبەگىن ۇزارتىپ، مەملەكەتتىڭ استىق، ەنەرگيا جانە شەشۋشى كەن بايلىعى حاۋىپسىزدىگىن قامتاماسىز ەتۋگە اناعۇرلىم زور ۇلەس قوستىق. اشىق ەكونوميكالىق تۇزىلىستە جاڭالىق اشىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، باتىسقا ەسىك اشۋدىڭ الدىڭعى شەبىن كۇش سالا تۇلعالاپ، جاڭا دامۋ ارناسىنا بەلسەنە قىزمەت وتەپ جانە توعىسىپ، ىشكى قۇرلىقتاعى ەسىك اشۋ مەن شەكارا بويىنداعى ەسىك اشۋدىڭ بەلەسىن تۇلعالادىق. تاۋ، سۋ، ورمان، اتىز، كول، جايلىم، قۇمدى ءبىر تۇلعاندىرا قورعاۋعا جانە جۇيەلى باسقارۋعا تاباندى بولىپ، سۋ ۇنەمدەۋ، سۋ ساقتاۋ، سۋ جەتكىزۋ قىزمەتىن ءبىر تۇتاس جوسپارلاپ ويداعىداي ىستەپ، ”ءۇرىمجى − سانجى − شىحىزى“ سياقتى ءتۇيىندى وڭىرلەردىڭ اتموسفەراسىنىڭ لاستانۋ ماسەلەسىن كۇش سالا شەشىپ، ەكولوگيانى الدىڭعى ورىنعا قوياتىن، ۇنەمدى، شوعىرلى، جاسىل، تومەن كومىر قىشقىل گازدى دامۋدى ۇزدىكسىز ىلگەرىلەتتىك. دامۋ بارىسىندا حالىق تۇرمىسىن جاقسارتۋ مەن قامتاماسىز ەتۋگە تاباندى بولىپ، جۇمىستاندىرۋدى الدىڭعى ورىنعا قويۋ ستراتەگياسىن اتقارىپ، ءار ۇلت بۇقاراسىنىڭ جۇمىستانىپ، كىرىسىن ارتتىرۋىن كوپ ارنامەن جەبەپ، وقۋ - اعارتۋدىڭ جوعارى ساپالى دامۋىن ىلگەرىلەتىپ، ەمدەۋ - دەنساۋلىق ساقتاۋ جانە قوعامدىق قامتاماسىزداندىرۋ قابىلەتىن جوعارىلاتىپ، قالا مەن اۋىلدىڭ نەگىزگى الەۋمەتتىك قىزمەت وتەۋىنىڭ بىركەلكىلەنۋىن ىلگەرىلەتىپ، دامۋ جەتىستىگىنىڭ حالىق تۇرمىسىنا يگىلىك جەتكىزۋىن، جۇرت تىلەگىن ۇيىستىرۋىن ىلگەرىلەتتىك.
شينجياڭدى باياندى كوركەيتۋگە تاباندى بولىپ، جاڭا داۋىردەگى پارتيا قۇرىلىسىنىڭ باس تالابىن جاپپاي تياناقتاندىرىپ، قاجىماي - تالماي كۇش سالىپ، شينجياڭ قىزمەتىن ويداعىداي ىستەدىك. باس شۋجي شي جينپيڭ بىلاي دەپ اتاپ كورسەتتى: پارتيامىزدىڭ اۋەلگى ماقساتى، بورىشى شينجياڭداعى ءار ۇلت حالقىن قامتىعان جۇڭگو حالقىن باقىتقا كەنەلتۋ، شينجياڭداعى ءار ۇلتتى قامتىعان جۇڭحۋا ۇلتىنىڭ گۇلدەنۋىن كوزدەۋ. شينجياڭ قىزمەتىن جاقسى ىستەۋدە، ءسوزسىز، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ كەرەك، ورنىقتىلىق بارىسىندا ىلگەرىلەپ، تىنباي كۇش شىعارىپ، قاجىماي - تالماي كۇش سالىپ، ۇزاق بولاشاقتىق شارا قاراستىرىپ، نەگىزدى بەكەمدەۋ شاراسىن قولدانىپ، باياندى تىنىشتىق جاعدايىن جاراتىپ، باياندى تىنىشتىق ىستەرىن ورىنداۋىمىز كەرەك. ءبىز جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىشكەرىلەي ىلگەرىلەتىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس باسشىلىق ەتتىك. جاڭا داۋىردەگى جاقسى كادر ولشەمى مەن ۇلتتار وڭىرىندەگى كادرلاردىڭ ”ءتورت ەرەكشە“ (پارتيانىڭ ورتالىقتانعان ءبىر تۇتاس باسشىلىعىن قورعاۋدا پوزيتسياسى ەرەكشە باتىل، ۇلكەن دۇرىس پەن ۇلكەن بۇرىستى پارىقتاۋدا تۇرعىسى ەرەكشە ايقىن، جۇڭحۋا ۇلتى ورتاق تۇلعا تانىمىن بەرىك ورناتۋدا ارەكەتى ەرەكشە باتىل، ءار ۇلت بۇقاراسىن قىزۋ سۇيۋدە ىنتا - ىقىلاسى ەرەكشە شىنايى) ساياسي ولشەمىن تياناقتاندىرىپ، ساياسي جاقتا كۇشتى، قابىلەتى جوعارى، ستيلى تاماشا جوعارى ساپالى كادرلار قوسىنىن كۇش سالا قۇردىق. نەگىزگى ساتىنى يگەرۋدى، نەگىزدى بەكەمدەۋدى شينجياڭنىڭ ورنىقتىلىعىن، شينجياڭنىڭ تىنىشتىعىن ساقتاۋدىڭ نەگىزىن بەكەمدەۋ شاراسى ەتىپ، نەگىزگى ساتى قىزمەت كۇشىن مولايتىپ، ”حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ“ بويىنشا قىستاقتا تۇرۋ قىزمەتىن ساپالىلاندىرىپ، كۇشەيتىپ، نەگىزگى ساتى پارتيا ۇيىمىن بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋگە قارسى تۇراتىن بەرىك جاۋىنگەر قامال ەتىپ قۇردىق. شىندىقتى ءىس جۇزىنەن ىزدەۋ، شىنايى يگەرىپ ناقتى ىستەۋ تاماشا ستيلىن اسقاقتاتىپ، فورماشىلدىق، تورەشىلدىك سياقتى كورنەكتى ماسەلەلەردى باتىل جەڭىپ، ەڭبەك ماعان جازىلماسا دا بولادى دەيتىن رۋحاني دەڭگەيمەن جانە ەڭبەك سىڭىرۋدە مەن بولماسام بولمايدى دەيتىن جاۋاپكەرشىلىكپەن قىزمەتتەردى تىڭعىلىقتى، ورنىقتى، ويداعىداي ىستەپ، كىشكەنە جەڭىستەردەن ۇلكەن جەڭىستەرگە قول جەتكىزىپ، قازىرگى تابىستار ارقىلى بولاشاقتا زور تابىستارعا قول جەتكىزۋگە تالپىندىق.
ءۇشىنشى، نەگىزگى تاقىرىپتىق تاربيەنى تىڭعىلىقتى ورىستەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتەمىز
بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ − پارتيا ورتالىق كوميتەتىنىڭ پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، بۇكىل پارتياداعى جولداستاردى پارتيانىڭ وزەكتى مىندەتىن ورىنداۋ جولىندا ىنتىماقتاسا كۇرەس جۇرگىزۋگە جۇمىلدىرۋ ءۇشىن جاساعان كەلەلى ورنالاستىرۋى. اۆتونوميالى رايوندىق پارتكوم نەگىزگى تاقىرىپتىق تاربيەنى ويداعىداي ورىستەتۋدى وراي ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇزدىكسىز ىشكەرىلەي ۇيرەنىپ، دايەكتىلەندىرىپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاقتارىندا ناقتى ونىمدىلىككە قول جەتكىزۋگە قۇلشىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن جالپى بەتتىك دايەكتىلەندىرۋدىڭ ءونىمدى ءادىسىن ۇزدىكسىز قاراستىرىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جورىعىندا شينجياڭ قىزمەتىنىڭ جاڭا جاعدايىن ۇزدىكسىز اشتى.
تاباندى تۇردە ۇيرەنۋ ارقىلى رۋحتى سومداپ، ساياسي ادالدىقتى شىنايى بەكەمدەيمىز. شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرەكتەردى توعىستىرىپ، رۋحتى سومداۋعا تاباندى بولىپ، وسى ماڭىزدى يدەيانىڭ مۇرات - سەنىمدى بەكەمدەۋ، رۋحاني ورەنى جوعارىلاتۋ، پارتيالىق شىڭدالۋدى كۇشەيتۋ سياقتى ءبىرسىپىرا تالاپتارىن ىشكەرىلەي ءتۇسىنىپ، قالىڭ پارتيالى كادرلاردى يدەيالىق جاقتان سومدالىپ، رۋحاني جاقتان شىڭدالىپ، نانىم نەگىزىن بەكەمدەپ، رۋحاني كالتسيدى جەتكىلىكتى تولىقتاپ، يدەيالىق تىزگىندى ورنىقتى ۇستاۋعا، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى بارىسىندا ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋعا، باستان - اياق ساياسي تۇرعىدا، ساياسي باعداردا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا تاربيەلەيمىز، جەتەكتەيمىز.
تاباندى تۇردە ۇيرەنۋ ارقىلى پاراساتتى ارتتىرىپ، قابىلەتتى، شەبەرلىكتى كۇش سالا جوعارىلاتامىز. ۇدايىلانعان ۇيرەنۋ مەحانيزمىن اقاۋسىزداندىرىپ، كەمەلدەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جۇيەسى مەن مايەكتى ءمانىن جالپى بەتتىك، جۇيەلى ۇيرەنىپ، وسى ماڭىزدى يدەيانىڭ دۇنيەگە كوزقاراسىن، ادىستەمەسىن تەرەڭ ءتۇسىنىپ، جۇيەلى يگەرىپ، وعان سىڭىرىلگەن تۇرعىعا، كوزقاراسقا، ادىستەرگە ويداعىداي تاباندى بولىپ، ونى ويداعىداي قولدانىپ، جەتە ۇيرەنىپ، جەتە ۇعىنىپ، توعىستىرىپ، ساباقتاستىرىپ، ساياسي قابىلەتتى، ويلاۋ قابىلەتىن، امالياتتىق قابىلەتتى ۇزدىكسىز جوعارىلاتامىز. نازاريا ۇيرەنۋ، ساياسي ساپا، قابىلەت - شەبەرلىك، جاۋاپكەرشىلىك ارقالاپ، ىسكەرلىك كورسەتۋ، قىزمەت ستيلى، پاك، تارتىپشەڭ بولۋ سياقتى جاقتارداعى كورنەكتى ماسەلەلەرمەن تىعىز بايلانىستىرىپ، تەكسەرۋ - زەرتتەۋدە بايقالعان ماسەلەلەرمەن، قىزمەتتە ورىن تەپكەن جەتەرسىزدىكتەرمەن ۇشتاستىرىپ، باعىتتامالى تۇردە قايتا - قايتا ۇيرەنىپ، ودان وي جەلىسىن ىزدەپ، جاۋاپ ىزدەپ، ءادىس - امال ىزدەپ، قيىنشىلىقتى شەشىپ، بەتالىستى ايقىنداپ، قيىن ماسەلەلەردى شەشىپ، شينجياڭنىڭ رەفورما، دامۋ، ورنىقتىلىق قىزمەتتەرىن ىلگەرىلەتۋگە جەتەكشىلىك ەتەمىز.
تاباندى تۇردە ۇيرەنۋ ارقىلى ستيلدى دۇرىستاپ، تاماشا ساياسي ەكولوگيانى جەتىلدىرەمىز. شىندىقتى ءىس جۇزىنەن ىزدەۋگە تاباندى بولىپ، تەكسەرۋ - زەرتتەۋدى بارىنشا ورىستەتىپ، بىرەۋى ارقىلى ءبارىن تۇزەتەتىن شەشۋشى ماسەلەلەردى ءدال تاۋىپ، كۇش - قۋاتتى شوعىرلاندىرا وتىرىپ قامال الىپ، قالىڭ پارتيالى كادرلاردى ۇيىمداستىرىپ، اسىرەسە، ءار دارەجەلى باسشى كادرلاردى بار پەيىلىمەن كىرىسىپ، ءبىرىنشى شەپكە بارىپ، تامىر ۇستاپ سۇراپ دياگنوز قويىپ، تيپتىك ماسەلەلەردى تەكسەرىپ - زەرتتەپ، قيىن ماسەلەلەردى ءبىر - بىرلەپ تەكسەرىپ، ماسەلەلەردى شەشۋگە ۇيىمداستىرىپ، تەكسەرۋ - زەرتتەۋدىڭ عىلميلىعى مەن ناقتى ونىمدىلىگىن جوعارىلاتامىز. بۇقارالىق لۋشيانعا تاباندى بولىپ، بۇقاراعا قىزمەت وتەۋ، بۇقارامەن بايلانىس جاساۋ ءتۇزىم - مەحانيزمىن كەمەلدەندىرىپ، تياناقتاندىرىپ، بۇقارانىڭ ارىز - ارمانىن جەتكىزۋ، مۇددەسىن سايكەستىرۋ، ۇقىق - مۇددەسىن قامتاماسىز ەتۋ ارناسىن ىركىلىسسىزدەندىرىپ جانە ارناعا ءتۇسىرىپ، ءار ۇلت بۇقاراسى كوڭىل بولگەن، نازار اۋدارىپ وتىرعان جۇمىستانۋ، وقۋ - اعارتۋ، ەمدەلۋ، باعىپ - تاربيەلەۋگە اماناتتاۋ، تۇرعىن ءۇي، زەينەتكەرلىك، قورشاعان ورتانى قورعاۋ سياقتى حالىق تۇرمىسى سالاسىنداعى كورنەكتى ماسەلەلەردى كۇش سالا شەشىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز. ستيلدى دۇرىستاپ، ءتارتىپتى قاتايتۋعا تاباندى بولىپ، پارتيا ستيلى، پاكتىك قۇرىلىسىن، قىزمەت ستيلى قۇرىلىسىن، كادرلار قوسىنى قۇرىلىسىن كۇش سالا ويداعىداي يگەرىپ، ايماق، اۋدانداردىڭ پارتيا، ۇكىمەت ءبىرىنشى باسشىلىق قىزمەت ستيلىندەگى كورنەكتى ماسەلەلەردى ارناۋلى رەتتەۋ - وڭاۋدى ىشكەرىلەي ورىستەتىپ، ”ءتورت ءتۇرلى بۇرىس ستيلدى“ ۇزدىكسىز تۇزەتىپ، جاڭا ستيل ورناتىپ، ءار دارەجەلى باسشى كادرلاردىڭ ”ءاردايىم قام جەپ تۇراتىن“ جاۋاپكەرشىلىك سەزىممەن، بەلسەنە جاۋاپكەرشىلىك ارقالاپ، ىسكەرلىك كورسەتۋ جىگەر - قايراتپەن مىندەتىن ويداعىداي اتقارىپ، جاۋاپكەرشىلىكتى ويداعىداي ادا ەتىپ، تاماشا ساياسي ەكولوگيا مەن قوعامدىق سالتتىڭ جەتەكشىسى، قالىپتاستىرۋشىسى، قورعاۋشىسى بولۋىن ىلگەرىلەتەمىز.
تاباندى تۇردە ۇيرەنۋ ارقىلى ىستەۋدى جەبەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتەمىز. ”ەكى كەلەلى جاعدايدى“ كوكەيدە ساقتاۋعا، ”مەملەكەتتىڭ زور ءىسىن“ ەستە بەرىك ساقتاۋعا تاباندى بولىپ، جاڭا داۋىردەگى جاڭا جورىقتا پارتيانىڭ وزەكتى مىندەتىن مىقتاپ ارقاۋ ەتىپ، سانالى تۇردە شينجياڭ قىزمەتىن پارتيا مەن مەملەكەت قىزمەتىنىڭ كەلەلى جاعدايىنا قويا وتىرىپ وي جۇگىرتىپ، ورنىن تۇراقتاندىرىپ جانە جوبالاپ، جاپپاي سوتسياليستىك وسىزاماندانعان مەملەكەت قۇرۋداعى شينجياڭنىڭ ستراتەگيالىق ورنىن كوزدەپ، شينجياڭنىڭ وڭىرلىك ورىن، بايلىق جانە ساياسات باسىمدىعىن ويداعىداي ساۋلەلەندىرىپ، ورايدى يگەرىپ، كومەسكى كۇشتى اشىپ، ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن، جاڭا دامۋ ارناسىن قالىپتاستىرۋدىڭ ستراتەگيالىق تىرەگىن، بۇكىل ەلدىڭ ەنەرگيا بايلىعىن ستراتەگيالىق قامتاماسىز ەتۋ بازاسىن، بۇكىل ەلدىڭ ساپالى ەگىن، مال شارۋاشىلىعى ونىمدەرىمەن قامدايتىن ماڭىزدى بازاسىن، مەملەكەتتىڭ وڭىرلىك حاۋىپسىزدىگىن قورعايتىن ستراتەگيالىق قالتقىسىن بەلسەنە تۇلعالايمىز. نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى تاباندىلىقپەن ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، شينجياڭدا ءىسلام ءدىنىن جۇڭگوشالاندىرۋدى ورنىقتى قاداممەن ىلگەرىلەتىپ، شىنايى مويىنداۋدى كۇشەيتۋدى نىسانا ەتە وتىرىپ شينجياڭدى مادەنيەتپەن نارلەندىرۋدى ىشكەرىلەي ورىستەتىپ، ەكونوميكانىڭ، قوعامنىڭ جوعارى ساپالى دامۋىن بار كۇشپەن ىلگەرىلەتىپ، وڭتۇستىك شينجياڭنىڭ دامۋىنداعى بوگەتتەردى كۇش سالا تالقانداپ، بيڭتۋان مەن جەرگىلىكتى ورىننىڭ ىشكەرىلەي توعىسا دامۋىن ىلگەرىلەتىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كوركەم شينجياڭدى قۇلشىنا قۇرامىز.
