ما شيڭرۇي حوتان ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
باسىمدىققا يە بايلىقتى كادەگە جاراتۋدى جەدەلدەتىپ، حالىق تۇرمىسى قۇت - ىرىسىن ۇزدىكسىز ارتتىرىپ، جوعارى ساپالى دامۋ جەتىستىكتەرىمەن ءار ۇلت حالقىن اناعۇرلىم ويداعىداي يگىلىككە كەنەلدىرۋدى ىلگەرىلەتۋ كەرەك
7 - ايدىڭ 16 - كۇنى اۆتونوميالى رايوندىق پارتكومنىڭ شۋجيى ما شيڭرۇي حوتان ايماعىنا بارىپ، تەكسەرۋ - زەرتتەۋ جۇرگىزدى. سۋرەتتە: ما شيڭرۇي حوتان ايماعى كۇنگاڭ ەكونوميكالىق، تەحنيكالىق اشۋ رايونىندا (ءتۇستى مەتال كاسىپ سالاسى باقشاسى) باقشا رايونىنىڭ جوباسى، قۇرىلىسى، دامۋى جونىندەگى تانىستىرۋدى تىڭداپ، كاسىپورىننىڭ نىسان قۇرىلىسى جاعدايىن ەگجەي - تەگجەيلى ۇعىسۋدا.
□ سۋرەتتى جاڭ يۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 16 - كۇنى لوپتان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 7 - ايدىڭ 16 - كۇنى حوتان ايماعىنا بارىپ، ءتۇيىندى سۋ يگىلىگى تورابى ينجەنەريا قۇرىلىسىنا، كەن بايلىعىن اشىپ پايدالانۋعا قاتىستى قىزمەتتەرگە ىشكەرىلەي تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ قىزمەتى، اسىرەسە، وڭتۇستىك شينجياڭ قىزمەتى جونىندەگى ىقىلاستى تاپسىرماسىن ىشكەرىلەي ۇيرەنىپ، ءتۇسىنىپ، وڭتۇستىك شينجياڭ سىندى ”شاحمات كوزىن“ جانداندىرۋدىڭ ەرەكشە ماڭىزدى ءمانىن تەرەڭ يگەرىپ، حالىقتى وزەك ەتكەن دامۋ يدەياسىن ىشكەرىلەي امالياتتا ايگىلەپ، ءتيىمدى دامۋ ورايىن يگەرىپ، باسىمدىققا يە بايلىقتاردىڭ كومەسكى كۇشىن جارىققا شىعارۋدى جەدەلدەتىپ، جاسىل كەن شارۋاشىلىعى سياقتى ەرەكشە تىرەكتى كاسىپ سالالارىن جەتىلدىرىپ، زورايتىپ، حالىق تۇرمىسىنا ساياتىن كەلەلى ينجەنەريا قۇرىلىستارىن تاباندىلىقپەن ىلگەرىلەتىپ، جوعارى ساپالى دامۋ جەتىستىكتەرىمەن حالىق تۇرمىسىنا اناعۇرلىم ويداعىداي تيىمدىلىك جەتكىزۋدى، حالىق تىلەگىن ۇيىستىرۋدى ىلگەرىلەتۋ كەرەك.
جەدەل قۇرىلىس جۇرگىزىپ جاتقان يۇرۇڭقاش سۋ يگىلىگى تورابى ينجەنەرياسى − مەملەكەتتىك كەڭەس تۇراقتاندىرعان 172 سۋ ۇنەمدەۋ، سۋمەن قامداۋداعى ءتۇيىندى سۋ يگىلىگى ينجەنەريالىق نىساندارىنىڭ ءبىرى. ما شيڭرۇي ينجەنەريا قۇرىلىس باسىنا كەلىپ، قاتىستى قىزمەتتەر جونىندەگى تانىستىرۋدى تىڭداپ، قۇرىلىس جۇرگىزەتىن ورىننىڭ جاۋاپتى جولداستارىمەن اڭگىمەلەسىپ، نىساننىڭ جالپى تۇلعالىق جوباسى، قۇرىلىس اياق الىسى، ءوندىرىس حاۋىپسىزدىگى سياقتى قىزمەتتەردى ەگجەي - تەگجەيلى تەكسەرىپ كورىپ، ۇعىسىپ، بىلاي دەپ باسا دارىپتەدى: ورتالىق كاسىپورىننىڭ جەتەكشىلىك ەتۋ، ۇلگى كورسەتۋ رولىن ويداعىداي ساۋلەلەندىرىپ، ينجەنەريا قۇرىلىسىن جوعارى ولشەممەن، جوعارى ساپامەن، جوعارى ونىمدىلىكپەن ىلگەرىلەتىپ، فاكتورلارمەن، قىزمەت وتەۋمەن قامتاماسىز ەتۋدى كۇشەيتىپ، ماسەلەنى دەر كەزىندە سايكەستىرىپ، شەشىپ، نىساننىڭ ۋاعىندا سالىنىپ ىسكە قوسىلۋىن ىلگەرىلەتىپ، وڭىرلىك سۋ بايلىعىن ۇلەستىرۋ، پايدالانۋ دەڭگەيىن ءونىمدى جوعارىلاتىپ، تارىم ويپاتىنىڭ ەكولوگيالىق ورتاسىن جاقسارتىپ، وڭتۇستىك شينجياڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە كۇش قوسۋ كەرەك. ينجەنەريانىڭ ساپاسىنا شىنايى كەپىلدىك ەتىپ، ءوندىرىس حاۋىپسىزدىگىن ويداعىداي يگەرىپ، نىسان قۇرىلىسىن شىن مانىندە ءار ۇلت بۇقاراسىن باقىتقا كەنەلتەتىن حالىق تۇرمىسى ينجەنەرياسى، حالىق تىلەگى ينجەنەرياسى ەتىپ سالىپ شىعۋ كەرەك.
حوتان ايماعى جەرگىلىكتى ورىننىڭ ليتي، قورعاسىن، مىرىش سياقتى مول ءتۇستى مەتال بايلىعىن ارقاۋ ەتىپ، لوپ اۋدانىندا كۇنگاڭ ەكونوميكالىق، تەحنيكالىق اشۋ رايونىن (ءتۇستى مەتال كاسىپ سالاسى باقشاسى) جەدەل قۇردى. ما شيڭرۇي باقشا رايونىنىڭ جوباسى، قۇرىلىسى، دامۋى جونىندەگى تانىستىرۋدى تىڭداپ، شينجياڭ حوشاۋيۇن قورعاسىن - مىرىش كەنىن اشۋ جانە كۇنلۇن لانزۋان ليتي كاسىبى، جىسۇن ليتي كاسىبى سياقتى كاسىپورىنداردىڭ نىساندى ىلگەرىلەتۋگە، تەحنيكا - تەحنولوگياعا، جاسىل دامۋعا قاتىستى احۋالدارىن ەگجەي - تەگجەيلى ۇعىسىپ، بىلاي دەپ باسا دارىپتەدى: حوتاننىڭ باسىمدىققا يە كەن بايلىعىن اشىپ پايدالانۋدى مۇقيات جوسپارلاپ ىلگەرىلەتىپ، تۇتاس كاسىپ تىزبەگىن ارقاۋ ەتە وتىرىپ، كاسىپورىنداردىڭ ساۋداگەر شاقىرىپ قارجى ەنگىزۋ تەبىنىن كۇشەيتىپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ۇزدىكسىز ىلگەرىلەتىپ، كولەمدەنە، شوعىرلانا دامۋ دەڭگەيىن ۇزدىكسىز جوعارىلاتىپ، ەكونوميكانىڭ، قوعامنىڭ جوعارى ساپالى دامۋىن پارمەندى ىلگەرىلەتۋ كەرەك. ول باقشا رايونىنان سايكەستى نەگىزدىك قۇرىلعىلاردى بار كۇشپەن كەمەلدەندىرىپ، قارجى قوسۋ ورتاسىن شىنايى ساپالىلاندىرىپ، جوعارى دەڭگەيلى وسىزاماندانعان باقشا رايونى ارقىلى حوتاننىڭ جاسىل كەن كاسىبى دامۋىنىڭ بيىگىن تۇلعالاۋىنا كۇش ۇستەۋدى تالاپ ەتتى.
ما شيڭرۇي تەكسەرۋ - زەرتتەۋدە بىلاي دەپ باسا دارىپتەدى: وڭتۇستىك شينجياڭنىڭ جوعارى ساپالى دامۋىن جەدەل ىلگەرىلەتۋ شينجياڭ قىزمەتىنىڭ جالپى جاعدايىنا سايادى. حوتان ايماعى باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي دەڭگەيدى ونان ارى جوعارىلاتىپ، سەنىمدى بەكەمدەپ، ورايدى يگەرىپ، جاۋاپكەرشىلىك ارقالاپ، شىنايى ءىس ىستەپ، باسىمدىققا يە بايلىقتى كادەگە جاراتۋدى جەدەلدەتىپ، حالىق تۇرمىسىن بار كۇشپەن قامتاماسىز ەتىپ جانە جاقسارتىپ، ەكونوميكانىڭ، قوعامنىڭ جوعارى ساپالى دامۋىنىڭ جەتىستىكتەرىمەن ءار ۇلت حالقىن اناعۇرلىم ويداعىداي يگىلىككە كەنەلدىرۋدى ىلگەرىلەتۋى كەرەك. جاسىل كەن كاسىبىن قارقىندى دامىتىپ، ليتي - بەريللي كەنى، قورعاسىن - مىرىش كەنى سياقتى ءتۇيىندى كەن بايلىقتارىن اشۋدى بار كۇشپەن ىلگەرىلەتىپ، باستاماشى كاسىپورىنداردىڭ جەتەكتەۋ رولىن كۇشەيتىپ، باقشا رايونىنىڭ كوتەرىمدىلىك قۋاتىن جوعارىلاتىپ، كاسىپ سالاسىنىڭ شوعىرلاندىرۋ ونىمدىلىگىن ارتتىرىپ، كولەمدەنگەن، زەردەلىلەنگەن، جاسىل دامۋدى ىلگەرىلەتىپ، وسىزاماندانعان جاسىل كەن كاسىبى شوعىرىن قۇلشىنا تۇلعالاپ، مەملەكەتتىڭ ەنەرگيا بايلىعى حاۋىپسىزدىگىن بەلسەنە قامتاماسىز ەتۋ كەرەك. نەگىزدىك قۇرىلعى قۇرىلىسىن كۇشەيتىپ، وڭىرلىك سۋ بايلىعىن رەتتەۋ جانە ءتۇيىندى سۋ تورابى تىرەكتىك ينجەنەرياسى قۇرىلىسىنىڭ تەبىنىن كۇشەيتىپ، قاتىناس، ەنەرگيا، كاسىپ سالاسى، قالا، اۋىل قۇرىلىسى سياقتى سالالار توڭىرەگىندە ءتۇيىندى ينجەنەريالىق نىسان قۇرىلىستارىن جەدەل ىلگەرىلەتىپ، جوعارى ساپالى دامۋ قاجەتىنە تىرەك بولاتىن وسىزاماندانعان نەگىزدىك قۇرىلعىلار جۇيەسىن قالىپتاستىرۋدى جەدەلدەتىپ، دامۋداعى ولقىلىقتاردى ۇزدىكسىز تولىقتاۋ كەرەك. حالىق تۇرمىسىنىڭ قۇت - ىرىسىن ۇزدىكسىز ارتتىرىپ، ەكونوميكالىق ارتۋدىڭ جۇمىستاندىرۋدى جەبەۋ كۇشىن ۇزدىكسىز جوعارىلاتىپ، نازاردى كەدەيلىكتەن ارىلتۋدان قامال الۋ جەتىستىكتەرىن بەكەمدەۋ مەن جۇمىستاندىرۋدى جەبەۋ سىندى ەكى ۇلكەن ىسكە شوعىرلاندىرىپ، جۇمىستاندىرۋدى الدىمەن ويلاستىرۋدى باعدار ەتۋدى كۇشەيتىپ، جۇمىستاندىرۋدى، كىرىستى ارتتىرۋدى تۇرلىشە ارنالارمەن جەبەپ، كەلەلى حالىق تۇرمىسى ينجەنەريا قۇرىلىستارىنىڭ ساپاسىن، ونىمدىلىگىن ۇزدىكسىز جوعارىلاتىپ، ەكونوميكانىڭ، قوعامنىڭ دامۋىن جانە حالىق تۇرمىسىنىڭ جاقسارۋىن پارمەندى ىلگەرىلەتۋ كەرەك. جاۋاپكەرشىلىك ارقالاۋدى، ىسكەرلىك تانىتۋدى مىقتى يگەرىپ، تياناقتاندىرىپ، نىسانانى باعدار ەتۋدى، ماسەلەنى باعدار ەتۋدى كۇشەيتىپ، باسشى كادرلاردىڭ جوعارى ساپالى دامۋدى ىلگەرىلەتۋ قابىلەتىن ۇزدىكسىز جوعارىلاتىپ، كورنەكتى بوگەتتىك شەكتەمەلەردى شەشۋدى تەزدەتىپ، شىندىققا جۇگىنىپ ناقتى ىستەر ىستەۋ، شىنايى يگەرىپ ناقتى ىستەۋ ستيلىن اسقاقتاتىپ، فورماشىلدىقتى، تورەشىلدىكتى جويىپ، قاشاندا قام جەپ تۇراتىن جاۋاپكەرشىلىك سەزىممەن، بەلسەندىلىكپەن جاۋاپكەرشىلىك ارقالاپ، ىسكەرلىك كورسەتەتىن رۋحاني بەت - بەينەمەن مىندەتتى ويداعىداي وتەپ، جاۋاپكەرشىلىكتى ويداعىداي اتقارىپ، جوعارى ساپالى دامۋدا جاڭا ناتيجەلەرگە قول جەتكىزۋدى ىلگەرىلەتۋ كەرەك.
