انار بۇلت / شينجياڭ گازەتىنىڭ حابارى (ٴتىلشى ياۋ گاڭ حابارلايدى) ”جازدىق دەمالىستا كۇنىنە قابىلداعان ادام سانىمىز 10 مىڭنان استى، اپتا سوڭىندا ٴتىپتى دە كوپ ادام قابىلدايمىز“. 7 ـ ايدىڭ 16 ـ كۇنى بوعدا كولىن باسقارۋ كوميتەتى ۇگىت ـ تاربيە، زاڭ ـ ەرەجە باسقارماسىنىڭ ورىنباسار باستىعى باي ليميڭ تىلشىگە بىلاي دەدى: 7 ـ ايدىڭ باسىنا دەيىن، تيانشان بوعدا كولى كورىنىس ٴوڭىرى بيىل ٴبىر ميلليون 55 مىڭ ادام ـ رەت ساياحاتشى قابىلدادى.
7 - ايدىڭ 11 - كۇنى ساياحاتشىلار تيانشان بوعدا كولى كورىنىس وڭىرىندە ساياحاتتاۋدا (ۇشقىش اپپاراتپەن تۇسىرىلگەن). سۋرەتتى باعداۋلەت تۇسىرگەن
جاز كىرىسىمەن، شينجياڭداعى كوپتەگەن كورىنىس وڭىرلەرى ىستىقتان ساقتانىپ، سايالاۋعا كەلگەن ساياحاتشىلاردى قارسى الدى. شيە چىڭ تورىنىڭ ساندى مالىمەتىندە كورسەتىلۋىنشە، سايرام كولى، تيانشان بوعدا كولى، قاناس كورىنىس ٴوڭىرى، نارات ساياحات دەمالىس ءوڭىرى سياقتىلار ساياحاتشىلاردىڭ الدىمەن تاڭدايتىن نىسانالى جەرىنە اينالعان.
ٴارقايسى كورىنىس وڭىرلەرى جاڭا ساياحاتتاۋ ٴادىسىن العا قويىپ، ساياحاتشىلاردىڭ دارالانعان، الۋان ءتۇرلى ىستىقتان ساقتانۋ، سايالاۋ قاجەتىن ونان ارى قاناعاتتاندىردى. تيانشان بوعدا كولى كورىنىس ٴوڭىرى ”ماياشاننىڭ تابيعي وتتەگى قامباسىنان بارىنشا ٴلاززات الىڭىز“ ساياحات ونىمدەرىن شىعاردى، ساياحاتشىلار ماياشان تاۋىندا بوعدا كولىنىڭ كوركەم كورىنىسىنەن كوز ايدىن بولىپ، بوعدا شىڭىنىڭ اسقاقتىعىن تاماشالاپ، تيانشان تاۋىنىڭ سالقىن سامالىنان ٴلاززاتتانا الادى. قۇلىستاي ويپاتىنىڭ ىستىقتان ساقتانۋ، سەيىل ـ سەرۋەن ساياحاتى اينالما جەلىسىنە وتىرعان ساياحاتشىلار 100 شاقىرىمدىق دانشيا عاجايىپ كورىنىسىن تاماشالاپ، اراسانعا ءتۇسىپ كۇتىنۋىنە بولادى، سونداي ـ اق بارلىق تاۋى باۋرايىنداعى سالقىن سامالدان ءلاززاتتانۋىنا بولادى.
شيە چىڭ توبى وڭىرلىك اكىمشىلىك ىستەرىنىڭ باس ديرەكتورى سۇن ۋيلي بىلاي دەپ تانىستىردى: شيە چىڭ تورىنىڭ ساندى مالىمەتىندە كورسەتىلۋىنشە، 7 ـ ايدىڭ ورتا شەنىنە دەيىن، شينجياڭنىڭ مەيمانسارايلارىنىڭ تاپسىرىس مولشەرى الدىڭعى ساناق مەزگىلمەن سالىستىرعاندا %40 ارتىپ، كورىنىس وڭىرلەرى ەسىك بەلەتىنىڭ تاپسىرىس مولشەرى الدىڭعى ساناق مەزگىلمەن سالىستىرعاندا % 151 ارتقان، ٴۇرىمجى قالاسى، ىلە قازاق اۆتونوميالى وبلىسى، التاي ايماعى دۋماندى ساياحاتتىڭ نىسانالى جەرىنە اينالدى. شينجياڭعا ىستىقتان ساقتانۋ، سالقىنداۋعا كەلگەن ساياحاتشىلار نەگىزىنەن بەيجيڭ، شاڭحاي، چىڭدۋ، شي - ان، گۋاڭجوۋ قاتارلى جەرلەردەن كەلگەن.
