جۋىقتا، جاڭاءشار اۋدانى ەرمۇدۇن 1 - قىستاعى ەككەن 1300 مۋ جەردەگى ءۇستىرتتى كۇمىس تالشىن اسقاباعى پىسۋ مەزگىلىنە ءوتتى، جاڭاءشار اۋدانىندا اسقاباق ەگۋدىڭ تابيعي شارت - جاعدايى جاقسى بولعاندىقتان، بۇل اراداعى اسقاباقتاردىڭ بالداي ءدامى اسقاباق تۇتىناتىنداردىڭ تاڭدايىنا تاتىدى، اتالعان قىستاق اۋىل شارۋاشىلىق كاسىپتىك سەلبەستىك كووپەراتيۆىنىڭ جەتەكتەۋىندە، ەرەكشە ەگىمشىلىكتى دامىتۋ ارقىلى شارۋالاردىڭ كىرىسىن ارتتىرىپ، اۋقاتتانۋعا باستاپ، اۋىل - قىستاقتى گۇلدەندىرۋگە دەم بەرىپ، شارۋالاردىڭ ”كوجە قاتىعىن“ مولايتتى ءارى ”اقشا قالتاسىن“ قامپايتتى.
جاڭاءشار اۋدانى ەرمۇدۇن اۋىلىندا ”ءۇستىرتتى كۇمىس تالشىن اسقاباعى“ تىلگە تيەك ەتىلسە، كوپشىلىكتىڭ ءبارى باس بارماقتارىن كورسەتەدى. وسى بىرنەشە كۇندە، جاڭاءشار اۋدانى ەرمۇدۇن اۋىلىنىڭ 1 - قىستاعىندا كۇمىس تالشىن اسقاباعى پىسىپ، كوپتەگەن ساۋداگەرلەردى وسىندا كەلىپ ساتىپ الۋعا باۋرادى، ءبىر اۆتوكولىك اسقاباق ءاپ - ساتتە ساتىلىپ بولدى. ”مەن ەرمۇدۇن اۋىلىنىڭ ءۇستىرتتى كۇمىس تالشىن اسقاباعىنىڭ داڭقى ەرەكشە دەپ ەستىگەنمىن، ءدامىن تاتىپ كورىپ، اتى زاتىنا ساي ەكەنىن ءبىلدىم. بۇگىن، مەن 30 توننا ساتىپ الدىم، ەرمۇدۇن 1 - قىستاعىنداعى لۋ - اي اۋىل شارۋاشىلىق سەلبەستىك كووپەراتيۆىمەن ۇزاق ۋاقىت سەلبەستىك جاساۋدى ءۇمىت ەتەمىن“،- دەدى ساتىپ الۋشى ساۋداگەر شيۇڭ حانىم.
بيىل جاڭاءشار اۋدانى ەرمۇدۇن 1 - قىستاعىنداعى قىزمەت اترەتى شارۋالاردىڭ ساتۋ ارناسىن كەڭەيتۋىنە بەلسەنە كومەكتەسىپ، توردا ساتۋ سياقتى جولدارمەن، شارۋالاردىڭ كىرىسىن ۇزدىكسىز ارتتىردى. ”اسقاباقتارىمىز پىسقاندا توردا ساتاتىن بولامىز، ءبىز ءار كۇنى ساۋداگەرلەرمەن حابارلاسۋمەن قاربالاستايمىز، ينتەرنەت جەلىسىندە، ينتەرنەت جەلىسىنەن تىس تاپسىرىس بەرەتىندەر ەرەكشە كوپ“،- دەدى جۇڭگو بانكەسىنىڭ جاڭاءشار اۋدانى ەرمۇدۇن 1 - قىستاعىندا تۇراتىن قىزمەت اترەتىنىڭ باستىعى مەي جىيۇڭ.
جاڭاءشار اۋدانى ەرمۇدۇن اۋىلى 1 - قىستاعى پارتيا ياچەيكاسىنىڭ شۋجيى زابيبوللا بىلاي دەدى: ”كەزەكتە قىستاعىمىزدىڭ 1300 مۋ جەرىندەگى ءۇستىرتتى كۇمىس تالشىن اسقاباعى توبىمەن بازارعا سالىندى، اسقاباقتىڭ ساتىلۋ ارناسىنىڭ ىركىلىسسىز بولۋىنا كەپىلدىك ەتۋ ءۇشىن، قىستاقتا تۇراتىن قىزمەت اترەتى ساۋداگەرلەرگە ىرىقتىلىقپەن حابارلاسىپ، دوۋيىندا تىكە تاراتۋ ارقىلى زات ساتۋ، ۋيشين ساۋدا بازارى سياقتى ينتەرنەت جەلىسى ارناسى ارقىلى ۇگىت جۇرگىزدى جانە ساتتى، سوڭعى مەزگىلدە ءبىز قىستاق تۇرعىندارىنىڭ ساتۋ ارناسىن كەڭەيتۋىنە ۇزدىكسىز كومەكتەسىپ، قىستاق تۇرعىندارىنىڭ كىرىستەرىن ارتتىرىپ، اۋقاتتانۋىنا دەم بەرەتىن بولامىز“.
