شينحۋا اگەنتتىگىنىڭ 7 - ايدىڭ 17 - كۇنى بەيجيڭنەن بەرگەن حابارى. 7 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ دياۋيۇيتاي مەملەكەتتىك قوناق ۇيىندە فيليپپيننىڭ بۇرىنعى زۇڭتۇڭى دۋتەرتپەن كەزدەستى.
شي جينپيڭ بىلاي دەپ اتاپ كورسەتتى: ءسىز فيليپپيننىڭ زۇڭتۇڭى بولىپ تۇرعان كەزىڭىزدە حالىققا جاۋاپتى بولاتىن، تاريحقا جاۋاپتى بولاتىن پوزيتسيامەن جۇڭگوعا باعىتتالعان قارىم - قاتىناستى وڭاۋ ستراتەگيالىق تالعامىن باتىلدىقپەن جاسادىڭىز، وسىنىڭ ارقاسىندا جۇڭگو - فيليپپين قارىم - قاتىناسى دۇرىس ارناعا قايتا ءتۇستى ءارى قارىشتاپ دامىدى، ءسىز ەكى ەلدىڭ دوستىق اۋىس - كۇيىسىنە ماڭىزدى ۇلەس قوستىڭىز. جۇڭگو − فيليپپين ەكەۋى دە ازياداعى وركەندەپ كەلە جاتقان ەلدەر، ەكى ەلدىڭ دامۋى تاتۋ كورشىلەس دوس بولعان توڭىرەكتىك ورتاعا تامىر تارتقان، سەلبەسىپ تەڭ يگىلىككە كەنەلەتىن ازيا ۇلى شاڭىراعىنا تامىر تارتقان. جۇڭگو تاتۋ، ادال، قايىرىمدى، كەڭ پەيىل بولعان توڭىرەكتىك ديپلوماتيا ۇستانىمى بويىنشا باستان - اياق كورشىمەن تاتۋ بولۋعا، كورشىنى سەرىك ەتۋگە تاباندى بولىپ كەلەدى. جۇڭگو جاق جۇڭگو - فيليپپين قارىم - قاتىناسىنا باستان - اياق ءمان بەرىپ كەلەدى، فيليپپين جاقپەن بىرگە جۇڭگو - فيليپپين قارىم - قاتىناسىنىڭ ورنىقتى قاداممەن الىسقا جەتۋىن ىلگەرىلەتۋدى قالايدى. ءسىزدىڭ ەكى ەلدىڭ دوستىق سەلبەستىگىندە ماڭىزدى رولىڭىزدى ۇزدىكسىز ساۋلەلەندىرە بەرۋىڭىزدى ءۇمىت ەتەمىن.
دۋتەرت مىنالاردى ءبىلدىردى: جۇڭگو جاقتىڭ فيليپپيننىڭ ەكونوميكاسىنىڭ، قوعامىنىڭ دامۋىنا قىمباتتى قولداۋ كورسەتكەندىگىنە، اسىرەسە، فيليپپيننىڭ جاڭا تيپتى ايدارشا ۆيرۋس ىندەتىنە قارسى اتتانۋىنا جومارتتىقپەن كومەك كورسەتكەندىگىنە العىس ايتامىن. فيليپپين - جۇڭگو دوستىق قارىم - قاتىناسىن دامىتۋ ەكى ەل حالقىنىڭ مۇددەسىنە ۇيلەسەدى ءارى باسىم كوپ ساندى فيليپپين حالقىنىڭ ارمانى. مەن فيليپپين - جۇڭگو دوستىعىن ىلگەرىلەتۋ جولىندا ۇزدىكسىز رول اتقارۋدى قالايمىن.
ۋاڭ ي كەزدەسۋگە قاتىناستى.
