بيڭتۋان 8 - شى 143 - تۋانى:
كورىكتى دە باقىتقا تولى مەكەن قۇرۋ جولىندا قاجىرلىلىقپەن ىستەدى
□ انار بۇلت \ شينجياڭ گازەتىنىڭ تىلشىلەرى ميھىرگۇل عوپۇر، سۇي يۇنيان
شىلىڭگىر شىلدە شابدالى پىساتىن مەزگىل، شينجياڭ ءوندىرىس - قۇرىلىس بيڭتۋانى 8 - شى 143 - تۋانىنىڭ 9 - ليانىندا جاسىل، ورگانيكالى شابدالى ەگۋدەن ۇلگى كورسەتۋ باعىندا شابدالى ءۇزۋدىڭ قاربالاس مەزگىلى كەلىپ، باعباندار قاتتى قاربالاسقا تۇسكەندەرىمەن، جۇزدەرىنەن مول ءونىمنىڭ قۋانىشى مەن مۇندالادى.
”بيىل شابدالىنىڭ ءوسۋى توتەنشە جاقسى، تولىق پىسپاي تۇرىپ الدىن الا زاكاز بەرىلىپ بولدى“. 7 - ايدىڭ 9 - كۇنى شابدالى باعىندا قاربالاستاپ جۇرگەن ەگىنشى ني زىحاننىڭ دەنەسى كۇنگە كۇيىپ توتىعىپ كەتىپتى، بىرنەشە كۇننەن بەرى ول تاڭنان تۇرىپ، قاس قارايا جاتىپ قاربالاستىقتان قولى بوسامادى، شابدالى باعىنداعى ەرتە پىساتىن شابدالى الدەقاشان ساتىلىپ تۇگەدى.
143 - تۋاننىڭ ”جۇڭگو كۇلشە شابدالى مەكەنى“ دەگەن اتى بار، ەرتە، ارالىق مەزگىلدە، جاي پىساتىن ءۇش ۇلكەن تۇردەگى 20دان استام سورت بار، شابدالى ەگىلگەن اۋدانى 11 مىڭ مۋ.
2022 - جىلى 7 - ايدىڭ 13 - كۇنى باس شۋجي شي جينپيڭ 143 - تۋانعا كەلىپ كوزدەن كەشىردى. 9 - لياننىڭ كۇلشە شابدالى باعىندا باس شۋجي ليان - دۇيدىڭ وسى جىلداردا جۇمىسشى - قىزمەتكەرلەردى ەگىمشىلىك، باعىمشىلىق، ەكولوگيالىق سەيىل - سەرۋەن، ساياحات جانە شارۋالار شاتتىعى شارۋاشىلىعىن دامىتۋعا شابىتتاندىرىپ جانە قولداۋ كورسەتىپ، جۇمىسشى - قىزمەتكەرلەردىڭ كىرىسىن ارتتىرعان ادىستەرىن القادى.
”باس شۋجيدىڭ تۇراقتاندىرۋىنا يە بولۋ ءبىزدىڭ ەرەكشە جەمىس - ورمان شارۋاشىلىعىن دامىتۋ سەنىمىمىز بەن بەكىمىمىزدى بەكەمدەدى“. ني زىحان بىلاي دەدى: بۇرىن جەمىس ءۇزۋ مەزگىلى كەلگەندە، ۇساق ساۋداگەرلەر نەمەسە ساياحاتشىلار شابدالى باعىنا كەلىپ ازدى - كوپتى عانا كۇلشە شابدالى ساتىپ الاتىن. قازىر 143 - تۋان جەمىس ساتۋ كوشەسىن تۇلعالاپ، جيڭدۇڭ، شۇنفىڭ، پوچتا سياقتىلار ارت - ارتىنان كۇلشە شابدالى باعىنا جايعاسىپ، جەمىس ءۇزۋ، زات تاراتۋ جۇمىستارىن ”ءبىر بەكەتتە“ تۇتاستىرىپ، كۇلشە شابدالى ۇشاقپەن بۇكىل مەملەكەتتىڭ جەر - جەرىنە جەتكىزىلدى.
”143 - تۋاننىڭ كۇلشە شابدالى بازارعا شىعارىلعاننان بەرى شىحىزى حۋايۋان اۋەجايى 20 نەشە توننا كۇلشە شابدالىنى اۋەمەن تاسىمالدادى“. شىحىزى حۋايۋان اۋەجايى بازار ءبولىمىنىڭ ديرەكتورى لي يفان بىلاي دەپ تانىستىردى: جەمىستەردى الدىمەن ۇشاقپەن كۇنبە - كۇن جەتكىزۋ ءۇشىن، اۋەجاي جەمىس تاسىمالداۋ ۇشاق بولمەلەرىن الدىن الا كەلىسۋ ءتاسىلىن جولعا قويىپ، ۇشاق ورىندىعى جەتىسپەيتىن قاۋىرت كەزدەردە دە جەمىستەردى تاسىمالداۋدىڭ ىركىلىسسىز بولۋىنا شىنايى كەپىلدىك ەتتىك.
كۇلشە شابدالى شارۋاشىلىعىنىڭ باسىمدىعىن ساۋلەلەندىرۋ ءۇشىن، 143 - تۋان شابدالى گۇلىن تاماشالاۋ، كۇلشە شابدالىدان ءدام تاتۋدان كۇلشە شابدالى ونىمدەرىن جىنتىكتەپ مانەرلەۋگە، ودان ”شابدالى ەكونوميكاسىن“ ارقاۋ ەتىپ اۋىل - قىستاق ساياحاتىن زور كۇشپەن گۇلدەندىرۋگە دەيىن كۇلشە شابدالى شارۋاشىلىعى الدەقاشان جەرگىلىكتى بۇقارانىڭ كىرىسىن ارتتىرۋعا دەم بەرۋدىڭ، اۋىل - قىستاقتى گۇلدەندىرۋدى ىلگەرىلەتۋدىڭ جارقىن تۇيىنىنە اينالعان - تىن.
بيىل 143 - تۋان تاعى جاڭا ەگۋ ۇلگىسىن جالپىلاستىرىپ، جاڭا تەحنيكا قولدانىپ، دەرت - دەربەزدى، زياندى جاندىكتەردى ازايتتى، شابدالىنىڭ ءونىم مولشەرى مەن ساپاسى تۇگەلدەي جوعارىلادى. ني زىحان تاعى جاڭا ماي شابدالى سورتىن ەنگىزىپ، 4 مۋعا تاياۋ جەردەگى كارى اعاشتاردى جاڭالادى.
”باس شۋجيدىڭ قامقورلىعى مەنى شابىتتاندىرىپ كەلەدى“. ني زىحان بيىل ءوزىنىڭ تاعى ليان - دۇيدىڭ ۇگىتشىسىنە اينالىپ، باس شۋجيدىڭ قامقورلىعى مەن تاپسىرماسىن اناعۇرلىم كوپ جۇمىسشى - قىزمەتكەرگە، بۇقاراعا جەتكىزىپ، كوپشىلىكپەن بىرگە قول ۇستاسا وتىرىپ، اناعۇرلىم كوركەم بولاشاقتى بىرگە جاراتاتىندىعىن ايتتى.
9 - ليانمەن ىرگەلەس 143 - تۋان اۋىل شارۋاشىلىعى 1 - ليانىندا جاپ - جاسىل ماقتا اتىزىنىڭ ۇشى - قيىرىنا كوز جەتپەيدى.
باس شۋجي شي جينپيڭ بىلاي دەپ اتاپ كورسەتتى: بيڭتۋاننىڭ اۋىل شارۋاشىلىعىن ماشينالاندىرۋ دەڭگەيى جوعارى، اۋىل شارۋاشىلىعىنىڭ كولەمدەنگەن ءوندىرىسى، كاسىپ سالالانعان تيجارات شارت - جاعدايى جاقسى، استىق، ماقتا، ماي، جەمىس، كوكونىس ءوندىرىسى سياقتى جاقتارداعى باسىمدىعى كورنەكتى، ەلىمىزدىڭ استىق حاۋىپسىزدىگىن جانە ماڭىزدى اۋىل شارۋاشىلىعى ونىمدەرىمەن قامداۋدى قامتاماسىز ەتۋ جاعىندا اناعۇرلىم زور رول اتقارۋ كەرەك.
”بۇرىن ماقتا ەگۋ شىنىمەن دە ماشاقاتتى جۇمىس بولاتىن“. اۋىل شارۋاشىلىعى 1 - ليانىنىڭ قىزمەتكەرى شيا شيانحۋا قازىرگە دەيىن ماقتا ەگۋمەن شۇعىلدانىپ كەلەدى، ول مىسال كەلتىرە بىلاي دەدى: بۇرىن 100 مۋ جەرگە ماقتا ەكسەك، ادام كۇشىمەن ماقتا تەرۋگە ايدان استام ۋاقىت جۇمسالاتىن، ەڭ باس اۋىرتاتىنى ماقتا اتىزىن سۋارۋ، تاڭەرتەڭنەن كەشكە دەيىن قاربالاستانىپ، سۋارىپ بولعاندا دىڭكەلەپ شارشايتىنبىز.
”قازىر ماقتا اتىزىنان توپ - توبىمەن ەڭبەك ىستەپ جۇرگەندەردىڭ قاراسىن دا كورە المايسىڭ“. شيا شيانحۋا بىلاي دەدى: بەيدوۋ جاساندى سەرىك جول نۇسقاۋ جۇيەسى، سەنسورمەن قاداعالاۋ تەحنيكاسى، سىمسىز حابارلاسۋ تەحنيكاسى، زات ينتەرنەتى جۇيەسى سياقتىلار اۋىل شارۋاشىلىق ماشينالارىنا، جابدىقتارىنا كەڭىنەن قولدانىلىپ، دالمە - ءدال تۇقىم ءسىڭىرۋدى، ءدال مولشەردە تىڭايتقىش بەرۋدى جۇزەگە اسىرىپ، وزىق جابدىقتارمەن ”قارۋلانعان“ اۋىل شارۋاشىلىعى ءوندىرىسى قارقىندى تەزدەتە دامىدى. ول 2022 - جىلى ماقتا اتىزىنىڭ مۋ باسىنان 450 كيلوگرام تۇقىمدىق ماقتا الدى.
جۇڭگو ماقتاسى شينجياڭعا، شينجياڭ ماقتاسى بيڭتۋانعا قاراپ بوي تۇزەيدى. بۇكىل مەملەكەتتىڭ ماڭىزدى ساپالى ماقتا ءوندىرىس بازاسى رەتىندە، 2022 - جىلى بيڭتۋان 8 - شى شىحىزى قالاسىنىڭ ەگىنشىلىك شارۋاشىلىعىنىڭ جەر جىرتۋ، تۇقىم ءسىڭىرۋ، ءونىم جيناۋ جاعىندا جالپىلىق ماشينالانۋ دەڭگەيى ％5. 96كە جەتىپ، ماقتانىڭ ماشينامەن تەرۋ سالىستىرماسى ％98تەن استى.
”ماقتا ءوندىرىسى تۇتاس بارىستىق ماشينالانۋدى جۇزەگە اسىردى، ماقتا اتىزىنداعى جۇمىسىمىز دا جەڭىلدەدى“. شيا شيانحۋا بىلاي دەدى: بيڭتۋان رەفورماسىنان كەيىن، كوتەرمەگە بەرۋ ۇقىعى ايقىندالىپ، كۋالىك بەرىلدى، جۇمىسشى - قىزمەتكەرلەردىڭ ءىس تىندىرىپ، شارۋاشىلىق قۇرۋ قىزعىندىلىعى ارتتى. مەن 200دەن استام قوي، 60تان استام سيىر باقتىم، بيىل سەلبەستىك كووپەراتيۆىن قۇرامىن، تۇرمىسىمدى بارعان سايىن جاقسارتا تۇسەمىن.
جاز كۇندەرى 143 - تۋاننىڭ حۋايۋان قالاشىعىندا سەرۋەندەسەڭىز، اينالا جاسىل جەلەك جامىلعان، گۇلدەر قۇلپىرعان. كەشتە ادامدار مادەنيەت الاڭىندا ويناقى مۋزيكامەن بىرگە بيگە باسادى، اسكەري تىڭ يگەرۋ لينيىن باقشاسىنداعى دەنە شىنىقتىرۋ جاياۋلار جولىندا سالقىنداپ سەيىلدەيدى.
ءبىر جىلدان بەرى 143 - تۋان قونىس ورتاسىن وڭاۋ، بايىرعى، كونە شاعىن رايونداردى وزگەرتۋ، مادەنيەت، دەنە تاربيە الاڭى قۇرىلىسى سياقتى ءبىر توپ ءتۇيىندى حالىق تۇرمىسى ينجەنەرياسىن كۇش سالا اتقاردى، 5 تۇرعىندار رايونىنداعى ليان - دۇيدىڭ سۋمەن قامداۋ - ىعىستىرۋ، قيمىل بازاسى سياقتى سايكەستى قۇرىلعىلارىن كەمەلدەندىرىپ، 6 ماشينا توقتاتۋ الاڭىن، 3 دارەتحانا سالىپ، ەگجەي - تەگجەيلىلەندىرىپ باسقارۋ ارقىلى جۇمىسشى - قىزمەتكەرلەردىڭ، بۇقارانىڭ باقىت كورسەتكىشىن جوعارىلاتتى.
بۇقارانىڭ ءجۇرىس - تۇرىسى ءتىپتى ىركىلىسسىزدەندى، مادەنيەت قيمىلدارى بارعان سايىن مولايدى، الەۋمەتتىك قىزمەت وتەۋ اناعۇرلىم قولايلىلاندى، قونىس ورتاسى بارعان سايىن جايلىلاندى. 143 - تۋان حۋايۋان قالاشىعنىڭ تۇرعىنى چىن لينا شاتتانا بىلاي دەدى: مەن وسى ەگىس باقشاسىنداي كورىكتى مەكەنىمدى سۇيەمىن، بۇل ارادا تۇرمىس كەشىرۋ جايلى ءارى باقىتتى.
”بيڭتۋان مەن جەرگىلىكتى ورىننىڭ توعىسۋىن تەرەڭدەتىپ، تاماشا باقىتتى مەكەن قۇرىپ، باقىتتى دا تاماشا تۇرمىس وتكىزۋ كەرەك“. باس شۋجي شي جينپيڭنىڭ ىقلاستى تاپسىرماسى جۇرت جۇرەگىن جىلىتىپ، ەكپىندەي العا ىلگەرىلەۋگە جىگەرلەندىردى.
بيڭتۋان 8 - شى شىحىزى قالاسى مەن ماناس اۋدانى كورشىلەس، ەكى جەردەگى ءار ۇلت بۇقاراسى قاتىناس، وقۋ - اعارتۋ، ەمدەۋ سياقتى جاقتاردا ءوزارا ۇلاسىپ، تۇتاسىپ، توعىسا دامۋ جەتىستىكتەرىنەن بىرگە يگىلىكتەندى. شىحىزى داشۋەسى مەديتسينا شۋەيۋانىنا قاراستى 1 - شيپاحانا مەن ماناس اۋداندىق حالىق شيپاحاناسى ساپالى ەمدەۋ بايلىعى ارقىلى ءوزارا تولىقتاۋدى جۇزەگە اسىرىپ قالماستان، ەكى جاق تاعى ەمدەۋ بىرىككەن تۇلعاسى مەن ەمدەۋ بىرلەستىگىن قۇرىپ، ماناس اۋدانىنىڭ ەمدەۋ ورەسىن بارىنشا جوعارىلاتتى.
”قانشا توعىسقان سايىن، سونشا دامۋعا بولادى“. 143 - تۋان پارتكوم شۋجيى، جىڭۋيى ۋاڭ يۇڭ بىلاي دەدى: قازىر بيڭتۋان مەن جەرگىلىكتى ورىننىڭ بالالارى بىرگە وقيدى، بۇقارا بىرگە ساۋدا جاساسادى، كاسىپورىندار دامۋدى بىرگە جوسپارلايدى، ءتۇرلى ىستەر سايكەستى ىلگەرىلەپ، ءار ۇلت بۇقاراسى توعىسا دامۋ جولىندا بارعان سايىن ەتەنە بولىپ، سۇيىسپەنشىلىكتەرى بارعان سايىن قويۋلاسا ءتۇستى.
