انار بۇلت \ شينجياڭ گازەتىنىڭ حابارى (ءتىلشى يان شياۋتيان، ەرىكتى ءتىلشى پان جىنجىن حابارلايدى) ”كۇندىز قۇربان تۇڭعىت ءشولى شىجىعان ىستىق بولادى، كەشتە لاۋلۇڭحىنىڭ كوگىندە جۇلدىزدار جامىراپ، سالقىن سامال سوعادى. ءبىزدىڭ قاۋىنىمىز بويىنا كۇن مەن ايدىڭ ءنارىن جيناپ وتىر!“. 7 - ايدىڭ 17 - كۇنى شينجياڭ ءوندىرىس - قۇرىلىس بيڭتۋانى 6 - شى ۋجياچۇي قالاسى 103 - تۋانىندا ۋجياچۇي ساجياحۋ شينچۇيچىڭ ەگىمشى شارۋالار كاسىپتىك سەلبەستىك كووپەراتيۆىنىڭ قاۋىنشىسى ليۋ شۋاڭزۇڭ ساۋداگەرلەرگە ءوز وتباسىنىڭ قاۋىنىن تانىستىرۋمەن قاربالاستادى.
بيڭتۋان 6 - شى ۋجياچۇي قالاسى 103 - تۋانىنىڭ جۇمىسشىلارى قاۋىندى سۇرىپتاۋدا. سۋرەتتى ۋاڭ گاڭ قامداعان
7 - اي − 103 - تۋان سايجياحۋ قالاشىعى ءۇشىن قاۋىننىڭ مول ءونىم بەرەتىن مەزگىلى ەسەپتەلەدى. 103 - تۋان 7 - ليانىنىڭ قاۋىندىعىنا بارار بولساڭىز، قاۋىننىڭ حوش ءيىسى اڭقىپ، جاپ - جاسىل قاۋىن ساباقتارى قاۋلاي بىتىك وسكەن. قاۋىنشىلار قاۋىن ءۇزۋ، سۇرىپتاۋ، قالتالاۋ، قوراپتاۋ جۇمىستارىن قاۋىرت جۇرگىزىپ جاتىر، العاشقى توپتاعى قاۋىندار ەلىمىزدىڭ جەر - جەرىنە ساۋدالاندى.
”بيىل سەلبەستىك كووپەراتيۆىمىز 2000 مۋ جەرگە قاۋىن ەكتى، شيجوۋمي 25 - ءنومىرلى، 17 - ءنومىرلى، جينسى نيانحۋا سياقتى تۇرلەرى بار. ءونىم مولشەرى 6000 توننادان اسادى، ءار مۋىنىڭ پايداسى 1000 يۋاننان استام“،-دەدى ليۋ شۋاڭزۇڭ.
بيڭتۋان 6 - شى ۋجياچۇي قالاسى 103 - تۋانىنىڭ قاۋىنى مول ءونىم بەردى. سۋرەتتى ۋاڭ گاڭ قامداعان
قاۋىن ساپاسىنا كەپىلدىك ەتۋ ءۇشىن 103 - تۋان سايجياحۋ قالاشىعى جاسىل ەگىمشىلىك ءتاسىلى جايىندا بەلسەندى ىزدەنىس جاساپ، ورگانيكالى تىڭايتقىش قولدانۋعا تاباندى بولىپ، ۇگىلمەلى، جۇپار ءيىسى اڭقىعان، ءدامى ءتىل ۇيىرەتىن، ءتاتتى قاۋىن ەگىپ شىعىپ، بۇكىل ەلىمىزدىڭ جەر - جەرىنەن كەلگەن ساۋداگەرلەردىڭ القاۋىنا بولەندى.
سىچۋاننان كەلگەن ساۋداگەر ليۋ حۇڭۋي بىلاي دەيدى: ”ءار جىلى 103 - تۋانعا كەلىپ قاۋىن جينايمىن، ءار جىلى جەر باسىنان جيناپ، قوراپتاپ، سۋىق تىزبەك ارقىلى تاسىمالداپ، جىجياڭنىڭ جياشيڭىنا جەتكىزەمىز، مولشەرمەن 3 كۇندە جەتىپ قويادى. بۇل ارانىڭ قاۋىنىنىڭ ساپاسى جاقسى، ءدامى ءتىل ۇيىرەدى، ۇگىلمەلى ءارى ءتاتتى، ورگانيكالى مول تىڭايتقىش قولدانىلعاندىقتان تۇتىنۋشىلارعا قاتتى ۇنايدى“.
ۇعىسۋعا قاراعاندا، بيىل 103 - تۋاننىڭ قاۋىن ەككەن جەرىنىڭ كولەمى 15 مىڭ مۋ، بيڭتۋان مەن 6 - شىنىڭ ماڭىزدى جاسىل ءتۇستى زالالسىز قاۋىن وندىرەتىن بازاسى. ءداستۇرلى ەگىمشىلىكتەن تامشىلاتىپ سۋارۋ ەگىمشىلىگىنە دەيىن، ودان قۇرىلعىلى سۋىق قالتقى ەگىمشىلىگىنە دەيىن؛ اشىق اتىز تۇيىنىنەن شاعىن دوعالى قالتقى جەر جارعاعىنا دەيىن، ودان سۋىق قالتقى ستەرولدى وسىرۋگە دەيىن، اۋىل شارۋاشىلىق تەحنيكاسى قاۋىن كاسىپ سالاسىنىڭ دامۋىنا ۇزدىكسىز جاڭا قوزعاۋشى كۇش ۇستەدى. مۇندا قاۋىن كاسىپ سالاسى اۋىل - قىستاقتى گۇلدەندىرۋدەگى ”مىقتى تىرەككە“، جۇرتشىلىقتىڭ كىرىسىن ۇزدىكسىز ارتتىرۋداعى”التىن كلىتكە“ اينالدى.
