جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى
ما شيڭرۇي، ي ليانحۇڭ، ەركىن تۇنياز، ءزۇمىرات وبۇل قيمىلعا قاتىناستى
7 - ايدىڭ 18 - كۇنىنەن 19 - كۇنىنە دەيىن جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى. سۋرەتتە: 7 - ايدىڭ 18 - كۇنى جىجياڭ ولكەسى . شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى ارال قالاسىندا اشىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار \ بۇلت شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 7 - ايدىڭ 19 - كۇنى اقسۋدان حابارلايدى. 7 - ايدىڭ 18 - كۇنىنەن 19 - كۇنى تۇستەن بۇرىنعا دەيىن جىجياڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ي ليانحۇڭ جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى، ەكى ولكە، رايون اڭگىمە ءماجىلىسىن اشىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جان - جاقتى اۋىس - كۇيىستى، سەلبەستىكتى تەرەڭدەتىپ، جاڭا داۋىردەگى شينجياڭعا كومەكتەسۋ قىزمەتىندە ۇزدىكسىز جاڭا جاعداي اشۋدى، تىڭ ساتىعا قادام تاستاۋدى ىلگەرىلەتتى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل قاتىستى قيمىلدارعا قاتىناستى.
7 - ايدىڭ 18 - كۇنى تۇستەن كەيىن جىجياڭ ولكەسى . شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى ارال قالاسىندا اشىلدى. ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە بۇكىل رايونداعى ءار ۇلت كادرلارى مەن بۇقاراسى اتىنان جىجياڭ ولكەسىنىڭ ۇزاق ۋاقىتتان بەرى شينجياڭعا كورسەتكەن پارمەندى قولداۋى مەن قالتقىسىز كومەگىنە شىن جۇرەكتەن العىس ايتاتىندىعىن ءبىلدىردى. ول بىلاي دەپ اتاپ كورسەتتى: جىجياڭ ولكەلىك پارتكوم، ولكەلىك ۇكىمەت باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، نازاردى پارتيا 20 - قۇرىلتايىندا تۇراقتاندىرىلعان نىسانا - مىندەتتەرگە شوعىرلاندىرىپ، ”سەگىز - سەگىز ستراتەگياسىن“ ىشكەرىلەي اتقارىپ، ”ەكىدە الدا ءجۇرۋ“ ارقىلى ”ماڭىزدى تەرەزە“ تۇلعالاۋدى ىلگەرىلەتۋدە جاڭا ناتيجەگە قول جەتكىزدى. جىجياڭ ولكەسى شينجياڭعا باعىتتامالى كومەكتەسۋ قىزمەتىن ماڭىزدى ورىنعا قويۋعا تاباندى بولىپ، شىنايى قارجى قوسىپ، شىنايى سۇيىسپەنشىلىك ارناپ، شينجياڭنىڭ رەفورماسى، دامۋى، ورنىقتىلىعى ءۇشىن بەلسەندى ۇلەس قوستى. كەزەكتە شينجياڭ باس شۋجي شي جينپيڭنىڭ شينجياڭدى كوزدەن كەشىرگەندىگىنىڭ ءبىر جىلدىعىن تىڭ كۇرەس باستاماسى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، دامۋ ستراتەگيالىق ورنىن مىقتاپ كوزدەپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋدا. ءبىز الداعى جەردە ەكى ولكە، اۆتونوميالى رايوننىڭ اۋىس - كۇيىسىن، سەلبەستىگىن ءۇرتىس تەرەڭدەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، جوعارى ساپالى دامۋدى قول ۇستاسا ىلگەرىلەتەمىز. ءبىر تۇتاس جوسپارلاۋ تەبىنىن ارتتىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ارقاۋ ەتە وتىرىپ، نازاردى شوعىرلاندىرىپ، كۇش سالىپ، حالىق تۇرمىسى جاعىنان شينجياڭعا كومەكتەسۋ، اقىل - پاراسات جاعىنان شينجياڭعا كومەكتەسۋ، كاسىپ سالاسى جاعىنان شينجياڭعا كومەكتەسۋ، جۇمىستاندىرۋ جاعىنان شينجياڭعا كومەكتەسۋ، شينجياڭدى مادەنيەتپەن نارلەندىرۋ قىزمەتى تەبىنىن ارتتىرىپ، كومەك قابىلداۋشى جەرلەردىڭ ولقىلىقتاردى تولىقتاۋىنا، نەگىزدى بەكەمدەۋىنە كومەكتەسىپ، كاسىپ سالاسىن دامىتۋىنا، جۇمىستاندىرۋىنا، كىرىستى ارتتىرۋىنا كۇش ۇستەيمىز. ستراتەگيالىق ءتۇيىلىسۋدى كۇشەيتىپ، چاڭجياڭ اتىراۋىن ءبىر تۇلعالاندىرىپ دامىتۋ، باتىسقا ەسىك اشۋدى تەرەڭدەتۋ، ”ءبىر بەلدەۋ، ءبىر جولدى“ بىرگە قۇرۋ سياقتى كەلەلى ستراتەگيالىق ورنالاستىرۋلاردى ارقاۋ ەتە وتىرىپ، سىرتقا ەسىك اشۋ سەلبەستىگى كەڭىستىگىن كەڭەيتىپ، ەنەرگيانى كادەگە جاراتۋ، جەتكىزۋ، اۋىل شارۋاشىلىق ونىمدەرىن ساتۋ، مادەنيەت - ساياحات سياقتى سالالارداعى سەلبەستىكتى تەرەڭدەتىپ، باسىمدىقتار ارقىلى ءوزارا تولىقتاۋدى، سايكەسە دامۋدى جۇزەگە اسىرامىز. ارالاسۋدى، ىشتەسۋدى، توعىسۋدى جەبەپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ەكى ولكە، اۆتونوميالى رايونداعى كادرلار مەن بۇقارانىڭ كەڭىنەن ارالاسۋىن، جاپپاي ىشتەسۋىن، تەرەڭدەي توعىسۋىن جەبەپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتامىز. شينجياڭ الداعى جەردە نەگىزگى تۇلعالىق رولىن شىنايى ساۋلەلەندىرىپ، شينجياڭعا كومەكتەسۋ قىزمەتىن ورىستەتۋگە بار كۇشىن سالا تاماشا ورتا ازىرلەپ، شينجياڭعا باعىتتامالى كومەكتەسۋدىڭ جانە ەكى ولكە، اۆتونوميالى رايون سەلبەستىگىنىڭ تىڭ ونىمدىلىككە ۇزدىكسىز قول جەتكىزۋىن ىلگەرىلەتەدى.
ي ليانحۇڭ جىجياڭ ولكەلىك پارتكوم، ولكەلىك ۇكىمەت اتىنان شينجياڭ ۇيعۇر اۆتونوميالى رايونىنىڭ جانە شينجياڭ ءوندىرىس - قۇرىلىس بيڭتۋانىنىڭ ۇزاق ۋاقىتتان بەرى جىجياڭ قىزمەتىنە پارمەندى قولداۋ كورسەتكەندىگىنە، جىجياڭنىڭ شينجياڭعا باعىتتامالى كومەكتەسۋشى كادر - دارىندىلارىنا كوڭىل بولگەندىگىنە، قامقورلىق جاساعاندىعىنا العىس ايتاتىندىعىن ءبىلدىردى. ول بىلاي دەدى: تاياۋ جىلداردان بەرى شينجياڭ باس شۋجي شي جينپيڭنىڭ شينجياڭ قىزمەتى جونىندەگى جەلىلەس ماڭىزدى ءسوزىنىڭ جانە ماڭىزدى نۇسقاۋىنىڭ، بەكىتۋىنىڭ رۋحىن جاپپاي دايەكتىلەندىرىپ، تياناقتاندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى جەدەل قۇردى، قول جەتكىزگەن تابىستارى ادامدى تاڭ قالدىرادى، جۇرت نازارىن اۋدارادى، كىسىنى سۇيىندىرەدى. جىجياڭ اۆتونوميالى رايون مەن بيڭتۋاننىڭ شينجياڭدى ورنىقتىرىپ، شەكارانى بەكەمدەۋدەگى، كەلەلى جاعدايعا قىزمەت وتەۋدەگى بيىك دەڭگەيىنەن، باسىمدىقتى زورايتۋداعى، ەسىك اشىپ، كۇشەيۋگە تالپىنۋداعى كەڭ كوز اياسىنان، جاڭالىق اشا باسقارۋداعى، ىنتىماقتى بەكەمدەۋدەگى تاماشا شاراسىنان، قاجىرلىلىقپەن شارۋاشىلىق قۇرۋداعى، ايانباي ۇلەس قوسۋداعى كەڭ پەيىلىنەن ۇيرەنۋى، ۇلگى الۋى كەرەك. جىجياڭ مەن شينجياڭنىڭ دوستىق سۇيىسپەنشىلىگى ارىدان باستاۋ العان، باعىتتامالى كومەكتەسۋدى تەرەڭدەتۋ بارىسىندا ۇزدىكسىز جالعاستىرىپ، ۋاقىت وتكەن سايىن جاڭارىپ، سۇبەلى جەتىستىككە قول جەتكىزدى. جىجياڭ باس شۋجي شي جينپيڭ نۇسقاعان جولدى بويلاپ بۇلجىماي ەرلىكپەن العا باسىپ، شينجياڭعا باعىتتامالى كومەكتەسۋدىڭ ساياسي جاۋاپكەرشىلىگىن باتىل ارقالاپ، شينجياڭعا باعىتتامالى كومەكتەسۋ قىزمەتىن ”سەگىز - سەگىز ستراتەگياسىن“ تەرەڭدەتۋدى، ناقتىلاندىرۋدى ىلگەرىلەتۋدىڭ ماڭىزدى ورنىنا قويىپ، اقسۋ ايماعى مەن بيڭتۋان 1 - شىسى ارال قالاسىنا باعىتتامالى كومەكتەسۋ ساياسي سانالىلىعىن اناعۇرلىم كۇشەيتىپ، اۆتونوميالى رايونمەن جانە بيڭتۋانمەن كاسىپ سالاسى جاعىنان شينجياڭعا كومەكتەسۋدىڭ كەشەندى شاراسىن قول ۇستاسا ويداعىداي جۇرگىزىپ، سەلبەسىپ، تەڭ يگىلىككە كەنەلۋدىڭ ۇدەۋىن تۋىنداتىپ، حالىق تۇرمىسى قۇت - ىرىسى ءىرى جۇمىسىن تەرەڭدەتىپ، قوعامدىق باسقارۋدىڭ جاڭا جولىن قاراستىرىپ، شينجياڭدى مادەنيەتپەن نارلەندىرۋ التىن تانىسقىسىن جارقىراتىپ، شينجياڭعا باعىتتامالى كومەكتەسۋدىڭ اناعۇرلىم كوپ بەلگى سيپاتتى جەتىستىكتەرىن تۇلعالاپ، شينجياڭعا باعىتتامالى كومەكتەسۋدىڭ ءىس جۇزىندىك ونىمدىلىگى ارقىلى ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ءۇشىن بىرگە اناعۇرلىم زور ۇلەس قوسادى.
اڭگىمە ماجىلىسىندە قاتىستى جاۋاپتى جولداستار اۆتونوميالى رايون مەن بيڭتۋاننىڭ رەفورما، دامۋ، ورنىقتىلىق جانە باعىتتامالى كومەكتەسۋ قىزمەتى جاعدايىن، جىجياڭ ولكەسىنىڭ ەكونوميكالىق، قوعامدىق دامۋ جانە باعىتتامالى كومەكتەسۋ قىزمەتى جاعدايىن تانىستىردى.
شينجياڭداعى كەزىندە جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى بيڭتۋان 1 - شىسى ارال قالاسى جينيىنچۋان جولى ءمالىسى حۋياڭ الەۋمەتتىك اۋماعىنا، تارىم كاسىپتىك تەحنيكالىق شۋەيۋانىنا بارىپ، اقسۋ كوكيار ەسكەرتكىش سارايىن، اقسۋ ايماقتىق 1 - حالىق شيپاحاناسىن، چيميڭ مەكتەبىن ارالاپ، شينجياڭعا كومەكتەسۋ نىساندارىنىڭ ىلگەرىلەتىلۋ جاعدايىن ىشكەرىلەي تەكسەرىپ، ەمدەۋ جاعىنان شينجياڭعا كومەكتەسۋ، وقۋ - اعارتۋ جاعىنان شينجياڭعا كومەكتەسۋ، ەكولوگيا جاعىنان شينجياڭعا كومەكتەسۋ جانە نەگىزگى ساتى شەپ قۇرىلىسى، ۇلتتار ىنتىماعىن كۇشەيتۋ جونىندەگى قاتىستى قىزمەتتەردى تەكسەرىپ - زەرتتەپ، نەگىزگى ساتى بۇقاراسىنا امانداستى. جىجياڭ ولكەسىنىڭ شينجياڭعا كومەكتەسۋ قولباسشىلىق شتابىنا بارىپ جاعداي ۇعىسىپ، شينجياڭعا كومەكتەسۋشى كادر - دارىندىلارعا امانداستى جانە ولاردان حال سۇرادى.
جىجياڭ ولكەسىنىڭ باسشىلارىنان ليۋ جيە، پىڭ جياشۋە، ليۋ شياۋتاۋ، شۇي ۋىنگۋاڭ، اۆتونوميالى رايون مەن بيڭتۋاننىڭ باسشىلارىنان چىن ۋيجۇن، قادەن كابەن، شۋە بين، لي جىنگو قاتارلىلار قاتىستى قيمىلدارعا قاتىناستى.
