اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىلەر ءماجىلىسىن وتكىزدى
اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 4 - ءماجىلىسىن 7 - ايدىڭ 26 - كۇنىنەن 28 - كۇنىنە دەيىن اشۋدى ۇيعاردى
انار بۇلت \ شينجياڭ گازەتىنىڭ ءتىلشىسى جاڭ لەي 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 19 - كۇنى اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىلەر ءماجىلىسىن وتكىزدى. ءماجىلىس اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 4 - ءماجىلىسىن 7 - ايدىڭ 26 - كۇنىنەن 28 - كۇنىنە دەيىن ۇرىمجىدە اشۋدى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ءماجىلىستى باسقاردى.
ءماجىلىس اۆتونوميالى رايوندىق حالىق قۇرىلتايى تۇراقتى كوميتەتى 4 - ءماجىلىسىنىڭ كەڭەستىك ءتارتىپ جوباسىن قارادى. مەڭگەرۋشىلەر ءماجىلىسى ۇسىنعان كەڭەستىك تاقىرىپتارعا ساي، تۇراقتى كوميتەتتىڭ 4 - ءماجىلىسى «اۆتونوميالى رايوننىڭ جىلجىمالى ادامدارعا قىزمەت وتەۋ، باسقارۋ ەرەجەسىن (جوبانىڭ وزگەرىس ەنگىزىلگەن نۇسقاسى)»، «اۆتونوميالى رايوننىڭ كوللەكتيۆ كەڭەسۋ ەرەجەسىن (جوبانىڭ وزگەرىس ەنگىزىلگەن نۇسقاسى)»، «اۆتونوميالى رايوننىڭ ولشەمدەندىرۋ ەرەجەسىن (جوبانىڭ وزگەرىس ەنگىزىلگەن نۇسقاسى)» قارايدى، اۆتونوميالى رايوندىق حالىق ۇكىمەتى قاراۋعا ۇسىنعان «اۆتونوميالى رايوننىڭ ءوندىرىس حاۋىپسىزدىگى ەرەجەسىن (وزگەرىس ەنگىزىلگەن جوبا)»، اۆتونوميالى رايوندىق حالىق قۇرىلتايى قازىنا - ەكونوميكا كوميتەتى قاراۋعا ۇسىنعان «اۆتونوميالى رايوندىق حالىق قۇرىلتايى تۇراقتى كوميتەتىنىڭ ۇكىمەت قارىز ىستەرىن تەكسەرۋدى، باقىلاۋدى كۇشەيتۋ جونىندەگى قارارىن (جوبا)»، اۆتونوميالى رايوندىق حالىق قۇرىلتايىنىڭ اۋىل شارۋاشىلىعى جانە اۋىل - قىستاق كوميتەتى قاراۋعا ۇسىنعان «اۆتونوميالى رايوننىڭ <جۇڭحۋا حالىق رەسپۋبليكاسىنىڭ سۋ زاڭىن> اتقارۋ ءادىسىن (وزگەرىس ەنگىزىلگەن جوبا)» قارايدى؛ سانجى حۇيزۋ اۆتونوميالى وبلىستىق حالىق قۇرىلتايى تۇراقتى كوميتەتى بەكىتۋگە ۇسىنعان «سانجى وبلىسىنىڭ جەر استى سۋىن قورعاۋ، باسقارۋ ەرەجەسىن»، بايىنعولين موڭعۇل اۆتونوميالى وبلىستىق حالىق قۇرىلتايى تۇراقتى كوميتەتى بەكىتۋگە ۇسىنعان «بايىنعولين وبلىستىق حالىق قۇرىلتايى تۇراقتى كوميتەتىنىڭ <بايىنعولين وبلىسىنىڭ شىلان كاسىپ سالاسىن جەبەۋ ەرەجەسىنە> <بايىنعولين وبلىسىنىڭ كورلا المۇرت كاسىپ سالاسىنىڭ جوعارى ساپالى دامۋىن جەبەۋ ەرەجەسىنە> وزگەرىس ەنگىزۋ جونىندەگى قارارىن»، قىزىلسۋ قىرعىز اۆتونوميالى وبلىستىق حالىق قۇرىلتايى تۇراقتى كوميتەتى بەكىتۋگە ۇسىنعان «قىزىلسۋ وبلىستىق حالىق قۇرىلتايى تۇراقتى كوميتەتىنىڭ كەن كاسىبى ۇقىعىن باقىلاۋ - باسقارۋدى كۇشەيتۋ جونىندەگى قارارىن»، باركول قازاق اۆتونوميالى اۋداندىق حالىق قۇرىلتايى تۇراقتى كوميتەتىنىڭ بەكىتۋگە ۇسىنعان «باركول قازاق اۆتونوميالى اۋدانىنىڭ زاڭ ەرەجە شىعارۋ ەرەجەسىن» تەكسەرەدى؛ اۆتونوميالى رايوندىق حالىق ۇكىمەتىنىڭ 2023 - جىلدىڭ الدىڭعى جارتىسىنداعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جونىندەگى بايانداماسىن، 2023 - جىلدىڭ الدىڭعى جارتىسىنداعى اۆتونوميالى رايوننىڭ مەجە ەسەبىنىڭ اتقارىلۋ جاعدايى جونىندەگى بايانداماسىن، 2022 - جىلعى اۆتونوميالى رايون دارەجەلى سوڭعى ەسەپ بايانداماسىن تىڭدايدى جانە قارايدى، 2022 - جىلعى اۆتونوميالى رايون دارەجەلى سوڭعى ەسەپ (جوبا)، 2022 - جىلعى اۆتونوميالى رايون دارەجەلى مەجە ەسەپتىڭ اتقارىلۋى جانە باسقا دا قازىنالىق كىرىس - شىعىستاردى قازىنالىق باقىلاۋ قىزمەتى بايانداماسىن، 2023 - جىلعى اۆتونوميالى رايون دارەجەلى مەجە ەسەپتى رەتتەۋ جوباسى (جوبا) جونىندەگى باياندامانى تەكسەرىپ بەكىتەدى، 2023 - جىلعى اۆتونوميالى رايون دارەجەلى مەجە ەسەپتى رەتتەۋ جوباسىن (جوبا) تەكسەرىپ بەكىتەدى؛ اۆتونوميالى رايوندىق حالىق قۇرىلتايىنىڭ باقىلاۋ - تەكسەرۋ جانە ءادىليا كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسى ءتوراعالار القاسىنىڭ قاراۋعا تاپسىرعان ۋاكىلدەردىڭ العا قويعان كەڭەستىك جوبالارىن قاراۋ ناتيجەسى جونىندەگى بايانداماسى سياقتىلاردى تىڭدايدى جانە قارايدى؛ كادرلاردى مىندەتكە تاعايىنداۋ، مىندەتىنەن قالدىرۋ ىستەرىن قارايدى.
ءماجىلىس باسقا دا كەڭەستىك تاقىرىپتاردى قارادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي نيڭپيڭ، توحتى ياقۇپ، مۇقيات جارمۇقامەت، ءدىلشات قىدىرقان، پيڭ شينلاي، ۋاڭ گوحى، ءمامتىمىن قادىر، باس حاتشى ءمۇتالىپ روزى ماجىلىسكە قاتىناستى.
