اۆتونوميالى رايوندىق ساياسي كەڭەس ارناۋلى تاقىرىپتىق كەڭەس ءماجىلىسىن اشتى
نەگىزگى ساتى قوعامدىق باسقارۋ قىزمەتىنىڭ تىڭ ساتىعا كوتەرىلۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يۇنمەي 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 18 - كۇنى اۆتونوميالى رايوندىق ساياسي كەڭەس ارناۋلى تاقىرىپتىق كەڭەس ءماجىلىسىن اشىپ، ”نەگىزگى ساتى قوعامدىق باسقارۋىندا جاڭالىق اشۋدى كۇشەيتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ جۇيەسىن ۇزدىكسىز كەمەلدەندىرۋدى“ ارقاۋ ەتە وتىرىپ كەڭەسىپ، ۇكىمەت ىستەرىن اقىلداستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
ماجىلىستە اۆتونوميالى رايوندىق ساياسي كەڭەستىڭ مۇشەلەرىنەن، قاتىستى تاراۋلاردىڭ جاۋاپتىلارىنان، مامانداردان 11 ادام نەگىزگى تاقىرىپتى ارقاۋ ەتە وتىرىپ، اقىل - كەڭەس بەردى. كوپشىلىك بىلاي دەپ قارادى: نەگىزگى ساتىنى باسقارۋ − مەملەكەتتى باسقارۋدىڭ ىرگە تاسى، پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا جانە قالىڭ حالىق بۇقاراسىنىڭ ءتول مۇددەسىنە سايادى. كوپشىلىك مىناداي ۇسىنىس بەردى: نەگىزگى ساتى قوعامدىق باسقارۋىندا جاڭالىق اشۋدى كۇشەيتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ جۇيەسىن ۇزدىكسىز كەمەلدەندىرۋ؛ نەگىزگى ساتىنىڭ زاڭمەن باسقارۋ دەڭگەيىن جوعارىلاتىپ، شينجياڭدى زاڭمەن باسقارۋدىڭ نەگىزگى ساتى نەگىزىن بەكەمدەۋ؛ نەگىزگى ساتىنى مادەنيەت ونىمدەرىمەن قامداۋدى ارتتىرىپ، وزىق مادەنيەت ارقىلى نەگىزگى ساتىنى باسقارۋدا مورالمەن باسقارۋ كۇشىن بەكەمدەۋ؛ نەگىزگى ساتىنىڭ دەموكراتيالىق كەڭەسۋ ءتۇزىمىن كەمەلدەندىرىپ، تۇتاس بارىستاعى حالىق دەموكراتياسىنىڭ نەگىزگى ساتىعا كەڭەيۋىن ىلگەرىلەتۋ؛ زەردەلى الەۋمەتتىك اۋماق قۇرىلىسىن كۇشەيتىپ، الەۋمەتتىك اۋماقتىڭ باسقارۋ قابىلەتىن وسىزامانداندىرۋدى ىلگەرىلەتۋ كەرەك.
نۇرلان ءابىلماجىن مىنالاردى اتاپ كورسەتتى: شينجياڭدا نەگىزگى ساتىنى باسقارۋدى كۇشەيتىپ، قوعامدىق باسقارۋ جۇيەسىن كەمەلدەندىرۋدە پارتيانىڭ جاپپاي باسشىلىعىنا باستان - اياق تاباندى بولىپ، نەگىزگى ساتىنىڭ ءىس جۇزىندىگىمەن ۇشتاستىرىپ، قوعامدىق باسقارۋ ۇستانىمىن، قىزمەت ورنالاستىرۋىن، ءتۇزىلىس - مەحانيزمىن، ءادىس - ءتاسىلىن وسىزامانداندىرۋدى ىشكەرىلەي ىلگەرىلەتىپ، ساياسي جەتەكشىلىكتى، زاڭمەن باسقارۋ قامتاماسىزدىعىن، ءمورال ارقىلى باسقارىپ تاربيەلەپ وزگەرتۋدى، ءوزىن - ءوزى باسقارىپ نەگىزدى بەكەمدەۋدى، اقىل - پاراسات ارقىلى باسقارۋدى تىرەك ەتۋدى كۇشەيتىپ، قوعامدىق باسقارۋ قابىلەتىن ۇزدىكسىز جوعارىلاتۋ، ءار ۇلت بۇقاراسىنىڭ تابىس سەزىمىن اناعۇرلىم كۇشەيتۋ، باقىت سەزىمىن اناعۇرلىم باياندى ەتۋ، حاۋىپسىزدىك سەزىمىن اناعۇرلىم قامتاماسىز ەتۋ كەرەك.
نۇرلان ءابىلماجىن بىلاي دەپ باسا دارىپتەدى: بۇكىل رايونداعى ءار دارەجەلى ساياسي كەڭەس، ساياسي كەڭەسكە قاتىناسۋشى ورىندار جانە ءار ۇلت، ءار سالا مۇشەلەرى باس شۋجي شي جينپيڭنىڭ نەگىزگى ساتىنى باسقارۋ جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، ءتۇسىنىپ،”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ،”ەكىنى قورعاۋدى“ باتىل ورىنداپ، پارتيا ورتالىق كوميتەتىنىڭ نەگىزگى ساتىنى باسقارۋدى كۇشەيتۋ جونىندەگى شەشىمدەرى مەن ورنالاستىرۋلارىن قوعامداعى ءار سالانىڭ ورتاق تانىمىنا شىن مانىندە اينالدىرۋى؛ ارناۋلى كەڭەس قۇرىلىمىنىڭ ەرەكشەلىگىن كورنەكتىلەندىرىپ، ءار ۇلت، ءار سالا مۇشەلەرىن جانە مامان - وقىمىستلاردى ىشكەرىلەي تەكسەرۋ - زەرتتەۋ جۇرگىزۋگە ۇيىمداستىرىپ، ورتاق تانىمدى كەڭ كولەمدە ۇيىستىرىپ، اناعۇرلىم كوپ قۇندى، مەڭگەرۋگە بولاتىن، تياناقتاندىرۋعا بولاتىن ۇسىنىس - پىكىرلەردى العا قويۋى؛ ساياسي كەڭەستىڭ كەڭەسۋى مەن نەگىزگى ساتىنى باسقارۋدىڭ ءوزارا توعىسۋىن، ءوزارا قۋات بەرۋىن تىڭعىلىقتى ىلگەرىلەتىپ، ءار ۇلت بۇقاراسىن قوعامدىق باسقارۋدىڭ امالياتتا ايگىلەۋشىسى، ات سالۋشىسى، ىلگەرىلەتۋشىسى بولۋعا جەتەكتەپ، ساياسي كەڭەستىڭ ءتۇزىم ابزالدىلىعىن شينجياڭنىڭ قوعامدىق باسقارۋ ونىمدىلىگىنە اينالدىرۋدى ىلگەرىلەتۋى كەرەك.
ليۋ سۋشى ماجىلىسكە قاتىناستى ءارى ءسوز سويلەدى. جاروللا يسامدين، كۇڭ شيڭلۇڭ، دوۋ ۋانگۇي، ياڭ يۇڭ، نۇرىم سىمايىلقان، ليۋ حۇيجۇن، پۋ شۋەمەي، اسەنجان احمەت ت.ب ماجىلىسكە قاتىناستى. اۆتونوميالى رايوندىق حالىق ىستەرى مەڭگەرمەسىنىڭ قاتىستى جاۋاپتىسى رايونىمىزدىڭ نەگىزگى ساتى قوعامدىق باسقارۋىنا قاتىستى جاعدايلاردى تانىستىردى. اۆتونوميالى رايوندىق ءادىليا مەڭگەرمەسىنىڭ، اۋىل شارۋاشىلىعىن، اۋىل - قىستاقتى ماشينالاندىرۋدى دامىتۋ ورتالىعىنىڭ، مادەنيەت جانە ساياحات مەڭگەرمەسىنىڭ قاتىستى جاۋاپتىلارى ماجىلىسكە قاتىناسقاندار اڭىس ەتكەن ماسەلەلەر مەن ۇسىنىستارعا جاۋاپ قايتاردى.
