ءوز حابارىمىز. 7 - ايدىڭ 7 - كۇنىنەن 12 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى لي يفي ۇسىنىس بويىنشا جۇڭگو شينجياڭ دوستىق سەلبەستىك، اۋىس - كۇيىس جاساۋ ۇيىرمەسىن باستاپ، يران، كاتار 2 ەلدە ساپاردا بولدى.
ساپار كەزىندە اۋىس - كۇيىس جاساۋ ۇيىرمەسى ەكى ەلدىڭ قاتىستى تاراۋلارىمەن جانە جاۋاپتىلارىمەن جەكە - جەكە كەزدەسۋ، اڭگىمەلەسۋ، ەكونوميكا - ساۋدا تانىستىرۋى، قىزمەت تەكسەرۋ، تەكسەرۋ - زەرتتەۋ جۇرگىزۋ، گۋمانيتارلىق اۋىس - كۇيىس سياقتى جەلىلەس قيمىلدار ورىستەتتى. يرانداعى ساپارى كەزىندە، يراننىڭ ورىنباسار زۇڭتۇڭى فيرۋس ابادي اۋىس - كۇيىس جاساۋ ۇيىرمەسىندەگىلەرمەن كەزدەستى، لي يفي تاعى يران سىرتقى ىستەر مينيسترلىگىنىڭ ورىنباسار مينيسترى، قازىنا - ەكونوميكا مينيسترلىگىنىڭ ورىنباسار مينيسترى، يران زۇڭتۇڭ كەڭسەسى العا ىلگەرىلەۋ جانە دامۋ ورتالىعىنىڭ مەڭگەرۋشىسى، مادەنيەت - ساياحات مينيسترلىگىنىڭ ورىنباسار مينيسترى، ونەركاسىپ - كەن كاسىبى، ساۋدا مينيسترلىگىنىڭ ورىنباسار مينيسترى سياقتى جوعارى دارەجەلى مانساپتىلارمەن جانە يەلبرۋس ولكەسىنىڭ باستىعى، حوراسان رازاۆي ولكەسىنىڭ ورىنباسار باستىعى سياقتى جەرگىلىكتى ورىننىڭ جاۋاپتىلارىمەن جەكە - جەكە كەزدەستى، كەڭەستى، جۇڭگو (شينجياڭ) − يران كاسىپورىندارىنىڭ اۋىس - كۇيىس جاساۋ ماجىلىسىنە قاتىناستى، يراننىڭ عىلىم - تەحنيكادا جاڭالىق اشۋ وتاۋى سياقتى عىلىم - تەحنيكا، مادەنيەت قۇرىلىمدارىندا قىزمەت تەكسەردى، اڭگىمەلەستى. كاتارداعى ساپارى كەزىندە، لي يفي كاتار سىرتقى ىستەر مينيسترلىگىنىڭ باس حاتشىسىمەن كەزدەستى، جۇڭگو (شينجياڭ) − كاتار ەكونوميكا - ساۋدا، مادەنيەت - ساياحات اۋىس - كۇيىس ماجىلىسىنە قاتىناستى، كاتار حالىقارالىق مادەنيەت قىستاعى سياقتى قۇرىلىمداردى ىشكەرىلەي ارالاپ قىزمەت تەكسەردى.
ساپار كەزىندە، لي يفي جۇڭگو كوممۋنيستىك پارتياسىنىڭ 20 - قۇرىلتايىندا تۇراقتاندىرىلعان جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ وزەكتى مىندەتىن، شينجياڭنىڭ جوعارى ساپالى دامۋدى ىلگەرىلەتۋ ءۇردىسى بارىسىندا قول جەتكىزگەن ەكونوميكالىق، قوعامدىق دامۋ تابىستارىن تانىستىرىپ، شينجياڭنىڭ حالىق تۇرمىسى جاقسارعان، مادەنيەتى گۇلدەنگەن، ۇلتتارى ىنتىماقتى، ءدىنى جاراسىمدى بولعان تاماشا جاعدايىن ايگىلەدى. لي يفي مىنالاردى ءبىلدىردى: شينجياڭ ءتوراعا شي جينپيڭنىڭ تۇڭعىش كەزەكتى جۇڭگو − اراب ەلدەرى باسشىلار ءماجىلىسىنىڭ، جۇڭگو − شىعاناقتاعى اراب ەلدەرى سەلبەستىك كوميتەتى باسشىلار ءماجىلىسىنىڭ جانە شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسى 23 - رەتكى ءماجىلىسىنىڭ جەتىستىكتەرىن مۇقيات تياناقتاندىرىپ، ورتا شىعىس شىعاناق وڭىرىندەگى ەلدەرمەن دوستىق اۋىس - كۇيىس جانە ناقتى ىستەر سەلبەستىگى دەڭگەيىن بەلسەنە كوتەرىپ جانە اياسىن كەڭەيتىپ، قالىڭ ءىسلام ەلدەرىنىڭ شينجياڭنىڭ شىنايى جاعدايى جونىندەگى تۇسىنىگىن ارتتىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا كۇش ۇستەپ، سىرتقا ەسىك اشۋ سەلبەستىگىنىڭ تىڭ ساتىعا كوتەرىلۋىن ىلگەرىلەتىپ،”ءبىر بەلدەۋ، ءبىر جولدى“ جوعارى ساپالى بىرگە قۇرۋدى جەبەۋگە شينجياڭ كۇشىن قوستى.
لي يفي بىلاي دەپ باسا دارىپتەدى: وسى جولعى ساپار شينجياڭنىڭ ءتوراعا شي جينپيڭنىڭ يران، كاتار ەكى ەلدىڭ مەملەكەت باسشىلارىمەن ماڭىزدى ورتاق تانىمدارىن تياناقتاندىرۋدىڭ ناقتى ارەكەتى. ءتوراعا شي جينپيڭنىڭ جانە يران، كاتار ەكى ەل مەملەكەت باسشىلارىنىڭ ستراتەگيالىق جەتەكشىلىگىندە جۇڭگو مەن يراننىڭ، جۇڭگو مەن كاتاردىڭ ساياسي سەنىمدىلىگى ۇزدىكسىز تەرەڭدەپ، ءار سالاداعى سەلبەستىگى تىڭعىلىقتى ىلگەرىلەتىلدى. بيىل ءتوراعا شي جينپيڭنىڭ”ءبىر بەلدەۋ، ءبىر جول“ باستاماسىن ورتاعا قويعاندىعىنىڭ 10 جىلدىعىنا تۋرا كەلىپ وتىر، شينجياڭ وسىنى وراي ەتىپ، ەكى ەلمەن سەلبەستىك ورناتۋ كومەسكى كۇشىن تولىق اشىپ، وزىندىك باسىمدىقتارىن ساۋلەلەندىرىپ، ەكى جاقتىڭ”ءبىر بەلدەۋ، ءبىر جول“ جۇلگەسىندە جەرگىلىكتى اۋىس - كۇيىس، ەكونوميكا - ساۋداعا قارجى قوسۋ، گۋمانيتارلىق اۋىس - كۇيىس سياقتى سالالارداعى سەلبەستىگىن بەلسەنە ىلگەرىلەتىپ، حالىقتىڭ قۇت - ىرىسىن ارتتىرىپ، تاماشا بولاشاقتى بىرگە جاراتادى.
يران جاق مىنالاردى ءبىلدىردى: يران يران مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنا وسكەلەڭ ءمان بەرەدى، جۇڭگو جاقپەن ءار دارەجەلى اۋىس - كۇيىستى، سەلبەستىكتى كۇشەيتىپ، يران مەن جۇڭگونىڭ جالپى بەتتىك سەلبەستىك جوسپارىن بىرگە ويداعىداي تياناقتاندىرۋدى قالايدى. يراننىڭ جەرگىلىكتى ولكە - قالالارىنىڭ شينجياڭمەن سەلبەستىگىنىڭ ءوزارا تولىقتاۋ سيپاتى كۇشتى، بولاشاعى جارقىن، ەكونوميكا - ساۋدا، ەنەرگيا، اۋىل شارۋاشىلىعى سياقتى سالالاردا ناقتى ىستەر سەلبەستىگىن كۇشەيتىپ، اناعۇرلىم جوعارى دەڭگەيدەگى ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋدى قالايدى.
كاتار جاق مىنالاردى ءبىلدىردى: كاتار جۇڭگوعا قاراتىلعان قارىم - قاتىناسىنا وسكەلەڭ ءمان بەرەدى ءارى ونى ۇزدىكسىز تەرەڭدەتۋگە كۇش سالادى. كاتار جاق جۇڭگو جاقپەن بارىس - كەلىستى جيىلەتىپ، شينجياڭمەن ەكونوميكا - ساۋداعا قارجى قوسۋ، گۋمانيتارلىق ىستەر، ساياحات سياقتى سالالاردا سەلبەسۋ دەڭگەيىن اناعۇرلىم جوعارىلاتىپ، كاتار مەن جۇڭگونىڭ”ءبىر بەلدەۋ، ءبىر جولدى“ بىرگە قۇرۋ سەلبەستىگىندە اناعۇرلىم سۇبەلى جەتىستىككە قول جەتكىزۋدى ىلگەرىلەتۋدى قالايدى.
جۇڭگونىڭ يراندا تۇراتىن باس ەلشىسى چاڭ حۋا، كاتاردا تۇراتىن ەلشىلىگىنىڭ ۋاقىتتىق وكىلەتتى جۇمىس ءبىتىرۋشىسى چىن يۋە جانە اۆتونوميالى رايونداعى قاتىستى ورىندارىنداردىڭ جاۋاپتىلارى، ۇيىرمە قۇرامىنداعى كاسىپورىن ۋاكىلدەرى قاتىستى قيمىلدارعا قاتىناستى.
