جاڭا داۋىردەگى ەكولوگيالىق وركەنيەت قۇرىلىسىنىڭ جاڭا تاراۋىن قۇلشىنا جازامىز
− باس شۋجي شي جينپيڭنىڭ مەملەكەتتىك ەكولوگيالىق ورتانى قورعاۋ جينالىسىنداعى ماڭىزدى ءسوزى رايونىمىزدا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
مەملەكەتتىك ەكولوگيالىق ورتانى قورعاۋ جينالىسى 7 - ايدىڭ 17 - كۇنىنەن 18 - كۇنىنە دەيىن بەيجيڭدە اشىلدى. باس شۋجي شي جينپيڭنىڭ جينالىستا سويلەگەن ماڭىزدى ءسوزى رايونىمىزدا قىزۋ اڭىس قوزعادى. كوپشىلىك مىنالاردى ءبىلدىردى: پارتيا 20 - قۇرىلتايىنىڭ رۋحى مەن باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭنىڭ ەكولوگيالىق وركەنيەت يدەياسىن جەتەكشى ەتىپ، حالىقتى وزەك ەتۋگە تاباندى بولىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە ونى امالياتتا ايگىلەپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى جەدەل ىلگەرىلەتىپ، جاڭا جورىقتاعى ەكولوگيالىق ورتانى قورعاۋ قىزمەتىن اناعۇرلىم جوعارى دەڭگەيمەن، اناعۇرلىم كەڭ كوز ايامەن، اناعۇرلىم زور تەبىنمەن جوسپارلاپ جانە ىلگەرىلەتىپ، جاڭا داۋىردەگى ەكولوگيالىق وركەنيەت قۇرىلىسىنىڭ جاڭا تاراۋىن قۇلشىنا جازامىز.
”قايسارلىقپەن قۇلشىنۋ ارقىلى ەلىمىزدىڭ اسپانى اناعۇرلىم اشىق، جەرى اناعۇرلىم جاسىل، سۋى اناعۇرلىم تۇنىق بولا ءتۇستى، ۇلان - بايتاق وزەن - تاۋلارى ءتىپتى دە تۇلەجىپ قۇلپىردى“. باس شۋجي شي جينپيڭنىڭ ماڭىزدى ءسوزى اۆتونوميالى رايوندىق ەكولوگيالىق ورتا مەڭگەرمەسى پارتيا باسشىلىق گرۋپپاسىنىڭ شۋجيى داي ۋجۇندى ەرەكشە جەلپىنتتى. ول بىلاي دەدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا كورىكتى شينجياڭ قۇرىلىسى نىق قادام تاستادى. ءبىز كورىكتى شينجياڭ قۇرىلىسىنىڭ ساياسي جاۋاپكەرشىلىگىن باتىل ارقالاپ، ءماجىلىس رۋحىن دايەكتىلەندىرۋدى، تياناقتاندىرۋدى نەگىزگى تاقىرىپتىق تاربيەنى ىشكەرىلەي ورىستەتۋمەن ۇشتاستىرىپ، لاستانۋدان ساقتانۋ جانە ونى وڭاۋدان قامال الۋ شايقاسىن تاباندىلىقپەن ويداعىداي جۇرگىزىپ، رايونىمىزدىڭ ەكولوگيالىق ورتا ساپاسىنىڭ ۇزدىكسىز جاقسارۋىن ىلگەرىلەتىپ، اسپانى اشىق، جەرى جاسىل، سۋى تۇنىق بايتاق كورىكتى شينجياڭ قۇرۋعا كۇش - قۋات ارنايمىز.
”باس شۋجي شي جينپيڭنىڭ ماڭىزدى ءسوزى ەكولوگيالىق ورتانى قورعاۋدى اناعۇرلىم كۇشەيتۋ، ەكولوگيالىق وركەنيەت قۇرىلىسىن ىلگەرىلەتۋ ءۇشىن بەتالىس كورسەتكىشىن، ءتۇبىرلى بويسۇنۋ ولشەمىن ازىرلەدى“. اۆتونوميالى رايوندىق جاراتىلىستىق بايلىق مەڭگەرمەسى پارتيا باسشىلىق گرۋپپاسىنىڭ شۋجيى سۇن جيجوۋ مىنالاردى ءبىلدىردى: باس شۋجي نۇسقاعان دۇرىس بەتالىس بويىنشا ارتىقشىلىقتار ارقىلى ءبىرىن - ءبىرى تولىقتايتىن، جوعارى ساپالى داميتىن وڭىرلىك شارۋاشىلىقتىڭ ورنالاسىمى جانە مەملەكەت جەرى كەڭىستىگى جۇيەسىن جەدەل ورناتىپ، مەملەكەت جەرى كەڭىستىگىن جوبالاۋدى باقىلاۋ - باسقارۋ مەن پايدالانىلىمىن باسقارۋدى ۇزدىكسىز كۇشەيتەمىز؛ ەكولوگيانى قورعاۋ قىزىل سىزىعىن باتىل، بەرىك، ويداعىداي ساقتاپ، تيانشان الابىنىڭ ماڭىزدى وزەن الاپتارىن، ماڭىزدى ەكولوگيالىق جۇيەلەردى ءتۇيىن ەتىپ، تاۋ، سۋ، ورمان، ەگىنجاي، كول، جايلىم، قۇمدى ءشولدى ءبىر تۇلعالاندىرىپ قورعاۋ مەن جۇيەلى وڭاۋدى ىلگەرىلەتەمىز؛ قاتىستى مەحانيزمدەر مەن ساياسات - شارالاردى اقاۋسىزداندىرىپ، وندىرىستىك كەندەر، ساياسات سيپاتتى جابىلعان كەندەر، جابىلعان كەندەر جانە تاريحتان قالعان تاستاندى زاۆود - كەندەر سياقتىلاردىڭ جەرىن قايتا تىڭايتۋدى، سونداي - اق ەكولوگياسىن قالپىنا كەلتىرۋدى، وڭاۋدى كۇشەيتىپ، بايتاق كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاسايمىز.
اۆتونوميالى رايوندىق دامۋ جانە رەفورما كوميتەتى بايلىق ۇنەمدەۋ جانە قورشاعان ورتانى قورعاۋ باسقارماسىنىڭ ورىنباسار باستىعى ۋ تيەچىڭ بىلاي دەدى: ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، ”كومىر قىشقىل گازىنىڭ شىعارىلۋ كۇشەمەلىلىگىن تومەندەتۋ، لاستانۋدى ازايتۋ، جاسىل جامىلعىنى كەڭەيتۋ، ارتۋ نەگىزگى جەلىسىمەن“ تىعىز بايلانىستىرىپ، ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ ون ءىرى ارەكەتىن“ جانە ەنەرگيا ۇنەمدەپ، جاراقسىز زاتتاردى شىعارۋدى ازايتۋ ون ءىرى ينجەنەرياسىن ىلگەرىلەتىپ، كومىر قىشقىل گازىنىڭ شىعارىلۋىن حاۋىپسىز ازايتۋعا تاباندى بولىپ، كاسىپ سالاسى مەن ەنەرگيانىڭ تيبىن جاڭالاپ، دارەجەسىن جوعارىلاتۋىن جەدەلدەتىپ، ءتۇيىندى سالالاردا كومىر قىشقىل گازىنىڭ شىعارىلۋىن تومەندەتۋدى ىلگەرىلەتەمىز؛ لاستانۋدى قاينار كوزىنەن ازايتۋعا ءمان بەرىپ، لاستانۋدى عىلمي، دالمە - ءدال ازايتىپ، سايكەسە ونىمدىلىكتى ارتتىرىپ وڭاۋدى ىلگەرىلەتىپ، ەنەرگيا بايلىعىنان جوعارى ءونىمدى پايدالانۋ دەڭگەيىن جوعارىلاتامىز؛ جاسىل جامىلعىنى عىلمي كەڭەيتۋگە تاباندى بولىپ، ەكولوگيالىق ورتانى قورعاۋ مەن قالپىنا كەلتىرۋدى كۇش سالا ىلگەرىلەتەمىز؛ ارتۋ قوزعاۋشى كۇشىن كۇش سالا قاۋلاتىپ، عىلىم - تەحنيكادا جاڭالىق اشۋدى جانە سىرتپەن سەلبەستىك جاساسۋدى ىلگەرىلەتىپ، رايونىمىزدىڭ ەكولوگيانى الدىمەن ويلاستىراتىن، ۇنەمدى، شوعىرلى، جاسىل، تومەن كومىر قىشقىل گازدى جوعارى ساپالى دامۋىن ۇزدىكسىز ىلگەرىلەتەمىز.
باس شۋجي شي جينپيڭنىڭ ماڭىزدى ءسوزىن ۇيرەنگەننەن كەيىن، سانجى حۇيزۋ اۆتونوميالى وبلىستىق ەكولوگيالىق ورتا مەكەمەسىنىڭ باستىعى ما حۇڭميڭ مىنالاردى ءبىلدىردى: سانجى وبلىسىنىڭ ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋىنان ساقتانۋدان جانە ونى وڭاۋدان قامال الۋ شايقاسىن ىشكەرىلەي ويداعىداي جۇرگىزىپ، لاستانۋدى دالمە - ءدال وڭاۋعا، لاستانۋدى عىلمي وڭاۋعا، لاستانۋدى زاڭ بويىنشا وڭاۋعا تاباندى بولىپ، كاسىپ سالاسى قۇرىلىمىن ساپالىلاندىرۋ، ەنەرگيانىڭ تومەن كومىر قىشقىل گازدى بولۋعا ويىسۋى، ونەركاسىپتىڭ دەڭگەيىن جوعارىلاتۋ، وڭاۋ، قاتىناس - تاسىمال قۇرىلىمىن ساپالىلاندىرۋ، بەتتىك لاستانۋدى رەتتەۋ - وڭاۋ، اۋىر لاستانعان اۋا رايىنا بەلسەنە توتەپ بەرۋ سىندى ”التى ءىرى ارەكەتتى“ ىشكەرىلەي اتقارىپ، قورشاعان ورتانى وڭاۋدىڭ بىرىككەن كۇشىن قالىپتاستىرىپ، ءوڭىر اتموسفەراسى قورشاعان ورتا ساپاسىن ۇزدىكسىز جاقسارتۋ ارقىلى ءار ۇلت بۇقاراسىنىڭ ەكولوگيالىق ورتا تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز.
ونسۋ اۋداندىق پارتكومنىڭ ورىنباسار شۋجيى، اۋدان اكىمى يليار سەيىتنياز بىلاي دەدى: ونسۋ اۋدانى ەكولوگيالىق وركەنيەت قۇرىلىسىن ۇزدىكسىز ىلگەرىلەتىپ، ”ءوز كۇشىنە سۇيەنىپ ءومىر سۇرەتىن، ىنتىماقتاسا كۇرەس جۇرگىزەتىن، قاجىرلىلىقپەن شارۋاشىلىق قۇراتىن، قالتقىسىز ۇلەس قوساتىن“ كوكيار رۋحىن جالعاستىرىپ جانە ساۋلەلەندىرىپ، جوعارى ساپالى دامۋ مەن جوعارى دەڭگەيلى قورعاۋدىڭ قاتىناسىن، ءتۇيىندى قامال الۋ مەن سايكەسە وڭاۋدىڭ قاتىناسىن، تابيعي قالپىنا كەلتىرۋ مەن جاساندى قالپىنا كەلتىرۋدىڭ قاتىناسىن، سىرتقى تەجەم مەن ىشكى قوزعاۋشى كۇشتىڭ قاتىناسىن، ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ ۋادەسى مەن دەربەس ارەكەتتىڭ قاتىناسىن دۇرىس ويداعىداي ءبىر جاقتى ەتىپ، ونسۋ اۋدانىن ەكولوگياسى تاماشا كورىكتى قالا ەتىپ قۇرۋعا قۇلشىنامىز.
”ءبىز تۇنىق سۋ، جاسىل تاۋ − باعالى بايلىق ۇستانىمىن بەرىك ورناتامىز جانە ونى امالياتتا ايگىلەيمىز“. التاي ايماقتىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى جۇڭ كايجى بىلاي دەدى: ءبىز التاي ايماعىنىڭ ”ءۇشتى تازالاۋ، ءۇشتى تۇزەتۋ، ەكىنى جوعارىلاتۋدى“ ءتۇيىن ەتكەن قىستاقتى تازارتۋ ارەكەتىن ناقتى يگەرىپ، اۋىل - قىستاقتىڭ قونىس ورتاسىن رەتتەۋ - وڭاۋدى بار كۇشپەن ورىستەتىپ، اۋىل - قىستاقتىڭ كەرەكسىز، ەسكى سۋلياۋ جارعاق قالدىقتارىن تازالاۋعا، مولشەرىنىڭ ارتۋىن تيۋعا ۇزدىكسىز كۇش سالىپ، جاراسىمدى، كورىكتى اۋىل - قىستاق قۇرۋعا، ماڭگى باياندى دامۋدى جۇزەگە اسىرۋعا شۇرايلى دالا قالدىرامىز.
بايىنعولين موڭعۇل اۆتونوميالى وبلىستىق ەكولوگيالىق ورتا مەكەمەسى چارقىلىق اۋداندىق بولىمشە مەكەمەسى بولىمشە پارتيا باسشىلىق گرۋپپاسىنىڭ شۋجيى ليۋ بولين مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن تولىق، دالمە - ءدال، جاپپاي دايەكتىلەندىرىپ، پارتيانىڭ باسشىلىعىنا تيتتەي دە مىزعىماستان تاباندى بولىپ، كورىكتى شينجياڭ قۇرۋ ساياسي جاۋاپكەرشىلىگىن باتىل ارقالاپ، حالىقتى وزەك ەتۋگە تاباندى بولىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى جەدەل ىلگەرىلەتىپ، جاپپاي قامتيتىن، ۇقىق پەن جاۋاپكەرشىلىك بىرلىككە كەلگەن، سيلاۋ مەن جازالاۋ انىق بولعان، ءار بۋىن ساباقتاسقان جاۋاپكەرشىلىك جۇيەسىن ورناتىپ، ەكولوگيالىق ورتانى جوعارى دەڭگەيلى قورعاۋ مەن ەكونوميكانىڭ جوعارى ساپالى دامۋىن ءبىر تۇتاس جوسپارلاپ ىلگەرىلەتەمىز.
(ءتىلشى جاڭ يۇنمەي، قاتىناسقان تىلشىلەر لي شيڭ، ۋاڭ يايۇن، شى شين، گى يوۋجۇن، جاڭ جىلي، جاڭ تيڭ، دۋ جيانحۇي، ەرىكتى ءتىلشى حۋ جۇنشيۋ)
