جاڭا داۋىردەگى ەكولوگيالىق وركەنيەت قۇرىلىسىنىڭ جاڭا تاراۋىن جازايىق
− باس شۋجي شي جينپيڭنىڭ مەملەكەتتىك ەكولوگيالىق ورتانى قورعاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ تۋرالى
□ حالىق گازەتىنىڭ شولۋشىسى
”ءسوز جوق، جاڭا جورىقتاعى ەكولوگيالىق ورتانى قورعاۋ قىزمەتىن اناعۇرلىم جوعارى دەڭگەيمەن، اناعۇرلىم كەڭ كوز ايامەن، اناعۇرلىم زور تەبىنمەن جوسپارلاپ جانە ىلگەرىلەتىپ، جاڭا داۋىردەگى ەكولوگيالىق وركەنيەت قۇرىلىسىنىڭ جاڭا تاراۋىن جازۋ كەرەك“. مەملەكەتتىك ەكولوگيالىق ورتانى قورعاۋ جينالىسىندا باس شۋجي شي جينپيڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ايبىندى نىساناسىن جۇزەگە اسىرۋ ستراتەگيالىق تۇرعىسىنان ەلىمىزدىڭ ەكولوگيالىق وركەنيەت قۇرىلىسىندا قول جەتكىزگەن كۇللى الەمنىڭ نازارىن اۋدارعان وراسان زور تابىسىن جاپپاي قورىتىندىلادى، كەزەكتەگى ەكولوگيالىق وركەنيەت قۇرىلىسى ءدوپ كەلگەن جاعدايعا ىشكەرىلەي تالداۋ جاسادى، جاڭا جورىقتا ەكولوگيالىق وركەنيەت قۇرىلىسىن ىلگەرىلەتۋدە ويداعىداي ءبىر جاقتى ەتۋدى قاجەت ەتەتىن كەلەلى قاتىناستاردى تەرەڭدەي ءتۇسىندىردى، كورىكتى جۇڭگو قۇرىلىسىن جاپپاي ىلگەرىلەتۋدەگى ستراتەگيالىق مىندەتتەردى جانە كەلەلى شارالاردى جۇيەلى ورنالاستىردى. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، يدەياسى تەرەڭ، مازمۇنى باي، وتە كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا، باعىتتامالىلىق سيپاتقا يە بولىپ، ەكولوگيالىق ورتانى قورعاۋدى اناعۇرلىم كۇشەيتۋ، ەكولوگيالىق وركەنيەت قۇرىلىسىن ىلگەرىلەتۋ ءۇشىن بەتالىس كورسەتكىشىن جانە ءتۇبىرلى بويسۇنۋ ولشەمىن ازىرلەدى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدىڭ جانە”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدىڭ ماڭىزدى مازمۇنى ەتىپ، ادام مەن تابيعاتتىڭ جاراسىمدى قاتار ءومىر ءسۇرۋىن جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ نەگىزگى جالپى جوباسىنا ەنگىزىپ، ەكولوگيالىق ورتانى قورعاۋدى جان - جاقتى، تۇتاس ءوڭىر، تۇتاس بارىس بويىنشا كۇشەيتتى، بەكىمىنىڭ زور، سەرپىنىنىڭ كۇشتى، ونىمدىلىگىنىڭ مول بولۋى بۇرىن بولماعان دەڭگەيگە كوتەرىلدى. قايسارلىقپەن قۇلشىنۋ ارقىلى ەلىمىزدىڭ ەكولوگيالىق وركەنيەت قۇرىلىسى ءتۇيىندى وڭاۋدان جۇيەلى وڭاۋعا دەيىنگى كەلەلى بۇرىلىستى، ىرىقسىز تۇردە توتەپ بەرۋدەن ىرىقتىلىقپەن ىسكەرلىك كورسەتۋگە دەيىنگى كەلەلى بۇرىلىستى، الەمدىك قورشاعان ورتانى وڭاۋعا قاتىناسۋشىدان باستاۋشىعا دەيىنگى كەلەلى بۇرىلىستى، امالياتتىق ىزدەنىستەن عىلمي نازاريانىڭ جەتەكشىلىگىنە دەيىنگى كەلەلى بۇرىلىستى جۇزەگە اسىردى، ەلىمىزدىڭ اسپانى اناعۇرلىم اشىق، جەرى اناعۇرلىم جاسىل، سۋى اناعۇرلىم تۇنىق بولا ءتۇستى، ۇلان - بايتاق وزەن - تاۋلارى ءتىپتى دە تۇلەجىپ قۇلپىردى. باس شۋجي شي جينپيڭ بىلاي دەپ تەرەڭ اتاپ كورسەتتى:”جاڭا داۋىردەگى ەكولوگيالىق وركەنيەت قۇرىلىسىنىڭ تابىستارى ءدۇنيە ءجۇزىن جالت قاراتىپ، جاڭا داۋىردەگى پارتيا مەن مەملەكەت ىستەرىندە تاريحي تابىسقا قول جەتكىزۋدىڭ، تاريحي وزگەرىس تۋىلۋىنىڭ كورنەكتى بەلگىسىنە اينالدى“.
جاڭا داۋىردەگى ەكولوگيالىق وركەنيەت قۇرىلىسىندا نازاريادان امالياتقا دەيىن تاريحي سيپاتتى، بۇرىلىس سيپاتتى، جالپى جاعداي سيپاتتى وزگەرىستەر تۋىلدى، كورىكتى جۇڭگو قۇرىلىسىندا ماڭىزدى قادام تاستالدى، مۇندا ەڭ ءتۇپ نەگىزى باس شۋجي شي جينپيڭنىڭ جول باستاپ، رول ۇستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، بۇل”ەكىنى تۇراقتاندىرۋدىڭ“ شەشۋشى ءمانىن تولىق ايگىلەدى.”ادام مەن تابيعات تىرشىلىك ورتاق تۇلعاسى. ەكولوگيالىق ورتانىڭ ورنىن ەشتەڭە باسا المايدى، ودان پايدالانىپ وتىرعاندا سەزبەيسىز، قولدان كەتكەننەن كەيىن ورنىن تولتىرۋ قيىن ەكەندىگىن“ اتاپ كورسەتىپ،”ەكولوگيالىق ورتا ماسەلەسى ءتۇبىن قۋعاندا دامۋ ءتاسىلى مەن تۇرمىس ءتاسىلى ماسەلەسى ەكەندىگىن، ەكولوگيالىق ورتا ماسەلەسىن تۇبىرىنەن شەشۋ كەرەكتىگىن، ءسوز جوق، جاڭالىق اشۋ، سايكەسۋ، جاسىل دامۋ، اشىق ۇستاۋ، ورتاق يگىلىكتەنۋ سىندى دامۋ ۇستانىمىن دايەكتىلەندىرۋ كەرەكتىگىن“ باسا دارىپتەدى... باس شۋجي شي جينپيڭ ەكولوگيالىق وركەنيەت قۇرىلىسىنىڭ جاڭا داۋىردەگى جۇڭگوشا سوتسياليزم ىستەرىندەگى ماڭىزدى ورنى مەن ستراتەگيالىق ءمانىن تەرەڭ يگەرىپ، ماركسيزمنىڭ نەگىزگى قاعيدالارىن جۇڭگونىڭ ءىس جۇزىندىگىمەن ءوزارا ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ءوزارا ۇشتاستىرۋعا تاباندى بولىپ، ەكولوگيالىق وركەنيەت نازارياسىندا جاڭالىق اشۋدى، امالياتىندا جاڭالىق اشۋدى، تۇزىمىندە جاڭالىق اشۋدى زور كۇشپەن ىلگەرىلەتىپ، ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، شي جينپيڭنىڭ ەكولوگيالىق وركەنيەت يدەياسىن قالپىتاستىردى. وسى ماڭىزدى يدەيا قانداي ەكولوگيالىق وركەنيەت قۇرۋ، ەكولوگيالىق وركەنيەتتى قالاي قۇرۋ سياقتى كەلەلى نازاريالار مەن امالياتتىق ماسەلەلەرگە جۇيەلى جاۋاپ بەرىپ، پارتيامىزدىڭ ەكولوگيالىق وركەنيەت قۇرىلىسىنىڭ زاڭدىلىعى جونىندەگى تانىمىن جاڭا دەڭگەيگە كوتەردى.
ەكولوگيالىق وركەنيەت قۇرىلىسى − جۇڭحۋا ۇلتىنىڭ باياندى دامۋىنا ساياتىن ءتۇبىرلى ۇلى جوسپار. پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ سىندى ايبىندى جوبانى كەسكىندەپ، 2035 - جىلعا جەتكەندە ”جاسىل ءوندىرىس، تۇرمىس ءتاسىلىن كەڭ كولەمدە قالىپتاستىرىپ، كومىر قىشقىل گازىن شىعارۋدى جوعارى مانگە جەتكىزگەننەن كەيىن ورنىقتىلىق بارىسىندا تومەندەتىپ، ەكولوگيالىق ورتانى تۇبىرىنەن جاقسارتىپ، كورىكتى جۇڭگو نىساناسىن نەگىزىنەن جۇزەگە اسىرۋ“ نىسانا - مىندەتتەرىن العا قويىپ،”جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋدى“ ارقاۋ ەتىپ كەلەلى ورنالاستىرۋ جاسادى. جۇڭگو ۇلگىسىندەگى وسىزامانداندىرۋ ادام مەن تابيعات جاراسىمدى قاتار ءومىر سۇرەتىن وسىزاماندانۋ ەكەنىن، تابيعاتقا قۇرمەت ەتۋ، تابيعاتقا سايكەسۋ، تابيعاتتى قورعاۋ جاپپاي سوتسياليستىك وسىزاماندانعان مەملەكەت قۇرۋدىڭ ىشكى تالابى ەكەنىن جەتە تانۋ كەرەك. سونىمەن بىرگە ەلىمىزدىڭ ەكولوگيالىق ورتانى قورعاۋىنداعى قۇرىلىمدىق سيپاتتى، قاينار سيپاتتى، بەتالىستىق سيپاتتى قىسىم ءالى تۇبەگەيلى باسەڭدەگەن جوق. ەلىمىزدىڭ ەكونوميكالىق، قوعامدىق دامۋى جاسىل، تومەن كومىر قىشقىل گازدى جوعارى ساپالى دامۋ جەدەلدەگەن كەزەڭگە ءوتتى، ەكولوگيالىق وركەنيەت قۇرىلىسى ءالى دە قىسىم قاباتتاسقان، اۋىر مىندەت ارقالاپ العا باسقان شەشۋشى كەزەڭدە تۇر. تەك شي جينپيڭنىڭ ەكولوگيالىق وركەنيەت يدەياسىن جەتەكشى ەتۋگە تاباندى بولىپ، دامۋدى ادام مەن تابيعات جاراسىمدى قاتار ءومىر ءسۇرۋ بيىك تۇرعىسىنان جوسپارلاپ، تابيعات پەن ەكولوگيالىق ورتانى كوزىمىزدى قورعاعانداي قورعاپ، ءوندىرىس دامىعان، تۇرمىس بايىعان، ەكولوگيا تاماشا وركەنيەتتى دامۋ جولىمەن بۇلجىماي جۇرگەندە عانا، جۇڭحۋا ۇلتىنىڭ باياندى دامۋىن جۇزەگە اسىرۋعا بولادى.
باس شۋجي شي جينپيڭ بىلاي دەپ باسا دارىپتەدى: ”الداعى 5 جىل − كورىكتى جۇڭگو قۇرىلىسىنىڭ ماڭىزدى مەزگىلى“. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، جوعارى ساپالى دامۋ مەن جوعارى دەڭگەيدە قورعاۋدىڭ قاتىناسىن، ءتۇيىندى قامال الۋ مەن سايكەستى وڭاۋدىڭ قاتىناسىن، تابيعي قالپىنا كەلتىرۋ مەن جاساندى جولمەن قالپىنا كەلتىرۋدىڭ قاتىناسىن، سىرتقى شەكتەمە مەن ىشكى قوزعاۋشى كۇشتىڭ قاتىناسىن، ”كومىر قىشقىل گازىن شىعارۋدى ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ ۋادەسى مەن دەربەس ارەكەتتىڭ قاتىناسىن دۇرىس ءبىر جاقتى ەتىپ، كورىكتى جۇڭگو قۇرۋدى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ كورنەكتى ورنىنا قويىپ، جوعارى ساپالى ەكولوگيالىق ورتا ارقىلى جوعارى ساپالى دامۋعا تىرەك بولىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى جەدەل ىلگەرىلەتىپ، جاڭا داۋىردەگى ەكولوگيالىق وركەنيەت قۇرىلىسىنىڭ جاڭا تاراۋىن جازۋىمىز كەرەك.
ەكولوگيالىق وركەنيەت قۇرىلىسى قازىر ەڭبەك ءسىڭىرىپ، بولاشاقتا يگىلىگىن كورەتىن ءىس. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىندە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ،”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ،”ءتورت تانىمدى“ كۇشەيتىپ،”ءتورت سەنىمدى“ بەكەمدەپ،”ەكىنى قورعاۋدى“ ورىنداپ، قۇلشىنا كۇرەس جۇرگىزىپ، ۇدەرە العا ىلگەرىلەپ، كورىكتى جۇڭگو قۇرىلىسىن جاپپاي ىلگەرىلەتىپ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى جاپپاي سوتسياليستىك وسىزاماندانعان قۇدىرەتتى مەملەكەت قۇرۋ ءۇشىن قاجىماي - تالماي كۇرەس جۇرگىزەيىك!
(شينحۋا اگەنتتىگىنىڭ 7 - ايدىڭ 19 - كۇنى بەيجيڭنەن بەرگەن حابارى)
