ەگىستىك جەردى قورعاۋدى شىنايى كۇشەيتىپ، ەگىستىك جەر ساپاسىن بار كۇشپەن جوعارىلاتىپ، اۋىل شارۋاشىلىعى ءوندىرىسى كەڭىستىگىن ورنىقتى كەڭەيتۋ كەرەك

　　شي جينپيڭ ورتالىق كوميتەت قازىنا - ەكونوميكا كوميتەتىنىڭ 2 - ءماجىلىسىن باسقارىپ اشقاندا بىلاي دەپ باسا دارىپتەدى

　　ەگىستىك جەردى قورعاۋدى شىنايى كۇشەيتىپ، ەگىستىك جەر ساپاسىن بار كۇشپەن جوعارىلاتىپ، اۋىل شارۋاشىلىعى ءوندىرىسى كەڭىستىگىن ورنىقتى كەڭەيتۋ كەرەك

　　لي چياڭ، ساي چي، ديڭ شۋەشياڭ قاتىناستى

　　شينحۋا اگەنتتىگىنىڭ 7 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق كوميتەت قازىنا - ەكونوميكا كوميتەتىنىڭ مەڭگەرۋشىسى شي جينپيڭ 7 - ايدىڭ 20 - كۇنى تۇستەن كەيىن ورتالىق كوميتەت قازىنا - ەكونوميكا كوميتەتىنىڭ 2 - ءماجىلىسىن باسقارىپ اشىپ، ەگىستىك جەردى قورعاۋدى جانە سورتاڭ جەرلەردى كەشەندى جاڭالاۋدى، پايدالانۋدى كۇشەيتۋ سياقتى ماسەلەلەردى اقىلداستى. شي جينپيڭ ماجىلىستە ماڭىزدى ءسوز سويلەپ، بىلاي دەپ باسا دارىپتەدى: استىق حاۋىپسىزدىگى − ”مەملەكەتتىڭ زور ءىسى“، ەگىستىك جەر − استىق ءوندىرىسىنىڭ جان تامىرى، استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن تياناقتاندىرىپ، ەگىستىك جەردى قورعاۋدى شىنايى كۇشەيتىپ، ەگىستىك جەر ساپاسىن بار كۇشپەن جوعارىلاتىپ، سورتاڭ جەرلەردى كەشەندى پايدالانۋ كومەسكى كۇشىن تولىق اشىپ، اۋىل شارۋاشىلىعى ءوندىرىسى كەڭىستىگىن ورنىقتى كەڭەيتىپ، اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق كوميتەت قازىنا - ەكونوميكا كوميتەتىنىڭ ورىنباسار مەڭگەرۋشىسى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت قازىنا - ەكونوميكا كوميتەتىنىڭ مۇشەسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىق كوميتەت قازىنا - ەكونوميكا كوميتەتىنىڭ مۇشەسى ديڭ شۋەشياڭ ماجىلىسكە قاتىناستى.

　　ءماجىلىس جاراتىلىستىق بايلىق مينيسترلىگىنىڭ، اۋىل شارۋاشىلىعى، اۋىل - قىستاق مينيسترلىگىنىڭ، ورتالىق كوميتەت قازىنا - ەكونوميكا كوميتەتى كەڭسەسىنىڭ (ورتالىق كوميتەت اۋىل - قىستاق قىزمەتىنە باسشىلىق ەتۋ گرۋپپاسى كەڭسەسى)، مەملەكەتتىك دامۋ جانە رەفورما كوميتەتىنىڭ ەگىستىك جەردى قورعاۋدى جانە سورتاڭ جەرلەردى كەشەندى جاڭالاۋدى، پايدالانۋدى كۇشەيتۋ جونىندەگى مالىمەتىن تىڭدادى.

　　ءماجىلىس مىنالاردى اتاپ كورسەتتى: پارتيامىز ەگىستىك جەردى قورعاۋ ماسەلەسىنە باستان - اياق وسكەلەڭ ءمان بەرىپ كەلەدى، پارتيا 18 - قۇرىلتايىنان بەرى پارتيا ورتالىق كوميتەتى ءبىر قىدىرۋ قاتاڭ شارالاردى ىلگەرىندى - كەيىندى اتقارىپ، ەگىستىك جەر قىزىل سىزىعىن ساقتاپ، ەگىستىك جەر جالپى مولشەرىنىڭ ءۇرتىس تومەندەۋ جاعدايىن العاشقى قادامدا تىزگىندەدى. سونىمەن بىرگە مىنانى سەرگەكتىكپەن تانىپ جەتۋىمىز كەرەك: ەلىمىزدە ادام كوپ، جەر از بولۋداي مەملەكەت جاعدايى وزگەرمەدى، ەگىستىك جەردى ”استىق ەگۋدەن باسقاعا پايدالانۋ“، ”اۋىل شارۋاشىلىعىنان باسقاعا پايدالانۋ“ ماسەلەسى ءالى دە كورنەكتى، ەگىستىك جەر قىزىل سىزىعىن ساقتاۋ نەگىزى ءالى دە بەكەم ەمەس، ەگىنجاي، سۋ يگىلىگى جاقتارىنداعى بەرەشەك ءالى وتە كوپ. جاڭا داۋىردەگى جاڭا جورىقتا ەگىستىك جەردى قورعاۋ مىندەتى جەڭىلدەگەن جوق، قايتا اناعۇرلىم جاپالى بولا تۇسۋدە. ءسوز جوق، ماسەلەنى باعدار ەتۋگە، نىسانانى باعدار ەتۋگە تاباندى بولىپ، زاڭدىلىققا قۇرمەت ەتىپ، جاعدايعا ساي ءتيىمدى جاققا جەتەكتەپ، جەرگىلىكتى جاعدايعا قاراي ىستەپ، ۇزدىكسىز قاجىماي كۇش سالىپ، ەگىستىك جەردى قورعاۋدى ونان ارى كۇشەيتۋ كەرەك.

　　ءماجىلىس مىنالاردى باسا دارىپتەدى: ەگىستىك جەردى قورعاۋ − جۇيەلى ينجەنەريا، سان مەن ساپاعا تەڭ ءمان بەرۋ، زاڭدى قاتاڭ اتقارۋ، جۇيەلى ىلگەرىلەتۋ، ۇزدىكسىز پايدالانۋ سياقتى كەلەلى تالاپتاردى كورنەكتى ويداعىداي يگەرۋ، قاتاڭ ناقتى تاسىلدەردى ونان ارى قولدانۋ كەرەك. ەگىستىك جەردى قورعاۋ جاۋاپكەرشىلىگىن ناقتىلاندىرىپ، جاڭا كەزەكتى مەملەكەت جەرى كەڭىستىگى جوباسىندا ايقىندالعان ەگىستىك جەر مەن ماڭگىلىك نەگىزگى ەگىنجايلاردى قورعاۋ مىندەتىن تياناقتاندىرىپ، ءبىر ميلليارد 800 ميلليون مۋلىق ەگىستىك جەر قىزىل سىزىعىنان استە اتتاماۋعا شىنايى كەپىلدىك ەتۋ كەرەك. ەگىستىك جەر ساپاسىن بار كۇشپەن جوعارىلاتىپ، ەگىستىك جەردى، اسىرەسە، ماڭگىلىك نەگىزگى ەگىنجايلاردى ەگىستىككە ۇيلەسەتىن، قۋاڭشىلىقتا دا، سۋ باسقاندا دا ءتۇسىمى كەمىمەيتىن، مول، ورنىقتى ءونىم الۋعا بولاتىن وسىزاماندانعان قۇنارلى اتىز ەتىپ شىن مانىندە قۇرىپ شىعۋ كەرەك. ەگىستىك جەردى يەلەۋ مەن تولىقتاۋدى تەڭگەرۋ تۇزىمىنە رەفورما جاساپ جانە ونى كەمەلدەندىرىپ، ءتۇرلى ەگىستىك جەردى يەمدەنۋدى يەلەۋ مەن تولىقتاۋدى تەڭگەرۋ باسقارۋىنا ءبىر تۇتاس ەنگىزىپ، ”تولىقتاۋ ارقىلى يەمدەنۋدى بەلگىلەۋگە“ تاباندى بولىپ، تولىقتانعان ەگىستىك جەر ساپاسىن تەكسەرىپ وتكىزىپ الۋ ءتۇزىمىن اقاۋسىزداندىرۋ كەرەك. شارۋالار مەن جەرگىلىكتى ۇكىمەتتەردىڭ ەگىستىك جەردى قورعاۋ، استىق ەگۋ، استىقتى يگەرۋ بەلسەندىلىگىن جۇمىلدىرىپ، استىق ەگەتىن شارۋالاردىڭ تابىسىن قامتاماسىز ەتۋ مەحانيزمىن ورناتىپ، كوپ ءتۇرلى فورماداعى ۇيلەسىمدى كولەمدەگى شارۋاشىلىقتى دامىتىپ، استىق وندىرەتىن نەگىزگى وڭىرلەردىڭ مۇددە تولەمى مەحانيزمىن ورناتىپ، استىق وندىرەتىن نەگىزگى وڭىرلەردىڭ، نەگىزگى ساتۋ وڭىرلەرىنىڭ، ءوندىرۋ مەن ساتۋ تەڭگەرىلگەن وڭىرلەردىڭ ەگىستىك جەردى قورعاۋ بىرىككەن كۇشىن قالىپتاستىرۋ كەرەك. بوس تۇرعان جەرلەردى جونگە سالۋدى كۇشەيتىپ، جاي - جاپسارىن انىق ءبىلىپ، تۇرگە ايىرىپ ىلگەرىلەتىپ، جەرگىلىكتى جاعدايعا قاراي بوس تۇرعان جەرلەرگە ويداعىداي ەگىن ەگۋ جانە ودان ويداعىداي پايدالانۋ كەرەك. داستۇرگە جاتپايتىن ءتۇرلى ەگىستىك جەر بايلىعىن بەلسەنە اشىپ، عىلىم - تەحنيكالىق زەرتتەۋ - اشۋدى جانە وندىرىستىك قارجى قوسۋدى كۇشەيتىپ، ءونىمدى دامۋ ۇلگىسى جونىندە ىزدەنىس جاساپ، ەلىمىزدىڭ ءداستۇرلى ەگىستىك جەرى تاپشى بولۋ سىندى جاراتىلىستىق شارت - جاعداي شەكتەمەسىن تالقانداۋ كەرەك. ەگىستىك جەردى بەلگىلەمەگە قايشى يەمدەنۋگە قاراتا رەتتەۋ - تۇزەتۋ جۇرگىزىپ، ەگىستىك جەردى قالپىنا كەلتىرۋدە شىندىقتى ءىس جۇزىنەن ىزدەپ، زاڭدىلىققا قۇرمەت ەتىپ، شارۋالاردىڭ مۇددەسىن قورعاپ، ۇگىتتەۋدى، ءتۇسىندىرۋدى كۇشەيتىپ، ۇيلەسىمدى وتپەلى مەزگىل قالدىرىپ، ءتارتىپ بويىنشا بىرتىندەپ ىلگەرىلەتۋ كەرەك.

　　ءماجىلىس مىنالاردى اتاپ كورسەتتى: سورتاڭ جەرلەردى كەشەندى جاڭالاۋ، پايدالانۋ − ەگىستىك جەردى قورعاۋ مەن قۇنارلاندىرۋدىڭ ماڭىزدى جاعى، ەلىمىزدە سورتاڭ جەرلەر كوپ، ءبىر ءبولىم وڭىرلەردە ەگىستىك جەرلەردىڭ سورتاڭدانۋ جاعدايى اۋىرلاسۋدا، سورتاڭ جەرلەردى كەشەندى جاڭالاۋدىڭ، پايدالانۋدىڭ ءمانى زور. سورتاڭ جەرلەردى كەشەندى پايدالانۋ كومەسكى كۇشىن تولىق اشىپ، قازىرگى سورتاڭ ەگىستىك جەرلەردى جاڭالاپ، دارەجەسىن كوتەرۋدى كۇشەيتىپ، ەگىستىك جەرلەردىڭ سورتاڭدانۋ جاعدايىن ءونىمدى تەجەپ، سورتاڭ جەر ەرەكشە اۋىل شارۋاشىلىعى ءىرى جۇمىسىن ويداعىداي ىستەۋ كەرەك. سورتاڭ جەر بايلىق احۋالىن جالپى بەتتىك تولىق انىقتاپ، سورتاڭ جەرلەردى كەشەندى پايدالانۋ جالپى تۇلعالىق جوباسى مەن ارناۋلى اتقارۋ جوباسىن اقىلداسىپ جاساپ، وڭىرگە، تۇرگە ايىرا وتىرىپ سورتاڭ ەگىستىك جەرلەردى وڭاپ، قۇنارلاندىرىپ، سورتاڭ جەردەن جەرگىلىكتى جاعدايعا قاراي پايدالانىپ، ءتۇرلى سورتاڭ جەر بايلىعىنان ازىق - تۇلىك الىپ، ”ەگۋگە ۇيلەسەتىن جەر“ مەن ”جەرگە ۇيلەسەتىن ەگىنشىلىكتى“ ءوزارا ۇشتاستىرىپ، سورعا ءتوزىمدى ەرەكشە سورتتاردى جەدەل جەتىلدىرىپ، سورتاڭ جەرلەردى وڭاۋدىڭ، قۇنارلاندىرۋدىڭ ءونىمدى ءادىسىن بارىنشا جالپىلاستىرىپ، سۋ قاينارى، قارجى سياقتى فاكتورلاردى قامتاماسىز ەتۋدى كۇشەيتۋ كەرەك.

　　ءماجىلىس «سورتاڭ جەرلەردى كەشەندى پايدالانۋدى ىلگەرىلەتۋ جونىندەگى جەتەكشى پىكىردى» قاراپ ماقۇلدادى.

　　ءماجىلىس باسقا دا ىستەردى اقىلداستى.

　　ورتالىق كوميتەت قازىنا - ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.