شي جينپيڭ بۇكىل ارميانىڭ پارتيا قۇرىلىسى ماجىلىسىنە ماڭىزدى نۇسقاۋ بەرىپ بىلاي دەپ باسا دارىپتەدى
ارميامىزدىڭ پارتيا باسشىلىعى جانە پارتيا قۇرىلىسى قىزمەتىندە جاڭا جاعداي اشىپ، ارميا قۇرىلعاندىعىنىڭ 100 جىلدىعى كۇرەس نىسانىن جۇزەگە اسىرۋعا پارمەندى ساياسي كەپىلدىك ازىرلەۋ كەرەك
شينحۋا اگەنتتىگىنىڭ 7 - ايدىڭ 21 - كۇنى بەيجيڭنەن بەرگەن حابارى (ءتىلشى مەي چاڭۋي). بۇكىل ارميانىڭ پارتيا قۇرىلىسى ءماجىلىسى 7 - ايدىڭ 20 - كۇنىنەن 21 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەردى. ول بىلاي دەپ باسا دارىپتەدى: وسى رەتكى بۇكىل ارميانىڭ پارتيا قۇرىلىسى ءماجىلىسىن ويداعىداي اشۋ پارتيا 18 - قۇرىلتايىنان بەرى ارميامىزدىڭ پارتيا باسشىلىعى مەن پارتيا قۇرىلىسىن كۇشەيتۋ جەتىستىكتەرىن بەكەمدەۋ، جاڭا ءداۋىردىڭ جاڭا جورىعىندا ارميامىزدىڭ پارتيا باسشىلىعى جانە پارتيا قۇرىلىسى قىزمەتىندە جاڭا جاعداي اشۋ جونىنەن كەلەلى ءمان الادى. پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، مەملەكەتتىك ۇيىمداستىرۋ قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، پارتيا 18 - قۇرىلتايىنان، اسىرەسە، گۋتيانداعى بۇكىل ارميانىڭ ساياسي قىزمەتى ماجىلىسىنەن بەرگى ارميامىزدىڭ پارتيا قۇرىلىسىندا قول جەتكىزگەن تاريحي سيپاتتى تابىستارى مەن ماڭىزدى تاجىريبەلەرىن مۇقيات قورىتىندىلاپ، پارتيانى جاپپاي قاتاڭ باسقارۋدى، ارميانى جاپپاي قاتاڭ باسقارۋدى ءۇرتىس ىلگەرىلەتىپ، ءار دارەجەلى پارتيا ۇيىمدارىنىڭ پارتيانىڭ ارمياعا شارتسىز باسشىلىعىنا تاباندى بولۋ، سوعىس دايىندىعى، سوعىس جۇرگىزۋ قۋاتىن يگەرۋ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن تياناقتاندىرۋ سياقتى جاقتاردا ورىن تەۋىپ وتىرعان كورنەكتى ماسەلەلەردى كۇش سالا شەشىپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋعا پارمەندى ساياسي كەپىلدىك ازىرلەۋ كەرەك.
ءماجىلىس ءتوراعا شي جينپيڭنىڭ ماڭىزدى نۇسقاۋىن جەتكىزدى، ۇيرەندى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى حى ۋيدۇڭ ماجىلىسكە قاتىناستى ءارى ءسوز سويلەپ، مىنالاردى تالاپ ەتتى: ءتوراعا شي جينپيڭنىڭ ارميامىزدىڭ پارتيا قۇرىلىسىنا جەتەكشىلىك ەتىپ قول جەتكىزگەن تاريحي سيپاتتى تابىستارىن تولىق تانىپ، ءتوراعا شي جينپيڭنىڭ ارميامىزدىڭ پارتيا باسشىلىعى جانە پارتيا قۇرىلىسى جونىندەگى ماڭىزدى بايىمداۋلارىن مۇقيات ۇيرەنىپ، ءتۇسىنىپ، ارميا قۇرىلعاندىعىنىڭ 100 جىلدىعى كۇرەس نىساناسىن كوزدەي وتىرىپ، ارميامىزدىڭ پارتيا قۇرىلىسىن جاپپاي كۇشەيتىپ، ”ەكىنى تۇراقتاندىرۋدى“ باتىل قولداۋدىڭ يدەيالىق - ساياسي نەگىزىن بەكەمدەپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن جاپپاي ىشكەرىلەي دايەكتىلەندىرىپ، سوعىس دايىندىعى، سوعىس جۇرگىزۋ قۋاتىن جوعارىلاتاتىن قۋاتتى كۇشتى توپتاپ، جوعارى جىكتى يگەرۋگە، نەگىزگى ساتىنى كۇشەيتۋگە ءمان بەرىپ، ۇيىمدىق جۇيەنى جاپپاي بەكەمدەپ، بۇلجىماي ءۇرتىس ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ارميامىزدىڭ پارتيا باسشىلىعى جانە پارتيا قۇرىلىسى قىزمەتىنىڭ ساپاسىن ۇزدىكسىز جوعارىلاتۋ كەرەك.
ءماجىلىس قاتىستى ماسەلەلەردى تالقىلادى، 15 ورىن پىكىر اۋىستىرىپ ءسوز سويلەدى.
ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين ماجىلىسكە قاتىناستى. اسكەري ىستەر كوميتەتى ورگانىنىڭ ءارقايسى تاراۋ - كوميتەتىندەگى، اسكەري ىستەر كوميتەتىنە توتە قاراستى ءارقايسى قۇرىلىمداعى، اسكەري ىستەر كوميتەتىنىڭ بىرلەسكەن قولباسشىلىق ورتالىعىنداعى، ءارقايسى سوعىس رايونىنداعى، ءارقايسى ارميا تۇرىندەگى، اسكەري ىستەر كوميتەتىنە توتە قاراستى ءارقايسى ورىنداعى، قارۋلى ساقشى بولىمدەرىندەگى قاتىستى جاۋاپتى جولداستار قاتارلىلار ماجىلىسكە قاتىناستى.
